Yî-sî-kiet Sû 17

Ên-tiâu lâu Phù-thò-su ke Pí-yi

1Song-chú lâu ngài kóng-fa; 2Kì kóng: “Ngìn-chṳ́ â, ngì oi tui Yî-set-lie̍t-ngìn cho yit-ke liang-é, kóng yit-ke pí-yi, 3pûn kì-têu mìn-pha̍k Ngài — Chṳ-kô ke Song-chú oi hiong kì-têu kóng ke fa: Yû yit-chak thai ên-tiâu, yi̍t-kap tông-thai, mî chhin-chhòng, mô tông-chiâng. Kì tá-khôi yi̍t-kap, pî-to Lì-pâ-nun sân-táng, tuk-thôn hiông-pak-su yu-nun ke su-mî, 4chiông kì tai-to sông-ngia̍p chûng-sîm, sên-lî fat-tha̍t ke sàng-sṳ. 5Yèn-heu, kì chiông Yî-set-lie̍t chhut-sán ke yit-thèu su-mèu sái-to yit-te chhin-phì ke thú-thi, ke-vi yû la-ngiak ke súi sṳ́ kì sên-chóng. 6Liá-thèu su chhû-sún sên-chóng, pien-sṳ̀n yit-thèu ái-ái, kî-ya̍p meu-sṳn ke phù-thò-su. Kì ke kî-é chhûn-hiong ke-chak ên-tiâu, su-kîn chhai kì ke tái-hâ, sàng-cho kî-ya̍p chiâng-chiâng ke phù-thò-su.

7“Nang-ngoi yû yit-chak thai ên-tiâu, ya yû yit-tui tông-thai ke yi̍t-kap, mô tông-chiâng. Liá-thèu phù-thò-su chiông kîn lâu kî-é chhiòn-phu chhûn-hiong liá-chak ên-tiâu, sióng tui kì tet-tó pí kó-yèn hàn-kha fûng-fu ke súi-ngièn. 8Khì-sṳ̍t, liá-thèu phù-thò-su chó yí-kîn chung chhai chhin-phì yu tô súi ke yèn-tú, yû la-ngiak ke thiàu-khien sṳ́ kì sâng-kî, kiet-kó, sàng-cho phín-chúng chhin-hó ke phù-thò-su.

9“Só-yî, Ngài — Chṳ-kô ke Song-chú mun: Liá-thèu phù-thò-su voi thai-to tông meu-sṳn mò? Kám-kóng thi-yit chak ên-tiâu m̀-voi chiông kì lièn-kîn pâng hí-lòi, chak-chhiang phù-thò, tá-thôn kî-é, sṳ́ kì châu-thet mò? M̀-sṳ́ khiòng-thai ke koet-kâ ya yû phan-fap sùi-yi chiông kì lièn-kîn pâng-thet. 10Mò m̀-chho̍k, kì ton-chṳ̂n pûn-ngìn von-lòi liá-vi chung, chúng-he voi thai, voi chiâng hí-lòi mò? Kì khâm tet-hí tûng-fûng ke chhôi-tá mò? Kám m̀-voi chhai ke yèn-tú châu-thet mò?”

Kié-sṳt Pí-yi

11Song-chú lâu ngài kóng: 12“Ngì mun ke-têu phoi-ngia̍k ke ngìn, khon kì-têu liáu-kié liá pí-yi ke yi-sṳ mò? Lâu kì-têu kóng, Pâ-pí-lùn-vòng to Yâ-lu-sat-lâng chiông kì-têu ke vòng lâu kì ke kôn-yèn chok-to Pâ-pí-lùn hi, 13tui vòng-chhu̍k chûng sién-chhut yit-sà lòi lâu kì li̍p-yok, ham kì fat-sṳ oi chûng-sîm. Pâ-pí-lùn-vòng yu chok-têu kui-chhu̍k lòi-cho ngìn-chṳt, 14lòi fòng-chṳ́ liá koet-kâ fu̍k-hîn, sṳ́ kì khok-sṳ̍t chûn-sú thiàu-yok. 15Chúng-he Yù-thai-vòng phoi-ngia̍k. Kì phai sṳ́-chá to Âi-khi̍p yêu-khiù phai chan-mâ lâu thai-kiûn chhièn-lòi pông-chhu. Kì yû khó-nèn sṳ̀n-kûng mò? Kì chéu tet-thet mò? Kì fi-yok kám yû khó-nèn m̀-sṳ́ su hìn-fa̍t mò?”

16Chṳ-kô ke Song-chú án-ngiòng kóng: “Ngài chṳ́-tén Ngài yún-yén ke sâng-miang fat-sṳ: Liá-ke vòng yit-thin oi sí chhai Pâ-pí-lùn. Yîn-vi Pâ-pí-lùn-vòng li̍p kì cho vòng, chúng-he kì poi-sṳ, fi-thet lâu Pâ-pí-lùn-vòng só-kiet ke yok. 17Pâ-pí-lùn-vòng lòi kûng-sàng, hí thú-tôi, chho kô-thòi, chin-hàng thù-sat ke sṳ̀, chhiu-son Âi-khi̍p-vòng phai chui chîn-liòng ke kiûn-chhui lòi me mò fap-thu kiu kì. 18Kì poi-sṳ fi-yok. Kì cho liá yit-chhiet ke sṳ, liá-ha chéu m̀-thet lé.”

19Só-yî, Chṳ-kô ke Song-chú án-ngiòng kóng: “Ngài chṳ́-tén Ngài yún-yén ke sâng-miang fat-sṳ: Ngài oi chit-fa̍t kì; yîn-vi kì khon-khiâng chhṳ-kâ chṳ́-tén Ngài ke miàng só-fat ke sṳ, pho-fái chṳ́-tén Ngài ke miàng só-kiet ke yok. 20Ngài oi tá-khôi lò-mióng chok kì, tai kì to Pâ-pí-lùn hi, chhai ke-vi chit-fa̍t kì, yîn-vi kì tui Ngài mò chûng-sîm. 21Kì chui chîn-liòng ke chan-sṳ chhiòn-phu oi chan-sí; tá-sû ke pîn-é oi si-chhu thò-chéu. Ke-sṳ̀ ngì-têu chhiu voi tî Ngài — Song-chú án-ngiòng siên-pu lé.”

Song-ti tui Chiông-lòi ke Yin-hí

22Chṳ-kô ke Song-chú án-ngiòng kóng:

Ngài oi áu-thôn hiông-pak-su ke su-mî,

áu-thôn kì ke nun-kî;

Ngài oi chiông kì chung chhai kô-sân táng,

23chhai Yî-set-lie̍t chui-kô ke sân-táng.

Kì voi thai hí-lòi, kiet kó-chṳ́,

sàng-cho yit-thèu tông-chiâng ke hiông-pak-su.

Kok-chúng tiâu-é pî-lòi cho-teu,

chhai su-yáng hâ chhìm-tó ôn-sṳ̂n ke só-chhai.

24Thièn-yâ só-yû ke su-é chhiòn-phu voi tî:

Ngài — Song-chú chám-thôn thai-su, sṳ́ se su-é thai hí-lòi;

Ngài sṳ́ chhiâng-chhui ke su khû-châu, sṳ́ khû-châu ke su meu-sṳn.

Ngài — Song-chú án-ngiòng siên-pu lé. Ngài kóng-ko ke, Ngài yit-thin voi sṳ̍t-hàng.

Currently Selected:

Yî-sî-kiet Sû 17: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Yî-sî-kiet Sû 17

Videos for Yî-sî-kiet Sû 17

Ezekiel 12-24

BibleProject

Ezekiel 1-32

BibleProject

Ezekiel 17

Spoken Gospel

Yî-sî-kiet Sû 17

Popular Bible Verses from
Yî-sî-kiet Sû 17

Videos for Yî-sî-kiet Sû 17

Ezekiel 12-24

Ezekiel 1-32

Ezekiel 17

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 17

Yî-sî-kiet Sû 17

Popular Bible Verses from Yî-sî-kiet Sû 17

Videos for Yî-sî-kiet Sû 17

Ezekiel 12-24

Ezekiel 1-32

Ezekiel 17

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Yî-sî-kiet Sû 17

Popular Bible Verses from
Yî-sî-kiet Sû 17