GENESIS 27
27
Churinkunapaq Diospa bendicionninta Isaac mañakusqanmanta
1Isaacmi yuyaqyaruspan qawakurqa qaspa-qaspallataña chaymi huk punchaw piwi churinta qayaspan nirqa:
—Churillay Esau —nispa.
Chaymi Esauñataq nirqa:
—¿Imata taytáy? —nispa.
2Hinaptinmi Isaac nirqa:
—Yuyaqyaruniñam, manam yachakunichu ima punchaw wañukunaytapas. 3Chaynaqa flechaykitawan arcoykita aparikuspayá purun animalta hapirapamuway. 4Hinaspaykiyá gustasqayta hina yanuykuspa apamuway mikuykunaypaq chaynapi manaraq wañukuchkaspay qampaq bendicionta mañakunaypaq —nispa.
5Rebecañataqmi uyarichkarqa Esauman taytan Isaacpa nisqanta. Esaumá pasarqa purunta animal hapimuq. 6Hinaptinmi Rebeca wawan Jacobta nirqa:
—Ñoqam uyariramuni wawqeki Esauman taytaykipa kayna nisqanta: 7“Purun animalta hapiramuspa yanuykapamuway mikuykunaypaq hinaptinyá manaraq wañukuchkaspay Tayta Diospa bendicioninta mañapusqayki” niqta. 8Chaynaqa wawalláy, kay kamachisqaytayá kasuway, 9kanchaman pasaspayá iskay allinnin chivatochakunata aparamuy chaynapi chay aychamanta mikuyta taytaykipa gustasqanman hina yanurapunaypaq. 10Chaymi qamñataq apaykunki taytayki mikuykunanpaq chaynapi manaraq wañukuchkaspan bendicionta mañapusunaykipaq —nispa.
11Chaymi maman Rebecata Jacob nirqa:
—Esau wawqeyqa pelosapa cuerpoyoqmi ñoqam ichaqa kani mana pelosapachu, 12taytayqa qonqaytachá llachpaykuwanqa asuykuptiy, chaynaqa yanqañataq burlakuqpaq hapiwanman hinaptin bendecisqa kanaymanta ñakasqa karuyman —nispa.
13Chaymi mamanñataq nirqa:
—Ñakasusqaykiqa ñoqamanyá chayawachun, ichaqa kasuwaspaykiyá apamuway nisqayta —nispa.
14Chaymi Jacob rispan chivatochakunata aparamurqa mamanman hinaptinmi maman yanurapurqa qosanpa gustasqanta hina. 15Rebecam horqoramurqa piwi wawan Esaupa pachankunata. Chay allinnin pachankunam karqa Rebecapa wasinpi chaymi sullka kaq wawan Jacobta pacharachirqa. 16Chivatochakunapa qaranwanmi wankirurqa Jacobpa mana peloyoq matankantawan makinkunata. 17Hinaspam Rebecaqa mikuy yanusqantawan tantata wawan Jacobman qoykurqa.
18Chaymi Jacobñataq taytanman rispa nirqa:
—Taytáy —nispa.
Hinaptinmi payñataq nirqa:
—¿Imata? ¿Mayqannin churiytaq kachkanki? —nispa.
19Chaymi taytanta Jacob nirqa:
—Ñoqaqa piwi churiki Esaumi kani, niwasqaykita hinam ruramurqani, tiyaykuspayá hapimusqay animalmanta preparamusqayta mikuykuy hinaspayá bendicionta mañaykapuway —nispa.
20Chaymi churinta Isaac nirqa:
—¿Imaynataq ratollaqa hapiramurqanki? —nispa.
Chaymi Jacobñataq nirqa:
—Yupaychasqayki Tayta Diosmi ñawpaqniypi rikuriykachirqa —nispa.
21Chaymi Isaac nirqa:
—Asuykamuwayá, llachpaykusqayki ¿cheqapchus kanki churiy Esau icha manachu? —nispa.
22Jacobmi asuykurqa taytan Isaacman chaymi pay llachpaykuspa nirqa:
—Voznikiqa Jacobpa vozninmi, makikikunam ichaqa Esaupa makinkunaman rikchakun —nispa.
23Manam reqsirqachu Jacobpa makinkunaqa Esaupa makin hina pelosapallaña kasqanrayku, bendicionta rimariykapuchkaspañam. 24huktawan tapurqa:
—¿Qamchu kanki churiy Esau? —nispa.
Hinaptinmi Jacobñataq nirqa:
—Ñoqam kani —nispa.
25Chaymi taytan Isaac nirqa:
—Churilláy, asuykachimuway, hapimusqaykita mikuykuspay bendicionta mañapunaypaq —nispa.
Chaymi pay asuykachiptin mikurqa, vinotawan apamuptinmi tomaykurqa. 26Chaymantam taytan Isaac nirqa:
—Churilláy, asuykamuwaspayá muchaykuway —nispa.
27Jacob asuykuspan muchaykuptinmi Isaac muskiykurqa churinpa pachanta hinaspam bendicionta mañapurqa kaynata nispan:
Kayqa churiypa asnayninmi,
rikchakunqa Tayta Diospa bendicisqan campopa asnayninmanmi.
28Diosyá qosunki cielomanta parata
chaynataq allin cosecha qoq allpata,
trigotapas vinotapas mana pisiyta.
29Nacionkunam servisunki qamtaqa.
Achka runakunam kumuykusunki qanmanqa.
Aylluykikunapim munaychakunki.
Aylluykikunam ñawpaqnikipi kumuykusunki.
Ñakasqayá kachunku ñakasuqnikikunaqa.
Bendecisqayá kachunku bendecisuqnikikunaqa.
30Jacobpaq bendicion mañakuyta Isaac tukuykuptillanmi otaq taytanpa ñawpaqninmanta Jacob lloqsiruptillanmi animal hapimusqanmanta wawqen Esau chayaykamurqa. 31Paypas mikuyta yanuruspanmi taytanman apamurqa kaynata nispan:
—Tiyaykuy, taytáy, hapimusqaytayá mikuykuy bendicionta mañaykapuwanaykipaq —nispa.
32Chaymi taytan Isaac nirqa:
—¿Pitaq qamqa kanki? —nispa.
Hinaptinmi Esauñataq ñirqa:
—Ñoqaqa kani piwi churiki Esaumi —nispa.
33Chaymi Isaacqa sinchita katkatataruspan nirqa:
—¿Pitaq kayman hamuruspan hapimusqan animalta aparamuwarqa? ñoqaqa lliwtam mikururqani manaraq chayamuchkaptiki. Paypaqmi ñoqaqa bendicionta mañaykapuniña, chaynaqa payñam Diospa bendecisqan kanqa.
34Esaumi taytanpa nisqanta uyariykuspan llumpayllataña waqaspan qaparirqa:
—Taytáy, ñoqapaqpas bendiciontayá mañaykapuway —nispa.
35Chaymi Isaac nirqa:
—Wawqekim hamururqa engañowan hinaspam qampa kaq bendicionta chaskikurun —nispa.
36Chaymi Esauñataq nirqa:
—Iskay kutitañam engañaruwan, puntatam qechuruwarqa piwi kayniypa derechonta, kunanñataqmi qechuruwan bendecisqa kanayta: ¿Manachum chayrayku sutinpas #Hebreo simipi Jacob ninanqa “qechukuq” ninanmi.Jacob? Ñoqa bendecisqa kanaypaqa ¿manachum mañaykapuwankiman? —nispa.
37Chaymi Isaacñataq nirqa:
—Jacobtam churaruni qampa hawaykipi munaychakunanpaq, llapan ayllunkunatapas churaruni payta servinanpaqmi, trigotapas vinotapas paymanmi qoykuni. Chaynaqa churilláy ¿imatañataq qanmanqa qoykiman? —nispa.
38Chaymi Esauñataq nirqa:
—¿Taytáy, chulla kutillatachu pipaqpas bendicionta mañakuwaq? —nispa.
—Chaymi Esauqa qaparispa waqarqa:
—¡Taytáy, noqapaqpas bendiciontayá mañapuway! —ñispa.
39Chaymi taytan Isaac nirqa:
Kay *f**yachanayki allpaqa
manam qonqachu allin cosechatapas
manataqmi kanqachu
cielomanta allin parapas.
40Peleaspaykim kawsanki.
Wawqekitataqmi servinki.
Yugota pakiruq toro hinam lluptikunki.
Wawqekipa munaychakuyninmantam librakunki.
Jacobpa lluptikusqanmanta
41Jacobtam Esau cheqnirurqa paypaq bendicionta taytan mañakusqanrayku hinaspam rimapakurqa: “Taytay wañuruptinmi wawqey Jacobta wañurachisaq” nispa.
42Rebecamanmi willaykurqaku piwi wawan Esaupa imam rimasqankunata chaymi sullka wawan Jacobta qayachispan nirqa:
—Wawqeki Esaumi piensachkan wañurachisunaykipaq. 43Chaynaqa wawalláy, kay nisqayta kasuway: Ayqekuy Haran llaqtapi turiy Labanpa wasinman. 44Chaypiyá *f**yacharimuy wawqekipa piñakuynin pasanankama. 45Tukuy rurasqaykikunamanta wawqeki qonqaruptinñam chay llaqtamanta qayachimusqayki. Manam munanichu iskaynikichik huk punchawllapi chinkarunaykichikta —nispa.
46Chaymantam Isaacta Rebeca nirqa:
—Amiruniñam Hetpa castan warmikunata. Sichu Jacobpas casarakurunqa paykunawan hinaptinqa ¿imaynaraq kanqa viday? —nispa.
Currently Selected:
GENESIS 27: QUEAYA87
Highlight
Share
Copy
Want to have your highlights saved across all your devices? Sign up or sign in