Jesaja 32
32
Daut tookjinftje Jerajchtichkjeits Rikj – Heil derch utjeeten vom Jeist Gottes
1Kjikj, een Kjennich woat en Jerajchtichkjeit rejieren; un de Ferschten, see woaren no Rajcht harschen. 2Un een Maun woat sennen aus eene Tooflucht ver däm Wint un een Schutz ver däm Räajenstorm, aus Wotastreem enne drieeje Jäajent, aus de Schauten von eenem jewaultjen Fels em utjedräjden Launt. 3Un de Uagen de seenende woaren nich mea vekjleewt sennen, un de Uaren de Hierende woaren oppmoakjen; 4un daut Hoat de Onbesonnene woat Erkjantnis erlangen, un de Tungen de doa stottre woaren rechtich un dietlich räden. 5De schlajchta Mensch woat nich mea iedla jenant un de Schumla nich mea väanäm jenant woaren. 6Dan een schlajchta Mensch räd Noaheit; un sien Hoat jeit met Fräfel om, om Orrajcht too eewen un Errtum to räden jäajen däm Harn, om de Hungaje Seel ladich to loten un von däm Darschtjen daut Jedrenkj trigjtohoolen. 7Un de Schumla, sien Jereetschoft es bees: Hee erfinjt beese Aunschläaj, om de Älendje derch Läajesräden too Grunt too rechten, selfst wan de Oama sien Rajcht deit. 8Oba de Iedla erfinjt Iedlet, un opp Iedlet besteit hee.
9Stot opp, jie sorjloose Frues, hieet miene Stemm! Jie sechre Dajchta, nemt too Uaren miene Räd! 10Noch Joa un Dach woa jie zetren, jie Sechre; dan de Wienarnte es doahan, de Oftarnte kjemt nich. 11Bäbt, jie Sorjloose; zettat, jie Sechre! Trakjt junt ut un siet noaktich un ombinjt junt met Sakduak de Lenden! 12Aun de Brost schleit maun sikj wäajen de leeftolje Felda, wäajen de fruchtboare Wienstakj. 13Opp mienem Volkj sien Aka komen Struck un Hachels opp, jo, opp aule frooe Hiesa un de frooe Staut. 14Dan de Paulaust es oppjejäft, veloten daut Jetimmel de Staut; Ofel un Torm sellen opp eewich aus Heel deenen, de Wiltäsel too eene Freid, toom Weidlaunt de Häaden, 15bat de Jeist woat von Bowen äwa ons utjegoten, un de Wieste toom fruchtboarem Launt woat, un daut fruchtboare Launt däm Woolt jlikj jeacht woat. 16Un daut Rajcht woat sikj en de Wieste raufloten, un de Jerajchtichkjeit opp däm fruchtboarem Launt wonen; 17un daut Woakj de Jerajchtichkjeit woat Fräd sennen, un de Arnt de Jerajchtichkjeit Ru un Sechaheit eewich. 18Un mien Volkj woat aun eene Frädenswonstäd wonen un en sechre Woninj un aun stelle Rustäde. 19Un daut woat hoaglen biem Dolfaulen (Omfaulen) vom Woolt, un de Staut woat enne Läacht vesinkjen. 20Jlekjseelich jie, dee jie aun aule Wota seien, frie omhäa gonen loten däm Foot de Rinda un de Äsel!
Currently Selected:
Jesaja 32: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Jesaja 32
32
Daut tookjinftje Jerajchtichkjeits Rikj – Heil derch utjeeten vom Jeist Gottes
1Kjikj, een Kjennich woat en Jerajchtichkjeit rejieren; un de Ferschten, see woaren no Rajcht harschen. 2Un een Maun woat sennen aus eene Tooflucht ver däm Wint un een Schutz ver däm Räajenstorm, aus Wotastreem enne drieeje Jäajent, aus de Schauten von eenem jewaultjen Fels em utjedräjden Launt. 3Un de Uagen de seenende woaren nich mea vekjleewt sennen, un de Uaren de Hierende woaren oppmoakjen; 4un daut Hoat de Onbesonnene woat Erkjantnis erlangen, un de Tungen de doa stottre woaren rechtich un dietlich räden. 5De schlajchta Mensch woat nich mea iedla jenant un de Schumla nich mea väanäm jenant woaren. 6Dan een schlajchta Mensch räd Noaheit; un sien Hoat jeit met Fräfel om, om Orrajcht too eewen un Errtum to räden jäajen däm Harn, om de Hungaje Seel ladich to loten un von däm Darschtjen daut Jedrenkj trigjtohoolen. 7Un de Schumla, sien Jereetschoft es bees: Hee erfinjt beese Aunschläaj, om de Älendje derch Läajesräden too Grunt too rechten, selfst wan de Oama sien Rajcht deit. 8Oba de Iedla erfinjt Iedlet, un opp Iedlet besteit hee.
9Stot opp, jie sorjloose Frues, hieet miene Stemm! Jie sechre Dajchta, nemt too Uaren miene Räd! 10Noch Joa un Dach woa jie zetren, jie Sechre; dan de Wienarnte es doahan, de Oftarnte kjemt nich. 11Bäbt, jie Sorjloose; zettat, jie Sechre! Trakjt junt ut un siet noaktich un ombinjt junt met Sakduak de Lenden! 12Aun de Brost schleit maun sikj wäajen de leeftolje Felda, wäajen de fruchtboare Wienstakj. 13Opp mienem Volkj sien Aka komen Struck un Hachels opp, jo, opp aule frooe Hiesa un de frooe Staut. 14Dan de Paulaust es oppjejäft, veloten daut Jetimmel de Staut; Ofel un Torm sellen opp eewich aus Heel deenen, de Wiltäsel too eene Freid, toom Weidlaunt de Häaden, 15bat de Jeist woat von Bowen äwa ons utjegoten, un de Wieste toom fruchtboarem Launt woat, un daut fruchtboare Launt däm Woolt jlikj jeacht woat. 16Un daut Rajcht woat sikj en de Wieste raufloten, un de Jerajchtichkjeit opp däm fruchtboarem Launt wonen; 17un daut Woakj de Jerajchtichkjeit woat Fräd sennen, un de Arnt de Jerajchtichkjeit Ru un Sechaheit eewich. 18Un mien Volkj woat aun eene Frädenswonstäd wonen un en sechre Woninj un aun stelle Rustäde. 19Un daut woat hoaglen biem Dolfaulen (Omfaulen) vom Woolt, un de Staut woat enne Läacht vesinkjen. 20Jlekjseelich jie, dee jie aun aule Wota seien, frie omhäa gonen loten däm Foot de Rinda un de Äsel!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.