GÉNESIS 36
36
Esaupa mirayninkuna
1Kaykunan Esaupa mirayninkuna, paymi Edom. 2Esaú casarakurqan Canaán warmikunawan: Het runa Elonpa ususin Adawan, Hiv runa Zibeonpa churin Anapa ususin Aholibamawan, 3Ismaelpa ususin Basematpiwan, payqa Nebaiotpa pananmi. 4Ada wachakurqan Esaupaq Elifazta, Basemat-taq wachakurqan Reuelta, 5Aholibamataq wachakurqan Jeusta, Jaalamta, Koretawan. Chaykunan Esaupa churinkuna, Canaán suyupi paypaq naceqkuna.
6Esautaq pusarikurqan warminkunata, wawankunata, wasinpi kaq llapa runatapas, hinallataq llapa uywankunatapas, Canaán suyupi lliw ima hayk'a tarisqantawan, hinaspanmi wak hallp'aman ripurqan wawqen Jacobmanta t'aqakuspan. 7Jacobwan Esauwanqa askha kaqniyoqmi karqanku, manañataq kuska tiyayta atiqkuchu, tiyasqanku hallp'apas manaña aypaqchu uywankupaq. 8Chaymi Esauqa Seir orqo-orqopi tiyarqan. Esaumi Edom nisqallataq.
9Kaykunan Edom runakunaq taytan Esaupa mirayninkuna, paykunan Seir orqo-orqopi tiyarqanku. 10-13Kaykunan Esaupa churinkunaq sutin: Esaupa warmin Adaq wawan Elifaz: Elifazpa churinkunataq karqan Temán, Omar, Zefo, Gatam, Kenazpiwan, tiyaqmasin Timnataq paypaq Amalekta wachakurqan. Esaupa warmin Basematpa wawan Reuel: Reuelpa churinkunataq karqan Nahat, Zera, Sama, Mizapiwan. 14Zibeonpa churin Anapa ususin Aholibamataq Esaupaq wachakurqan Jeusta, Jaalamta, Koretawan.
15Kaykunan Esaupa ayllunkuna ukhupi kamachikuqkuna: Esaupa phiwin Elifazpa churinkuna Temán, Omar, Zefo, Kenaz, 16Gatam, Amalekpiwan. Chaykunan Edom suyupi Elifazpa ayllunpi kamachikuqkuna, Adaq wawankuna.
17Kaykunataq Esaupa churin Reuelpa churinkuna: Nahat, Zera, Sama, Mizapiwan. Chaykunan Edom suyupi Reuelpa ayllunpi kamachikuqkuna, Basematpa wawankuna.
18Kaykunataq Esaupa warmin Aholibamaq wawankuna: Jeús, Jaalam, Korepiwan, chay kamachikuqkuna nacerqanku Anapa ususin Aholibamanta. 19Chaykunan Esaupa ayllunkuna kamachikuqninkunapas, paymi Edom nisqallataq.
20-21Kaykunan Hor runa Seirpa ayllunkuna, chay hallp'api tiyaqkuna: Lotán, Sobal, Zibeón, Aná, Disón, Ezer, Disanpiwan. Chaykunan Hor runakunaq kamachikuqninkuna Edom suyupi Seirpa churinkuna. 22Lotanpa churinkunan karqan Horiwan Hemamwan, Timnataq Lotanpa panan karqan. 23Sobalpa churinkunan karqan Alván, Manahat, Ebal, Sefo, Onampiwan. 24Zibeonpa churinkunataq karqan Ajawan Anawan. Chay Anaqa taytanpa asnonkunata michishaspa ch'inneqpi ruphashaq pukyukunata tariqmi karqan. 25Anapa churinmi karqan Disón, ususin Aholibamapiwan. 26Disonpa churinkunan karqan Hemdán, Esbán, Itrán, Qeranpiwan. 27Ezerpa churinkunan karqan Belhán, Saaván, Akanpiwan. 28Disanpa churinkuna karqan Uzwan Aranwan.
29-30Seir hallp'a Hor ayllukunapi kamachikuqkunan karqan: Lotán, Sobal, Zibeón, Aná, Disón, Ezer, Disanpiwan.
31Israel runakuna ukhupi manaraq rey kamachikushaqtin, Edom hallp'api kamachikuq reykunataq kaykuna karqan: 32Beorpa churin Bela kamachikurqan, llaqtanpa sutintaq karqan Dinaba. 33Bela wañukapuqtintaq, rantinpi kamachikurqan Bosrapi tiyaq Zeraq churin Jobab. 34Jobab wañukapuqtintaq, rantinpi kamachikurqan Temán hallp'api tiyaq Husam.
35Husam wañukapuqtintaq, rantinpi kamachikurqan Bedadpa churin Hadad, Moab campopi Madianta atipaq, llaqtanpa sutintaq karqan Avit. 36Hadad wañukapuqtintaq, rantinpi kamachikurqan Masrekapi tiyaq Samla. 37Samla wañukapuqtintaq, rantinpi kamachikurqan Eufrates qaylla Rehobotpi tiyaq Saúl. 38Saúl wañukapuqtintaq, rantinpi kamachikurqan Akborpa churin Baal-hanán. 39Baal-hanán wañukapuqtintaq, rantinpi kamachikurqan Hadar, llaqtanpa sutintaq karqan Pau, warminpa sutintaq Mehetabel, Matredpa ususin Mezaabpa nietan.
40Esaupa kamachikuqninkunaq sutinku mirayninkuman hina tiyanankuman hina karqan: Timna, Alva, Jetet, 41Aholibama, Ela, Pinón, 42Kenaz, Temán, Mibzar, 43Magdiel, Irampiwan. Chaykunan karqan Edompa kamachikuqninkuna, hap'ikapusqanku hallp'api tiyanankuman hina. Edomqa kikin Esaumi, Edom runakunaq taytan.
Currently Selected:
GÉNESIS 36: QC88
Highlight
Copy
Compare
Share
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
