Hiob 27
27
Hiob siene Schlussräd: Daut Beduaren von siene Oschult – Vejenkjlich es Jlekj de Gottloose
1Un Hiob jinkj wieda, met siene Spricha, un säd:
2 Soo woa Gott läft, dee mie mien Rajcht nemt, un de Aulmajchtja, dee miene Seel betta jemoakt haft, 3soo lang mien Odem en mie es, un de Frodem Gottes en miene Näs: 4Wan miene Leppen Orrajcht räden woaren, un wan miene Tung Droch utsaje woat! 5Daut es wiet von mie, daut ekj junt rajcht jäwen sull; bat ekj stoaw, woa ekj miene Oschult nich von mie gonen loten. 6Aun miene Jerajchtichkjeit hool ekj faust un woa dee nich foaren loten: Mien Hoat vekloacht nich eenen von miene Doag. 7Mien Fiend es aus de Gottloosa, un dee jäajen mie oppsteit aus de Onjerajchta. 8Dan waut es de Ruchloose äare Hopninj, wan Gott aufschnit, wan hee siene Seel rutnämt? 9Woat Gott sien Schrieen hieren, wan Bedrenkjnis äwa am kjemt? 10Ooda woat hee sikj aun däm Aulmajchtjen erjatsen, Gott too aula Tiet aunroopen?
11Ekj well junt belieren äwa de Haunt Gottes; waut bie däm Aulmajchtjen es, well ekj nich veheimliche. 12Kjikj, jie aula ha daut selfst jeseenen, un wuarom dan schwautz jie soo onnutzjet? 13Dit es daut Deel de gottloose Menschen bie Gott, un daut Oawgoot de Jewault doonende, daut see von däm Aulmajchtjen jekjräajen ha: 14Wan siene Kjinja sikj vemieren, soo es daut fa daut Schwieet, un siene Auflaja ha nich Broot om saut toowoare. 15Siene Äwajebläwne woaren begroft derch däm Doot, un siene Wätfrues hielen nich {Ps.78,64}. 16Wan hee Selwa toopsaumlt aus Stoff, un Kjleeda reedmoakt aus Leem: 17Hee moakt an reed, oba de Jerajchta bekjleet sikj doamet; un Schultloose deelen sikj daut Selwa. 18Hee haft sien Hus jebut aus de Mott, un aus een Zelt, dee een Wajchta sikj moakt. 19Rikj lajcht hee sikj han, un hee deit daut nich wada; hee moakt de Uagen op, un es nich mea. 20Schrakj äwafelt am aus Wota, de Nacht fieet am em Stormwint wajch. 21De Oostwint häft am nohecht, daut hee doahan foat, un drift am wajch von siene Städ. 22Un Gott [hee] schliesat opp am onen Schooninj; von siene Haunt mucht hee ranen. 23Maun klautscht äwa am enne Henj, un zischt am no - von siene Städ ut.
Currently Selected:
Hiob 27: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
