Thì-mô-thai Heu-sû 4

1Chhai Song-ti lâu oi sṳ́m-phan só-yû sâng-ngìn lâu sí-ngìn ke Kî-tuk Yâ-sû mien-chhièn, ngài phìn kì ke hién-hien lâu kì ke chú-khièn, pet-chhiet khien-va ngì: 2Oi chhòn fuk-yîm, mò-lun sṳ̀-kî hó-fái chúng-oi chhòn! Oi yung chui-thai ke nai-sîm lâu kok-yong ke kau-hiun lòi chit-phi, kín-kie, lâu khien-miên. 3Sṳ̀-chiet voi to, ke-sṳ̀ ngìn voi khî-chhie̍t khien-chhiòn ke kau-hiun, sun chhṳ-kâ ke yu̍k-mong, tak só-chhai hi pai-sṳ̂, lòi mân-chiuk kì-têu tông yông ke ngí-kûng. 4Kì-têu voi êm-tén ngí-kûng m̀-thâng chṳ̂n-lî, fán-chón phiên-hiong mò-yáng mò-chiak ke chhòn-sot. 5Chúng-he ngì, mò-lun chhìn-khóng ngióng-pân, ngì yit-thin oi kiún-sṳ́m, ya oi ngiûn-su khú-nan, cho chhòn-tho-ngìn yin-tông cho ke kûng-chok, lòi chhin Song-ti phu̍k-ngìn ke chṳt-vu.

6Koân-he ngài, ngài hî-sên chhṳ-kâ#4:6 “ngài hî-sên chhṳ-kâ”: Ngièn-vùn chṳ́ “ngài tông-cho chi-chiú tó-chhut-lòi”. ke sṳ̀-kiên to lé; liá-ha chhiu-he ngài lì-khôi ngìn-kiên ke sṳ̀-chiet. 7Khâm-tet tá-piang ke pí-soi, ngài yí-kîn piang-ko lé; yin-tông chéu ke lu-chhàng, ngài yí-kîn chéu-theu lé; yin-tông sú ke sin-ngióng, ngài ya yí-kîn chûn-sú lé. 8Liá-ha, sṳn-li ke chióng-sóng tén-tén ngài; cheu kûng-ngi sṳ̂-hàng sṳ́m-phan ke Chú, chhai Yâ-sû chai-lòi ke-ngit, oi chiông kûng-ngi ke miên-liù su-pûn ngài, m̀ tân-chhiang su-pûn ngài, ya oi su-pûn só-yû oi-mu tén-heu kì hién-hien ke ngìn.

Fûn-fu Sṳ̂-ngìn ke Sṳ-chhìn

9Ngì oi kiak-kiak lòi ngài liá-vi. 10Yîn-vi Tí-mâ thâm-oi hien-sṳ, chhiu lì-khôi ngài hi Thiap-sat-lò-nì-kâ lé. Kiet-le̍t-sṳ hi Kâ-lâ-thai, Thì-tô hi Tha̍t-mâ-thai; 11chṳ́-yû Lu-kâ thùng ngài khiung-ha. Ngì oi hi chhìm Mâ-khó, tai kì khiung-ha lòi, yîn-vi kì voi lâu ngài then-sú. 12Ngài yí-kîn phai Thûi-kî-kú hi Yî-fut-só. 13Ngì lòi ke sṳ̀, oi chiông ngài chhai Thi̍t-lò-â ke sṳ̀ liù chhai Kâ-pu vuk-hâ ke-liâng thai-ó tai-lòi; thùng-sṳ̀, oi chiông ke-têu sû, thi̍t-phe̍t he ke kí-pún yòng-phì ke sû-kién ya khiung-ha tai-lòi.

14Tá-thùng sṳ̂-fu Â-li̍t-sân-thai tô fông-mien hoi ngài; Chú voi cheu kì só-cho ke po-yin kì. 15Ngì chhṳ-kâ ya oi thì-fòng kì, yîn-vi kì chhin fán-tui ngài-têu só-chhòn ke tho-lî.

16Ngài thi-yit-pái vi chhṳ-kâ phien-fu ke sṳ̀, mò pan-sà lòi pông-chhu, thai-kâ chhiòn-phu lì-khôi ngài. Ngien Song-ti mo̍k chit-fa̍t kì-têu! 17Vì-yû Chú chhai ngài sṳ̂n-piên chṳ̂-chhṳ̀ ngài, pûn ngài li̍t-liong chiông chṳ̂n-tho chhòn-pûn só-yû ke Ngoi-pâng-ngìn, chhòn-to chhin vàn-chhiòn; án-ngiòng, ngài chhiu tui sṳ̂-é ke choi-tú tet-tó chṳ́n-kiu. 18Chú yit-thin voi kiu ngài thot-lì yit-chhiet sià-ok, chiap ngài ôn-ôn chhiòn-chhiòn to kì ke thiên-koet hi. Ngien yùng-kông kûi-pûn kì, chhṳ̍t-to yún-yún yén-yén! Â-mén.

Chui-mî ke Chhiáng-ôn

19Chhiáng thoi ngài tui Pak-kî-lâ, Â-kî-lâ lióng kûng-phò, lâu Â-nì-set-fut yit-kâ ngìn chhiáng-ôn. 20Yî-lâ-tû ki-siu̍k he̍t chhai Kô-lìm-tô lé. Thi̍t-lò-fî-mô pot-phiang, ngài ham kì liù chhai Mí-li-tû. 21Ngì oi chhin-liong chhai ngi̍p-tûng yî-chhièn kón-lòi.

Yû-pu-lò, Pu-thièn, Li-nú, ńg sin-thù Khiet-lò-thi̍t-ngâ, lâu khì-thâ só-yû ke hiûng-thi chí-moi chhiòn-phu tui ngì chhiáng-ôn.

22Ngien Chú sòng chhai ngì sîm-nui! Ngien Song-ti su ên-tién pûn ngì-têu!

Currently Selected:

Thì-mô-thai Heu-sû 4: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Thì-mô-thai Heu-sû 4

Videos for Thì-mô-thai Heu-sû 4

2 Timothy—Segment 2

BibleProject

New Testament Letters: Literary Context

BibleProject

2 Timothy 2b-4a

BibleProject

2 Timothy 4

Streetlights

Thì-mô-thai Heu-sû 4

Popular Bible Verses from
Thì-mô-thai Heu-sû 4

Videos for Thì-mô-thai Heu-sû 4

2 Timothy—Segment 2

New Testament Letters: Literary Context

2 Timothy 2b-4a

2 Timothy 4

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb