Bumomo Bɔka 2
2
Kaba Bekyuli Bammɔ Báda Bana Kuliekɔ Na Bana Adua Kenye
1Amu na Unwoti ɔ́su Mose ku Aaron ɔnini, 2“Bɛkɔ lɛsa bite Israelƒuɔ bɛnii belie bamana mina Adi Kevo kammɔ, nsu banu ka bésie kama ƒui na kevo kammɔ kudɔ. Na kaduli biala bekyuli belie basala na bawia bana likposela balɛ kaduli kammɔ kemmo.”
3Na ɔƒɛ katukɔ kakɛ ni, Yuda kaba bekyuli bada bana keliekɔ na balɛ bana likposela aƒlaga na mmɔ. Na bana ɔtɔnkune ndi Aminadab ubidi Nahason. 4Na lɛkpa lɛmmɔ bekyuli bumomo ndi mpim liti ku aavlanyɔ-ine ku eti leevu-anyɔ (74,600).
5Na Isakar kaba bekyuli ndubulie basiaku-ma kama. Na bana ɔtɔnkune ndi Suar ubidi Netaneel. 6Na bana bumomo bɔdi mpim liti ku ine ku eti maane (54,400).
7Bammɔ kama Sebulon kaba bekyuli nsia. Na bana ɔtɔnkune ndi Helon ubidi Eliab. 8Na lɛkpa lɛmmɔ bekyuli bumomo ndi mpim liti ku maatɛ ku eti maane (57,400).
9Bekyuli bani ƒui násala ku Yuda kaba bekyuli na báda bana keliekɔ na akpa akpa ammɔ kenye bumomo ndi mpim eti atɛ ku avlaatɛ-ɛku ku eti mane (186,400). Na ama ndubo bɔgyu bɔtɔ bɔyu ulu.
10Na lɛkpa lɛni ndi Ruben kaba bekyuli ni, ama lɛnɔ badubo bana keliekɔ bɔda na kada kakɛ ku bana likposela. Na bana ɔtɔnkune ndi Sedeur ubidi Elisur. 11Na bana bumomo bɔdi mpim aavlene-ɛku ku eti leevu (46,500).
12Na Simeon kɔdua bekyuli ndubulie bɔsiaku-ma. Na bana ɔtɔnkune ndi Surisadai ubidi Selumiel. 13Na bana bumomo bɔdi mpim liti ku yaalenwi ku eti aku (59,300).
14Na Gad kɔdua bekyuli ndubulie bɔsiaku-ma. Na bana ɔtɔnkune ndi Reuel ubidi Eliasaƒ. 15Na bana bumomo bɔdi mpim aavlene-ɛlɔ ku eti leevu-atɛ (45,650).
16Bekyuli bani ƒui násala ku Ruben kaba bekyuli na báda bana keliekɔ na akpa akpa ammɔ kenye bumomo ndi mpim eti atɛ ku unwi ku eti yaalenwi (151,450). Na ama ndubɔdi banyɔdi bani ndubo ulu bɔyu.
17Ɔmmɔ kama Katɔti Kevo kani kemmo na ɔɔsiáku-ma kadubɔsia, na Lewiƒuɔ bammɔ lɛnɔ bayu ulu na bakya akpa akpa ammɔ ntɛ. Na badubɔyu ulu basiaku lɛlɔ aani kalɛ na báda bana kuliekɔ bélie kenye na esu esu ammɔ kemmo na bana ɔdi biala ɔdubɔda bana likposela aƒlaga.
18Na ɔƒɛ kanukɔ ni, Eƒraim kaba bekyuli kasala badubɔda bana keliekɔ na mmɔ ku bana likposela aƒlaga. Na bana ɔtɔnkune ndi Amihud ubidi Elisama. 19Na bana bumomo bɔdi mpim aavlene ku eti leevu (40, 500).
20Na Manase kaba bekyuli ndubulie basiaku-ma. Na bana ɔtɔnkune ndi Pedahsur ubidi Gamaliel. 21Na bana bumomo bɔdi mpim avlaatɛ-inyɔ ku eti ene (32,200).
22Ɔmmɔ kama Benyamin kɔdua bekyuli ndubulie basiaku-ma. Na bana ɔtɔnkune ndi Abidan ubidi Gideon. 23Na bana bumomo bɔdi mpim avlaatɛ-ɛlɔ ku eti maane (35,400).
24Na bekyuli bani ƒui násala ku Eƒraim kaba bekyuli na bana bule ku bumomo kenye bɔdi mpim eti anyɔ ku maane ku eti anyɔ (108,100). Na ama ndubɔdi batɛdi bani mayu ulu.
25Na Dan kaba bekyuli na bana bule kenye badubɔda bana keliekɔ úti úsie katɔ kakɛ ku bana likposela aƒlaga. Na bana ɔtɔnkune ndi Amisadai ubidi Ahieser. 26Na bana bumomo bɔdi mpim liti ku leevu-inyɔ ku eti leevu-ene (62,700).
27Na ɔmmɔ kama Aser kaba bekyuli basia na bana ɔtɔnkune ndi Okran ubidi Pagiel. 28Na bana bumomo bɔdi mpim aavlene-unwi ku eti leevu (41,500).
29Ɔmmɔ kama Naƒtali kaba bekyuli basia, na bana ɔtɔnkune ndi Enan ubidi Ahira. 30Na bana bumomo bɔdi mpim liti ku ɛtɛ ku eti maane (53,400).
31Na bekyuli bani ƒui násala ku Dan kaba bekyuli na lisu lɛmmɔ kenye bumomo bɔdi mpim eti atɛ ku maatɛ ku eti leevu-anyɔ (157,600). Na ama ndubɔkpɛ kama ƒui ku bana likposela aƒlaga.
32Na kalɛ na báka Israelƒuɔ na bana kaba kaba kammɔ kenye na ɔdi mmɔ. Na bani ƒui nkya bana kɔkyakɔ na bana esu esu ammɔ kenye bumomo bɔdi mpim eti leevu-anyɔ ku ɛtɛ ku eti leevu-unwi (603,550). 33Nsu bátaka Lewiƒuɔ kaba bekyuli ama bétebunku Israelƒuɔ bammɔ kalɛ kani na Unwoti úbo Mose ɔda kalɛ.
34Anwuɔsu Israelƒuɔ bábla básia lɛla biala lɛlɔ pɛpɛɛpɛ kalɛ kani na Unwoti úbo Mose ɔda ɔnii babla. Na lɛni na báda bana kuliekɔ bélieku bana likposela aƒlaga. Na lɛni kani na báta báyu ulu na bana adua ku kɔduli bekyuli kenye.
Currently Selected:
Bumomo Bɔka 2: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Bumomo Bɔka 2
2
Kaba Bekyuli Bammɔ Báda Bana Kuliekɔ Na Bana Adua Kenye
1Amu na Unwoti ɔ́su Mose ku Aaron ɔnini, 2“Bɛkɔ lɛsa bite Israelƒuɔ bɛnii belie bamana mina Adi Kevo kammɔ, nsu banu ka bésie kama ƒui na kevo kammɔ kudɔ. Na kaduli biala bekyuli belie basala na bawia bana likposela balɛ kaduli kammɔ kemmo.”
3Na ɔƒɛ katukɔ kakɛ ni, Yuda kaba bekyuli bada bana keliekɔ na balɛ bana likposela aƒlaga na mmɔ. Na bana ɔtɔnkune ndi Aminadab ubidi Nahason. 4Na lɛkpa lɛmmɔ bekyuli bumomo ndi mpim liti ku aavlanyɔ-ine ku eti leevu-anyɔ (74,600).
5Na Isakar kaba bekyuli ndubulie basiaku-ma kama. Na bana ɔtɔnkune ndi Suar ubidi Netaneel. 6Na bana bumomo bɔdi mpim liti ku ine ku eti maane (54,400).
7Bammɔ kama Sebulon kaba bekyuli nsia. Na bana ɔtɔnkune ndi Helon ubidi Eliab. 8Na lɛkpa lɛmmɔ bekyuli bumomo ndi mpim liti ku maatɛ ku eti maane (57,400).
9Bekyuli bani ƒui násala ku Yuda kaba bekyuli na báda bana keliekɔ na akpa akpa ammɔ kenye bumomo ndi mpim eti atɛ ku avlaatɛ-ɛku ku eti mane (186,400). Na ama ndubo bɔgyu bɔtɔ bɔyu ulu.
10Na lɛkpa lɛni ndi Ruben kaba bekyuli ni, ama lɛnɔ badubo bana keliekɔ bɔda na kada kakɛ ku bana likposela. Na bana ɔtɔnkune ndi Sedeur ubidi Elisur. 11Na bana bumomo bɔdi mpim aavlene-ɛku ku eti leevu (46,500).
12Na Simeon kɔdua bekyuli ndubulie bɔsiaku-ma. Na bana ɔtɔnkune ndi Surisadai ubidi Selumiel. 13Na bana bumomo bɔdi mpim liti ku yaalenwi ku eti aku (59,300).
14Na Gad kɔdua bekyuli ndubulie bɔsiaku-ma. Na bana ɔtɔnkune ndi Reuel ubidi Eliasaƒ. 15Na bana bumomo bɔdi mpim aavlene-ɛlɔ ku eti leevu-atɛ (45,650).
16Bekyuli bani ƒui násala ku Ruben kaba bekyuli na báda bana keliekɔ na akpa akpa ammɔ kenye bumomo ndi mpim eti atɛ ku unwi ku eti yaalenwi (151,450). Na ama ndubɔdi banyɔdi bani ndubo ulu bɔyu.
17Ɔmmɔ kama Katɔti Kevo kani kemmo na ɔɔsiáku-ma kadubɔsia, na Lewiƒuɔ bammɔ lɛnɔ bayu ulu na bakya akpa akpa ammɔ ntɛ. Na badubɔyu ulu basiaku lɛlɔ aani kalɛ na báda bana kuliekɔ bélie kenye na esu esu ammɔ kemmo na bana ɔdi biala ɔdubɔda bana likposela aƒlaga.
18Na ɔƒɛ kanukɔ ni, Eƒraim kaba bekyuli kasala badubɔda bana keliekɔ na mmɔ ku bana likposela aƒlaga. Na bana ɔtɔnkune ndi Amihud ubidi Elisama. 19Na bana bumomo bɔdi mpim aavlene ku eti leevu (40, 500).
20Na Manase kaba bekyuli ndubulie basiaku-ma. Na bana ɔtɔnkune ndi Pedahsur ubidi Gamaliel. 21Na bana bumomo bɔdi mpim avlaatɛ-inyɔ ku eti ene (32,200).
22Ɔmmɔ kama Benyamin kɔdua bekyuli ndubulie basiaku-ma. Na bana ɔtɔnkune ndi Abidan ubidi Gideon. 23Na bana bumomo bɔdi mpim avlaatɛ-ɛlɔ ku eti maane (35,400).
24Na bekyuli bani ƒui násala ku Eƒraim kaba bekyuli na bana bule ku bumomo kenye bɔdi mpim eti anyɔ ku maane ku eti anyɔ (108,100). Na ama ndubɔdi batɛdi bani mayu ulu.
25Na Dan kaba bekyuli na bana bule kenye badubɔda bana keliekɔ úti úsie katɔ kakɛ ku bana likposela aƒlaga. Na bana ɔtɔnkune ndi Amisadai ubidi Ahieser. 26Na bana bumomo bɔdi mpim liti ku leevu-inyɔ ku eti leevu-ene (62,700).
27Na ɔmmɔ kama Aser kaba bekyuli basia na bana ɔtɔnkune ndi Okran ubidi Pagiel. 28Na bana bumomo bɔdi mpim aavlene-unwi ku eti leevu (41,500).
29Ɔmmɔ kama Naƒtali kaba bekyuli basia, na bana ɔtɔnkune ndi Enan ubidi Ahira. 30Na bana bumomo bɔdi mpim liti ku ɛtɛ ku eti maane (53,400).
31Na bekyuli bani ƒui násala ku Dan kaba bekyuli na lisu lɛmmɔ kenye bumomo bɔdi mpim eti atɛ ku maatɛ ku eti leevu-anyɔ (157,600). Na ama ndubɔkpɛ kama ƒui ku bana likposela aƒlaga.
32Na kalɛ na báka Israelƒuɔ na bana kaba kaba kammɔ kenye na ɔdi mmɔ. Na bani ƒui nkya bana kɔkyakɔ na bana esu esu ammɔ kenye bumomo bɔdi mpim eti leevu-anyɔ ku ɛtɛ ku eti leevu-unwi (603,550). 33Nsu bátaka Lewiƒuɔ kaba bekyuli ama bétebunku Israelƒuɔ bammɔ kalɛ kani na Unwoti úbo Mose ɔda kalɛ.
34Anwuɔsu Israelƒuɔ bábla básia lɛla biala lɛlɔ pɛpɛɛpɛ kalɛ kani na Unwoti úbo Mose ɔda ɔnii babla. Na lɛni na báda bana kuliekɔ bélieku bana likposela aƒlaga. Na lɛni kani na báta báyu ulu na bana adua ku kɔduli bekyuli kenye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.