Ǐvel mə̌ğurxo 2
2
2-ci Ǐvel mə̌ğ #2:1 - Me mə̌ğ padçağ laxeğat'an mə̌ğpseynak' śameśi mə̌ğě. Me mə̌ğə̌ k'alk'at'an İsus Xrist'osi me dünyəne eysuna saturběš xavar tadesunal ak'es baneksa. Běğa: Ap'ost'. 4:25-26; 13:33; Əbr. 1:5; 5:5; Qay. əyit 12:15; 19:15.
1Azuk'xoy nairəzi baksunal,
Millətxoy bul nu biq'ala fikirxoval içoğo mandale.
2Mone, dünyəni padçağxone giresa,
Kalaluğbalxone sagala eysa.
Q'ončuğoy q'a Şot'ay c'ək'p'it'ay #2:2 c'ək'p'it'ay - Buxačuğoy c'ək'p'i padçağ. T'e vaxt' İsraili padçağal metərt'un nexey. əleyinə ěqeśi
3"Ekinan şot'oğoy yax ğaç̌p'i zincirxo k'as'k'en,
Beş loxol lavk'i k'andalxo bosen!" next'un.
4 Ala Arśit'in isə axšumene,
Axšumi galane laxsa şot'oğo Q'ončuğon.
5Əcuğon biq'i töhmətbale şot'oğo,
İz hirsen vəlvəlinə badale,
6"Bez ı̌vel burux bakala Siona #2:6 Sion - Yerusalim şəhər Sion buruğoy loxole, şot'o görəl Sion Yerusalima tadeśi s'iyurxoxun soğoney.
Zuz c'ək'p'i laxe Bez padçağa" uk'ale.
Padçağ:
7«Mone, Q'ončuğoy əyitəz və̌x p'ap'espsa,
Za metəre pi: "Hun Bez ğarnu,
Zu ğeyinaxun vi Bava k'aleğoz. #2:7 - Miya əbrani muzin tam dəgig uk'ayan "hun Bezi ğarnu, ğe Zu va dünyənez eçeri" əyitmuxe bu. Me əyitmoğoval padçağ laxat'ant'un nexey, "Bezi ğar" əyit miya "Bezi c'ək'p'i padçağ" məninen, "Zu va dünyənez eçeri" əyit isə "va padçağez laxi" məninene əşesa.
8Zaxun çureki,
Zuval azuk'xo vi kiyel tadaz,
Bito oç̌alxo vi baz.
9Şot'oğo vi turin oq'a laxalnu,
Sa q'əlik'ə xoxp'ala k'inək' duği xoxp'alnu"». #2:9 Qay. əyit 2:26-27; 12:5; 19:15
10Şot'o görəl, ay padçağxo, ef haq'ıla ef bel topbanan,
Müdrik bakanan, ay me dünyəne bakala kalaluğbalxo!
11 Q'ončuğo çalxi
Şot'o bul k'os'bsuni mǔqluğa aç̌espsunaxun q'ı̌banan!
12K'os'baki Ğare turin oq'axun muçp'anan!
Tene İz əcuğ bəc'ük'eğon,
Ef tağala yaq'a və̌x k'as'p'i śinek'on,
Axıri Şot'ay əcuğ kološ bəc'ük'eğala k'inək'e bəc'ük'esa!
İzi hər şeya Şot'ost'a ak'alo he bəxt'əvəre!
Currently Selected:
Ǐvel mə̌ğurxo 2: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
