Ǐvel mə̌ğurxo 1
1
Girke samci hissə: 1-41-ci Ǐvel mə̌ğurxo.
1-ci Ǐvel mə̌ğ
1Pist'oğoy tadi maslaaten nu tağalo,
Günaxkərxoy tağala yaq'a tur nu ç̌axk'alo,
Düzgünluğa lağa haq'alt'oğoxun nu arśi-hayzalo he bəxt'əvəre!
2Şot'in iz mǔqluğa Q'ončuğoy k'anunast'ane aksa, #1:2 C'eys. 3:13-15
Üşe-ğena Şot'ay k'anunaxune fikirbsa.
3Şo iz vədine bar tadala,
İzi xazalxoval nu nešum bakala
Xene t'ǒğǒl bit'eśi sa xod k'inək'e.
Şot'in iz kula maya boxodayin buye c'eysa.
4Pis amdarxo isə metər tet'un!
Şorox muşen taşala sa kološ k'inək't'un.
5 Divanbakala ğine şot'oğoynak' şaat' q'ərar tene tadeğal,
Günaxkərxoynak' düzgünt'oğoy arane ga tene bakal.
6Axıri Q'ončuğon düzgünt'oğoy tağala yaq'a q'orişebsa,
Pist'oğoy yaq'e axır isə bisune.
Currently Selected:
Ǐvel mə̌ğurxo 1: udi
Highlight
Copy
Compare
Share
Want to have your highlights saved across all your devices? Sign up or sign in
© Translation Services International Ltd.
