Singx Nzung 81
81
Singx Nzung 81
Tin-Hungh Zoux Longx Mv Baac I^saa^laa^en Mienh Maiv Muangx Waac
Jiu bun dorh nzung nyei mienh. Ziux gitc^titv. Aasaapc zoc nyei singx nzung.
1Baaux nzung ceng Tin-Hungh, yie mbuo nyei qaqv.
Njien-youh nyei heuc jienv ceng Yaakopv nyei Tin-Hungh.
2Jiez gorn baaux nzung, mborqv nzoz,
longc domh daanh baah caux fiuv-daanh baah
patv kuh muangx nyei nzung.
3Siang-Hlaax caux ziepc hmz,
dongh hlaax junh wuov hnoi,
jiex zipv oix zuqc biomv nzatc.#Saauv Mienh 10:10
4Naaiv se weic I^saa^laa^en benx diuh leiz-nyeic,
benx Yaakopv nyei Tin-Hungh nyei leiz.
5Ninh cuotv mingh mborqv I^yipv Deic-Bung wuov zanc,
ninh yiem Yosepv nyei zeiv-fun mbu'ndongx liepc naaiv diuh lingc.
Yiem wuov yie mbuo duqv haiz yie mbuo muangx maiv mengh baeqc nyei waac gorngv,
6“Yie zorqv meih mbuo#81:6-10 Hipv^lu waac kungx gorngv meih mv baac gorngv zuqc yietc fingx mienh. nyiex hniev nyei ga'naaiv bouh njiec,
yaac zorqv meih mbuo#81:6 meih mbuo Hipv^lu waac gorngv ninh. nyei buoz bouh nyei ndaan bungx njiec mingh.
7Zuqc naanc zingh nyei ziangh hoc meih mbuo heuc, yie yaac njoux meih mbuo.
Yie yiem mbuonx-jieqv, mba'ong bingx nyei dorngx, dau meih mbuo.
Yie yiem Me^li^mbaa Wuom seix meih mbuo.#Cuotv I^yipv 17:7; Saauv Mienh 20:13 Selaa
8“O yie nyei baeqc fingx aah! Muangx yie kuinx meih mbuo.
O I^saa^laa^en Mienh aah! Feix duqv meih mbuo muangx yie gorngv nyei waac.
9Yiem meih mbuo mbu'ndongx maiv dungx maaih nyiec nyei zienh,
maiv dungx gueic njiec baaix ganh fingx nyei zienh.#Cuotv I^yipv 20:2-3; Nzamc Leiz-Latc 5:6-7
10Yie se Ziouv, meih mbuo nyei Tin-Hungh,
dongh dorh meih mbuo cuotv I^yipv wuov dauh.
Meih mbuo oix zuqc morngx nzuih hlo nyei,
yie ziouc uix meih mbuo beuv.
11“Mv baac yie nyei mienh maiv muangx yie nyei waac.
I^saa^laa^en Mienh zungv maiv longc yie.
12Yie ziouc sueih binc ninh mbuo ziux ninh mbuo hnyouv ngaengc nyei eix zoux.
Sueih ninh mbuo ei ninh mbuo ganh nyei za'eix.
13“Feix duqv yie nyei baeqc fingx muangx yie nyei waac.
Feix duqv I^saa^laa^en Mienh yangh yie nyei jauv.
14Yie ziouc siepv-siepv nyei hingh jiex ninh mbuo nyei win-wangv,
huin nzuonx cau buoz mborqv ninh mbuo nyei win-jaa.
15Nzorng Ziouv nyei mienh zungv zuqc mbaapv njiec ninh nyei nza'hmien,
ninh mbuo yaac zuqc dingc zuiz taux yietc liuz.
16 Ziouv oix zorqv gauh longx jiex nyei mbiauh#81:16 Se mbiauh witv. bun meih mbuo nyanc,
yaac zorqv yiem la'bieiv-mbaengx nyei mueiz-dorngh bun meih mbuo buangv hnyouv.
Currently Selected:
Singx Nzung 81: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
