Lewiƒuɔ Ɔda Bubo 27
27
Linyese Lɛlɔ Lili Kayu Bɔƒɔ
1Amu na Unwoti ɔ́su Mose ɔnini, 2“Kɔ lɛsa na asu Israelƒuɔ anini, ‘Si ɔdi úti ukyuli úte Unwoti ɔkɛnku kenye kani na úse ɔsu ni, ɔkana ɔsɔ ɔƒɔ-nwu uye ku kayu kani námanku. 3Lɛ kayu kadi ugyii se te ɔnana ɔni náƒɔ ɔ́si akwa aavlanyɔ útédu akwa liti ɔni ndi sika ɔƒualadi edula ebi lɛkyami bule kakɛ kenedi unu. 4Na si uleku na ɔdi ni, nwuna kayu kabla sika ɔƒualadi edula ebi lɛkyami bule kakɛ kakundi unu. 5Na si ukyuli ɔmmɔ ɔ́kɛ ɔ́si akwa alɔ útédu akwa aavlanyɔ ni, ɔnana kuye kɔbla sika ɔƒualadi edula ebi lɛkyami bule kakɛ maanedi unu. Na si uleku na ɔdi ni, na nwuna kuye kɔbla lɛkyami kemmo bule kakɛ leevu-ɛku sika ɔƒualadi unu. 6Na si ukyuli ɔmmɔ ɔ́ɔkɛ ɔ́si kɔbuli kunwi útédu akwa alɔ na ɔdi ɔnana ni, na nwuna kuye kɔbla edula ebi lɛkyami kemmo bule kakɛ leevu-inyɔ sika ɔƒualadi unu. Na si uleku na ɔdi ni, nwuna kuye kɔdi edula ebi lɛkyami bule kakɛ aavlanyɔdi sika ɔƒualadi unu. 7Na si ukyuli ɔmmɔ ɔ́ɔƒɔ akwa liti ku leevu ku kama ni, na nwuna kuye kɔbla edula ebi lɛkyami kemmo bule kakɛ leevu sika ɔƒualadi unu. Na si uleku na ɔdi ni, na ɔbla lɛkyami kakɛ leevu-ɛlɔ sika ɔƒualadi unu. 8Nsu si ukyuli ɔni nése kenye mmɔ ɔdi ɔwabane geen ni, na ɔkpanku ukyuli ɔni na úti úse kenye mmɔ usienku ɔkpane kudɔ na ɔsɔku kayu kani na ɔwabane ɔmmɔ wakana bɔƒɔ ɔkya-nwu.
9“ ‘Na si ukyuli ɔmmɔ kenye kani úse ɔdi ebuo ɔni námanku úte akpala buti bɔbla bute Unwoti ni, ebuo ɔni na úti uute Unwoti mmɔ use sɛsɛɛ. 10Na utalɛka ɔvumana ebuo ɔmmɔ iye uti ebuo ɔbuni ɔvumana ebuo ɔlɛne iye uti ebuo ɔlɛne ɔvumana ebuo ɔbuni. Si ɔ́bla lɛni ni, bebuo bammɔ ƒui bese sɛsɛɛ bete Unwoti na bana ƒui bénwini nwuna badi. 11Nsu si ebuo ɔni na úti úse kenye mmɔ útamanku ka beti bakpa bete Unwoti ni, ɔlɛka uti ebuo ɔmmɔ usieku ɔkpane 12na ɔsu si ebuo ɔmmɔ ɔ́manku iye útamanku. Na kuye biala na wakya na kuna lili ni, lɛni kani na badubuti-nwu. 13Na si ɔlati ɔmmɔ ɔɔyɔ́ ka ɔƒɔ ebuo ɔmmɔ lili kayu na ɔsɔ ɔƒɔ-nwu ni, ɔlɛka ɔƒɔ kuye kɔmmɔ lɛkpa lɛlɔndi ɔsia-nwu lɛlɔ.
14“ ‘Si ukyuli ɔdi úti nwuna kaduli úse sɛsɛɛ úte Unwoti ka kese kedee ni, ɔlɛka ɔkpane ɔnu-ka bɔdia ku tadia na kuye biala na wakya na kana lili ni, lɛni kani na ɔdubuse. 15Na si ukyuli ɔni néti nwuna kaduli úte mmɔ ɔɔyɔ́ ka ɔsɔ ɔƒɔ-ka ni, ɔlɛka uti kuye kɔmmɔ lɛkpa lɛlɔndi ubunku sika ugyii ɔmmɔ na kadubɔsɔ kenwini nwuna kadi.
16“ ‘Si ukyuli ɔdi úti bana ɔtɔ kalɔ kakɛ kadi úte Unwoti ni, kuye kɔmmɔ ɔlɛka kɔbla edula ani badubuti bava kemo kammɔ bumomo. Na ɔdubɔbla edula ebi lɛkyami bule kakɛ kenedi sika ɔƒualadi unu. 17Na si uwi ɔni na úti nwuna kemo kammɔ úte ɔdi Kayu Buti Taakyiɛ Lɛkwa ni, kuye kɔmmɔ utalɛka kɔvumana. 18Nsu si Buti Taakyiɛ Lɛkwa lɛ́ɛvi asa na úti kalɔ kammɔ úte Unwoti ni, ɔkpane ɔmmɔ ɔdubɔbu ɔnu uwi ɔni na ɔdi asa wasɔ wedu buti taakyiɛ lɛkwa na ɔƒana kuye kɔmmɔ. 19Na si ukyuli ɔni néti nwuna kalɔ kammɔ úte ɔɔwia ka ɔsɔ ɔƒɔ nwuna kalɔ ni, ɔlɛka uti kalɔ kammɔ kuye lɛkpa lɛlɔndi ubunku kuye kɔmmɔ na kalɔ kammɔ kasɔ kenwini nwuna kadi. 20Nsu si kalɔ kammɔ ɔlati ulayɔ ka ɔsɔ ɔƒɔ nwuna kalɔ na anwu úti-ka úye úte ukyuli bamba ni, ɔsɔ ulakana-ka bɔƒɔ buye na kenwini nwuna kadi lɛnɔ. 21Si kalɔ kammɔ kálɛ kayu kemmo na Buti Taakyiɛ Lɛkwa ni, kalɔ kammɔ kadi kalɔ kedee na kénwini bakpane kalɔ.
22“ ‘Na si ukyuli ɔdi úti nwuna kalɔ kani na úye na kaaadi ɔtɔ kalɔ úte Unwoti ni, 23ɔkpane ɔlɛka ɔkya-ka kuye kɔni námanku asa wasɔ wedu Buti Taakyiɛ Lɛkwa na ukyuli ɔmmɔ ɔlɛka ɔƒɔ kayu kammɔ limeyi lɛmmɔ kani aani lɛla lɛni na lise kedee lite Unwoti. 24Na Buti Taakyiɛ Lɛkwa kemmo ni, ukyuli ɔni nése kalɔ kammɔ ɔkpa ɔlɛka ɔsɔ ɔƒɔ-ka. 25Na kuye kɔmmɔ ɔlɛka kɔbla kakpakɔ edula ebi ala bɔkɔku bɔni na bálɛ ugyii bése.
26“ ‘Ebuo biala ubi udeedi ɔdi Unwoti ɔdi use kukuuku, anwuɔsu ukyuli biala uteti nwuna ebuo ɔdi ubi udeedi ɔni na ɔ́wɔ ɔmantɛ akɔ iye koƒonu utese kenye ɔnii údie-nwu sɛsɛɛ úse Unwoti. 27Nsu si ebuo ɔmmɔ ɔdi bebuo bani neeese sɛɛn mmɔ ɔdi ni, ubo kuƒi ka ɔƒɔ ebuo ɔmmɔ uye na kuye kɔni námanku lɛlɔ. Nsu ɔlɛka uti kuye kɔmmɔ lɛkpa lɛlɔndi ɔsia-nwu lɛlɔ. Na si ulayɔ ka ɔsɔ ɔƒɔ-nwu uye ni, bakana na beti ebuo ɔmmɔ beye kuye kɔni na bálɛ ugyii.
28“ ‘Nsu lɛla biala ndi ukyuli ɔlati lɛdi na úti-ni úte Unwoti si ɔdi ukyuli o-o iye ebuo o-o iye ɔtɔ kalɔ kadi o-o ni, útalɛka beti-ni beye iye ɔsɔ unwini ɔlati ɔdi, ɔsika lɛla biala na béti béte Unwoti lise kedee na béti-ni béte-nwu ƒui kede kede.
29“ ‘Ukyuli biala na bédie-nwu sɛsɛɛ bése-nwu kenye béte Unwoti ni, basɔ balakana-nwu bɔƒɔ lɛnɔ ɔlɛka badu-nwu.
30“ ‘Lɛla lɛkpa leevudi biala na básiku kalɔ kemmo na ɔdi kalɔ kemmo edula iye adingyii ebi ƒui adi Unwoti ɔdi. Na ese kedee ete Unwoti. 31Lɛla lɛkpa leevudi biala na ukyuli ɔdi úte na ɔɔwia ka ɔsɔ ɔƒɔ-ni uye ni, ɔlɛka ɔƒɔ kayu kani básu bése na ɔsɔ ɔƒɔ kayu kammɔ lɛkpa lɛlɔndi ɔsia-nwu lɛlɔ. 32Uwi ɔni na baƒonu iye ɔmantɛ bakɔ ɔdane ɔɔká nwuna bebuo otogyi ka ute nwuna lɛla lɛkpa leevudi ni, leevudi biala ɔdi Unwoti ɔdi. 33Na útalɛ ka uti ebuo ɔdi ɔvumana ku ɔdi ɔnii ɔdia iye ɔɔɔdia. Na si ɔ́bla lɛni bebuo inyɔ bammɔ ƒui bénwini Unwoti badi na balakana-ma bɔsɔ bɔƒɔ buye.’ ”
34Ɔda bubo bɔmɛni na Unwoti úti úte Mose na Sinai kɔbi lɛlɔ ka uti ubete Israelƒuɔ.
Currently Selected:
Lewiƒuɔ Ɔda Bubo 27: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Lewiƒuɔ Ɔda Bubo 27
27
Linyese Lɛlɔ Lili Kayu Bɔƒɔ
1Amu na Unwoti ɔ́su Mose ɔnini, 2“Kɔ lɛsa na asu Israelƒuɔ anini, ‘Si ɔdi úti ukyuli úte Unwoti ɔkɛnku kenye kani na úse ɔsu ni, ɔkana ɔsɔ ɔƒɔ-nwu uye ku kayu kani námanku. 3Lɛ kayu kadi ugyii se te ɔnana ɔni náƒɔ ɔ́si akwa aavlanyɔ útédu akwa liti ɔni ndi sika ɔƒualadi edula ebi lɛkyami bule kakɛ kenedi unu. 4Na si uleku na ɔdi ni, nwuna kayu kabla sika ɔƒualadi edula ebi lɛkyami bule kakɛ kakundi unu. 5Na si ukyuli ɔmmɔ ɔ́kɛ ɔ́si akwa alɔ útédu akwa aavlanyɔ ni, ɔnana kuye kɔbla sika ɔƒualadi edula ebi lɛkyami bule kakɛ maanedi unu. Na si uleku na ɔdi ni, na nwuna kuye kɔbla lɛkyami kemmo bule kakɛ leevu-ɛku sika ɔƒualadi unu. 6Na si ukyuli ɔmmɔ ɔ́ɔkɛ ɔ́si kɔbuli kunwi útédu akwa alɔ na ɔdi ɔnana ni, na nwuna kuye kɔbla edula ebi lɛkyami kemmo bule kakɛ leevu-inyɔ sika ɔƒualadi unu. Na si uleku na ɔdi ni, nwuna kuye kɔdi edula ebi lɛkyami bule kakɛ aavlanyɔdi sika ɔƒualadi unu. 7Na si ukyuli ɔmmɔ ɔ́ɔƒɔ akwa liti ku leevu ku kama ni, na nwuna kuye kɔbla edula ebi lɛkyami kemmo bule kakɛ leevu sika ɔƒualadi unu. Na si uleku na ɔdi ni, na ɔbla lɛkyami kakɛ leevu-ɛlɔ sika ɔƒualadi unu. 8Nsu si ukyuli ɔni nése kenye mmɔ ɔdi ɔwabane geen ni, na ɔkpanku ukyuli ɔni na úti úse kenye mmɔ usienku ɔkpane kudɔ na ɔsɔku kayu kani na ɔwabane ɔmmɔ wakana bɔƒɔ ɔkya-nwu.
9“ ‘Na si ukyuli ɔmmɔ kenye kani úse ɔdi ebuo ɔni námanku úte akpala buti bɔbla bute Unwoti ni, ebuo ɔni na úti uute Unwoti mmɔ use sɛsɛɛ. 10Na utalɛka ɔvumana ebuo ɔmmɔ iye uti ebuo ɔbuni ɔvumana ebuo ɔlɛne iye uti ebuo ɔlɛne ɔvumana ebuo ɔbuni. Si ɔ́bla lɛni ni, bebuo bammɔ ƒui bese sɛsɛɛ bete Unwoti na bana ƒui bénwini nwuna badi. 11Nsu si ebuo ɔni na úti úse kenye mmɔ útamanku ka beti bakpa bete Unwoti ni, ɔlɛka uti ebuo ɔmmɔ usieku ɔkpane 12na ɔsu si ebuo ɔmmɔ ɔ́manku iye útamanku. Na kuye biala na wakya na kuna lili ni, lɛni kani na badubuti-nwu. 13Na si ɔlati ɔmmɔ ɔɔyɔ́ ka ɔƒɔ ebuo ɔmmɔ lili kayu na ɔsɔ ɔƒɔ-nwu ni, ɔlɛka ɔƒɔ kuye kɔmmɔ lɛkpa lɛlɔndi ɔsia-nwu lɛlɔ.
14“ ‘Si ukyuli ɔdi úti nwuna kaduli úse sɛsɛɛ úte Unwoti ka kese kedee ni, ɔlɛka ɔkpane ɔnu-ka bɔdia ku tadia na kuye biala na wakya na kana lili ni, lɛni kani na ɔdubuse. 15Na si ukyuli ɔni néti nwuna kaduli úte mmɔ ɔɔyɔ́ ka ɔsɔ ɔƒɔ-ka ni, ɔlɛka uti kuye kɔmmɔ lɛkpa lɛlɔndi ubunku sika ugyii ɔmmɔ na kadubɔsɔ kenwini nwuna kadi.
16“ ‘Si ukyuli ɔdi úti bana ɔtɔ kalɔ kakɛ kadi úte Unwoti ni, kuye kɔmmɔ ɔlɛka kɔbla edula ani badubuti bava kemo kammɔ bumomo. Na ɔdubɔbla edula ebi lɛkyami bule kakɛ kenedi sika ɔƒualadi unu. 17Na si uwi ɔni na úti nwuna kemo kammɔ úte ɔdi Kayu Buti Taakyiɛ Lɛkwa ni, kuye kɔmmɔ utalɛka kɔvumana. 18Nsu si Buti Taakyiɛ Lɛkwa lɛ́ɛvi asa na úti kalɔ kammɔ úte Unwoti ni, ɔkpane ɔmmɔ ɔdubɔbu ɔnu uwi ɔni na ɔdi asa wasɔ wedu buti taakyiɛ lɛkwa na ɔƒana kuye kɔmmɔ. 19Na si ukyuli ɔni néti nwuna kalɔ kammɔ úte ɔɔwia ka ɔsɔ ɔƒɔ nwuna kalɔ ni, ɔlɛka uti kalɔ kammɔ kuye lɛkpa lɛlɔndi ubunku kuye kɔmmɔ na kalɔ kammɔ kasɔ kenwini nwuna kadi. 20Nsu si kalɔ kammɔ ɔlati ulayɔ ka ɔsɔ ɔƒɔ nwuna kalɔ na anwu úti-ka úye úte ukyuli bamba ni, ɔsɔ ulakana-ka bɔƒɔ buye na kenwini nwuna kadi lɛnɔ. 21Si kalɔ kammɔ kálɛ kayu kemmo na Buti Taakyiɛ Lɛkwa ni, kalɔ kammɔ kadi kalɔ kedee na kénwini bakpane kalɔ.
22“ ‘Na si ukyuli ɔdi úti nwuna kalɔ kani na úye na kaaadi ɔtɔ kalɔ úte Unwoti ni, 23ɔkpane ɔlɛka ɔkya-ka kuye kɔni námanku asa wasɔ wedu Buti Taakyiɛ Lɛkwa na ukyuli ɔmmɔ ɔlɛka ɔƒɔ kayu kammɔ limeyi lɛmmɔ kani aani lɛla lɛni na lise kedee lite Unwoti. 24Na Buti Taakyiɛ Lɛkwa kemmo ni, ukyuli ɔni nése kalɔ kammɔ ɔkpa ɔlɛka ɔsɔ ɔƒɔ-ka. 25Na kuye kɔmmɔ ɔlɛka kɔbla kakpakɔ edula ebi ala bɔkɔku bɔni na bálɛ ugyii bése.
26“ ‘Ebuo biala ubi udeedi ɔdi Unwoti ɔdi use kukuuku, anwuɔsu ukyuli biala uteti nwuna ebuo ɔdi ubi udeedi ɔni na ɔ́wɔ ɔmantɛ akɔ iye koƒonu utese kenye ɔnii údie-nwu sɛsɛɛ úse Unwoti. 27Nsu si ebuo ɔmmɔ ɔdi bebuo bani neeese sɛɛn mmɔ ɔdi ni, ubo kuƒi ka ɔƒɔ ebuo ɔmmɔ uye na kuye kɔni námanku lɛlɔ. Nsu ɔlɛka uti kuye kɔmmɔ lɛkpa lɛlɔndi ɔsia-nwu lɛlɔ. Na si ulayɔ ka ɔsɔ ɔƒɔ-nwu uye ni, bakana na beti ebuo ɔmmɔ beye kuye kɔni na bálɛ ugyii.
28“ ‘Nsu lɛla biala ndi ukyuli ɔlati lɛdi na úti-ni úte Unwoti si ɔdi ukyuli o-o iye ebuo o-o iye ɔtɔ kalɔ kadi o-o ni, útalɛka beti-ni beye iye ɔsɔ unwini ɔlati ɔdi, ɔsika lɛla biala na béti béte Unwoti lise kedee na béti-ni béte-nwu ƒui kede kede.
29“ ‘Ukyuli biala na bédie-nwu sɛsɛɛ bése-nwu kenye béte Unwoti ni, basɔ balakana-nwu bɔƒɔ lɛnɔ ɔlɛka badu-nwu.
30“ ‘Lɛla lɛkpa leevudi biala na básiku kalɔ kemmo na ɔdi kalɔ kemmo edula iye adingyii ebi ƒui adi Unwoti ɔdi. Na ese kedee ete Unwoti. 31Lɛla lɛkpa leevudi biala na ukyuli ɔdi úte na ɔɔwia ka ɔsɔ ɔƒɔ-ni uye ni, ɔlɛka ɔƒɔ kayu kani básu bése na ɔsɔ ɔƒɔ kayu kammɔ lɛkpa lɛlɔndi ɔsia-nwu lɛlɔ. 32Uwi ɔni na baƒonu iye ɔmantɛ bakɔ ɔdane ɔɔká nwuna bebuo otogyi ka ute nwuna lɛla lɛkpa leevudi ni, leevudi biala ɔdi Unwoti ɔdi. 33Na útalɛ ka uti ebuo ɔdi ɔvumana ku ɔdi ɔnii ɔdia iye ɔɔɔdia. Na si ɔ́bla lɛni bebuo inyɔ bammɔ ƒui bénwini Unwoti badi na balakana-ma bɔsɔ bɔƒɔ buye.’ ”
34Ɔda bubo bɔmɛni na Unwoti úti úte Mose na Sinai kɔbi lɛlɔ ka uti ubete Israelƒuɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.