EZEKIEL 19
19
Thasiatnak La
1Pathian in, hi kah la hi Israel kumpi i capa pa nih tei ca in satik hi:
2Na nu cu iti bang kiosa pinu kaw!
A lauhuaimi kiosa cang lakah
a cano a cawm hi.
3A cano cu an vakin,
khangto pepel a,
sa le mihing matdan vang
zilh hi.
4Miten mah a cano thu cu thei haw a,
humkua thangin awk haw a,
kawizang tuah Izipt tian
hawhpih haw hi
5A nu in imah muansan tuk
a um ngawl toh tianin ngak hi.
cano dang pa khat cawm lehleu hi.
Mah cano vang a lauhuaimi
kiosa in suak hi.
6Kiosa cang tunting a hih nungten,
kiosa dangte tuah vak haw hi.
Samatdan cung bokin,
mihing mantu in suak hi.
7Khua sung kulhtiante pheletin,
khua tampi siatsuah hi.
Nase zetin, a kio ngungun ten
ngamsung mihing ten
lauzet haw,
8Miphun tamzet cu
khua tihkim pen tulin,
amah do tukin khawm haw hi.
Ngamsa siahnak
suuk tuah siahin,
mah a thang haw in awk hi.
9Thik bawm sungah koihin,
Babilon kumpi lakah
kuat haw hi.
Israel mualhum ngamah
a hammi thawm za tuk ngawltohin,
amah cingtu tuk koih haw hi.
10Na nu cu tuimawk a cinmi
sabit ngui bang hi.
Mah sabit ngui cu tui tampi
a um hangin
a ngah le a cehin khuh hi.
11A kangkakte vang khohzet haw a,
kumpi thiangkhutin suak haw hi.
Mah sabit ngui cu khang zetin,
meingo khong tianin
sangto pepel hi.
A ceh neihdan le a sandan cu
mi hempoh ten mu haw hi.
12Mahnaven thinuktu ten,
a khut haw tuah botin,
lei ah vawk haw hi.
Ni suahnak lam huihin,
a ngah kotik khawng.
A kangkakte vang
ektuah khawngin,
ko khawngin mei ah
haal haw hi.
13Atu-in, ngamko le
tui um ngawlnakah,
phillawnah cing haw hi.
14Sabit ngui pen mei alhin,
a kak le a ngahte
kang khawng hi.
A kakte cu tawtleh ngawltohin,
kumpi thiangkhutin
suakleh tukma toh hi.
A hum a late cu thasiatnak la hi a, tu le tu a sak lelem haw mi hi.
Currently Selected:
EZEKIEL 19: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
