Xo̱jo̱n Salmoo̱ 126
126
Kjo̱a̱ndasee̱n kjo̱a̱tsja kamá
1Kjiꞌanga Néná sa̱ꞌinkjindibáꞌóyá nginí ki̱a̱ na̱xi̱ńdáꞌniú Sioo̱n, kui xota̱ xi tsangínjo̱ꞌniuú,
bo̱a̱ ka̱majne̱ xikoó tsi ta̱ chi̱ni tsí bo̱a̱ xi kjiboeꞌéjne̱.
2Kósꞌe̱ ndso̱ꞌbajne̱ sꞌi̱kitsie maá kjo̱a̱mojnó,
kó najenjne̱ skja̱ndáyátsjá má.
Kósꞌe̱ xota̱ na̱xi̱ńdá xí bejín Néná, bi̱ katsó:
¡Ja̱koxi̱ boá nga achichí ni xi fíndikónná xí katsꞌén Néná, ngandaa̱ kui xotaa̱!
3¡Jo̱o̱n, achichí ni yiꞌi xi katsꞌén Néná nganda tsa̱ji̱n,
kuíni nga achichí tsjátjínjne̱!
4¡Ji Ne, te̱ꞌéndiè Ji nga kji̱ndi̱báꞌoyá nginí xota̱ xi tsangínjo̱ꞌniuú,
xikótsꞌèn niꞌín Ji, nga ꞌbé nginií xo̱ngàndántꞌié nangi kixií Nengee̱b!
5Xota̱ xi ndándyíkon iskjitjón nga ítji̱e̱ xojmaá,
achichí tsjá ka̱maa̱ nga kjo̱a̱ꞌátikó cha̱a̱n ni xi ítji̱e̱.
6Ndatsi tsꞌénkjandá kui xi tsꞌénfíjo̱ kui xojmá xí tsjakoo̱n,
achichí tsjá ka̱maa̱ nga kji̱ndi̱bájo̱ chꞌo̱o̱ to ndso̱ko̱a̱n ṉño̱paa̱n.
Currently Selected:
Xo̱jo̱n Salmoo̱ 126: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
