MATTEW 15
15
Kapitlu 15
It-tradizzjonijiet tal-antenati
(Mk 7,1-13)
1Imbagħad xi Fariżej u kittieba minn Ġerusalemm resqu fuq Ġesù u qalulu: 2“Dan l-għala d-dixxipli tiegħek jiksru t-tradizzjonijiet ta’ missirijietna? Għax huma ma jaħslux idejhom qabel ma jieklu.”#Lq 11,38. 3Ġesù wieġeb u qalilhom: “U intom l-għala tiksru l-kmandamenti ta’ Alla minħabba t-tradizzjoni tagħkom? 4Għax Alla qal, ‘Weġġaħ lil missierek u ’l ommok,’ u ‘min iżeblaħ lil missieru jew ’l ommu, jieħu l-mewt.’#Eż 20,12; 21,17; Dt 5,16; Lev 20,9; Lq 18,20; Ef 6,2. 5Imma intom tgħidu, ‘Jekk wieħed jgħid lil missieru jew ’l ommu, ‘il-ġid li għandi, li jista’ jkun ta’ għajnuna għalik, huwa offerta lil Alla,’ dak ma jkunx iżjed marbut li jweġġaħ lil missieru.’ 6U hekk iġġibu fix-xejn il-liġi ta’ Alla minħabba t-tradizzjoni tagħkom. 7Uċuħ b’oħra, sewwa ħabbar Isaija fuqkom meta qal,
8 ‘Dan il-poplu bix-xufftejn biss jagħtini
ġieħ, imma qalbhom hija ’l bogħod minni.
9 Fiergħa hija l-qima li jagħtuni;
jgħallmu duttrina
li mhijiex għajr preċetti tal-bniedem.”
X’inhu li jtebba’ lill-bniedem
(Mk 7,14-23)
10Imbagħad sejjaħ lill-folla lejh u qalilhom: “Isimgħuni u ifhmuni! 11Mhux dak li jidħol mill-fomm itebba’ lill-bniedem#15,11: Itebba’ lill-bniedem: iniġġsu, jagħmlu impur, fis-sens morali., imma dak li joħroġ mill-fomm, dan hu li jtebba’ lill-bniedem.”#Mt 12,34. 12Resqu lejh imbagħad id-dixxipli u qalulu: “Taf li l-Fariżej skandalizzaw ruħhom meta semgħu din il-kelma?” 13Iżda hu weġibhom: “Kull siġra li ma ħawwilhiex Missieri li hu fis-smewwiet tinqala’ mill-għeruq.#Ġw 15,2. 14Ħalluhom: dawk għomja mexxejja tal-għomja; jekk agħma jmexxi lil agħma ieħor, it-tnejn jaqgħu ġol-ħofra.”#Mt 23,16-24; Lq 6,39; Rum 2,19. 15Qabeż Pietru u qallu: “Fissirhielna din il-parabbola.”#Mt 13,36; Mk 4,10; 7,17; Lq 8,9. 16Qallu Ġesù: “Intom ukoll għadkom s’issa bla moħħ? 17Ma tifhmux li kulma jidħol fil-fomm jibqa’ sejjer fl-istonku biex imbagħad jintrema fil-ħofra? 18Imma dak li joħroġ mill-fomm joħroġ mill-qalb, u dan hu li jtebba’ lill-bniedem.#Mt 12,34. 19Għax mill-qalb joħorġu ħsibijiet ħżiena, qtil, adulterji, żina, serq, xhieda qarrieqa, dagħa.#Rum 1,29-31; 1 Kor 5,10-11; 6,9-10; Gal 5,19-21; Ef 5,3-5; Kol 3,5-8; 1 Tim 1,9-10; 2 Tim 3,2-4; 1 Pt 4,3; Apk 21,8; 22,15. 20Dawn huma li jtebbgħu lill-bniedem. Imma li wieħed jiekol b’idejh m’humiex maħsula, dan ma jtebbax lill-bniedem.”
Il-fidi tal-mara Kangħanija
(Mk 7,24-30)
21Ġesù ħareġ minn hemm u telaq lejn Tir u Sidon. 22U ħarġet waħda mara Kangħanija#15,22: Kangħanija: minn nisel il-poplu indiġenu ta’ dawk l-inħawi. minn dawk l-inħawi, u qabdet tgħajjat u tgħid: “Ħenn għalija, Mulej, Bin David; binti għandha fiha xitan, u magħdura ħafna!”#Mt 9,27; 20,30-31; Mk 10,47-48; Lq 18,38-39. 23Iżda hu ma weġibhiex kelma. Resqu lejh id-dixxipli tiegħu, jitolbuh u jgħidulu: “Eħles minnha, għax ġejja tgħajjat warajna.” 24Imma hu qalilhom: “Ma ġejtx mibgħut ħlief għan-nagħaġ li ntilfu mid-dar ta’ Iżrael.”#Mt 10,6. 25Iżda hi resqet, inxteħtet quddiemu u qaltlu: “Għinni, Mulej!” 26Hu weġibha: “Mhux sewwa tieħu l-ħobż tal-ulied u tixħtu lill-ġriewi.” 27“Hekk hu, Mulej,” qaltlu, “iżda l-ġriewi wkoll jieklu l-frak li jaqa’ minn fuq il-mejda ta’ sidienhom!”#Lq 16,21. 28Imbagħad wieġeb Ġesù u qalilha: “Mara, il-fidi tiegħek kbira! Ħa jsirlek kif tixtieq.” U minn dak il-ħin stess bintha fieqet.#Mt 8,10-13; 9,29.
Ġesù jfejjaq lil ħafna
29Ġesù baqa’ għaddej minn hemm u mar ħdejn il-baħar tal-Galilija; tala’ fuq l-għolja u qagħad bilqiegħda hemm.#Mt 5,1; Mk 7,31. 30U bdew resqin lejh ġemgħat kbar ta’ nies, li kellhom magħhom zopop, għomja, immankati, imbikkmin, u ħafna oħrajn; qegħduhomlu f’riġlejh, u hu fejjaqhom, 31hekk li n-nies kollha baqgħu mistagħġba meta raw l-imbikkmin jitkellmu, l-immankati qawwijin u sħaħ, iz-zopop jimxu u l-għomja jaraw; u bdew jagħtu glorja lil Alla ta’ Iżrael.#Mk 7,37.
Ġesù jitma’ erbat elef
(Mk 8,1-10)
32Ġesù sejjaħ lid-dixxipli tiegħu u qalilhom: “Nitħassarhom lil dawn in-nies, għax ġa ilhom tlitt ijiem miegħi u ma għandhom xejn x’jieklu. Ma rridx inħallihom imorru sajmin, li ma jmurx iħosshom ħażin fit-triq.”#Mt 9,36; 14,14; Mk 6,34. #Mt 14,15; Mk 6,36; Lq 9,12. 33Qalulu d-dixxipli: “F’deżert bħal dan minn fejn se nġibu ħobż biżżejjed biex inxebbgħu kotra hekk kbira!”#Mk 6,37; Ġw 6,5. 34“Xi kemm għandkom ħobż?” staqsiehom Ġesù. Qalulu: “Sebgħa, u xi ftit ħut żgħir.”#Mt 14,17; Mk 6,38-43; Lq 9,13-17; Ġw 6,9-13. 35Imbagħad qal lin-nies kollha jinxteħtu bilqiegħda fl-art, 36ħa s-seba’ ħobżiet u l-ħut, radd il-ħajr, qasamhom u tahom lid-dixxipli, u d-dixxipli newluhom lin-nies. 37U kulħadd kiel u xaba’; u ġabru l-bċejjeċ li fadal, sebat iqfief mimlija. 38U kienu erbat elef raġel dawk li kielu, barra n-nisa u t-tfal.#Mt 14,21; Mk 6,44. 39Imbagħad bagħat in-nies, tala’ fuq id-dgħajsa, u mar lejn l-inħawi ta’ Magadan#15,39: Magadan: port ma nafux fejn kien jinsab. F’xi manuskritti naqraw Magdala..
Currently Selected:
MATTEW 15: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Society, 2020.