Bumomo Bɔka 1
1
Israelƒuɔ Báka Lɛlɔ Bánu Bana Bumomo
1Na lɛkwa linyɔdi kɔbuli kunyɔdi limeyi lideedi lɛlɔ ka Israelƒuɔ bálɛ Egyipte kalɔ lɛlɔ ni, Unwoti ɔ́tɛmi úte Mose, na Unwoti Adi Kevo kemmo na Sinai ketele kalɔ kakwiidi kemmo mmɔ. Mmɔ na ɔ́su-nwu ɔnini, 2“Awɔ ku Aaron bɛka Israelƒuɔ ƒui na bana adua ku atɔƒi kenye. Na binweni banana bammɔ anyi bise unwi unwi. 3Na awɔ ku-nwu binweni-ma anyi na akpa akpa ammɔ kenye na bɛnu bani ƒui náaƒɔ akwa aavlanyɔ ku kama na bédu kekpo busie. 4Na bɛƒuna ɔnana unwi bɛsiku Israel kaba biala kemmo na babla batɔnkune na atɔƒi ammɔ kenye na bebunku-mii kabla kamɛni. 5Na bekyuli bani anyi ndubo bɔlɔ mɛni ndubo-mii kebunku kammɔ bute.
Na Ruben kaba kemmo ni, Sedeur ubidi Elisur.
6Na Simeon kaba kemmo ni, Surisadai ubidi Selumiel.
7Na Yuda kaba kemmo ni, Aminadab ubidi Nahason.
8Na Isakar kaba kemmo ni, Suar ubidi Netaneel.
9Na Sebulon kaba kemmo ni, Helon ubidi Eliab.
10Na Yoseƒ bebi akɔ badi ndi bamɛni.
Eƒraim kaba kemmo ni, Amihud ubidi Elisama.
Manase kaba kemmo ni, Pedahsur ubidi Gamaliel.
11Na Benyamin kaba kemmo ni, Gideoni ubidi Abidan.
12Na Dan kaba kemmo ni, Amisadai ubidi Ahieser.
13Na Aser kaba kemmo ni, Okran ubidi Pagiel.
14Na Gad kaba kemmo ni, Deguel ubidi Eliasaƒ.
15Na Naƒtali kaba kemmo ni, Enan ubidi Ahira.”
16Banana bani na bédie bálɛku Israelƒuɔ kadi akɔ na badi kaba kaba kammɔ batɔnkune na atɔƒi ammɔ kenye na badi mmɔ.
17Mose ku Aaron báƒɔ bekyuli bani anyi na bénweni béte-ma mmɔ, 18na bálɔ Israelƒuɔ ƒui básala na kɔbuli kunyɔdi limeyi lideedi lɛlɔ. Na banana bammɔ ɔdi biala údie lɛlɔ ɔ́tina bekyuli bammɔ na kaba ku lɛtɔƒi lɛni kemmo na ɔ́si kenye. Na bénweni-ma anyi unwi unwi ɔ́si akwa aavlanyɔ ku kama, 19aani kalɛ na Unwoti úbo Mose ɔda. Anwuɔsu báka bekyuli bammɔ ƒui na Sinai ketele kalɔ kakwiidi kemmo.
20Na ɔ́si Ruben ɔni ndi Israel ubidi udeedi lɛlɔ ni, báka banana bani nákɛ akwa aavlanyɔ ku kama na bédu ka besie kekpo. Na bénweni-ma anyi unwi unwi na kalɛ bákya bana kaba ku atɔƒi ɔku kemmo kenye. 21Na bana bumomo bɔdi mpim aavlene-ɛku ku eti leevu (46,500).
22Na Simeon kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 23Na bana bumomo bɔdi mpim liti ku yaalenwi ku eti aku (59,300).
24Na Gad kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 25Na bana bumomo bɔdi mpim aavlene-ɛlɔ ku eti leevu-atɛ (45,650).
26Na Yuda kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 27Na bana bumomo bɔdi mpim liti ku aavlanyɔ-ine ku eti leevu-anyɔ (74,600).
28Na Isakar kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 29Na bana bumomo bɔdi mpim liti ku ine ku eti maane (54,400).
30Na Sebulon kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 31Na bana bumomo bɔdi mpim liti ku maatɛ ku eti maane (57,400).
32Yoseƒ bebi akɔ ni, Eƒraim kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 33Na bana bumomo bɔdi mpim aavlene ku eti leevu (40,500).
34Na Manase kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 35Na bana bumomo bɔdi mpim avlaatɛ-inyɔ ku eti ene (32,200).
36Na Benyamin kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 37Na bana bumomo bɔdi mpim avlaatɛ-ɛlɔ ku eti maane (35,400).
38Na Dan kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 39Na bana bumomo bɔdi mpim liti ku leevu-inyɔ ku eti leevu-ene (62,700).
40Na Aser kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 41Na bana bumomo bɔdi mpim aavlene-unwi ku eti leevu (41,500).
42Na Neƒtali kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 43Na bana bumomo bɔdi mpim liti ku ɛtɛ ku eti maane (53,400).
44Bekyuli bamɛni na Mose ku Aaron ku Israel kaba kaba leevu-inyɔ bammɔ batɔnkune báka. Na batɔnkune bammɔ benye bete bana atɔƒi ammɔ. 45Anwuɔsu báka Israelƒuɔ banana bani ƒui náaƒɔ akwa aavlanyɔ ku kama na bédu kekpo busie na bana atɔƒi kenye. 46Na bana bumomo bɔdi mpim eti leevu-anyɔ ku ɛtɛ ku eti leevu-unwi (603,550).
47Na Lewi kaba bekyuli ama bátaka-ma bétebunku bakladi lɛlɔ. 48Unwoti ɔ́su Mose úse ɔnini, 49“Taka Lewi kaba bekyuli tebunku Israel kaba bekyuli ƒui bɔka bɔmmɔ, 50mmomu ya na Lewi kaba bekyuli bammɔ bataabla Unwoti kakpakɔ kabla, na bataanu kakpakɔ kammɔ lɛla biala lɛlɔ. Na ama ndubuteeti Katɔti Adi Kevo kammɔ ku nwuna lɛlɔ ala ƒui. Na ama ndubo-ka lɛlɔ butaanu na bataagyumana-ka taamana. 51Anwuɔsu kesi kesii na baayɔ́ ka beti Adi Kevo kammɔ besienku uwi ɔdi iye balɛ-ka ni, Lewi kaba bekyuli bamɛni na ɔdi ka beti-ka iye balɛ-ka lɛnɔ. Na ukyuli bamba biala makpɛ mede kevo kammɔ ni, ɔlɛka badu-nwu. 52Na Israelƒuɔ bakladi ni, babla bana kuliekɔ na bana esu esu kenye ɔdi biala ku nwuna kevo ku bana likposela. 53Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”
54Ɔmmɔ ɔsu Israelƒuɔ bábla lɛla biala na Unwoti úbo Mose ɔda ɔnii bábla.
Currently Selected:
Bumomo Bɔka 1: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Bumomo Bɔka 1
1
Israelƒuɔ Báka Lɛlɔ Bánu Bana Bumomo
1Na lɛkwa linyɔdi kɔbuli kunyɔdi limeyi lideedi lɛlɔ ka Israelƒuɔ bálɛ Egyipte kalɔ lɛlɔ ni, Unwoti ɔ́tɛmi úte Mose, na Unwoti Adi Kevo kemmo na Sinai ketele kalɔ kakwiidi kemmo mmɔ. Mmɔ na ɔ́su-nwu ɔnini, 2“Awɔ ku Aaron bɛka Israelƒuɔ ƒui na bana adua ku atɔƒi kenye. Na binweni banana bammɔ anyi bise unwi unwi. 3Na awɔ ku-nwu binweni-ma anyi na akpa akpa ammɔ kenye na bɛnu bani ƒui náaƒɔ akwa aavlanyɔ ku kama na bédu kekpo busie. 4Na bɛƒuna ɔnana unwi bɛsiku Israel kaba biala kemmo na babla batɔnkune na atɔƒi ammɔ kenye na bebunku-mii kabla kamɛni. 5Na bekyuli bani anyi ndubo bɔlɔ mɛni ndubo-mii kebunku kammɔ bute.
Na Ruben kaba kemmo ni, Sedeur ubidi Elisur.
6Na Simeon kaba kemmo ni, Surisadai ubidi Selumiel.
7Na Yuda kaba kemmo ni, Aminadab ubidi Nahason.
8Na Isakar kaba kemmo ni, Suar ubidi Netaneel.
9Na Sebulon kaba kemmo ni, Helon ubidi Eliab.
10Na Yoseƒ bebi akɔ badi ndi bamɛni.
Eƒraim kaba kemmo ni, Amihud ubidi Elisama.
Manase kaba kemmo ni, Pedahsur ubidi Gamaliel.
11Na Benyamin kaba kemmo ni, Gideoni ubidi Abidan.
12Na Dan kaba kemmo ni, Amisadai ubidi Ahieser.
13Na Aser kaba kemmo ni, Okran ubidi Pagiel.
14Na Gad kaba kemmo ni, Deguel ubidi Eliasaƒ.
15Na Naƒtali kaba kemmo ni, Enan ubidi Ahira.”
16Banana bani na bédie bálɛku Israelƒuɔ kadi akɔ na badi kaba kaba kammɔ batɔnkune na atɔƒi ammɔ kenye na badi mmɔ.
17Mose ku Aaron báƒɔ bekyuli bani anyi na bénweni béte-ma mmɔ, 18na bálɔ Israelƒuɔ ƒui básala na kɔbuli kunyɔdi limeyi lideedi lɛlɔ. Na banana bammɔ ɔdi biala údie lɛlɔ ɔ́tina bekyuli bammɔ na kaba ku lɛtɔƒi lɛni kemmo na ɔ́si kenye. Na bénweni-ma anyi unwi unwi ɔ́si akwa aavlanyɔ ku kama, 19aani kalɛ na Unwoti úbo Mose ɔda. Anwuɔsu báka bekyuli bammɔ ƒui na Sinai ketele kalɔ kakwiidi kemmo.
20Na ɔ́si Ruben ɔni ndi Israel ubidi udeedi lɛlɔ ni, báka banana bani nákɛ akwa aavlanyɔ ku kama na bédu ka besie kekpo. Na bénweni-ma anyi unwi unwi na kalɛ bákya bana kaba ku atɔƒi ɔku kemmo kenye. 21Na bana bumomo bɔdi mpim aavlene-ɛku ku eti leevu (46,500).
22Na Simeon kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 23Na bana bumomo bɔdi mpim liti ku yaalenwi ku eti aku (59,300).
24Na Gad kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 25Na bana bumomo bɔdi mpim aavlene-ɛlɔ ku eti leevu-atɛ (45,650).
26Na Yuda kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 27Na bana bumomo bɔdi mpim liti ku aavlanyɔ-ine ku eti leevu-anyɔ (74,600).
28Na Isakar kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 29Na bana bumomo bɔdi mpim liti ku ine ku eti maane (54,400).
30Na Sebulon kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 31Na bana bumomo bɔdi mpim liti ku maatɛ ku eti maane (57,400).
32Yoseƒ bebi akɔ ni, Eƒraim kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 33Na bana bumomo bɔdi mpim aavlene ku eti leevu (40,500).
34Na Manase kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 35Na bana bumomo bɔdi mpim avlaatɛ-inyɔ ku eti ene (32,200).
36Na Benyamin kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 37Na bana bumomo bɔdi mpim avlaatɛ-ɛlɔ ku eti maane (35,400).
38Na Dan kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 39Na bana bumomo bɔdi mpim liti ku leevu-inyɔ ku eti leevu-ene (62,700).
40Na Aser kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 41Na bana bumomo bɔdi mpim aavlene-unwi ku eti leevu (41,500).
42Na Neƒtali kaba kemmo ni, bénweni banana bani náaƒɔ akwa aavlanyɔ ku kama na bédu kekpo busie anyi aani kalɛ na ɔkya bana kɔdua ku atɔƒi ɔku kemmo. 43Na bana bumomo bɔdi mpim liti ku ɛtɛ ku eti maane (53,400).
44Bekyuli bamɛni na Mose ku Aaron ku Israel kaba kaba leevu-inyɔ bammɔ batɔnkune báka. Na batɔnkune bammɔ benye bete bana atɔƒi ammɔ. 45Anwuɔsu báka Israelƒuɔ banana bani ƒui náaƒɔ akwa aavlanyɔ ku kama na bédu kekpo busie na bana atɔƒi kenye. 46Na bana bumomo bɔdi mpim eti leevu-anyɔ ku ɛtɛ ku eti leevu-unwi (603,550).
47Na Lewi kaba bekyuli ama bátaka-ma bétebunku bakladi lɛlɔ. 48Unwoti ɔ́su Mose úse ɔnini, 49“Taka Lewi kaba bekyuli tebunku Israel kaba bekyuli ƒui bɔka bɔmmɔ, 50mmomu ya na Lewi kaba bekyuli bammɔ bataabla Unwoti kakpakɔ kabla, na bataanu kakpakɔ kammɔ lɛla biala lɛlɔ. Na ama ndubuteeti Katɔti Adi Kevo kammɔ ku nwuna lɛlɔ ala ƒui. Na ama ndubo-ka lɛlɔ butaanu na bataagyumana-ka taamana. 51Anwuɔsu kesi kesii na baayɔ́ ka beti Adi Kevo kammɔ besienku uwi ɔdi iye balɛ-ka ni, Lewi kaba bekyuli bamɛni na ɔdi ka beti-ka iye balɛ-ka lɛnɔ. Na ukyuli bamba biala makpɛ mede kevo kammɔ ni, ɔlɛka badu-nwu. 52Na Israelƒuɔ bakladi ni, babla bana kuliekɔ na bana esu esu kenye ɔdi biala ku nwuna kevo ku bana likposela. 53Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”
54Ɔmmɔ ɔsu Israelƒuɔ bábla lɛla biala na Unwoti úbo Mose ɔda ɔnii bábla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.