Ohutula 26
26
Eyeema ly'Ohubaao hw'Omwaami
(Hut 36:8-38)
1“Hole mukati w'Eyeema ly'Ohubaao hw'Omwaami, eyeema lyeekesa ohubaao hwaange, ohutula mu bituundu ehumi eby'elaasi nderere, niyaluhwa neende obwooya bufwaana bbulu, papo, neende ranjaai. Kohobe neende ebifwaanani by'abakerubbi. 2Hole buli situundu sibe neende obuhoongo bwaakanirira, obw'emiita ehumi neende chibiri obuleeyi, neende emiita chibiri obubaambali. 3Nabire alala chitaanu mu mukaanda mulala, haandi muhole mutyo neende chitaanu chidoong'ere echio. 4Holereho amapaala k'engubo ya bbulu hu ndulo w'engubo yiri humukulu hu buli mukaanda. 5Muteeho amapaala amahumi kataanu hu situundu sitaangira sy'omukaanda kutaangira, haandi amapaala amahumi kataanu, nimukaakanirisa hu mukaanda kw'ohubiri okwo. 6Hole amalobo k'esaabbu amahumi kataanu, ak'ohuwambaanisira emikaanda kino kibiri kyeehole esituundu silala.
7“Hole esifuuniha hu Yeema ly'Ohubaao hw'Omwaami ohutula mu bituundu ehumi na silala eby'engubo yaholwa mu bwooya bw'embusi. 8Hole byoosi bibe ebyaakanirira obuhoongo, emiita ehumi neende chidatu obuleeyi, neende emiita chibiri obubaambali. 9Munaba chitaanu choong'ene alala cheehole omukaanda mulala, nae chisaasaba chiindi echio choosi chibe omukaanda mulala. 10Teeho amapaala amahumi kataanu hu ndulo w'esituundu simaliirihayo hu mukaanda mulala, haandi amapaala amahumi kataanu hu ndulo w'omukaanda kuundi kula. 11Hole amalobo amahumi kataanu ak'omugasa mani mukasage hu mapaala ako kaambaanie emikaanda kibiri ekyo alala hu kihole esifuuniho sibe silala. 12Lereechie esituundu sy'esituundu sidoong'ereho esyo emukoongo w'Eyeema ly'Ohubaao hw'Omwaami. 13Mani esetimiita amahumi kataanu chidoong'ereho hu buli lwaande luleeyi chihoyere ohulereechwa hu lwaande lw'eyeema hu lufuunihwe.
14“Hole ebifuuniho biindi bibiri, silala ohutula mu seero ly'ekoondi miiku, nilibahirwe eraangi ya ranjaai nae esiindi sy'eseero terere, hu sihole koti esifuuniho syoohu muukulu.
15“Hole efureemu yeemehwa tiiri ech'Eyeema ly'Ohubaao hw'Omwaami ohutula mu mbaao ch'omugaasia. 16Buli fureemu yihoyeere ohuba emiita chine obuleeyi, neende esetimiita amahumi kasaasaba neende chisaasaba obubaambali, 17eyiriho ebiindu bisobereho bibiri ebichiaana, hu fureemu chinyale ohweyambaania alala. Efureemu choosi chihoyere ohubaaho ebiindu bisobere bino. 18Hole efureemu amahumi kabiri ech'olwaande lw'emwaalo 19neende obweemero amahumi kane obw'efeesa obuhoyeere ohuba aasi ohuyikihwaho efureemu echio, nga buli fureemu yihaala hu byeemero bibiri-bibiri ohweemesa ebiindu byasobaho bibiri bira. 20Hole efureemu amahumi kabiri ech'olwaande lw'emukulu lw'Eyeema 21haandi neende obweemero amahumi kane, hu bubiri bubecheenge aasi wa buli fureemu. 22Nae emukoongo w'Eyeema ly'Ohubaao hw'Omwaami hu lwaande lw'emuumbo, hole yibeeyo efureemu chisaasaba, 23neende efureemu chiindi chibiri ech'amasoonda. 24Mani efureemu chohu masoonda chihoyere ohwambaanisibwa alala enabweemero, haandi chadiiranaanga nga lu chiniina ohwoolera aakulu bweene. Mani efureemu chibiri echio echihola esoonda chibiri chihoyere ohuholwa mu ngira yino yityo. 25Mani yiba yicha ohubaao efureemu chitaanu-na-chidatu neende obweemero bwaachio ehumi neende chisaasaba ech'efeesa, bubiri aasi wa buli efureemu.
26“Hole emiguulo ehumi neende kitaanu kihalakaniamo ohutula mu mbaao ch'emigasia, kitaanu kichia ohuba ech'efureemu ch'olwaande lulala olw'Eyeema, 27haandi kitaanu eky'efureemu ch'olwaande luundi, nae kitaanu kibe eky'efureemu ch'olwaande lw'emuumbo, emukoongo. 28Omuguulo kuhalakaniamo okw'akatikaati, kubata akatikaati aakulu w'amafureemu, kuhoyere ohuchia kwaatula hu ndulo yiindi w'eyeema ohwoolera elalira hu ndulo yiindi. 29Fuunihe efureemu choosi echio neende esaabbu mani mumale muchiteeho ebbaangili ch'esaabbu ohudiirania emiguulo ekyo, kyosi ekihoyeere ohubwiihwaho esaabbu. 30Yoombahe Eyeema elyo ohuloondakana neende endekeha yi hweekeseere hu lugulu.
31“Hole epasya y'elaasi nderere yi batuungira obwooya bwa bbulu, papo neende ranjaai. Nabireho ebifwaanani by'abakerubbi bira. 32Chie muyilereechie hu misiiro kine eky'embaao ch'omugaasia echabwihwaho esaabbu, haandi echateebwaho amalobo, haandi echeehaswa hu bweemero bune obw'efeesa. 33#Abaib 6:19; 9:3-5.Te epasya eyo aasi w'olunyaali lw'amalobo kali mu sirama sy'Eyeema, mani emukoongo w'epasya eyo muteeyo Esanduuku ly'Endagaano elirimo ebituundu bibiri eby'amakina bira. Mani epasya eyo yiba yicha ohukabula Abuundu Woolerefu ohutula Abuundu Ahiramo Obwoolerefu. 34Bwiihe esifuuniho sira hu Sanduuku ly'Endagaano. 35Mani erwaanyi w'Abuundu Ahiramo Obwoolerefu muteeyo emeesa niyegeeng'ere hu lwaande lw'emukulu w'Eyeema, nae esiteeni sy'etaara nasyo nisyegeeng'ere hu lwaande lw'emwaalo.
36“Ohuhola omwiingira kw'Eyeema lino, hole epasya y'elaasi nderere eyasoonwa neende obwooya bwa bbulu, papo, neende ranjaai, haandi olunyiriiswe neende ehaandago. 37Ohudiiririra epasya yino, hole emisiiro kitaanu eky'embaao ch'omugaasia ekyabwiihwaho esaabbu, haandi ekyateebwaho amalobo k'esaabbu; holere hu misiiro kino, obweemero butaanu obw'omugasa.”
Currently Selected:
Ohutula 26: SAMDC
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
Ohutula 26
26
Eyeema ly'Ohubaao hw'Omwaami
(Hut 36:8-38)
1“Hole mukati w'Eyeema ly'Ohubaao hw'Omwaami, eyeema lyeekesa ohubaao hwaange, ohutula mu bituundu ehumi eby'elaasi nderere, niyaluhwa neende obwooya bufwaana bbulu, papo, neende ranjaai. Kohobe neende ebifwaanani by'abakerubbi. 2Hole buli situundu sibe neende obuhoongo bwaakanirira, obw'emiita ehumi neende chibiri obuleeyi, neende emiita chibiri obubaambali. 3Nabire alala chitaanu mu mukaanda mulala, haandi muhole mutyo neende chitaanu chidoong'ere echio. 4Holereho amapaala k'engubo ya bbulu hu ndulo w'engubo yiri humukulu hu buli mukaanda. 5Muteeho amapaala amahumi kataanu hu situundu sitaangira sy'omukaanda kutaangira, haandi amapaala amahumi kataanu, nimukaakanirisa hu mukaanda kw'ohubiri okwo. 6Hole amalobo k'esaabbu amahumi kataanu, ak'ohuwambaanisira emikaanda kino kibiri kyeehole esituundu silala.
7“Hole esifuuniha hu Yeema ly'Ohubaao hw'Omwaami ohutula mu bituundu ehumi na silala eby'engubo yaholwa mu bwooya bw'embusi. 8Hole byoosi bibe ebyaakanirira obuhoongo, emiita ehumi neende chidatu obuleeyi, neende emiita chibiri obubaambali. 9Munaba chitaanu choong'ene alala cheehole omukaanda mulala, nae chisaasaba chiindi echio choosi chibe omukaanda mulala. 10Teeho amapaala amahumi kataanu hu ndulo w'esituundu simaliirihayo hu mukaanda mulala, haandi amapaala amahumi kataanu hu ndulo w'omukaanda kuundi kula. 11Hole amalobo amahumi kataanu ak'omugasa mani mukasage hu mapaala ako kaambaanie emikaanda kibiri ekyo alala hu kihole esifuuniho sibe silala. 12Lereechie esituundu sy'esituundu sidoong'ereho esyo emukoongo w'Eyeema ly'Ohubaao hw'Omwaami. 13Mani esetimiita amahumi kataanu chidoong'ereho hu buli lwaande luleeyi chihoyere ohulereechwa hu lwaande lw'eyeema hu lufuunihwe.
14“Hole ebifuuniho biindi bibiri, silala ohutula mu seero ly'ekoondi miiku, nilibahirwe eraangi ya ranjaai nae esiindi sy'eseero terere, hu sihole koti esifuuniho syoohu muukulu.
15“Hole efureemu yeemehwa tiiri ech'Eyeema ly'Ohubaao hw'Omwaami ohutula mu mbaao ch'omugaasia. 16Buli fureemu yihoyeere ohuba emiita chine obuleeyi, neende esetimiita amahumi kasaasaba neende chisaasaba obubaambali, 17eyiriho ebiindu bisobereho bibiri ebichiaana, hu fureemu chinyale ohweyambaania alala. Efureemu choosi chihoyere ohubaaho ebiindu bisobere bino. 18Hole efureemu amahumi kabiri ech'olwaande lw'emwaalo 19neende obweemero amahumi kane obw'efeesa obuhoyeere ohuba aasi ohuyikihwaho efureemu echio, nga buli fureemu yihaala hu byeemero bibiri-bibiri ohweemesa ebiindu byasobaho bibiri bira. 20Hole efureemu amahumi kabiri ech'olwaande lw'emukulu lw'Eyeema 21haandi neende obweemero amahumi kane, hu bubiri bubecheenge aasi wa buli fureemu. 22Nae emukoongo w'Eyeema ly'Ohubaao hw'Omwaami hu lwaande lw'emuumbo, hole yibeeyo efureemu chisaasaba, 23neende efureemu chiindi chibiri ech'amasoonda. 24Mani efureemu chohu masoonda chihoyere ohwambaanisibwa alala enabweemero, haandi chadiiranaanga nga lu chiniina ohwoolera aakulu bweene. Mani efureemu chibiri echio echihola esoonda chibiri chihoyere ohuholwa mu ngira yino yityo. 25Mani yiba yicha ohubaao efureemu chitaanu-na-chidatu neende obweemero bwaachio ehumi neende chisaasaba ech'efeesa, bubiri aasi wa buli efureemu.
26“Hole emiguulo ehumi neende kitaanu kihalakaniamo ohutula mu mbaao ch'emigasia, kitaanu kichia ohuba ech'efureemu ch'olwaande lulala olw'Eyeema, 27haandi kitaanu eky'efureemu ch'olwaande luundi, nae kitaanu kibe eky'efureemu ch'olwaande lw'emuumbo, emukoongo. 28Omuguulo kuhalakaniamo okw'akatikaati, kubata akatikaati aakulu w'amafureemu, kuhoyere ohuchia kwaatula hu ndulo yiindi w'eyeema ohwoolera elalira hu ndulo yiindi. 29Fuunihe efureemu choosi echio neende esaabbu mani mumale muchiteeho ebbaangili ch'esaabbu ohudiirania emiguulo ekyo, kyosi ekihoyeere ohubwiihwaho esaabbu. 30Yoombahe Eyeema elyo ohuloondakana neende endekeha yi hweekeseere hu lugulu.
31“Hole epasya y'elaasi nderere yi batuungira obwooya bwa bbulu, papo neende ranjaai. Nabireho ebifwaanani by'abakerubbi bira. 32Chie muyilereechie hu misiiro kine eky'embaao ch'omugaasia echabwihwaho esaabbu, haandi echateebwaho amalobo, haandi echeehaswa hu bweemero bune obw'efeesa. 33#Abaib 6:19; 9:3-5.Te epasya eyo aasi w'olunyaali lw'amalobo kali mu sirama sy'Eyeema, mani emukoongo w'epasya eyo muteeyo Esanduuku ly'Endagaano elirimo ebituundu bibiri eby'amakina bira. Mani epasya eyo yiba yicha ohukabula Abuundu Woolerefu ohutula Abuundu Ahiramo Obwoolerefu. 34Bwiihe esifuuniho sira hu Sanduuku ly'Endagaano. 35Mani erwaanyi w'Abuundu Ahiramo Obwoolerefu muteeyo emeesa niyegeeng'ere hu lwaande lw'emukulu w'Eyeema, nae esiteeni sy'etaara nasyo nisyegeeng'ere hu lwaande lw'emwaalo.
36“Ohuhola omwiingira kw'Eyeema lino, hole epasya y'elaasi nderere eyasoonwa neende obwooya bwa bbulu, papo, neende ranjaai, haandi olunyiriiswe neende ehaandago. 37Ohudiiririra epasya yino, hole emisiiro kitaanu eky'embaao ch'omugaasia ekyabwiihwaho esaabbu, haandi ekyateebwaho amalobo k'esaabbu; holere hu misiiro kino, obweemero butaanu obw'omugasa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019