MIPUM SIALNAK 29
29
Kum Thak Puai Biakpiaknak
(Thiam 23:23-25)
1Ha salihnak, ni masabel ni-in, khawmnak thiangtho nei unna, imah dek pahsuh un. Mah ni-in pengkul tum un hi. 2Topa i lakah halkang biakpiaknak, namtui cu bawl un. Sonbang ngawl khuicangno pa khat, tuucang pa khat le kum khat kim tuucangno salih hi tuk hi. 3Olif situi tuah cawhhelmi cangho vam tuah an tuah biakpiaknak cu kom zetin bawl un. Khuicang ca tukin cangho vam vawh khat le lang, tuucang ca tukin vawh khat, 4kum khat kim tuucang pa khatah vawh lang hi tuk hi. 5Mah bang lengin sualhah biakpiaknak tukin keelcang pa khat pia unna, mipi thianthohnak tukin thianthoh biakpiaknak bawl un hi. 6Hi biakpiaknak cu ha sialin, ni masabelah halkang biakpiaknak le an tuah biakpiaknak, nisial halkang biakpiaknak le an tuah biakpiaknak le intuk biakpiaknak tei humah pia bet un hi. Hi an luih biakpiaknak cu Topa i ca in, namtui hi.
Sualhah Biakpiaknak
(Thiam 23:26-32)
7Ha salih ha, ni sawm ni-in, Pathian bia tukin khawmdun un hi. An ei pahsuh un, na hei dek pahsun un.#Thiam 16:29-34; 8Topa i lakah halkang biakpiaknak bawl un: khuicangno pa khat, khuicang pa khat le kum khat kim khuicangno salih, a venghawngin sonbang ngawlmi, pia un hi. 9Olif situi tuah cawhhelmi cangho vam tuah an tuah biakpiaknak cu kom zetin pia unna, tuucang pa khat ca tukin cangho vam vawh khat le a lang, khuicang pa khat ca tukin vawh khat, 10kum khat kim tuucangno ca tukin vawh lang hi tuk hi. 11Mah bang lengin mipi thianthohnak tukin sualhah biakpiaknak, nisial halkang biakpiaknak, an tuah biakpiaknak le intuk biakpiaknakte sial ngawl sualhah biakpiaknak tukin keelcang pa khat pia un hi.
Ancop Puai Biakpiaknak
(Thiam 23:33-34)
12Ha salih ha, ni sawm le ni nga ni-in, khawmnak thiangtho bawl un hi. Topa i sunloihnakin, hi puai cu ni salih sung bawl unna, imah dek pahsuh un.#Suah 23:16; 34:22; Thiam 23:34; Daan 16:13-15; 13Hi puai ni masabel ni-in, Topa i lakah an luih biakpiaknak namtui cu pia unna: khuicangno sawm le pa thum, tuucang pa nih le kum khat kim tuucangno sawm le pa li, a venghawngin sonbang ngawl hi tuk hi. 14Olif situi tuah cawhhelmi ancang biakpiaknak cu komno in bawl unna, khuicang pa khat ca in, cangho vam vawh khat le lang, tuucang pa khat ca in vawh khat, 15Kum khat kim tuucangno pa khat ca in seu lang leinak tuk biakpiaknak bawl un hi. 16Mah bang lengin sualhah biakpiaknak ca in keelcang pa khat pia un. Hi biakpiaknak cu nisial na bawl uhmi halkang biakpiaknak, an tuah biakpiaknak le intuk biakpiaknak sial ngawl na piak tuk uhmi hi. 17Ni nihnak ni-in, khuicangno sawm le pa nih, tuucang pa nih le kum khat kim tuucangno sawm le pa li pia un. A venghawngin sonbang ngawl hi tuk hi. 18-19Hi tuah lang khatin ni khatnak ni a, biakpiaknak dangte vang na piak uhmi a venghawngin pia cih un hi. 20Ni thumnak ni-in khuicangno sawm le pa khat, tuucang pa nih le kum khat kim tuucang sawm le pa li pia un hi. A venghawngin sonbang ngawl hi haw tuk hi. 21-22Hi tuah lang khatin ni khatnak ni a, na piak uhmi biakpiaknak dangte vang a venghawngin pia cih un hi.
23Ni linak ni-in khuicangno sawm khat, tuucang pa nih, le kum khat kim tuucang sawm le pa li pia un hi. A venghawngin, sonbang ngawl hi haw tuk hi. 24-25Hi tuah lang khatin ni khatnakah na piak uhmi biakpiaknak dangte vang a venghawngin pia cih un hi.
26Ni nganak ni-in, khuicangno kuah, tuucang pa nih le kum khat kim tuucangno sawm le pa li pia un. A venghawngin sonbang ngawl hi tu hi. 27-28Hi tuah lang khatin ni khatnakah na piak uhmi biakpiaknak dangte vang a venghawng pia unna, na piak uhmi biakpiaknak dangte vang a venghawngin pia cih un hi.
29Ni luknak ni-in khuicangno liat, tuucang pa nih le kum khat kim tuucangno sawm le pa li pia un hi. A venghawngin sonbang ngawl hi haw tuk hi. 30-31Hi tuah lang khatin ni khatnakah na piak uhmi biakpiaknak dangte vang a venghawngin pia cih khawng un hi.
32Ni salihnak ni-in, khuicangno salih, tuucang pa nih le kum khat kim tuucangno sawm le pa li pia un hi. A venghawngin sonbang ngawl hi haw tuk hi. 33-34Hi tuah lang khatin, ni khatnakah na piak uhmi biakpiaknak dangte vang a venghawngin pia cih kawng un hi.
35Ni liatnak ni-in khawmnak thiangtho bawl unna, imah dek pahsuh un. 36Topa i lakah halkang biakpiaknak a piakmi an luih biakpiaknak pia un hi, khuicangno pa khat, tuucang pa khat le kum khat kim tuucangno salih, a venghawng sonbang ngawlmi na pia un hi. 37-38Hi tuah lang khatin ni khatnakin, na piak uhmi biakpiaknak dangte vang a venghawngin pia cih un hi.
39Hi biakpiaknak hempoh cu amu hun tek a kim ten Topa i lakah pia un hi. Halkang biakpiaknak, an tuah biakpiaknak, intuk biakpiaknak le pawlkom biakpiaknak cu pia khawng un hi. Hi cu na thutep uh kimtiknak tuk, a bulpak tek i bawlmi biakpiaknak, ahimata mai thinthawhin piakmi biakpiaknak sial ngawl na piak uhmi hi tuk hi.
40 Topa i thupiakmi hempoh cu Moses in Israel mipi tei lakah hilh khawng hi.
Currently Selected:
MIPUM SIALNAK 29: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
MIPUM SIALNAK 29
29
Kum Thak Puai Biakpiaknak
(Thiam 23:23-25)
1Ha salihnak, ni masabel ni-in, khawmnak thiangtho nei unna, imah dek pahsuh un. Mah ni-in pengkul tum un hi. 2Topa i lakah halkang biakpiaknak, namtui cu bawl un. Sonbang ngawl khuicangno pa khat, tuucang pa khat le kum khat kim tuucangno salih hi tuk hi. 3Olif situi tuah cawhhelmi cangho vam tuah an tuah biakpiaknak cu kom zetin bawl un. Khuicang ca tukin cangho vam vawh khat le lang, tuucang ca tukin vawh khat, 4kum khat kim tuucang pa khatah vawh lang hi tuk hi. 5Mah bang lengin sualhah biakpiaknak tukin keelcang pa khat pia unna, mipi thianthohnak tukin thianthoh biakpiaknak bawl un hi. 6Hi biakpiaknak cu ha sialin, ni masabelah halkang biakpiaknak le an tuah biakpiaknak, nisial halkang biakpiaknak le an tuah biakpiaknak le intuk biakpiaknak tei humah pia bet un hi. Hi an luih biakpiaknak cu Topa i ca in, namtui hi.
Sualhah Biakpiaknak
(Thiam 23:26-32)
7Ha salih ha, ni sawm ni-in, Pathian bia tukin khawmdun un hi. An ei pahsuh un, na hei dek pahsun un.#Thiam 16:29-34; 8Topa i lakah halkang biakpiaknak bawl un: khuicangno pa khat, khuicang pa khat le kum khat kim khuicangno salih, a venghawngin sonbang ngawlmi, pia un hi. 9Olif situi tuah cawhhelmi cangho vam tuah an tuah biakpiaknak cu kom zetin pia unna, tuucang pa khat ca tukin cangho vam vawh khat le a lang, khuicang pa khat ca tukin vawh khat, 10kum khat kim tuucangno ca tukin vawh lang hi tuk hi. 11Mah bang lengin mipi thianthohnak tukin sualhah biakpiaknak, nisial halkang biakpiaknak, an tuah biakpiaknak le intuk biakpiaknakte sial ngawl sualhah biakpiaknak tukin keelcang pa khat pia un hi.
Ancop Puai Biakpiaknak
(Thiam 23:33-34)
12Ha salih ha, ni sawm le ni nga ni-in, khawmnak thiangtho bawl un hi. Topa i sunloihnakin, hi puai cu ni salih sung bawl unna, imah dek pahsuh un.#Suah 23:16; 34:22; Thiam 23:34; Daan 16:13-15; 13Hi puai ni masabel ni-in, Topa i lakah an luih biakpiaknak namtui cu pia unna: khuicangno sawm le pa thum, tuucang pa nih le kum khat kim tuucangno sawm le pa li, a venghawngin sonbang ngawl hi tuk hi. 14Olif situi tuah cawhhelmi ancang biakpiaknak cu komno in bawl unna, khuicang pa khat ca in, cangho vam vawh khat le lang, tuucang pa khat ca in vawh khat, 15Kum khat kim tuucangno pa khat ca in seu lang leinak tuk biakpiaknak bawl un hi. 16Mah bang lengin sualhah biakpiaknak ca in keelcang pa khat pia un. Hi biakpiaknak cu nisial na bawl uhmi halkang biakpiaknak, an tuah biakpiaknak le intuk biakpiaknak sial ngawl na piak tuk uhmi hi. 17Ni nihnak ni-in, khuicangno sawm le pa nih, tuucang pa nih le kum khat kim tuucangno sawm le pa li pia un. A venghawngin sonbang ngawl hi tuk hi. 18-19Hi tuah lang khatin ni khatnak ni a, biakpiaknak dangte vang na piak uhmi a venghawngin pia cih un hi. 20Ni thumnak ni-in khuicangno sawm le pa khat, tuucang pa nih le kum khat kim tuucang sawm le pa li pia un hi. A venghawngin sonbang ngawl hi haw tuk hi. 21-22Hi tuah lang khatin ni khatnak ni a, na piak uhmi biakpiaknak dangte vang a venghawngin pia cih un hi.
23Ni linak ni-in khuicangno sawm khat, tuucang pa nih, le kum khat kim tuucang sawm le pa li pia un hi. A venghawngin, sonbang ngawl hi haw tuk hi. 24-25Hi tuah lang khatin ni khatnakah na piak uhmi biakpiaknak dangte vang a venghawngin pia cih un hi.
26Ni nganak ni-in, khuicangno kuah, tuucang pa nih le kum khat kim tuucangno sawm le pa li pia un. A venghawngin sonbang ngawl hi tu hi. 27-28Hi tuah lang khatin ni khatnakah na piak uhmi biakpiaknak dangte vang a venghawng pia unna, na piak uhmi biakpiaknak dangte vang a venghawngin pia cih un hi.
29Ni luknak ni-in khuicangno liat, tuucang pa nih le kum khat kim tuucangno sawm le pa li pia un hi. A venghawngin sonbang ngawl hi haw tuk hi. 30-31Hi tuah lang khatin ni khatnakah na piak uhmi biakpiaknak dangte vang a venghawngin pia cih khawng un hi.
32Ni salihnak ni-in, khuicangno salih, tuucang pa nih le kum khat kim tuucangno sawm le pa li pia un hi. A venghawngin sonbang ngawl hi haw tuk hi. 33-34Hi tuah lang khatin, ni khatnakah na piak uhmi biakpiaknak dangte vang a venghawngin pia cih kawng un hi.
35Ni liatnak ni-in khawmnak thiangtho bawl unna, imah dek pahsuh un. 36Topa i lakah halkang biakpiaknak a piakmi an luih biakpiaknak pia un hi, khuicangno pa khat, tuucang pa khat le kum khat kim tuucangno salih, a venghawng sonbang ngawlmi na pia un hi. 37-38Hi tuah lang khatin ni khatnakin, na piak uhmi biakpiaknak dangte vang a venghawngin pia cih un hi.
39Hi biakpiaknak hempoh cu amu hun tek a kim ten Topa i lakah pia un hi. Halkang biakpiaknak, an tuah biakpiaknak, intuk biakpiaknak le pawlkom biakpiaknak cu pia khawng un hi. Hi cu na thutep uh kimtiknak tuk, a bulpak tek i bawlmi biakpiaknak, ahimata mai thinthawhin piakmi biakpiaknak sial ngawl na piak uhmi hi tuk hi.
40 Topa i thupiakmi hempoh cu Moses in Israel mipi tei lakah hilh khawng hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.