SAM 6
6
Hla Hruaitu tân; ṭingṭang chi hrang hranga sak mi, Sheminith-a sak tûr. Davida Fakna Hla.
Mangan laia ṭanpui dîlna
1Aw Lalpa, thinurin
mi zilhhau suh la,
Thinrimin mi thunun
hek suh ang che.#Sam 38.1
2Aw Lalpa, mi khawngaih
ang che, a chau zo ta si a;
Aw Lalpa, mi tidam ang che,
ka ruhte hi a na vek si a.
3Ka nunna pawh a mangang
êm êm bawk a ni;
Aw Lalpa,
nangin eng chen nge
mi thlahthlam dâwn le aw?
4Aw Lalpa, lo kîr leh la,
ka nunna chhan him la;
I ngilneihna avângin
mi chhandam ang che.
5Thih hnu chuan nangmah
hriat rengna a awm si lo va;
Seol-ah tuin nge lâwmthu
hrilh dâwn che?
6Ka rûmna lamah ka chau ta;
Zan tin ka mutna chu mittuiin
a huh a;
Ka khum chu ka mittuiin
ka tihuh ṭhîn.
7Hmuh pawh ka hmu thei ta lo;
Hmêlma avângin ka ṭap a,
ka mit pawh a thim zo ta.
8Nangni thil tisualtu zawng
zawngte u, mi kalsan
vek rawh u;
Lalpan ka ṭap thâwm a hre tawh si a,#Mt 7.23; Lk 13.27
9 Lalpan khawngaih ka dîlna chu
a ngaithla tawh a;
Lalpan ka ṭawngṭaina chu
a lâwm ang.
10Mi dotute zawng zawng chu
an mualphovin an mangang
êm êm ang a;
An kîr leh ang a,
Vawi leh khatah an la
mualpho thut ang.
Currently Selected:
SAM 6: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
