Jesaja 31
31
Jerusalem woat jewoarnt Ägipten no Help to froagen - Aunsajen de Help vom Harn jäajen Assur
1Wee dän, dee no Ägipten raufgonen om Help, sikj opp Pieed veloten, un dee äa Vetruen opp Woages saten, wiels daut väle sent, un opp Rittasch, wiels dee väl sent; un dee opp däm Heiljen Israels nich kjikjen un nodäm Harn nich froagen! 2Oba uk hee es weis un fieet Onjlekj doatoo, un nemt siene Wieed nich trigj; un hee steit jäajen daut Hus de Iebel doonende opp un jäajen dee äare Help, dee Fräfel doonen. 3Un de Ägipta sent Menschen nich Gott, un äare Pieed sent Fleesch nich Jeist. Un de Har strakjt siene Haunt ut, un de Helpa enjsten sikj, un daut felt dee, däm jeholpen woat; un see woaren aula metenaunda omkomen.
4Dan aulsoo haft de Har to mie jerät: Aus de Leiw un de junge Leiw, jäajen däm de Hoadsmenje tooproopen woat, äwa sienem Raup gnorrt, ver äare Stemm sikj nich enjst un sikj ver äarem Loarm nich jeft, aulsoo woat Gott de Häaschoa raufstieen, om opp däm Boajch Zion un opp sienem Aunboajch too strieden. 5Soo aus schwäwende Väajel, aulsoo woat Gott de Häaschoa Jerusalem bewoaren; bewoaren un raden, schoonen un frie moaken.
6Dreit om, Kjinja Israel, nodäm, von däm jie soo wiet aufjegonen sent! 7Dan aun janem Dach woaren see aufschu haben, een jiedra von siene Jetta von Selwa un siene Jetta von Golt, dee äare Henj junt too eene Sind jemoakt ha. 8Un Assur woat derch een Schwieet faulen, nich von eenem Maun; un een Schwieet, nich von eenem Mensch, woat an vetäaren. Un daut woat ver daut Schwieet ranen, un siene Jinjlinje woaren too Deenstoabeit jedwungen woaren. 9Un sien Fels woat fa Schrakj wajchranen, un siene Ferschten woaren ver dän Tieekjen vezoagen, sajcht de Har, dee sien Fia en Zion un sien Owen en Jerusalem haft.
Currently Selected:
Jesaja 31: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
