Mìn-su Ki 10

Ngiùn La̍p-pá

1Song-chú tui Mô-sî kóng: 2“Ngì oi yung ngiùn-è tá-chho lióng-kî la̍p-pá, yung-lòi seu-si̍p mìn-chung, ya cho-tet ham kì-têu sái-yàng. 3Lióng-kî la̍p-pá phùn chhòng-sâng ke sṳ̀, chhiòn fi-chung oi chhi-si̍p chhai sṳn-chong-phùng mùn-chhièn, chhai ngì ke chû-vì. 4Na-he chṳ́-yû phùn yit-kî la̍p-pá, Yî-set-lie̍t kiûn-chhui tak kî-chhu̍k ke liâng-chhiu oi chhi-si̍p to ngì ke mien-chhièn. 5Na-he phùn-chhut tón-tón tông-kip ke sâng, ôn-yàng chhai tûng-phién ke kî-chhu̍k oi sái-yàng. 6Thi-ngi pái phùn-chhut tón-tón tông-kip ke sâng, ôn-yàng chhai nàm-phién ke kî-chhu̍k oi sái-yàng. Só-yî, phùn tón-tón tông-kip ke sâng he-oi sái-yàng ke yi-sṳ, 7phùn chhòng-sâng he-oi chhi-si̍p fi-chung. 8Â-lùn ke chṳ́-sûn, cho chi-sṳ̂ ke, oi phùn liá lióng-kî la̍p-pá.

“Yî-ha ke thiàu-li, ngì-têu oi sṳ-sṳ thoi-thoi chûn-sú. 9Ngì-têu chhai chhṳ-kâ ke thú-thi song tù-tó chan-chên ke sṳ̀, vi-tó pó-fu chhṳ-kâ, tí-khong lòi kûng-tá ke thi̍t-ngìn, ngì-têu oi yung liá lióng-kî la̍p-pá phùn-chhut chan-chên ke kín-po; Ngài — Song-chú, ngì-têu ke Song-ti chhiu voi ki-ngiam ngì-têu, kiu ngì-têu thot-lì sù-thi̍t. 10Chhai fôn-lo̍k ke ngit-è, chhû-yit lâu khì-thâ ke chiet-khì, hien sêu-fa-chi lâu phìn-ôn-chi ke sṳ̀, ngì-têu oi phùn la̍p-pá; Ngài chhiu voi ki-ngiam ngì-têu. Ngài he Song-chú — ngì-têu ke Song-ti.”

Yî-set-lie̍t-ngìn Lì-khôi Sî-nai Khóng-yâ

11Yî-set-lie̍t-ngìn lì-khôi Âi-khi̍p heu thi-ngi ngièn ke ngi-ngie̍t ngi-sṳ̍p, yok-khui ke sṳn-chong-phùng táng-kô ke yùn sṳ̂n sông-hi lé. 12Yî-set-lie̍t-ngìn chhiu khôi-sṳ́ kì-têu ke lu-chhàng, lì-khôi Sî-nai khóng-yâ. Yùn lòi-to Pâ-làn khóng-yâ, thìn chhai ke-vi.

13Kì-têu chûn-cheu Song-chú pûn Mô-sî ke min-lin hiong-chhièn hàng, tak-pái chhièn-chin he cheu khiung-yong ke sun-si. 14Yù-thai chúng-chhui ke thai-khì tai-thèu chhut-fat, yit-chhui yit-chhui thèn-tén hiong-chhièn hàng. Â-mí-nâ-tha̍t ke lai-é Nâ-sun thu Yù-thai kî-chhu̍k; 15Sû-ap ke lai-é Nâ-thán-ngia̍p thu Yî-sat-kâ kî-chhu̍k; 16Hî-lùn ke lai-é Yî-li-ap thu Sî-pu-lùn kî-chhu̍k.

17Sṳn-chong-phùng chhak hâ-lòi yî-heu, Kiet-sun lâu Mí-lâ-li lióng chûng-chhu̍k ke ngìn chhiu kông-tén sṳn-chong-phùng hiong-chhièn hàng.

18Yèn-heu, Lî-phien chúng-chhui ke thai-khì chhiu chhut-fat, yit-chhui yit-chhui thèn-tén hiong-chhièn hàng. Sṳ-tiû-ngí ke lai-é Yî-li-siuk thu Lî-phien kî-chhu̍k; 19Sû-li-sâ-thoi ke lai-é Sṳ-lu-me̍t thu Sî-mién kî-chhu̍k; 20Tiû-ngí ke lai-é Yî-li-ngâ-sat thu Kâ-tet kî-chhu̍k.

21Yèn-heu, Kô-hot chûng-chhu̍k ke ngìn kông-tén sṳn-vu̍t thèn-tén hiong-chhièn hàng. Tén kì-têu to sîn yàng-thi ke sṳ̀, sṳn-chong-phùng yí-kîn chhùng-sîn tap hí-lòi lé.

22Chai hâ-hi he Yî-fap-lièn chúng-chhui ke thai-khì chhut-fat, yit-chhui yit-chhui thèn-tén hiong-chhièn hàng. Â-mí-fut ke lai-é Yî-li-sâ-mâ thu Yî-fap-lièn kî-chhu̍k; 23Pí-thai-siuk ke lai-é Kâ-mâ-lie̍t thu Mâ-nâ-sî kî-chhu̍k; 24Kî-tô-nì ke lai-é Â-pí-tan thu Phien-ngâ-mén kî-chhu̍k.

25Chui-heu chhut-fat ke he heu-ví-chhui Tan chúng-chhui ke thai-khì, yit-chhui yit-chhui thèn-tén hiong-chhièn hàng. Â-mí-sâ-thoi ke lai-é Â-hî-yî-chhia thu Tan kî-chhu̍k; 26Ngò-làn ke lai-é Pha-kiet thu Â-sat kî-chhu̍k; 27Yî-nàm ke lai-é Â-hî-lâ thu Nâ-fut-thâ-li kî-chhu̍k. 28Liá chhiu-he Yî-set-lie̍t-ngìn sái-yàng, yit-chhui yit-chhui hiong-chhièn hàng ke sun-si.

29Mô-sî tui kì ke chhî-khiû-é — Mí-thien-ngìn Liù-ngí ke lai-é — Hò-pâ kóng: “Ngài-têu oi to Song-chú yin-hí pûn ngài-têu ke thi-fông hi. Kì sṳt yin-hí oi sṳ́ Yî-set-lie̍t-ngìn khiòng-sṳn, só-yî thèn ngài-têu lòi-hi â, ngài-têu voi pûn ngì fûn-hióng ngài-têu ke hó-chhu.”

30Hò-pâ en-kóng: “Ngài mò-oi hi. Ngài oi chón ngài ke ku-hiông, ngài chhṳ-kâ ngìn ke-vi hi.”

31Mô-sî kóng: “Pai-thok m̀-hó lì-khôi ngài-têu. Ngì tui liá khóng-yâ tông-su̍k, ngài-têu yin-kôi chhai nai-vi ôn-yàng, ngì cho-tet vi ngài-têu tai-lu. 32Ngì na-he lâu ngài-têu khiung-ha hi, ngài-têu yit-thin chiông Song-chú su-pûn ngài-têu só-yû ke fuk-hi lâu ngì khiung-ha fûn-hióng.”

Yî-set-lie̍t-ngìn lâu Yok-khui Hiong-chhièn Hàng

33Yî-set-lie̍t-ngìn lì-khôi Song-chú ke sân, hiong-chhièn hàng sâm-ngit. Song-chú ke yok-khui yit-chhṳ̍t chhai kì-têu ke thèu-chhièn, vi kì-têu chhìm ôn-yàng ke só-chhai. 34Kì-têu tui yit-ke yàng-thi sái-to nang-ngoi yit-ke yàng-thi; ngit-sṳ̀-thèu yû Song-chú ke yùn chhai kì-têu táng-kô.

35Tak-pái yok-khui hiong-chhièn hàng, Mô-sî chhiu kóng:

“Song-chú â, khiù Ngì hong-hí-lòi!

Kiuk-chéu Ngì ke sù-thi̍t,

sṳ́ ke-têu hen Ngì ke ngìn tui Ngì mien-chhièn thò-chéu!”

36Tak-pái yok-khui thìn hâ-lòi ke sṳ̀, Mô-sî chhiu kóng:

“Song-chú â, khiù Ngì chón-to Yî-set-lie̍t chhiên-van ngìn ke tông-chûng!”

Currently Selected:

Mìn-su Ki 10: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mìn-su Ki 10

Videos for Mìn-su Ki 10

Numbers 9-10:10

Spoken Gospel

Numbers 10:11-12

Spoken Gospel

Mìn-su Ki 10

Popular Bible Verses from
Mìn-su Ki 10

Videos for Mìn-su Ki 10

Numbers 9-10:10

Numbers 10:11-12

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 10

Mìn-su Ki 10

Popular Bible Verses from Mìn-su Ki 10

Videos for Mìn-su Ki 10

Numbers 9-10:10

Numbers 10:11-12

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mìn-su Ki 10

Popular Bible Verses from
Mìn-su Ki 10