मर्कुस 2
2
ये़सुरे़ लायोलाम् ले़प्मि आबिॽ
(मत्ति ९:१-८; लुका ५:१७-२६)
1थिक्ये़न् निये़न् एगाङ् ये़सुन् कपर्नहुम पाङ्जुम्मो नुःक्खे़ त्ये़॥ हे़क्क्याङ् खुने़ॽ हिम्मो वाॽ के़लॽबा इङ्घङ्ङिन् से़रे़रो॥ 2यरिक् मनाहाॽ खे़न् हिम्मो हत्मे़न्हत् लाम्धेःप्पुङ्नु लक्खुम्मो थारिक् मे़जुप्से़आङ् ये़सुरे़ खे़ङ्हाॽ सुनाइङ् इङ्भन् चोगुसिरो॥ 3हे़क्क्याङ् खे़प्मो लिसि मनाहाॽरे़ लङ्ले़ःङ्वा मनाधिक् मे़गुयुआङ् मे़दारु, 4कर खे़न् हिम्मो यरिक् मनाहाॽरे़ सधे़क् मे़धिम्सुआङ् मे़युङे़बाल्ले़ चोगुल्ले़ खे़ङ्हाॽरे़ खे़न् लङ्ले़ःङ्वान् ये़सुरे़ कुदगि तेॽमा मे़न्छुक्तुन्॥ हे़क्केःल्ले़ खे़न् मनाहाॽरे़ थो खाम्बुओ#२:४ खाम्बु—इस्राइलओ यरिक्तङ्बा हिम्हाॽओ ले़प्पे़त्ता खाम्बु पत्छे़॥ हे़क्क्याङ् हिम् लाःक्कात् ले़प्माङ् खाम्बु थारिक् के़गे़प्पा थरेॽ मे़भत्छुबालाम् युःन्छिक् सुसु के़लॽबा सुरित् चाःन्छिङ्से़ मनाहाॽ खाम्बुओ मे़बेआङ् मे़युङे़॥ मे़लासे़आङ् खाम्बुःन् मे़हन्दु॥ हे़क्क्याङ् खे़न् लङ्ले़ःङ्वान् कुने़त्नाःन्नुए ये़सुरे़ कुदगि यो मे़धासु॥ 5खे़ङ्हाॽरे़ खे़न् के़दुक्पे़न् वेःप्मा सुक् के़लॽबा नसान् मे़गत्तुबा ये़सुरे़ निसुआङ् लङ्ले़ःङ्वान् मे़त्तु, “आस्साए, खे़ने़ॽ के़लायोहाॽ ले़प्मि पोःक्खे़रो॥” 6आल्ल खे़प्मो के़युङ्बा साम्योथिम्साम्बाहाॽ निङ्वाॽ मे़इःत्छिङ्, 7“मेःन्, कन् मनाःल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्ने पाःत्तुॽरो! निङ्वाॽफुमाङ्ङिन्नुःल्ले़ वेॽ हाःत्ले़आङ् मे़न्छाम्गे़न् याप्मिरे़न् लायोन् ले़प्मि पिमा मे़सुक्तुन्लो॥” 8ये़सुरे़ खे़ङ्हाॽरे़ खुनिॽ निङ्वाॽबो थे मे़इःत्तुर मे़युङ् के़लॽबान् निसुआङ् खे़ङ्हाॽ मे़त्तुसि, “थेआङ् हे़क्केलॽरिक् खिनिॽ के़इःत्तुम्बाबे? 9कन् लङ्ले़ःङ्वान् ‘के़लायोहाॽ ले़प्मि पोःक्खे़’ मे़प्मा उसुरु चोःक्पि? इ ‘पोगे़ॽआङ् के़ने़त्नान् खप्से़ॽआङ् थासिङ्ङे़ॽ’ मे़प्मा उसुरु चोःक्पि? 10कर इङ्गाॽ मे़न्छाम्साःल्ले़ इक्सादिङ् खाम्बेःक्मो लायोहाॽ ले़प्मि पिमा युक् कत्तुङ् फाॽआङ् ओसेःन्धाक्निङ्लो॥” हे़क्केःल्ले़ ये़सुरे़ खे़न् लङ्ले़ःङ्वान् मे़त्तु, 11“आल्ल पोगे़ॽ! के़ने़त्नान् याङ्सिङ्ङे़ॽआङ् के़हिम्मो थासिङ्ङे़ॽ॥” 12खिमो खे़न् मुत्थ्रिक् पोगे़आङ् कुने़त्नान् याङ्सिङ् हे़क्क्याङ् मनाहाॽरे़ खुनिॽ तगिए लःन्दे़ पेरो॥ खे़न् मनाहाॽरे़ मे़निसुआङ् साॽरिक् खुनिॽ निङ्वाॽ मये़॥ निङ्वाॽफुमाङ्ङिन् अक्खे मे़मे़त्तुर कुनारा मे़भोसु, “अक्तङ्बाग आनिगे आप्फाल्ले़आङ् मे़न्निए वयिगे़रो॥”
ये़सुरे़ ले़बिन् उःत्तुॽ
(मत्ति ९:९-१३; लुका ५:२७-३२)
13याम्मो ये़सुन् वरक्किल्ले़ कुयाओ पे॥ यरिक् मनाहाॽरे़ खुने़ॽ मे़दिम्दुआङ् ये़सुरे़ खे़ङ्हाॽ खाहुन् हुॽरुसि॥ 14हे़क्क्याङ् ये़सुन् पेर पत्छे़ल्ले़ अल्फायसरे़ कुस्सा ले़बिन् एःङ्याङ् फोङ्मा ते़न्नो युङे़बा निसुआङ् मे़त्तु, “इङ्गाॽ तिम्दाङ्ङे़ॽओ॥” खे़न् मुत्थ्रिक् पोगे़आङ् खुने़ॽनु थासिङ्लो॥ 15याङ्सि ले़बिःल्ले़ कुहिम्मो ये़सुन् नु कुहुॽसाम्बाहाॽ चाजासे़ उःत्तुसि, यरिक् एःङ्याङ् के़भोङ्बाहाॽ#२:१५ एःङ्याङ् के़भोङ्बाहाॽ—यहुदिहाॽरे़ एःङ्याङ् के़भोङ्बाहाॽ मे़जिःत्तुसि, थेआङ्भे़ल्ले़ खे़ङ्हाॽरे़ रोमि हाङ्जुम्रे़ लागि याःम्बक् मे़जोगु॥ एःङ्याङ् के़भोङ्बाहाॽरे़ मनाहाॽलाम् रोमिहाॽरे़ फोङ्मा मे़बाङ्घुसिबा याङ्नुःल्ले़ यरिक् मे़भोःक्खु हे़क्क्याङ् के़नम्बे़न् आबाङे खुनिॽ लागि मे़युक्खु॥ नु वेॽसमा लायोबाहाॽ ये़सुन् नु सोरिक् चामे़जर मे़युङे़ (थेआङ्भे़ल्ले़ खे़न् हे़क्तङ्बा यरिक् मनाहाॽरे़ ये़सुन् मे़दिम्दुर मे़वये़)॥ 16हे़क्केःल्ले़ खे़प्मो फरिसि#२:१६ फरिसिहाॽ—खे़ङ्हाॽ लत्छा यहुदि साम्यो लुप्पोबा मनाहाॽ मे़वये़॥ खे़ङ्हाॽरे़ साॽरिक् नुःरिक्काङ् यहुदि साम्योथिम्मिन् हे़क्क्याङ् वेॽ यरिक् यहुदि थिम्हाॽ नु साक्थिम्हाॽ मे़नाःत्तु॥ लुप्पोबा साम्योथिम्साम्बाहाॽ मे़द्ये़आङ् ये़सुन् एःङ्याङ् के़भोङ्बाहाॽ हे़क्क्याङ् लायोबाहाॽनु#२:१६ लायोबाहाॽ—कन् मनाहाॽ फरिसिहाॽरे़ कुत्चाॽसाङ् लायोबासि फाॽआङ् मे़मे़त्तुसिआङ् वये़, थेआङ्भे़ल्ले़ खे़ङ्हाॽरे़ फरिसिहाॽरे़ खुनिॽ थिम्हाॽ मे़न्इःत्तुन् मे़न्नाःत्तुन्लो॥ सोरिक् चाजानु युङे़बा मे़निसुआङ् याम्मो खे़ङ्हाॽरे़ ये़सुरे़ कुहुॽसाम्बाहाॽ मे़मे़त्तुसि, “एःङ्याङ् के़भोङ्बाहाॽ हे़क्क्याङ् लायोबाहाॽनु खुने़ॽ थेआङ् चाजाबाबे?” 17ये़सुरे़ खे़ङ्हाॽरे़ खुनिॽ पाःन्निन् खे़प्सुआङ् नोगप् पिरुसि, “सिदाॽसाम्बे़ङ्ग मे़न्दुक्मनाहाॽरे़ लागि मेःन्, कर के़दुक्पाहाॽरे़ लागिरो॥ खे़न् हे़क्के इङ्गाॽआङ् साम्योबाहाॽरे़ लागि मेःन्, कर लायोबाहाॽ लायोलाम् मे़नुःङ्ङाङ् ताङ्मे़से़ःप्ल फाॽआङ् त्याङ्बारो॥”
तःक्ने़त्तिल्ले़ कुयाःम्बेओ
(मत्ति ९:१४-१७; लुका ५:३३-३९)
18आल्ल बप्तिस्मा के़बिबा युहुन्ना नु फरिसिहाॽरे़ खुनिॽ हुॽसाम्बाहाॽ चाने़त्तो मे़युङे़आङ् मे़वये़॥ थिक्ये़न् मनाहाॽ मे़द्ये़आङ् ये़सुन् सेःन्मे़लाप्तु, “फरिसिहाॽ नु बप्तिस्मा के़बिबा युहुन्नाःल्ले़ खुनिॽ हुॽसाम्बाहाॽग चाने़त्तो मे़युङ्, कर खे़ने़ॽ के़हुॽसाम्बाहाॽ थेआङ् चाने़त्तो मे़न्युङ्ने़न्बाबे?” 19ये़सुरे़ खे़ङ्हाॽ मे़त्तुसि, “मेःक्खिम्साबे़न् कुन्जुम्हाॽनु वाॽर थारिक् खे़ङ्हाॽ चाने़त्तो मे़युङ् फाॽआङ् के़इःत्तुम्बि? मेःन्लो, मेःक्खिम्साबे़न् वाॽर थारिक् खे़ङ्हाॽ आप्फाल्ले़आङ् चाने़त्तो मे़न्युङ्ने़न्, 20कर खे़ङ्हाॽलाम् मेःक्खिम्साबे़न् साक्के़ल्ले़क् मे़दे़म्सुआङ् मे़देॽरुल्ले़ खे़ङ्हाॽ चाने़त्तो मे़युङ्लो॥ 21आत्तिल्ले़आङ् कुसङ् चिरिक्किल्ले़ कुद्रे़क् चाङ्ङिन् मे़ले़म्दुन्लो, ले़म्दुने़ फाॽग्र खे़न् किङ्ङाङ् आल्लसाङ् यम्बा थे़ःक्खुदेसुॽरो॥ 22आत्तिल्ले़आङ् कुसङ् चे़ल्ले़क्सेॽ थिःन्#२:२२ खे़न् लाजेॽओ चे़ल्ले़क्सेॽलाम् (अङ्गुर) थिः मे़जोगु, हे़क्क्याङ् के़रे़क्ले़ मे़धुङु॥ कुद्रे़क् से़होबा सुक्वाओ#२:२२ उन्छेःन् खे़ङ्हाॽरे़ च्वाःत्, थिः, सेजःङ्वा से़होबा सुःक्वाओ मे़याक्तुआङ् मे़बक्खु॥ मे़युक्खुन्॥ युक्खुने़ फाॽग्र कुसङ् चे़ल्ले़क्सेॽ थिःल्ले़ कुद्रे़क् से़होबा सुक्वान् थे़ःक्खुदेःसुॽरो॥ हे़क्क्याङ् थिन् वे़त् पेःक्काङ् ने़प्माङ् चासोक्लो॥ कर कुसङ् चे़ल्ले़क्सेॽ थिन् कुसङ् से़होबा सुःक्वाओए याक्मा पोङ्लो॥”
नाःम्सिङ् ये़न्निल्ले़ कुन्दाङ्बा
(मत्ति १२:१-८; लुका ६:१-५)
23थिक्ले़ङ् नाःम्सिङ्मा ये़न्नो ये़सुन् नु कुहुॽसाम्बाहाॽ प्याङ्सिगे़न् इक्ताप्लुम्मोनु मे़बेर मे़बत्छे़ल्ले़ कुहुॽसाम्बाहाॽरे़ नुक्मा चामा फाॽआङ् सिःदाप्माहाॽ तुप्मा मे़हेःक्तु॥#२:२३ खे़न् ये़म्मोबा यहुदि थिम्मो इक्ताप्पो लाङ्मे़घेःगे़ल्ले़ लाम्मो के़युङ्बा सिङ्सेहाॽ, चाहाॽ तुप्माआङ् चामा मे़घोसु, कर सुःक्वाओ याक्माआङ् तेॽमा खोमे़न्दे़प्मनाबा वये़॥ कर नाःम्सिङ् ये़न्नो हे़क्केआङ् चोःक्मा सुक्मे़न्दे़प्मना वये़रो॥ 24हे़क्केःल्ले़ फरिसिहाॽरे़ खुने़ॽ मे़मे़त्तु, “ओमे़त्ते़ॽ, थेआङ् नाःम्सिङ् ये़न्नो चोःक्मा मे़न्नुॽमनाबा याःम्बक्किन् मे़जोगुबाबे?” 25ये़सुरे़ खे़ङ्हाॽ नोगप् पिरुसि, “साम्योसाप्लान् खिनिॽ मे़न्निःत्ते के़वयिॽबि? दाउद हाङ्ङिन् नु कुमनाहाॽरे़ खुनिॽ से़त्लाःक्ते़ल्ले़ 26दाउदे़न् निङ्वाॽफु साःङ्गाहिम्मो लासे़आङ् निङ्वाॽफुमाङ्ङो तोःम्मनाबा सेसे खरे़ःङ्ङिन् चआङ् याम्मो कुमनाहाॽआङ् पिरुसि (खे़न् ये़म्मो अबियाथारे़न् मानिङ्वाॽफुसाम्बा वये़)॥ खे़ङ्ग आनिॽ साम्योथिम् कुइसिक् निङ्वाॽफुसाम्बाहाॽरे़रक् चामा के़नुॽबा वये़रो॥” 27हे़क्क्याङ् ये़सुरे़ अक्खे पाःत्तुर पान् नुप्सु, “नाःम्सिङ् ये़न्निन् मे़न्छाम्गे़न् याप्मि नुॽमा तामारे़ लागि चोगे़बारो, कर कन् मे़न्छाम्गे़न् याप्मिन् नाःम्सिङ् ये़न्निल्ले़ लागि चोगे़बा मेःन्लो॥ 28हे़क्केःल्ले़ इङ्गाॽ मे़न्छाम्साःङ्ग नाःम्सिङ् ये़न्निल्ले़न्नाङ् कुन्दाङ्बाआॽरो॥”
Currently Selected:
मर्कुस 2: LIF
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.
मर्कुस 2
2
ये़सुरे़ लायोलाम् ले़प्मि आबिॽ
(मत्ति ९:१-८; लुका ५:१७-२६)
1थिक्ये़न् निये़न् एगाङ् ये़सुन् कपर्नहुम पाङ्जुम्मो नुःक्खे़ त्ये़॥ हे़क्क्याङ् खुने़ॽ हिम्मो वाॽ के़लॽबा इङ्घङ्ङिन् से़रे़रो॥ 2यरिक् मनाहाॽ खे़न् हिम्मो हत्मे़न्हत् लाम्धेःप्पुङ्नु लक्खुम्मो थारिक् मे़जुप्से़आङ् ये़सुरे़ खे़ङ्हाॽ सुनाइङ् इङ्भन् चोगुसिरो॥ 3हे़क्क्याङ् खे़प्मो लिसि मनाहाॽरे़ लङ्ले़ःङ्वा मनाधिक् मे़गुयुआङ् मे़दारु, 4कर खे़न् हिम्मो यरिक् मनाहाॽरे़ सधे़क् मे़धिम्सुआङ् मे़युङे़बाल्ले़ चोगुल्ले़ खे़ङ्हाॽरे़ खे़न् लङ्ले़ःङ्वान् ये़सुरे़ कुदगि तेॽमा मे़न्छुक्तुन्॥ हे़क्केःल्ले़ खे़न् मनाहाॽरे़ थो खाम्बुओ#२:४ खाम्बु—इस्राइलओ यरिक्तङ्बा हिम्हाॽओ ले़प्पे़त्ता खाम्बु पत्छे़॥ हे़क्क्याङ् हिम् लाःक्कात् ले़प्माङ् खाम्बु थारिक् के़गे़प्पा थरेॽ मे़भत्छुबालाम् युःन्छिक् सुसु के़लॽबा सुरित् चाःन्छिङ्से़ मनाहाॽ खाम्बुओ मे़बेआङ् मे़युङे़॥ मे़लासे़आङ् खाम्बुःन् मे़हन्दु॥ हे़क्क्याङ् खे़न् लङ्ले़ःङ्वान् कुने़त्नाःन्नुए ये़सुरे़ कुदगि यो मे़धासु॥ 5खे़ङ्हाॽरे़ खे़न् के़दुक्पे़न् वेःप्मा सुक् के़लॽबा नसान् मे़गत्तुबा ये़सुरे़ निसुआङ् लङ्ले़ःङ्वान् मे़त्तु, “आस्साए, खे़ने़ॽ के़लायोहाॽ ले़प्मि पोःक्खे़रो॥” 6आल्ल खे़प्मो के़युङ्बा साम्योथिम्साम्बाहाॽ निङ्वाॽ मे़इःत्छिङ्, 7“मेःन्, कन् मनाःल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्ने पाःत्तुॽरो! निङ्वाॽफुमाङ्ङिन्नुःल्ले़ वेॽ हाःत्ले़आङ् मे़न्छाम्गे़न् याप्मिरे़न् लायोन् ले़प्मि पिमा मे़सुक्तुन्लो॥” 8ये़सुरे़ खे़ङ्हाॽरे़ खुनिॽ निङ्वाॽबो थे मे़इःत्तुर मे़युङ् के़लॽबान् निसुआङ् खे़ङ्हाॽ मे़त्तुसि, “थेआङ् हे़क्केलॽरिक् खिनिॽ के़इःत्तुम्बाबे? 9कन् लङ्ले़ःङ्वान् ‘के़लायोहाॽ ले़प्मि पोःक्खे़’ मे़प्मा उसुरु चोःक्पि? इ ‘पोगे़ॽआङ् के़ने़त्नान् खप्से़ॽआङ् थासिङ्ङे़ॽ’ मे़प्मा उसुरु चोःक्पि? 10कर इङ्गाॽ मे़न्छाम्साःल्ले़ इक्सादिङ् खाम्बेःक्मो लायोहाॽ ले़प्मि पिमा युक् कत्तुङ् फाॽआङ् ओसेःन्धाक्निङ्लो॥” हे़क्केःल्ले़ ये़सुरे़ खे़न् लङ्ले़ःङ्वान् मे़त्तु, 11“आल्ल पोगे़ॽ! के़ने़त्नान् याङ्सिङ्ङे़ॽआङ् के़हिम्मो थासिङ्ङे़ॽ॥” 12खिमो खे़न् मुत्थ्रिक् पोगे़आङ् कुने़त्नान् याङ्सिङ् हे़क्क्याङ् मनाहाॽरे़ खुनिॽ तगिए लःन्दे़ पेरो॥ खे़न् मनाहाॽरे़ मे़निसुआङ् साॽरिक् खुनिॽ निङ्वाॽ मये़॥ निङ्वाॽफुमाङ्ङिन् अक्खे मे़मे़त्तुर कुनारा मे़भोसु, “अक्तङ्बाग आनिगे आप्फाल्ले़आङ् मे़न्निए वयिगे़रो॥”
ये़सुरे़ ले़बिन् उःत्तुॽ
(मत्ति ९:९-१३; लुका ५:२७-३२)
13याम्मो ये़सुन् वरक्किल्ले़ कुयाओ पे॥ यरिक् मनाहाॽरे़ खुने़ॽ मे़दिम्दुआङ् ये़सुरे़ खे़ङ्हाॽ खाहुन् हुॽरुसि॥ 14हे़क्क्याङ् ये़सुन् पेर पत्छे़ल्ले़ अल्फायसरे़ कुस्सा ले़बिन् एःङ्याङ् फोङ्मा ते़न्नो युङे़बा निसुआङ् मे़त्तु, “इङ्गाॽ तिम्दाङ्ङे़ॽओ॥” खे़न् मुत्थ्रिक् पोगे़आङ् खुने़ॽनु थासिङ्लो॥ 15याङ्सि ले़बिःल्ले़ कुहिम्मो ये़सुन् नु कुहुॽसाम्बाहाॽ चाजासे़ उःत्तुसि, यरिक् एःङ्याङ् के़भोङ्बाहाॽ#२:१५ एःङ्याङ् के़भोङ्बाहाॽ—यहुदिहाॽरे़ एःङ्याङ् के़भोङ्बाहाॽ मे़जिःत्तुसि, थेआङ्भे़ल्ले़ खे़ङ्हाॽरे़ रोमि हाङ्जुम्रे़ लागि याःम्बक् मे़जोगु॥ एःङ्याङ् के़भोङ्बाहाॽरे़ मनाहाॽलाम् रोमिहाॽरे़ फोङ्मा मे़बाङ्घुसिबा याङ्नुःल्ले़ यरिक् मे़भोःक्खु हे़क्क्याङ् के़नम्बे़न् आबाङे खुनिॽ लागि मे़युक्खु॥ नु वेॽसमा लायोबाहाॽ ये़सुन् नु सोरिक् चामे़जर मे़युङे़ (थेआङ्भे़ल्ले़ खे़न् हे़क्तङ्बा यरिक् मनाहाॽरे़ ये़सुन् मे़दिम्दुर मे़वये़)॥ 16हे़क्केःल्ले़ खे़प्मो फरिसि#२:१६ फरिसिहाॽ—खे़ङ्हाॽ लत्छा यहुदि साम्यो लुप्पोबा मनाहाॽ मे़वये़॥ खे़ङ्हाॽरे़ साॽरिक् नुःरिक्काङ् यहुदि साम्योथिम्मिन् हे़क्क्याङ् वेॽ यरिक् यहुदि थिम्हाॽ नु साक्थिम्हाॽ मे़नाःत्तु॥ लुप्पोबा साम्योथिम्साम्बाहाॽ मे़द्ये़आङ् ये़सुन् एःङ्याङ् के़भोङ्बाहाॽ हे़क्क्याङ् लायोबाहाॽनु#२:१६ लायोबाहाॽ—कन् मनाहाॽ फरिसिहाॽरे़ कुत्चाॽसाङ् लायोबासि फाॽआङ् मे़मे़त्तुसिआङ् वये़, थेआङ्भे़ल्ले़ खे़ङ्हाॽरे़ फरिसिहाॽरे़ खुनिॽ थिम्हाॽ मे़न्इःत्तुन् मे़न्नाःत्तुन्लो॥ सोरिक् चाजानु युङे़बा मे़निसुआङ् याम्मो खे़ङ्हाॽरे़ ये़सुरे़ कुहुॽसाम्बाहाॽ मे़मे़त्तुसि, “एःङ्याङ् के़भोङ्बाहाॽ हे़क्क्याङ् लायोबाहाॽनु खुने़ॽ थेआङ् चाजाबाबे?” 17ये़सुरे़ खे़ङ्हाॽरे़ खुनिॽ पाःन्निन् खे़प्सुआङ् नोगप् पिरुसि, “सिदाॽसाम्बे़ङ्ग मे़न्दुक्मनाहाॽरे़ लागि मेःन्, कर के़दुक्पाहाॽरे़ लागिरो॥ खे़न् हे़क्के इङ्गाॽआङ् साम्योबाहाॽरे़ लागि मेःन्, कर लायोबाहाॽ लायोलाम् मे़नुःङ्ङाङ् ताङ्मे़से़ःप्ल फाॽआङ् त्याङ्बारो॥”
तःक्ने़त्तिल्ले़ कुयाःम्बेओ
(मत्ति ९:१४-१७; लुका ५:३३-३९)
18आल्ल बप्तिस्मा के़बिबा युहुन्ना नु फरिसिहाॽरे़ खुनिॽ हुॽसाम्बाहाॽ चाने़त्तो मे़युङे़आङ् मे़वये़॥ थिक्ये़न् मनाहाॽ मे़द्ये़आङ् ये़सुन् सेःन्मे़लाप्तु, “फरिसिहाॽ नु बप्तिस्मा के़बिबा युहुन्नाःल्ले़ खुनिॽ हुॽसाम्बाहाॽग चाने़त्तो मे़युङ्, कर खे़ने़ॽ के़हुॽसाम्बाहाॽ थेआङ् चाने़त्तो मे़न्युङ्ने़न्बाबे?” 19ये़सुरे़ खे़ङ्हाॽ मे़त्तुसि, “मेःक्खिम्साबे़न् कुन्जुम्हाॽनु वाॽर थारिक् खे़ङ्हाॽ चाने़त्तो मे़युङ् फाॽआङ् के़इःत्तुम्बि? मेःन्लो, मेःक्खिम्साबे़न् वाॽर थारिक् खे़ङ्हाॽ आप्फाल्ले़आङ् चाने़त्तो मे़न्युङ्ने़न्, 20कर खे़ङ्हाॽलाम् मेःक्खिम्साबे़न् साक्के़ल्ले़क् मे़दे़म्सुआङ् मे़देॽरुल्ले़ खे़ङ्हाॽ चाने़त्तो मे़युङ्लो॥ 21आत्तिल्ले़आङ् कुसङ् चिरिक्किल्ले़ कुद्रे़क् चाङ्ङिन् मे़ले़म्दुन्लो, ले़म्दुने़ फाॽग्र खे़न् किङ्ङाङ् आल्लसाङ् यम्बा थे़ःक्खुदेसुॽरो॥ 22आत्तिल्ले़आङ् कुसङ् चे़ल्ले़क्सेॽ थिःन्#२:२२ खे़न् लाजेॽओ चे़ल्ले़क्सेॽलाम् (अङ्गुर) थिः मे़जोगु, हे़क्क्याङ् के़रे़क्ले़ मे़धुङु॥ कुद्रे़क् से़होबा सुक्वाओ#२:२२ उन्छेःन् खे़ङ्हाॽरे़ च्वाःत्, थिः, सेजःङ्वा से़होबा सुःक्वाओ मे़याक्तुआङ् मे़बक्खु॥ मे़युक्खुन्॥ युक्खुने़ फाॽग्र कुसङ् चे़ल्ले़क्सेॽ थिःल्ले़ कुद्रे़क् से़होबा सुक्वान् थे़ःक्खुदेःसुॽरो॥ हे़क्क्याङ् थिन् वे़त् पेःक्काङ् ने़प्माङ् चासोक्लो॥ कर कुसङ् चे़ल्ले़क्सेॽ थिन् कुसङ् से़होबा सुःक्वाओए याक्मा पोङ्लो॥”
नाःम्सिङ् ये़न्निल्ले़ कुन्दाङ्बा
(मत्ति १२:१-८; लुका ६:१-५)
23थिक्ले़ङ् नाःम्सिङ्मा ये़न्नो ये़सुन् नु कुहुॽसाम्बाहाॽ प्याङ्सिगे़न् इक्ताप्लुम्मोनु मे़बेर मे़बत्छे़ल्ले़ कुहुॽसाम्बाहाॽरे़ नुक्मा चामा फाॽआङ् सिःदाप्माहाॽ तुप्मा मे़हेःक्तु॥#२:२३ खे़न् ये़म्मोबा यहुदि थिम्मो इक्ताप्पो लाङ्मे़घेःगे़ल्ले़ लाम्मो के़युङ्बा सिङ्सेहाॽ, चाहाॽ तुप्माआङ् चामा मे़घोसु, कर सुःक्वाओ याक्माआङ् तेॽमा खोमे़न्दे़प्मनाबा वये़॥ कर नाःम्सिङ् ये़न्नो हे़क्केआङ् चोःक्मा सुक्मे़न्दे़प्मना वये़रो॥ 24हे़क्केःल्ले़ फरिसिहाॽरे़ खुने़ॽ मे़मे़त्तु, “ओमे़त्ते़ॽ, थेआङ् नाःम्सिङ् ये़न्नो चोःक्मा मे़न्नुॽमनाबा याःम्बक्किन् मे़जोगुबाबे?” 25ये़सुरे़ खे़ङ्हाॽ नोगप् पिरुसि, “साम्योसाप्लान् खिनिॽ मे़न्निःत्ते के़वयिॽबि? दाउद हाङ्ङिन् नु कुमनाहाॽरे़ खुनिॽ से़त्लाःक्ते़ल्ले़ 26दाउदे़न् निङ्वाॽफु साःङ्गाहिम्मो लासे़आङ् निङ्वाॽफुमाङ्ङो तोःम्मनाबा सेसे खरे़ःङ्ङिन् चआङ् याम्मो कुमनाहाॽआङ् पिरुसि (खे़न् ये़म्मो अबियाथारे़न् मानिङ्वाॽफुसाम्बा वये़)॥ खे़ङ्ग आनिॽ साम्योथिम् कुइसिक् निङ्वाॽफुसाम्बाहाॽरे़रक् चामा के़नुॽबा वये़रो॥” 27हे़क्क्याङ् ये़सुरे़ अक्खे पाःत्तुर पान् नुप्सु, “नाःम्सिङ् ये़न्निन् मे़न्छाम्गे़न् याप्मि नुॽमा तामारे़ लागि चोगे़बारो, कर कन् मे़न्छाम्गे़न् याप्मिन् नाःम्सिङ् ये़न्निल्ले़ लागि चोगे़बा मेःन्लो॥ 28हे़क्केःल्ले़ इङ्गाॽ मे़न्छाम्साःङ्ग नाःम्सिङ् ये़न्निल्ले़न्नाङ् कुन्दाङ्बाआॽरो॥”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.