Yî-sî-kiet Sû 18

Má-ngìn Fam-chhui, Má-ngìn Chhiu Oi Sí

1Song-chú lâu ngài kóng-fa; 2Kì kóng: “Yî-set-lie̍t koet-nui liù-chhòn ke liá-ki siu̍k-ngî he má-ke yi-sṳ? Ngì-têu kóng:

Yà-ôi sṳ̍t sôn phù-thò,

sa sôn-tó chṳ́-ńg ke ngà-chhṳ́.”

3Chṳ-kô ke Song-chú án-ngiòng kóng: “Ngài chṳ́-tén Ngài yún-yén ke sâng-miang fat-sṳ: Yî-set-lie̍t koet-nui chhie̍t-tui m̀-voi chai liù-chhòn liá-ki siu̍k-ngî. 4Tak-sà ke sâng-miang chhiòn-phu he Ngài ke; mò-lun he yà-ôi ya-he chṳ́-ńg ke sâng-miang chhiòn-phu su̍k Ngài. Má-ngìn fam-chhui, má-ngìn chhiu oi sí.

5“Na-he yû yit-ke sṳ̀n-sṳ̍t, kûng-chṳn ke hó-ngìn, 6kì m̀ pai Yî-set-lie̍t-ngìn ke ngiéu-siong, m̀ hi sân-táng ke sṳ̀n-meu sṳ̍t chi-vu̍t, m̀ koái phe̍t-ngìn ke pû-ngiòng, m̀ lâu kîn-khì chûng ke fu-ńg thùng-fòng, 7m̀ khî-fu ngìn, m̀ chhióng phe̍t-ngìn ke tûng-sî. Kì chiông tí-ap ke tûng-sî vàn-pûn ngìn, nâ tûng-sî pûn tú-kî ke ngìn sṳ̍t, nâ sâm-fu pûn mò-sâm hó-chok ke ngìn chok. 8Kì chia-chhièn pûn ngìn m̀ nâ li-sit, chia tûng-sî m̀-voi thó kâ-têu chón-hi, m̀ cho fái-sṳ, chhú-lî kiu-fun tông kûng-tong. 9Liá-chúng ngìn fu̍k-chhiùng Ngài ke kie-min, ngin-chṳ̂n chûn-hàng Ngài ke fap-li̍t. Kì chhiu-he ngi-ngìn; kì yit-thin voi yû miang.” Chṳ-kô ke Song-chú án-ngiòng siên-pu lé.

10-11“Na-he liá-ke ngìn yû yit-ke lai-é, kì chhióng-kiap, chhṳ̀-ngìn, cho kiâ-pâ m̀-sṳt cho-ko ke fái-sṳ, chúng-he hó-sṳ chhiu mò hi-cho. Kì hi sân-táng sṳ̀n-meu sṳ̍t chi-vu̍t, koái phe̍t-ngìn ke pû-ngiòng. 12Kì khî-fu khiùng-khú ngìn, chhióng ngìn ke tûng-sî, m̀ chiông tí-ap ke tûng-sî vàn ngìn. Kì pai ngiéu-siong, cho khó-vu ke sṳ, 13chia-chhièn pûn ngìn oi nâ li-sit, chia tûng-sî pûn ngìn oi thó kâ-têu chón-hi. Liá-chúng ngìn kám cho-tet pûn kì sâng? Kì chhie̍t-tui voi sí! Kì cho liá yit-chhiet án-fái ke sṳ, yit-thin oi sí; kì ke sí he chhṳ-kâ cho-lòi ke.

14“Na-he liá-ke ngìn yû yit-ke lai-é, kì khon-tó â-pâ só-yû ke chhui-ok, chúng-he m̀ thèn â-pâ ke fái mù-yong. 15Kì m̀ pai Yî-set-lie̍t-ngìn ke ngiéu-siong, m̀ hi sân-táng sṳ̀n-meu sṳ̍t chi-vu̍t. Kì m̀ koái phe̍t-ngìn ke pû-ngiòng, 16m̀ khî-fu ngìn, m̀ chhióng phe̍t-ngìn ke tûng-sî. Kì chiông tí-ap ke tûng-sî vàn-pûn ngìn, nâ tûng-sî pûn tú-kî ke ngìn sṳ̍t, nâ sâm-fu pûn mò-sâm hó-chok ke ngìn chok. 17Kì m̀ cho fái-sṳ#18:17 “Kì m̀ cho fái-sṳ” he kîn-kí yit-têu kú yi̍t-pún (ya chhâm-kháu 18:8), Hî-pak-lòi-vùn he “Kì m̀ hoi khiùng-ngìn”., chia-chhièn pûn ngìn m̀ nâ li-sit, chia tûng-sî pûn ngìn m̀-voi thó kâ-têu tûng-sî chón-hi. Kì chûn-hàng Ngài ke fap-li̍t, fu̍k-chhiùng Ngài ke kie-min. Kì m̀-sṳ́ yîn-vi kiâ-pâ só-fam ke chhui lòi sí, kì yit-thin voi yû miang. 18Chúng-he kiâ-pâ khî-cha ngìn, chhióng ngìn ke tûng-sî, chhai chung-ngìn chûng-kiên mò hó hàng-vì, kì oi yîn-vi chhṳ-kâ só-fam ke chhui lòi sóng-sṳt sâng-miang.

19“Ngì-têu hàn mun: Lai-é cho-má-ke m̀-sṳ́ sṳ̀n-tâm â-pâ só-fam ke chhui nè? Ngài ke fì-tap he: Lai-é yû cho chṳn-tông ha̍p-lî ke sṳ; kì chûn-sú Ngài ke fap-li̍t, sṳ̍t-hàng fap-li̍t ke yêu-khiù, só-yî kì yit-thin voi yû miang. 20Chṳ́-yû fam-chhui ke ngìn yit-thin oi sí. Lai-é m̀-sṳ́ sṳ̀n-tâm â-pâ ke chhui; â-pâ ya m̀-sṳ́ sṳ̀n-tâm lai-é ke chhui. Ngi-ngìn yîn-vi hàng-san tet po-sóng; fái-ngìn yîn-vi chok-ok su chit-fa̍t.

21“Na-he fái-ngìn fí-kói, lì-khôi kì só-hàng ke chhui-ok lòi chûn-hàng Ngài ke fap-li̍t, cho chṳn-tông ha̍p-lî ke sṳ, kì chhiu m̀-sṳ́ sí, yit-thin voi yû miang. 22Kì só-fam ke chhui chhiòn-phu voi tet-tó sa-miên; yîn-vi kì cho yin-kôi cho ke sṳ, kì yit-thin voi yû miang. 23Ngì-têu láu-tó Ngài — Chṳ-kô ke Song-chú fôn-hí khon fái-ngìn sí-thet he-mò? M̀-he án-ngiòng! Ngài kâm-ngien khon-tó kì yîn-vi fí-kói hàn yû sâng-miang.

24“Na-he hó-ngìn m̀-hén chai cho hó-sṳ, fán-chón cho fái-ngìn só-cho tet-ngìn-nâu ke fái-sṳ, kì kám cho-tet hàn yû miang? M̀-sṳ́ sióng! Kì yî-chhièn só-cho ke hó-sṳ m̀-voi su ki-ngiam. Kì oi yîn-vi poi-sin, fam-chhui sóng-sṳt sâng-miang.

25“Chúng-he ngì-têu kóng: ‘Chú án-ngiòng cho he mò kûng-phìn ke!’ Yî-set-lie̍t-ngìn â, chu-yi thâng â! Ngì-têu láu-tó Ngài án-ngiòng cho he mò kûng-phìn he-mò? Khì-sṳ̍t, ngì-têu só-cho ke chang he mò kûng-phìn! 26Hó-ngìn m̀-hén chai cho hó-sṳ, fán-chón hi cho fái-sṳ, kì oi yîn-vi chhṳ-kâ cho fái-sṳ sóng-sṳt sâng-miang. 27Fái-ngìn fí-kói, khôi-sṳ́ cho chṳn-tông ha̍p-lî ke sṳ, chhiu kiu-tó chhṳ-kâ ke miang. 28Kì fán-sén, fí-kói, só-yî m̀-sṳ́ sí, fán-chón voi yû sâng-miang. 29Yî-set-lie̍t-ngìn â, ngì-têu kóng: ‘Chú án-ngiòng cho he mò kûng-phìn ke!’ Ngì-têu láu-tó Ngài án-ngiòng cho he mò kûng-phìn he-mò? Khì-sṳ̍t, ngì-têu só-cho ke chang he mò kûng-phìn!

30“Só-yî, Yî-set-lie̍t-ngìn â, Ngài — Chṳ-kô ke Song-chú án-ngiòng lâu ngì-têu kóng: Ngài oi cheu ngì-têu tak-sà ke hàng-vì sṳ́m-phan ngì-têu. Ngì-têu oi fí-kói, lì-khôi yit-chhiet ke chhui-ok, miên-tet ngì-têu ke chhui fí-me̍t ngì-têu. 31Oi vok-thet ngì-têu só-cho yit-chhiet ke fái-sṳ, von yit-ke sîn ke sîm, sîn ke lìn! Yî-set-lie̍t-ngìn â, ngióng oi-sṳ́ hi-sí nò? 32Ngài m̀ fôn-hí ngim-hò ngìn sí; só-yî ngì-têu oi fí-kói, chhiu voi yû sâng-miang!” Chṳ-kô ke Song-chú án-ngiòng siên-pu lé.

Currently Selected:

Yî-sî-kiet Sû 18: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 18

Videos for Yî-sî-kiet Sû 18

Ezekiel 12-24

BibleProject

Ezekiel 1-32

BibleProject

Ezekiel 18

Spoken Gospel

Yî-sî-kiet Sû 18

Popular Bible Verses from
Yî-sî-kiet Sû 18

Videos for Yî-sî-kiet Sû 18

Ezekiel 12-24

Ezekiel 1-32

Ezekiel 18

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 18

Yî-sî-kiet Sû 18

Popular Bible Verses from Yî-sî-kiet Sû 18

Videos for Yî-sî-kiet Sû 18

Ezekiel 12-24

Ezekiel 1-32

Ezekiel 18

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 18

Popular Bible Verses from
Yî-sî-kiet Sû 18