DAAN PIAKLEHNAK 10

Moses In Thukham La Leh

(Suah 34:1-10)

1 Topa in ka lakah, ‘Suangpek pa nih masa bangin bawl inna, a koihnak tukin thingkuang pa khat bawlin hi. Mualhum ka nelah hung inna, 2suangpeek humah amasa suangpeek na vawkkeh mitei hum a, ka ngatmi khi nganleh tung hi; mahten thingkuang sungah koih tuk ci,’ tin ti hi.

3“Mah hangin thingha tuah kuang pa khat bawl ing a, a masa bangin suangpeek pa nih bawlin mualhumah hawhpih ing. 4Topa in mah suangpeek humah masa a, a ngatmi, mualhumah na tawhdun khawm uh ni-in, mei sung pen na lak uhah a hilhmi, Thukham Sawm a piakmi khi nganleh hi. Topa in suangpeek cu keimah pia in, 5mualhum pen tolhsuk ing. Topa i thupiak bangin suangpeekte cu ka bawlmi thingkuang sungah koih ing a, mahlaiah um leleng haw laih,” ti hi.

6Israel mite cu Jaakan mitei tuikhuk pen tul lehleu haw in, Moserah ah hawh haw hi. Mahlai pen Aaron cu thi in vui haw hi; mahten a thiampi nadeh cu a capa Eleazar in dek hi.#Mipum 20:28; 33:38; 7Moserah pen tul lehleu in Gudgodah heng haw; Gudgodah pen tul lehleu in tui tampi umnak Jotbathah ah heng haw hi. 8Mahlai pen Topa in Thutiam Kuang cingtu tukin, a thiampi nadektu tukin le ama minin muicu piatu tukin Levi hinnamte nadeh pia hi. Tutianin mahmi cu a nadeh haw na hita hi.#Mipum 3:5-8; 9Levi hinnamte cu Israel hindangte bangin leingam co mi nei haw ma hi. Topa a Pathian haw i thutepmi bangin a co haw mi cu Amah Topa hi.

10Moses in, a hilhlehmi cu, “Mualhumah a masa bangin sun sawm li le zan sawm li um ing. Mah tum hei in Topa in ka ngetmi cu ngai in nangmuh siatsuah tuk ngawlin a lungkim hi.#Suah 34:28; 11na pu le na pa tei lak a, a tepmi ngamah tumin, na luah theihnak tukin, nangmuh hotu tukin keimah hilh hi.”

Pathian i Thupiak

12“Maw, Israel mite, Topa na Pathian uh i thupiak hi phano in ngai un. Topa cu bia unna, a thupiakmi hempoh cu bawl un. Na lungmu venghawng uhin amah cu it unna, ama na cu dek un. 13A daan cu cangkimno in zui un, nangmu ca in phatnakin tuni pia ing. 14Van a sangbel hei khi Topa ta hi. Leipi le a hum a, na hempoh amata khawng hi. 15Mahnaven na pi le pute cu Topa in, a ih ngangai hangin miphun dangte teng ngawlin nangmuh saw teng hi. Tuni vangin mahtih lelengin tenmi hi uh ci. 16Mah hangin tuni pepan na lungmu uh thek unna, Topa i thu ngaitu hi toh un, lungmu ngoltolmi hi toh pahsuh un. 17Topa na Pathian uh cu Pathian hempoh lak pen cuangcungbel hi a, bawi hempoh lak pen bawibel hi. Amah cu a ngengbel le a sangbel hi a, kihcakbel tukmi hi. Amah cu pat pengmi nei ma hi, nawhthuh ei hei hi ma hi.#1Tim 6:15; Mang 17:14; 19:16; Nung 10:34; Rom 2:11; Gal 2:6; Efe 6:9; 18Nu le pa nei ngawl ca-ngah le meivong tei thu vang komzetno in sonsak hi. Nangmu lak a, um ngamdang mite cu it in, an le puansilhte pia hi. 19Noh vangin ngamdang mite cu it un, itahim titale nohte vang Izipt ngam pen mivaite hi uh ci. 20Mah hangin Topa na Pathian uh i thu cu zui unna, amah bek bia un. Ama ca tukin muantakzet unna, ama min tuah bekin thutiam un. 21Amah cu thangphat un. Na mit loli uh tuah na muhsa uh a thawmngeng le thasiahhuai nalamdang nohtei ca tukin a bawlsaktu, amah cu na Pathian uh hi. 22Na pi le pu uhte Izipt ngamah a hawh haw ten mihing sawm salih bek hi haw naven, atu-in Topa na Pathian uhin van a aksi zahin, nohte pungtik tuk hi.”#Pian 15:5; 22:17; 46:27;

Currently Selected:

DAAN PIAKLEHNAK 10: NBF1

Highlight

Copy

Compare