Hiob 26
26
Hiob siene Auntwuat: Aunerkjanunk äwa de onbejriepliche Majestät von Gott
1Un Hiob auntwuad un säd:
2Woo hast du däm Onmajchtjen jeholpen, däm krauftloosen Oarm jerat! 3Woo haudst du däm beroden, dee kjeene Weisheit haud, un väl jrintlichet Weete biejebrocht! 4Aun wäm hast du Wieed jerecht, un wäms Odem es von die utjegonen?
5De Schautes bäben unjrem Wota un äare Bewona. 6De Scheol es opjedakjt ver am, un de Aufgrunt haft kjeene Dakj. 7Hee spaunt däm Nuaden ut äwa däm Ladjen, henjt de Ieed äwa däm Nuscht opp. 8Hee binjt de Wota en siene Wolkjen, un de Wolkjen verieten nich unja an. 9Hee vestopt däm Aunblekj von sienem Troon, endäm hee siene Wolkjen doaräwa utbreet. 10Hee haft eene Jrens äwa däm Wota, bat aum butaschten Enj, jetrocken, woa Licht un Diestanis tooptrafen. 11De Himmelsstenda wanken un woaren stutsich ver sienem Schellen. 12Derch siene Krauft (berujt) erräacht hee daut Mäa, un derch siene Ensecht veschmatat hee Rahab. 13Derch sienen Frodem woat de Himmel heita, siene Haunt haft de fekjse Schlang jemoakt. 14Kjikj, daut sent de Kaunte von siene Wäaj; un woo weinich ha wie von am jehieet! Un däm Donna siene Macht, wäa vesteit am?
Currently Selected:
Hiob 26: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
