Tum ci 15
15
Cohaŋ Yerusalem ŋ ini kaɗ ŋ kosiɗ ci nikɗi Yawuut
1Wa raakeen ɓi ɓo', ɓa pulohee Yudee, ɓa hayya Añcos, ɓa jangɗeeɗa ɓaah ciŋ ɓoo kosiɗ ci ne ɓa nguɗukɗi findi waasiŋ Musaa nakoha ɗah, ɓa heyɗi mine mucɗu. 2Pool na Barnabaas muuƴohha na ɓa, taastiɗoheeɗa na ɓa taastiɗoh miskiɗ ŋ ineem. Ŋ mirndaani, kosiɗ caŋ Añcos ammba ne Pool na Barnabaas joyiɗ hun na ɓi ɓo' ɓaah nga ɓa, ɓa kaɗ Yerusalem ŋ Apootar ca na yakak ca ŋ ndaam, ɓa woo ŋ ineem.
3Ɓi Janguuna eɗta ɓa ini ɓa ɓayan ŋ ɓaaɓiŋ ɓa. Ɓa lahha Feniis na Samari, ɓa naandsukeeɗa findi ɓooɓi nikɗi Yawuut hayoh ŋ Heɗi. Ineem soosiɗta lool keeñ ciŋ ɓaah caŋ ɓoo kosiɗ ca jen.
4Wa ɓa ree Yerusalem, ɓi Janguuna na Apootar ca, na yakak caŋ Janguuna taambkohha ɓa. Ɓa naandsukka ɓa in ci Kooh tum jen taamboh nga ɓa. 5Waaye wa raakeen ɓi ɓo' ɓaah ŋ Farisen ca, ɓa koseen, ɓa kurukka, ɓa woyeeɗa ne : « Kosiɗ ci nikɗi Yawuut joy joy nguɗu, ɓa woyu ne ɓa taambɗaat waasiŋ Musaa. »
6 Apootar ca na yakak ca cohha ne ɓa marak ineem. 7Ɓa taastiɗoheeɗa po, Piyeer kurukka, woosa ɓa ne : « Ɓaah ciŋ ngo, ɗu inhiɗ ne Kooh taniɗ to maañiɗ ŋ ɗooƴ ɗu ne ŋ inhiɗ ɓi nikɗi Yawuut Yegɗohiŋ Muci ne ɓa keraha, ɓa kos. 8Te Kooh yi inah ini nik ŋ ɗooƴ keeñ ci teeɓohiɗ ne a teyɗukiɗ ɓa, ŋ oni a on ɓa ne ɓa rahas Fuuɗsi Hoolohngaani findi a onoha ɓoo. 9Kooh raakɗi ali talsoh ŋ harmban ɓoo na ɓa, a hoolɗiɗ keeñ ciŋ ɓa ŋ kosi ɓa kos. 10Kon ɗiski wa nik, wa ye tah ɗu waaksiɗke Kooh ŋ waaɗi ɗu waaɗ raan taalubeeci ɗufi ɓoo na caac ciŋ ɓoo moosɗi min raanuk ? 11Muk ! Ini ɓoo kos weɗ ne Heɗ ɓoo Yeesu mucɗiɗ ɓoo findi a nam ɓa mucɗoh ŋ baahohi a baahoh ɓoo jen. »
12Wa Piyeer woo woo keem, ɓooɓa jen sikɗukeeɗa Barnabaas na Pool, ɓeem naandsukka ɓa firndeeci na keemaan ci laayiɗ ci Kooh tum taamboh nga ɓa ŋ ɗooƴ ɓooɓi nikɗi Yawuut.
13Wa ɓa ƴut woo, Saak kooɗta woo ka, a woosa ne : « Ɓaah ciŋ ngo, sikɗukaat to ! 14Simong naandsukiɗ ɗu wi Kooh camb taambkoh ɓi nikɗi Yawuut ne a tan nga ɓa cuuɓi nikan wiŋ ɗe. 15Te woo ciŋ woosuuɗ ci huniɗ ŋ ineem, findi wa fiisohu an : 16“ Kooh woo ne :
Ŋ finho in ceem, ŋ hey hayisse
te ŋ hey tufkiɗisse kahniŋ Dawuuda keene,
ŋ nangɗoh pook-pook ciŋ wa, ŋ taɓahisa.
17Ŋ ineem, ini tas ŋ ɓooɓiŋ adinaani
hey waake Heɗi,
Ee di' ! Cuuɓ ci ŋ tan jen ne ɓa nik wuu so,
hey yo waake.
Ineem weɗ Heɗi woo,
yi na tume in ceem,
18te a inhiɗiɗ ɓooɓi wa in maañiɗ.#Amos 9:11-12 ”
19Weɗ tah, mi yi Saak, ŋ huniɗ nga ne ɓoo kinaat yaaɓiɗ ɓi na haye ŋ Kooh te ɓa nikɗi Yawuut. 20Waaye ɓoo fiisɗaat ɓa ne ɓa wortukaat ñam kañam ci seeƴkohu wuu kooh ci nikaaɗiici, kañam ceem hoolɗi. Ɓa nam wortuk faankoh sangohuuɗ, na ñam med, na an ñif. 21Laam ŋ ɗeɓgaan po wi, ɓi ɓo' ɓii yegɗoh waasiŋ Musaa ŋ kur-taah nu nik te ŋ mbeh ci na iɗsiɗkohse jen, teereeciŋ waasiŋ Musaa na jangse jangu ŋ sinaagog ci. »
Kayit fiisuuɗ, kaɓɗohuusa kosiɗ ca nikɗi Yawuut
22Wa Saak ƴut woo, Apootar ca na yakak ca na ɓi Janguuna jen hunnda ne ɓa kooɗ ɓi ɓo' ŋ ɗooƴ ɓa, ɓa tuuƴ ɓa Añcos, ɓa hun na Pool na Barnabaas. Ɓa kooɗta Yuud yi na ɓeeɗkohse Barsabaas, na Silaas. Ɓeɗ ɓi kanak ceem, ɓa nikee ɓo' kerhiɗuuɗ ŋ ɓaah ciŋ ɓoo kosiɗ ci. 23Ɓa eɗta ɓa kayti fiisu inii :
« Ɗu ɓi ɓaah ciŋ ɓoo nikɗi Yawuut te ɗu gennda Añcos, Siri na Silisi, ɓoo ɓii kañiɗ ɗu, ɓoo ɓi ɓaah ciŋ ɗu Apootar ci na yakak ci. 24Ɓoo kerhiɗ ne raakiɗ ɓooɓi puloh nga ɓoo ndii ɓa hayya nga ɗu, ɓa ambsohha haf ciŋ ɗu, ɓa yahrohha hel ciŋ ɗu na woo ciŋ ɓa, te ɓoo nakɗi ɓa wa.
25Ineem weɗ tah ɓoo hunnda ɓoo kooɗta ɓi ɓo', ɓoo woossa ɓa nga ɗu. Ɓoo ambsohha ɓa na Barnabaas na Pool, ɓaah ciŋ ɓoo ɓoo keeñkoh, 26ɓi eɗoh kipes ciŋ ɓa wuu Yeesu Kiristaa, Heɗ ɓoo. 27Kon ɓoo ɓii tuuƴ Yuud na Silaas ne ɓa woo ɗu na nguɓ ini ɓoo fiis ŋ kaytii.
28Ini neɓ Fuuɗsi Hoolohngaani te wa neɓpa ɓoo weɗ ne ɓoo heyɗi ɗu raane nakoh wiiriis ɗal ci minɗi faɗu cii : 29Kinaat ñam kañam ci seeƴkohu wuu kooh nikaaɗi, kinaat an ñif, kinaat ñam med, wortukaat njaaloo. Ɗu penduk in ceem ɗah, wa hey baahe. Nikaat ŋ jam ! »
30Wa kayta fiisu po ƴutta, ɓooɓa tuuƴsee kurkohha ndaam, ɓa kaɗta Añcos. Wa ɓa ree, ɓa cohɗohha ɓooɓa, ɓa eɗta ɓa kayta fiisuuɗa. 31Wa janguusa, ɓooɓa summba ŋ ini wa woo, wa ɓaatta ndengiɗ kosi ɓa kos.
32Yuud na Silaas ɓeɗ ŋ haf ɓa, ɓa nikee woosuuɗ. Ŋ ineem ɓa woyeeɗa na ɓaah caŋ ɓoo kosiɗ ca in maañiɗ, ɓa ñaaheeɗa ɓa, ɓa ndengɗeeɗa kosi ɓa kos. 33Ɓa nikka ŋ ndaam in samiɗ maañ, ƴutta ɓaah caŋ ɓoo kosiɗ ca faɗta ɓa ne ɓa dokuk moɗoɗ ŋ ɓooɓa woosee ɓa. [34Waaye Silaas tassa ŋ Añcos, Yuud dokukka Yerusalem kiik ce.]
35Pool na Barnabaas tassa ŋ Añcos, ɓa taalndiɗta na ɓi ɓo' laayiɗ ɓa jangɗoheeɗa, ɓa yegɗoheeɗa woo kiŋ muci, wi kaɗ ŋ Heɗi.
Pool na Barnabaas hunisɗi
36Wa degga ɓi neeh, Pool woosa Barnabaas ne : « Ɓoo dokkaat marka ɓaah ciŋ ɓoo kosiɗ ci ŋ kur-taah ci ɓoo taamboh jen yegɗoheeɗa woo kiŋ Heɗi, ɓoo marak findi ɓa nikoh. » 37Barnabaas waaɗta ɓayndoh Saaŋ yi na woyse Maarko, 38waaye Pool hotta ne ɓa joyɗi ɗe ɓayndoh, sagu faɗa a faɗee ɓa ŋ Pamfili a hunisɗi na ɓa ŋ pangkaŋ ɓa. 39Ɓa nookohha nookoh miskiɗ po ɓa mirndohha saɓsukoh. Barnabaas ɓayndohha Maarko, ɓa aassa batoona na kaɗe Siipar. 40Pool nak, a tannda Silaas ne a kaɗ na ɗe. Ɓaah caŋ ɓoo kosiɗ ca dengkohha ɓa Heɗi, ŋ baahohiŋ ɗe, ɓa cootta. 41Ɓa taammba Siri na Silisi ɓa ñaaheeɗa ɓooɓa ɓaahee ŋ Janguuca ne ɓa ndengɗuk ŋ kosiŋ ɓa.
Currently Selected:
Tum ci 15: YM
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc
Tum ci 15
15
Cohaŋ Yerusalem ŋ ini kaɗ ŋ kosiɗ ci nikɗi Yawuut
1Wa raakeen ɓi ɓo', ɓa pulohee Yudee, ɓa hayya Añcos, ɓa jangɗeeɗa ɓaah ciŋ ɓoo kosiɗ ci ne ɓa nguɗukɗi findi waasiŋ Musaa nakoha ɗah, ɓa heyɗi mine mucɗu. 2Pool na Barnabaas muuƴohha na ɓa, taastiɗoheeɗa na ɓa taastiɗoh miskiɗ ŋ ineem. Ŋ mirndaani, kosiɗ caŋ Añcos ammba ne Pool na Barnabaas joyiɗ hun na ɓi ɓo' ɓaah nga ɓa, ɓa kaɗ Yerusalem ŋ Apootar ca na yakak ca ŋ ndaam, ɓa woo ŋ ineem.
3Ɓi Janguuna eɗta ɓa ini ɓa ɓayan ŋ ɓaaɓiŋ ɓa. Ɓa lahha Feniis na Samari, ɓa naandsukeeɗa findi ɓooɓi nikɗi Yawuut hayoh ŋ Heɗi. Ineem soosiɗta lool keeñ ciŋ ɓaah caŋ ɓoo kosiɗ ca jen.
4Wa ɓa ree Yerusalem, ɓi Janguuna na Apootar ca, na yakak caŋ Janguuna taambkohha ɓa. Ɓa naandsukka ɓa in ci Kooh tum jen taamboh nga ɓa. 5Waaye wa raakeen ɓi ɓo' ɓaah ŋ Farisen ca, ɓa koseen, ɓa kurukka, ɓa woyeeɗa ne : « Kosiɗ ci nikɗi Yawuut joy joy nguɗu, ɓa woyu ne ɓa taambɗaat waasiŋ Musaa. »
6 Apootar ca na yakak ca cohha ne ɓa marak ineem. 7Ɓa taastiɗoheeɗa po, Piyeer kurukka, woosa ɓa ne : « Ɓaah ciŋ ngo, ɗu inhiɗ ne Kooh taniɗ to maañiɗ ŋ ɗooƴ ɗu ne ŋ inhiɗ ɓi nikɗi Yawuut Yegɗohiŋ Muci ne ɓa keraha, ɓa kos. 8Te Kooh yi inah ini nik ŋ ɗooƴ keeñ ci teeɓohiɗ ne a teyɗukiɗ ɓa, ŋ oni a on ɓa ne ɓa rahas Fuuɗsi Hoolohngaani findi a onoha ɓoo. 9Kooh raakɗi ali talsoh ŋ harmban ɓoo na ɓa, a hoolɗiɗ keeñ ciŋ ɓa ŋ kosi ɓa kos. 10Kon ɗiski wa nik, wa ye tah ɗu waaksiɗke Kooh ŋ waaɗi ɗu waaɗ raan taalubeeci ɗufi ɓoo na caac ciŋ ɓoo moosɗi min raanuk ? 11Muk ! Ini ɓoo kos weɗ ne Heɗ ɓoo Yeesu mucɗiɗ ɓoo findi a nam ɓa mucɗoh ŋ baahohi a baahoh ɓoo jen. »
12Wa Piyeer woo woo keem, ɓooɓa jen sikɗukeeɗa Barnabaas na Pool, ɓeem naandsukka ɓa firndeeci na keemaan ci laayiɗ ci Kooh tum taamboh nga ɓa ŋ ɗooƴ ɓooɓi nikɗi Yawuut.
13Wa ɓa ƴut woo, Saak kooɗta woo ka, a woosa ne : « Ɓaah ciŋ ngo, sikɗukaat to ! 14Simong naandsukiɗ ɗu wi Kooh camb taambkoh ɓi nikɗi Yawuut ne a tan nga ɓa cuuɓi nikan wiŋ ɗe. 15Te woo ciŋ woosuuɗ ci huniɗ ŋ ineem, findi wa fiisohu an : 16“ Kooh woo ne :
Ŋ finho in ceem, ŋ hey hayisse
te ŋ hey tufkiɗisse kahniŋ Dawuuda keene,
ŋ nangɗoh pook-pook ciŋ wa, ŋ taɓahisa.
17Ŋ ineem, ini tas ŋ ɓooɓiŋ adinaani
hey waake Heɗi,
Ee di' ! Cuuɓ ci ŋ tan jen ne ɓa nik wuu so,
hey yo waake.
Ineem weɗ Heɗi woo,
yi na tume in ceem,
18te a inhiɗiɗ ɓooɓi wa in maañiɗ.#Amos 9:11-12 ”
19Weɗ tah, mi yi Saak, ŋ huniɗ nga ne ɓoo kinaat yaaɓiɗ ɓi na haye ŋ Kooh te ɓa nikɗi Yawuut. 20Waaye ɓoo fiisɗaat ɓa ne ɓa wortukaat ñam kañam ci seeƴkohu wuu kooh ci nikaaɗiici, kañam ceem hoolɗi. Ɓa nam wortuk faankoh sangohuuɗ, na ñam med, na an ñif. 21Laam ŋ ɗeɓgaan po wi, ɓi ɓo' ɓii yegɗoh waasiŋ Musaa ŋ kur-taah nu nik te ŋ mbeh ci na iɗsiɗkohse jen, teereeciŋ waasiŋ Musaa na jangse jangu ŋ sinaagog ci. »
Kayit fiisuuɗ, kaɓɗohuusa kosiɗ ca nikɗi Yawuut
22Wa Saak ƴut woo, Apootar ca na yakak ca na ɓi Janguuna jen hunnda ne ɓa kooɗ ɓi ɓo' ŋ ɗooƴ ɓa, ɓa tuuƴ ɓa Añcos, ɓa hun na Pool na Barnabaas. Ɓa kooɗta Yuud yi na ɓeeɗkohse Barsabaas, na Silaas. Ɓeɗ ɓi kanak ceem, ɓa nikee ɓo' kerhiɗuuɗ ŋ ɓaah ciŋ ɓoo kosiɗ ci. 23Ɓa eɗta ɓa kayti fiisu inii :
« Ɗu ɓi ɓaah ciŋ ɓoo nikɗi Yawuut te ɗu gennda Añcos, Siri na Silisi, ɓoo ɓii kañiɗ ɗu, ɓoo ɓi ɓaah ciŋ ɗu Apootar ci na yakak ci. 24Ɓoo kerhiɗ ne raakiɗ ɓooɓi puloh nga ɓoo ndii ɓa hayya nga ɗu, ɓa ambsohha haf ciŋ ɗu, ɓa yahrohha hel ciŋ ɗu na woo ciŋ ɓa, te ɓoo nakɗi ɓa wa.
25Ineem weɗ tah ɓoo hunnda ɓoo kooɗta ɓi ɓo', ɓoo woossa ɓa nga ɗu. Ɓoo ambsohha ɓa na Barnabaas na Pool, ɓaah ciŋ ɓoo ɓoo keeñkoh, 26ɓi eɗoh kipes ciŋ ɓa wuu Yeesu Kiristaa, Heɗ ɓoo. 27Kon ɓoo ɓii tuuƴ Yuud na Silaas ne ɓa woo ɗu na nguɓ ini ɓoo fiis ŋ kaytii.
28Ini neɓ Fuuɗsi Hoolohngaani te wa neɓpa ɓoo weɗ ne ɓoo heyɗi ɗu raane nakoh wiiriis ɗal ci minɗi faɗu cii : 29Kinaat ñam kañam ci seeƴkohu wuu kooh nikaaɗi, kinaat an ñif, kinaat ñam med, wortukaat njaaloo. Ɗu penduk in ceem ɗah, wa hey baahe. Nikaat ŋ jam ! »
30Wa kayta fiisu po ƴutta, ɓooɓa tuuƴsee kurkohha ndaam, ɓa kaɗta Añcos. Wa ɓa ree, ɓa cohɗohha ɓooɓa, ɓa eɗta ɓa kayta fiisuuɗa. 31Wa janguusa, ɓooɓa summba ŋ ini wa woo, wa ɓaatta ndengiɗ kosi ɓa kos.
32Yuud na Silaas ɓeɗ ŋ haf ɓa, ɓa nikee woosuuɗ. Ŋ ineem ɓa woyeeɗa na ɓaah caŋ ɓoo kosiɗ ca in maañiɗ, ɓa ñaaheeɗa ɓa, ɓa ndengɗeeɗa kosi ɓa kos. 33Ɓa nikka ŋ ndaam in samiɗ maañ, ƴutta ɓaah caŋ ɓoo kosiɗ ca faɗta ɓa ne ɓa dokuk moɗoɗ ŋ ɓooɓa woosee ɓa. [34Waaye Silaas tassa ŋ Añcos, Yuud dokukka Yerusalem kiik ce.]
35Pool na Barnabaas tassa ŋ Añcos, ɓa taalndiɗta na ɓi ɓo' laayiɗ ɓa jangɗoheeɗa, ɓa yegɗoheeɗa woo kiŋ muci, wi kaɗ ŋ Heɗi.
Pool na Barnabaas hunisɗi
36Wa degga ɓi neeh, Pool woosa Barnabaas ne : « Ɓoo dokkaat marka ɓaah ciŋ ɓoo kosiɗ ci ŋ kur-taah ci ɓoo taamboh jen yegɗoheeɗa woo kiŋ Heɗi, ɓoo marak findi ɓa nikoh. » 37Barnabaas waaɗta ɓayndoh Saaŋ yi na woyse Maarko, 38waaye Pool hotta ne ɓa joyɗi ɗe ɓayndoh, sagu faɗa a faɗee ɓa ŋ Pamfili a hunisɗi na ɓa ŋ pangkaŋ ɓa. 39Ɓa nookohha nookoh miskiɗ po ɓa mirndohha saɓsukoh. Barnabaas ɓayndohha Maarko, ɓa aassa batoona na kaɗe Siipar. 40Pool nak, a tannda Silaas ne a kaɗ na ɗe. Ɓaah caŋ ɓoo kosiɗ ca dengkohha ɓa Heɗi, ŋ baahohiŋ ɗe, ɓa cootta. 41Ɓa taammba Siri na Silisi ɓa ñaaheeɗa ɓooɓa ɓaahee ŋ Janguuca ne ɓa ndengɗuk ŋ kosiŋ ɓa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc