१ थेसलोनिकी 1
1
1ङि पावल, सिलास नेरो तिमोथीउँइँले थेसलोनिका सहरर्बै बिश्वासीमैंलाइ जय मसीह मुँ। क्हेमैं परमेश्वर आबा नेरो प्रभु येशू ख्रीष्टए म्हिमैं ग।
क्हेमैंए फिर परमेश्वरए दयाम्हाँया नेरो शान्ति तरिगे।#चिब्मैं १७:१
थेसलोनिकाथेंमैंए बिश्वास थेसि पावल सैं तोंब
2ङि प्राथना लमा खोंयोंन् बिलै क्हेमैंलाइ मैंसि परमेश्वरलाइ धन्यबाद पिंम्। 3छले प्राथना लमा चु ताँमैं सों ङिए सैंर मैंम्: क्हेमैंइ प्रभु येशूए फिर बिश्वास लसि छ्याँबै के लइमुँ। झाइले ताँनने म्हाँया लसि क्हेमैंइ थेबै के लइमुँ। प्रभु येशू ख्रीष्ट क्ह्रोंसेंन धबै युब्मुँ बिसि क्हेमैंइ थेबै बिश्वास लइमुँ।
4ओ परमेश्वरजी खोबै अलि-अङाँमैं, खीजी क्हेमैंलाइ त्हाँब् ग बिसि ङिइ सेइमुँ। 5तलेबिस्याँ ङिइ क्हेमैंने सैं तोंबै ताँ ओंसोंन् बिमिंमा ङिए सुँइ मत्त्रे पोंब आङिं, परमेश्वरए पबित्र प्ल्ह नेरो भोंउँइँले बिब् ग। चु ताँ क्ह्रोंसेंन् ग बिब सैं न्होंर था सेसि ङि क्हेमैं ङाँर युइ। क्हेमैंए म्हाँजोर टिमा क्हेमैंए ल्हागिर्न ङिइ खैले त्हिंइ थोल बिसि क्हेमैंज्यै सेइमुँ। 6ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्हें दुःख सैदिलेया परमेश्वरए पबित्र प्ल्हउँइँले सैं तोंन्ले क्हेमैंइ सैं तोंबै ताँ थेइ।#चिब्मैं १७:५-९ 7छले माकेडोनिया नेरो अखैया ह्युलजरे मुँबै बिश्वासीमैंए म्हाँजोर क्हेमैं नमुना तइमुँ। 8तलेबिस्याँ क्हेमैंउँइँले प्रभु येशूए बारेर्बै ताँ माकेडोनिया नेरो अखैया तिगोंन् फेइ। च मत्त्रे आङिं, क्हेमैंइ परमेश्वरए फिर बिश्वास लसि म्हाँदिबै ताँ खन्तोंदोंन् थेनेइमुँ। छतसि ङिइ म्हिमैंने त्होसि क्हेमैंए बारेर तोइ बिरिल् आत्हु। 9तलेबिस्याँ ङि क्हेमैं ङाँर खमा क्हेमैंइ ङिलाइ बेल्ले मान लइ, धै क्हेमैंइ कु (मूर्ति) फ्योब पिसि क्ह्रोंसेंन्बै परमेश्वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ। 10झाइले स्वर्गउँइँले युबै परमेश्वरए च्ह खोंयों युब् ङ्हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।
Currently Selected:
१ थेसलोनिकी 1: GCMB
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
१ थेसलोनिकी 1
1
1ङि पावल, सिलास नेरो तिमोथीउँइँले थेसलोनिका सहरर्बै बिश्वासीमैंलाइ जय मसीह मुँ। क्हेमैं परमेश्वर आबा नेरो प्रभु येशू ख्रीष्टए म्हिमैं ग।
क्हेमैंए फिर परमेश्वरए दयाम्हाँया नेरो शान्ति तरिगे।#चिब्मैं १७:१
थेसलोनिकाथेंमैंए बिश्वास थेसि पावल सैं तोंब
2ङि प्राथना लमा खोंयोंन् बिलै क्हेमैंलाइ मैंसि परमेश्वरलाइ धन्यबाद पिंम्। 3छले प्राथना लमा चु ताँमैं सों ङिए सैंर मैंम्: क्हेमैंइ प्रभु येशूए फिर बिश्वास लसि छ्याँबै के लइमुँ। झाइले ताँनने म्हाँया लसि क्हेमैंइ थेबै के लइमुँ। प्रभु येशू ख्रीष्ट क्ह्रोंसेंन धबै युब्मुँ बिसि क्हेमैंइ थेबै बिश्वास लइमुँ।
4ओ परमेश्वरजी खोबै अलि-अङाँमैं, खीजी क्हेमैंलाइ त्हाँब् ग बिसि ङिइ सेइमुँ। 5तलेबिस्याँ ङिइ क्हेमैंने सैं तोंबै ताँ ओंसोंन् बिमिंमा ङिए सुँइ मत्त्रे पोंब आङिं, परमेश्वरए पबित्र प्ल्ह नेरो भोंउँइँले बिब् ग। चु ताँ क्ह्रोंसेंन् ग बिब सैं न्होंर था सेसि ङि क्हेमैं ङाँर युइ। क्हेमैंए म्हाँजोर टिमा क्हेमैंए ल्हागिर्न ङिइ खैले त्हिंइ थोल बिसि क्हेमैंज्यै सेइमुँ। 6ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्हें दुःख सैदिलेया परमेश्वरए पबित्र प्ल्हउँइँले सैं तोंन्ले क्हेमैंइ सैं तोंबै ताँ थेइ।#चिब्मैं १७:५-९ 7छले माकेडोनिया नेरो अखैया ह्युलजरे मुँबै बिश्वासीमैंए म्हाँजोर क्हेमैं नमुना तइमुँ। 8तलेबिस्याँ क्हेमैंउँइँले प्रभु येशूए बारेर्बै ताँ माकेडोनिया नेरो अखैया तिगोंन् फेइ। च मत्त्रे आङिं, क्हेमैंइ परमेश्वरए फिर बिश्वास लसि म्हाँदिबै ताँ खन्तोंदोंन् थेनेइमुँ। छतसि ङिइ म्हिमैंने त्होसि क्हेमैंए बारेर तोइ बिरिल् आत्हु। 9तलेबिस्याँ ङि क्हेमैं ङाँर खमा क्हेमैंइ ङिलाइ बेल्ले मान लइ, धै क्हेमैंइ कु (मूर्ति) फ्योब पिसि क्ह्रोंसेंन्बै परमेश्वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ। 10झाइले स्वर्गउँइँले युबै परमेश्वरए च्ह खोंयों युब् ङ्हे बिसि क्हेमैं ह्रेरिइमुँ बिबै ताँ चमैंइ ङिने बिरिमुँ। खीजी ह्रोंसए च्ह येशू सिबइले धबै सोगों लमिंइ, धै येशूजी तारे खबि छेबै दण्डउँइँले ङ्योलाइ जोगेमिंब्मुँ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.