Xo̱jo̱n Salmoo̱ 127
127
Ndíná boá ngo ni xi ta̱ katsjáná Néná
Só xi katsꞌénda Salomoo̱.
1Tsi Nénájín xi tsꞌénkjininkꞌa kui Ndiꞌaa̱,
ta̱kjo̱a̱ndaní bo̱a̱ nga ndyi̱tsꞌènxá kuí xi ndyi̱kjininkꞌaa.
Tsi Nénájín xi tsꞌénkoón na̱xi̱ńdáꞌniuú,
ta̱kjo̱a̱ndaní nga ku̱i̱ndyiáńjñaá yojoo̱ já xí kondaa̱.
2Ta̱kjo̱a̱ndaní bo̱a̱ nga ta̱jñó ku̱i̱stjíe̱njnú, kó sájín tsjayójofejnú,
kó nga kjo̱a̱ni̱ma̱ kasakonijnú nichiniejnú,
ngatꞌa̱ Néná boá xi tsjaá xota̱ xi tjoó Kui tji̱e̱nga kjiꞌifé.
3Ndí xí tjínná, kuí boá ngo ni xi ta̱ katsjáná Néná.
Ndí xí boaꞌa ínchjiín, kuí boá xi kjo̱a̱niꞌánchikonñé xi katsjáná Néná.
4Ndí xí béná nga kjindí,
kuí boá xi xikoó yáyojó xi tsꞌénkjién ngo nda̱ xi chꞌokon.
5¡Achichíra̱ tsjaa̱ kui nda̱ xi ꞌbikítsie má kui yáyojoó ki̱a̱ ni xi mindyiá!
Jmí kjo̱a̱soboá kꞌuiéjiín, kjiꞌanga ku̱i̱chji̱a̱jo kondra̱a̱ ki̱a̱ nga̱ntjo̱a̱a̱ na̱xi̱ńdáꞌniuú.
Currently Selected:
Xo̱jo̱n Salmoo̱ 127: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
