Nimlivolivon 17
17
No keyyan ni Pawlo a kani Sila do Tesalonicya
1Meyhatay si Pawlo a kani Sila do peycyeylilyan na do Anveypodi a kado Apoloniya am makaranes rana sira do Tesalonicya. Amyan dang so peyneynozyan da no tao do Yotay. 2So to na mangozai ni Pawlo do mina iwawalam na no kakwa pa mangay do peyneynozyan. Ipitlo do ipeywalam no tao a macinekanekad do tao a mangnanao no nivatvatkan a Ciriciring na ni Ama ta do to, 3a kaononong na ji Kizisto a nipakakasi da a wakwaken a kavyay na rana sya ni Ama ta do to. Maniring pa am, “Si Yeso rana ko ipeylimwang jinyo am manoyong a Misayya a nitovoy ni Ama ta do to do teyrahem.” 4Mamizing da no tatasa ka tao do Yotay am to da na anoyngi kapacihza da ji Pawlo a kani Sila. So nikaro no omraralay ni Ama ta do to a tao do Sila kano meynakem a mavakes do dang a omanoyong rana ji Yeso.
5Am o meyili dang a tao do Yotay a ji nganoyong ji Yeso am ikeynanahet da sira. Am ori o nilovotan da so abwata so vazavazay a tao a kano marahet so nakenakem a kapeyzavozavoz da sira so aro a tao a kasdep da do vahay ni Yeson a komala si Pawlo a kani Sila. Ta naknakmen da o kangay da nira do tangain no aro a tao. 6Am ji da kala sira. Am to da rana rakpa si Yeson a kano karwan da sinjya a lolwen a yangay do panipanirsirngen da. Maniring sira am, “O tao rana yamapeyzavozavoz so tao do peycyamahamahatawan na am sira rana nimakaranes do jya. 7Si Yeson am nipeysan na sira do vahay na. So nikamimin da ji nimahap so ciring na ni Kaysa. Ta maniring sira am yamyan so yasa ka panirsirngen a meyngaran si Yeso.” 8Mamizing da no tao a kano panipanirsirngen am ikarahet da. 9Meyratateng am patorwan da no panipanirsirngen si Yeson a kano kararay na so nizpi. Ori o nipasawayan da rana sira.
No keyyan da Pawlo do Peyloya
10Mahep rana am yangay da si Pawlo a kani Sila no akma dey kakteh do cinai do Peyloya. Makaranes rana sira do dang am somdep sira do peyneynozyan no tao do Yotay. 11O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo. 12Am ori o nikaro no nimanganoyong a tao do Yotay a kano meynakem a mavakes do Sila kano tao do Sila mahakay.
13Am mamizing da no tao do Yotay a meyili do Tesalonicya si Pawlo a meylimwang no ciriciring na ni Ama ta do to do Peyloya am mangay sira o tao do Yotay a mapeyvonag so aro a mangamizing a tao. 14Am ori o nyangayan da ni Pawlo no sinjya do minato. Si Sila kani Timotay am nimavezed sira do Peyloya. 15Makaranes sira do Yatyan o nimacihza ji Pawlo am meysinaoli rana sira do Peyloya a manci no nipakoyokoy na jira ni Pawlo, ta kakzeben na si Sila kani Timotay a makeykai a mangay jya.
No keyyan ni Pawlo do Yatyan
16Nanalahen na ni Pawlo si Sila kani Timotay do Yatyan am macita na o ili da kakakadayan no ji meyngongyod a tao do to da. So nikaratan na nya no onowned. 17Am ori o nipacinekanekad na do tao do Yotay a kano omraralay ni Ama ta do to a beken a tao do Yotay do peyneynozyan. So nikasangib na do araraw a macinekanekad do masazi na tao do rarahan. 18Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay. 19Am ori o nihapan da si Pawlo no aro a panipanirsirngen da do peykeykaygyan da a ngaranan da so Adipako. Maniring sira jya am, “Namen kakzeben o namen kapakateneng do yavayo a mo ipangnanao. 20Ta namen jyatenngi pa o akman sang a nanao. So pancyan mo nya jyamen so agagazan na.” 21O pancyan da no akman sang am o tao do Yatyan a kano apo do tarek a ili a misan dang a tao am ji da mapakdengi o kapeyvazay da. Ta o ikakza da am kapakamizing da so yeyyak da no cicilwan a ciring.
22So nipeytatanek ni Pawlo do Adipako a peykeykaygyan da. Maniring jira am, “Inyo rana tao do Yatyan am ko katenngan inyo a yatey makdeng a yamanaralay no tao do to nyo. 23Ko na nilivon o ili nyo a yatomita so nyo iraralay. So ko nipakacita so nyo nipariparing a papazosan nyo. O yadomket a vatvatek am, ‘Jyasingkaji a tao do to.’ Sicyaikwa rana ya am ko ipanci jinyo o nyo pa jyatenngi so ngaran a meyngongyod a Tao do to. 24Iya rana am nimangamamaog so hanit a kano teyrahem a kano meycyamadadayan. So ikanoyong na Panirsirngen do sinokob no hanit. Iya rana am yaji meyvahay do niparing no tao a panaralayan. 25Iya rana am na ji ngakzeba o tao a somidong sya. Iya o na kapwan no ikavyay no kataotao ta kano meycyamadadayan a kalahen ta tao. 26Iya o nimangamamaog so asa ka tao a cinapodpodan da no yamavonong do peycyamahamahatawan na tao do teyrahem, a na kapamnek do awawan da no iyan da do karawan a kano yanan da pongso. 27O na ikakman sang am na kakzeben ni Ama ta do to o kapakateneng da jya no tao. So ta jyahawangi ji Ama ta do to. 28Ta maniring o asa ka tao am,
‘Iya o yapwan no inawan ta do karawan a yaomzat jyaten.’
Maniring pa sira o mateneng a tao a macikeylyan jinyo am,
‘Yaten rana am akma ney anak yaten.’
29“No manoyong ta akma ney anak am ji ta naknakma o kapehngay ta si Ama ta do to do nipariparing no tao no apya so kolit a kano kayo a kano veysen a pehngehngain da ji Ama ta do to. 30No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da. 31Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”
32Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.” 33Meyratateng am karwan na rana ni Pawlo o peykeykaygyan da. 34So niyan no tao a omanoyong ji Yeso a kapacihza da rana ji Pawlo. O asa am asa ka panirsirngen da do Adipako a meyngaran si Tinisyo a kano asa ka mavakes a meyngaran si Tamadi a kano karwan da tao.
Currently Selected:
Nimlivolivon 17: snt
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan
Nimlivolivon 17
17
No keyyan ni Pawlo a kani Sila do Tesalonicya
1Meyhatay si Pawlo a kani Sila do peycyeylilyan na do Anveypodi a kado Apoloniya am makaranes rana sira do Tesalonicya. Amyan dang so peyneynozyan da no tao do Yotay. 2So to na mangozai ni Pawlo do mina iwawalam na no kakwa pa mangay do peyneynozyan. Ipitlo do ipeywalam no tao a macinekanekad do tao a mangnanao no nivatvatkan a Ciriciring na ni Ama ta do to, 3a kaononong na ji Kizisto a nipakakasi da a wakwaken a kavyay na rana sya ni Ama ta do to. Maniring pa am, “Si Yeso rana ko ipeylimwang jinyo am manoyong a Misayya a nitovoy ni Ama ta do to do teyrahem.” 4Mamizing da no tatasa ka tao do Yotay am to da na anoyngi kapacihza da ji Pawlo a kani Sila. So nikaro no omraralay ni Ama ta do to a tao do Sila kano meynakem a mavakes do dang a omanoyong rana ji Yeso.
5Am o meyili dang a tao do Yotay a ji nganoyong ji Yeso am ikeynanahet da sira. Am ori o nilovotan da so abwata so vazavazay a tao a kano marahet so nakenakem a kapeyzavozavoz da sira so aro a tao a kasdep da do vahay ni Yeson a komala si Pawlo a kani Sila. Ta naknakmen da o kangay da nira do tangain no aro a tao. 6Am ji da kala sira. Am to da rana rakpa si Yeson a kano karwan da sinjya a lolwen a yangay do panipanirsirngen da. Maniring sira am, “O tao rana yamapeyzavozavoz so tao do peycyamahamahatawan na am sira rana nimakaranes do jya. 7Si Yeson am nipeysan na sira do vahay na. So nikamimin da ji nimahap so ciring na ni Kaysa. Ta maniring sira am yamyan so yasa ka panirsirngen a meyngaran si Yeso.” 8Mamizing da no tao a kano panipanirsirngen am ikarahet da. 9Meyratateng am patorwan da no panipanirsirngen si Yeson a kano kararay na so nizpi. Ori o nipasawayan da rana sira.
No keyyan da Pawlo do Peyloya
10Mahep rana am yangay da si Pawlo a kani Sila no akma dey kakteh do cinai do Peyloya. Makaranes rana sira do dang am somdep sira do peyneynozyan no tao do Yotay. 11O tao rana dang am apyapya sira kano sinjya do Tesalonicya. Ta makdeng sira omamizing so ipangnanao da Pawlo. Masangib sira do araraw a tomita so Seysyo. Kakzeben da katenngan o kanoyong na kalas na no ipanci na ni Pawlo. 12Am ori o nikaro no nimanganoyong a tao do Yotay a kano meynakem a mavakes do Sila kano tao do Sila mahakay.
13Am mamizing da no tao do Yotay a meyili do Tesalonicya si Pawlo a meylimwang no ciriciring na ni Ama ta do to do Peyloya am mangay sira o tao do Yotay a mapeyvonag so aro a mangamizing a tao. 14Am ori o nyangayan da ni Pawlo no sinjya do minato. Si Sila kani Timotay am nimavezed sira do Peyloya. 15Makaranes sira do Yatyan o nimacihza ji Pawlo am meysinaoli rana sira do Peyloya a manci no nipakoyokoy na jira ni Pawlo, ta kakzeben na si Sila kani Timotay a makeykai a mangay jya.
No keyyan ni Pawlo do Yatyan
16Nanalahen na ni Pawlo si Sila kani Timotay do Yatyan am macita na o ili da kakakadayan no ji meyngongyod a tao do to da. So nikaratan na nya no onowned. 17Am ori o nipacinekanekad na do tao do Yotay a kano omraralay ni Ama ta do to a beken a tao do Yotay do peyneynozyan. So nikasangib na do araraw a macinekanekad do masazi na tao do rarahan. 18Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay. 19Am ori o nihapan da si Pawlo no aro a panipanirsirngen da do peykeykaygyan da a ngaranan da so Adipako. Maniring sira jya am, “Namen kakzeben o namen kapakateneng do yavayo a mo ipangnanao. 20Ta namen jyatenngi pa o akman sang a nanao. So pancyan mo nya jyamen so agagazan na.” 21O pancyan da no akman sang am o tao do Yatyan a kano apo do tarek a ili a misan dang a tao am ji da mapakdengi o kapeyvazay da. Ta o ikakza da am kapakamizing da so yeyyak da no cicilwan a ciring.
22So nipeytatanek ni Pawlo do Adipako a peykeykaygyan da. Maniring jira am, “Inyo rana tao do Yatyan am ko katenngan inyo a yatey makdeng a yamanaralay no tao do to nyo. 23Ko na nilivon o ili nyo a yatomita so nyo iraralay. So ko nipakacita so nyo nipariparing a papazosan nyo. O yadomket a vatvatek am, ‘Jyasingkaji a tao do to.’ Sicyaikwa rana ya am ko ipanci jinyo o nyo pa jyatenngi so ngaran a meyngongyod a Tao do to. 24Iya rana am nimangamamaog so hanit a kano teyrahem a kano meycyamadadayan. So ikanoyong na Panirsirngen do sinokob no hanit. Iya rana am yaji meyvahay do niparing no tao a panaralayan. 25Iya rana am na ji ngakzeba o tao a somidong sya. Iya o na kapwan no ikavyay no kataotao ta kano meycyamadadayan a kalahen ta tao. 26Iya o nimangamamaog so asa ka tao a cinapodpodan da no yamavonong do peycyamahamahatawan na tao do teyrahem, a na kapamnek do awawan da no iyan da do karawan a kano yanan da pongso. 27O na ikakman sang am na kakzeben ni Ama ta do to o kapakateneng da jya no tao. So ta jyahawangi ji Ama ta do to. 28Ta maniring o asa ka tao am,
‘Iya o yapwan no inawan ta do karawan a yaomzat jyaten.’
Maniring pa sira o mateneng a tao a macikeylyan jinyo am,
‘Yaten rana am akma ney anak yaten.’
29“No manoyong ta akma ney anak am ji ta naknakma o kapehngay ta si Ama ta do to do nipariparing no tao no apya so kolit a kano kayo a kano veysen a pehngehngain da ji Ama ta do to. 30No kaji da pa makatenngan ji Ama ta do to no tao am ji na naknakma o raraten da. Am sicyaikwaya am na ikakza o tao a yamamlis a komaro rana do peyraratenan da. 31Ta na nipamnekan o araraw na ni Ama ta do to a tomovoy so nipamnekan na a mapacici so tao do teyrahem. Ta iya rana am ji mapeycyakaban so tao. So na jyalasi no kanimawakwak na a kapirwa na sya avyain ni Ama ta do to.”
32Mamizing da si Pawlo a manci no keyyan no nimawakwak a tao a nimirwa mavyay am ipeykeykaming da. Maniring o tatasa jira am, “Namen tey kakza pa yamizngen o mo ipangnanao.” 33Meyratateng am karwan na rana ni Pawlo o peykeykaygyan da. 34So niyan no tao a omanoyong ji Yeso a kapacihza da rana ji Pawlo. O asa am asa ka panirsirngen da do Adipako a meyngaran si Tinisyo a kano asa ka mavakes a meyngaran si Tamadi a kano karwan da tao.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan