Ohutula 20

Amalako ehumi

(Amal 5:1-21)

1Nasaae yalomaloma amahuwa kano koosi n'aboola ati: 2“Ese niise Omwaami Nasaae Wao owahutusa mu Misiri, yi wali nooli omuwaambe.

3“Oteenamiranga nasaae wuundi ohumalaho ese.

4 # Hut 34:17; Lef 19:4; 26:1; Amal 4:15-18; 27:15. “Oteeholeraanga ebifwaanani by'esiindu syoosi esiri Muukulu oba hu syaalo, oba mu maachi akali aasi w'esyaalo. 5#Hut 34:6,7; Hub 14:18; Amal 7:9,10.Otasigamiraanga esiloongaloongwe syoosi oba ohusiinamira, olwohuba ese niise Omwaami Nasaae weeng'we, nae haba sindesimiirisiraanga oyo yeesi owunyiingania. Ese ndeeta ebibonereso eyiri abo boosi abasyuula, eyiri abeechuhulu baabwe, haandi neende ohwoolera elalira eyiri abeechuhulu baabwe aboohudatu kata neende abohune. 6Nae njekesa obuheeri bwaange bwomiifu eyiri enjibulo amalifu-na-malifu, abaheera haandi abafunihira amalako kaange.

7 # Lef 19:12. “Otehoonyeraanga eliita lyaange hu bichiiririrwa bibi, olwohuba ese, Omwaami Nasaae wao, njia ohusaandya oyo yeesi ochakiaa-chakia eliita lyaange. 8#Hut 16:23-30; 31:12-14.Liindaanga Sabbaato mani oyihola yiba enjoolerefu. 9#Hut 23:12; 31:15; 34:21; 35:2; Lef 23:3.Ewe oli neende endaalo chisaasaba chi ohoyere ohuholeraangamo emirimo kyao kyoosi, 10nae oludaalo lwa hataanu-na-habiri, ludaalo lw'ohuwuluuha, olwandeherwa. Mani hu ludaalo olwo, abulao oyo yeesi ohoyere ohuholaho omulimo kwoosi, kata sa ewe, omwaana wao, omuwaambe wao, ebisolo byao, oba bawalukeenda baba nibamenya mu syaalo syao. 11#Huc 2:1-3; Hut 31:17.Mu ndaalo chisaasaba, nimwo mweese Omwaami, ndaholeramo esyaalo, ekulu, enyaanja, neende ebyo byoosi ebibirimo, nae hu ludaalo lwa hataanu-na-habiri, ndawuluuha. Mani sakira ese, Omwaami, ndaberesa oludaalo lwa Sabbaato ehabi mani ndaamala ndaaluhola ohuba olwoolerefu.

12 # Amal 27:16; Mat 15:4; 19:19; Mrk 7:10; 10:19; Luk 18:20; Efes 6:2; Efes 6:3. “Yisaanga oluyaali mu lataao neende maakoo, hu onyale ohumala endaalo nyiingi mu syaalo sii huberesa.

13 # Huc 9:6; Lef 24:17; Mat 5:21; 19:18; Mrk 10:19; Luk 18:20; Rom 13:9; Yak 2:11. “Oteetanga.

14 # Lef 20:10; Mat 5:27; 19:18; Mrk 10:19; Luk 18:20; Rom 13:9; Yak 2:11. “Otayiranaanga.

15 # Lef 19:11; Mat 19:18; Mrk 10:19; Luk 18:20; Rom 13:9. “Oteebaanga.

16 # Hut 23:1; Mat 19:18; Mrk 10:19; Luk 18:20. “Otabachiraanga owaasyo ebihaya.

17 # Rom 7:7; 13:9. “Otekoombaanga enyuumba y'owaasyo; otekombaanga omuhasi wae, omuwaambe wae, ebyaayo byae, esuhiri yae, oba esiindu syoosi syaali nasyo.”

Obuti bw'abaandu

(Amal 5:22-23)

18 # Abaib 12:18,19. Abaandu nibawulira ohwaaduluhana hw'ehubba, haandi neende oluyoka lw'eturumbete, haandi baabona neende ohumyeesuhana neende ohufuduumbuha hw'omwoosi nikutula mu lugulu omwo, badiirwa obuti baachaaka ohuteengereha, mani beeseenda beemera eyale neende olugulu olwo. 19Baboolera Musa bati, “Ewe omweene n'onalomalomaanga naafwe, hunahutekeeresaanga; nae efwe hutiire huti nikali mbwe Nasaae mweene niye onemeeda ohutulomalomera, huba huchia ohufwa-bufwa.”

20Musa yakobolamo ati, “Eng'we mutatya haba; Nasaae omweene yeechere ohubahema sa, haandi neende ohubona ati mwemeeda ohumutichaanga, hu mweemeo muhaye ohwonoonaanga.” 21Kata katyo abaandu nabo bemeedaanga sa ohweyaaba nibeema eyale, ohumalaho Musa yeeng'ene niye owanyala ohusudaanga aambi neende esireesi siboyu yi Nasaae mweene yali.

Amalako kadiira hu alutaari chikabuhaane

22Omwaami yalagira Musa ohuboolera Abaisiraeli ati: “Mbaasa bulaanu omalire ohubona koti lu ese, Omwaami mweene hulomalomeere ohutula Muukulu. 23Muteeholeraanga abeene banasaae b'efeesa, oba ab'esaabbu mbwe mu beenamireenge ni mumeeda hw'ese. 24Eng'we muuholere alutaari yohu syaalo huno, mani ohwo nihwo humuba muchicheenge nimuyaaniraho amakoondi keeng'we, neende eng'oombe cheeng'we koti ebiyaanwa bihoyere ohusaambirwa elalira byaawa neende ebiyaanwayo by'obusaangirani. Mani, buli abuundu yimbakabulira endulo, abecheenge eweeng'we w'ohunyinamiramo, mba ndechaanga yi muli mani mbaberesa ehabi. 25#Amal 27:5-7; Yos 8:31. Nimunabechaanga nimuli ohuunyoombahira alutaari y'ekina, mutayoombahiraanga amakina mabaache, olwohuba nimwehoonyera esichuma syooki ohubaacha amakina, muba mukanyaasa koole kahaye ohubaamo obuhoonyi yi ndi. 26Mutaanyoombahiraanga alutaari yiriho amadaara kaniina ohwoola yi yiri; nae nimuhola mutyo, muba muchia ohwefuunulaanga esyeekenye nimuniina amadaara ako.

Currently Selected:

Ohutula 20: SAMDC

Highlight

Copy

Compare