Hagai 1
1
Katɔti Ɔ́su Ka Basɔku Nwuna Kakpakɔ Batu
1Unwoti ɔ́su Kenye Udiene Hagai kenye kadi ka utásu aban ɔgadine unengu na Yuda ku ɔkpane unengudi ɔmmɔ uwi ɔni na Ɔga Unengudi Dario ɔɔdi lɛga na Persia kalɔ lɛlɔ na lɛkwa linyɔdi kɔbuli kɔkundi kuna limeyi lideedi lɛlɔ.
Amu na Hagai úsie Sealtiel ubidi ɔnanabi ɔni baalɔ Serubabel ɔni ndi aban ɔgadine unengu ku Yehosadak ubidi ɔnanabi ɔni baalɔ Yosua ɔni ndi ɔkpane unengudi ku kenye kammɔ.
2Unwoti Ɔyikune Ƒui ɔnii, “Bekyuli bamɛni baasu banini, ‘Ɔɔɔdi uwi ɔbuni ɔni lɛlɔ na batu kakpakɔ bete Unwoti na ɔdi mɛni.’ ”
3Unwoti ɔ́sɔ ɔ́su Kenye Udiene Hagai ɔnii uye-ma ɔnini, 4“Ɔ́manku ka amii bɛtu agbanya bonwu bonwu ani náƒɔ kuye mɛni bite lɛlɔ uwi ɔni na mina kakpakɔ aka kese aani kebu? 5Amii alati binwini bɛnu lɛla lɛni mɔɔlɛ́! 6Bɛɛkya edula, nsu biláƒɛ-nya kalɛ na bɛ́kya-nya kenye. Na bilakɛ taadi teemo, na bilakɛ ntɛ lɛnɔ taani na budu-mii ɔkwɛ. Na bina adala lɛnɔ elebunku-mii na lɛlɔ lɛbla-mii gugungu. Na bina lɛyuƒɔla lɛni na bɛɛkɛ́ ni, kɔvumi kɔni náƒuala kemmo na bɛɛkya bina egulabi ammɔ.
7“Bɛbla kasusu bɛsiku ala ani na lɛ́su-mii mɛni lɛlɔ! 8Bɛka abi lɛlɔ busie na bitáwia ligyii lɛni na bɛdubuti bɛtu mina kakpakɔ kani námanku-mi na lɛlɔ lɛyɔ-mi na bitaakpa-mi na mmɔ. 9Bɛsia ala pii anu, nsu alɛɛ kani muutúku-mii lɛkɔkɔ. Na si bíti alɛɛ ammɔ bíboku kaduli lɛnɔ ni, mɔɔyá na aayii-mii lɛkɔkɔ. Bi ɔsu na mɔɔbla ɔmɛni? Ɔsika bɛɛbabla taatu bina kuliekɔ na bɛ́da mina kakpakɔ aka bíse aani kebu. 10Ɔmmɔ ɔsu na amii aláyu teemomo aani ɔnantu teewi bina edula lɛlɔ na eebie. 11Na líbo ɔda ka bina ala ƒui asɔ aaadubo bɔbla kaduɛ. Bina mmo ku bebuo kadikɔ ku adingyii mmo ku nnɔ egyii mmo ku bebuo ku amii alati ku bina kabla biala kadubɔbla keeke.”
12Ɔmmɔ kama ni, Serubabel ku Yosua ku bani ƒui nénwini bási Babilon kalɔ kesii kani na béƒie-ma bésienku bébo ni, bése kalɔ beenú Unwoti litemi na baadi-ni lɛlɔ aani kalɛ na Kenye Udiene Hagai ɔ́su-ma, na baabu Unwoti kalɛ na ɔ́manku.
13Mmɔ na Hagai ɔ́su-ma ɔnii Unwoti úse kenye ka ɔdubulieku-ma. 14Anwuɔsu Unwoti Ɔyikune Ƒui ɔ́ya na ogya úduo ukyuli biala na bénye kpakplaa na bábla kabla na nwuna kakpakɔ kammɔ lɛlɔ. Na Serubabel ku Yosua nényeku-ma geen. 15Na kabla kammɔ kése kalɔ kási kɔbuli kɔkundi kuna limeyi aavlanyɔ-lideedi lɛlɔ na Ɔga Dario lɛga bɔdi lɛkwa linyɔdi kemmo.
Currently Selected:
Hagai 1: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
