Singx Nzung 105
105
Singx Nzung 105
Ziouv Weic I^saa^laa^en Mienh Zoux Mbuoqc Horngh Nyei Sic
(Beiv mangc 1 Zunh Doic Douh 16:8-22)
1Oix zuqc dor-ziec Ziouv, oix zuqc jouh ninh nyei mengh,
yiem maanc fingx mbu'ndongx zunh yaangh ninh zoux nyei sic.
2Oix zuqc dorng jienv ninh baaux nzung, baaux nzung ceng ninh.
Oix zuqc zunh yaangh ninh zoux yietc zungv mbuoqc horngh nyei sic.
3Oix zuqc weic ninh nyei cing-nzengc mbuox bungx waac-maux.
Bun zimh lorz Ziouv nyei mienh nyei hnyouv njien-youh.
4Oix zuqc zimh lorz Ziouv caux ninh nyei qaqv,
zanc-zanc oix yiem Ziouv nyei nza'hmien.
5-6Ninh nyei bou, Apc^laa^ham, nyei hoz doic,
se ninh ginv daaih nyei mienh, Yaakopv nyei zeiv-fun aah!
Oix zuqc jangx jienv ninh zoux liuz wuov deix mbuoqc horngh nyei sic,
caux ninh zoux peix fuc nyei sic,
caux ninh nyei nzuih siemv nyei waac.
7Ninh se Ziouv, yie mbuo nyei Tin-Hungh.
Ninh siemv nyei waac yiem gormx lungh ndiev.
8Ninh jangx ninh laengz nyei ngaengc waac taux yietc liuz,
ninh paaiv nyei waac weic yietc cin doic,
9se caux Apc^laa^ham liepc nyei ngaengc waac,#Tin Deic Douh 12:7; 17:8
dongh ninh houv jienv laengz bun I^sakc nyei ngaengc waac.#Tin Deic Douh 26:3
10Ninh zorqv naaiv deix ngaengc waac caux Yaakopv liepc benx leiz-nyeic,
jiu bun I^saa^laa^en weic zoux yietc liuz nyei ngaengc waac.#Tin Deic Douh 28:13
11Ninh gorngv, “Yie oix zorqv Kaa^naa^an Deic-Bung jiu bun meih#105:11 Maaih deix sou gorngv meih mbuo. Hipv^lu waac gorngv meih.
benx meih nzipc nyei buonc.”
12Ninh mbuo mienh zoqc wuov zanc,
se mienh za'gengh zoqc nyei, kungx dingh zepv yiem wuov norm deic-bung hnangv,
13ninh mbuo yiem naaiv norm deic-bung jiex wuov norm deic-bung,
yiem yietc norm guoqv mingh taux ganh norm guoqv.
14Ninh maiv bun haaix dauh mienh zeix ninh mbuo,
weic ninh mbuo nyei gorn ninh hemx ziex dauh hungh diex.#Tin Deic Douh 20:3-7
15Ninh gorngv, “Maiv dungx zoux haaix nyungc bun yie longc youh orn daaih nyei mienh,
yaac maiv dungx hoic yie nyei douc waac mienh.”
16Ninh bun wuov norm deic-bung zuqc domh huaang domh ngorc,
dongh ninh mbuo kaux nyei laangh ziqc dangx nzengc,#Tin Deic Douh 41:53-57
17ninh paaiv laanh mienh mingh ndaangc ninh mbuo,
se Yosepv, zuqc maaic mingh zoux nouh.#Tin Deic Douh 37:28; 45:5
18Yosepv nyei zaux zuqc hlieqv-limc ndoh jienv mun,
yaac zuqc hlieqv-kou kou jienv jaang,#Tin Deic Douh 39:20—40:23
19zuov taux ninh gorngv oix cuotv nyei sic cuotv daaih zien.
Ziouv nyei waac seix ninh.
20Hungh diex paaiv mienh mingh bungx nqoi ninh,
gunv zuangx fingx wuov dauh bungx ninh cuotv,#Tin Deic Douh 41:14
21liepc ninh zoux hungh dinc nyei ziouv,
bun ninh gunv hungh dinc maaih nyei yietc zungv,#Tin Deic Douh 41:39-41
22bun ninh sueih eix njaaux hungh diex nyei jien,
njaaux hungh diex nyei mienh gox maaih cong-mengh.
23Nqa'haav I^saa^laa^en daaih taux I^yipv,#Tin Deic Douh 46:5-7
Yaakopv dingh zepv yiem Haam nyei deic-bung.#105:23 Haam nyei deic-bung se I^yipv Deic-Bung.#Tin Deic Douh 47:11
24 Ziouv bun ninh nyei baeqc fingx hiaangx camv,
yaac bun ninh mbuo gauh henv jiex#105:24 Fai Gauh camv. ninh mbuo nyei win-wangv.#Cuotv I^yipv 1:7-14
25Ninh bun win-wangv nyei hnyouv nzorng ninh nyei baeqc fingx,
zoux guv guaix nyei sic hoic ninh nyei bou.
26Ninh paaiv ninh nyei bou, Mose,
caux ninh ginv daaih wuov dauh Aalon.#Cuotv I^yipv 3:1—4:17
27Ninh mbuo yiem wuov deix mienh mbu'ndongx zoux jangx-hoc,
yiem Haam nyei deic-bung zoux mbuoqc horngh nyei sic.
28Ninh bun hmuangx daaih om jienv deic-bung,
I^yipv Mienh yaac ngaengc#105:28 Hipv^lu waac gorngv “yaac maiv ngaengc ninh nyei waac”. ninh nyei waac.#Cuotv I^yipv 10:21-23
29Ninh bun ninh mbuo nyei wuom benx nziaamv,
bun ninh mbuo nyei mbiauz daic nzengc.#Cuotv I^yipv 7:17-21
30Yiem ninh mbuo nyei deic-bung,
liemh ninh mbuo nyei hungh dinc gu'nyuoz maaih gaengv buangv nzengc.#Cuotv I^yipv 8:1-6
31Ninh gorngv ziouc maaih mungz faanv,#Cuotv I^yipv 8:20-24
maaih gaeng-mbung faanv buangv deic-bung.#Cuotv I^yipv 8:16-17
32Ninh bun borqc div mbiungc duih njiec,
bun mba'lingc njapc njapc nyei gormx deic-bung.#Cuotv I^yipv 9:22-25
33Ninh mborqv waaic ninh mbuo nyei a'ngunc hmei caux ngongh nyorx ndiangx,
mborqv ninh mbuo nyei deic-bung nyei ndiangx nauv nzengc.
34Ninh gorngv yietc joux, jopv-nyeic ziouc daaih,
jopv-nyeic lunx saauv maiv hingh,#Cuotv I^yipv 10:12-15
35nyanc ninh mbuo nyei deic-bung nyei nyungc-nyungc lai-coix,
caux yiem lingh deic cuotv nyei gaeng-zuangx.
36Ninh daix yiem ninh mbuo nyei deic-bung gu'nyuoz nyei yietc zungv dorn-la'gauv,
se mouz buonc nyei daauh dauh dorn.#Cuotv I^yipv 12:29
37Nqa'haav ninh dorh I^saa^laa^en Mienh, caux jienv jiem nyaanh cuotv,
yiem ninh mbuo nyei fingx-fingx maiv maaih haaix dauh mau.#105:37 Faan zaqc gorngv “Yiem ninh nyei fingx-fingx mienh mbu'ndongx maiv maaih haaix dauh ndiqv zuqc ndorpc”.#Cuotv I^yipv 12:33-36
38Ninh mbuo biaux cuotv, I^yipv Mienh a'hneiv nyei,
weic zuqc ninh mbuo gamh nziex haic I^saa^laa^en Mienh.
39Tin-Hungh bun mbuonx om jienv,
lungh muonz zanc bun douz ziux njang.#Cuotv I^yipv 13:21-22
40Ninh mbuo tov, ninh ziouc bun norqc mbunh ndaix daaih,
yaac bun laangh ziqc yiem lungh daaih bun ninh mbuo nyanc beuv.#Cuotv I^yipv 16:2-15
41Ninh mborqv nqoi la'bieiv, wuom ziouc baetv cuotv
liouc jiex deic-bung-huaang benx diuh ndaaih,#Cuotv I^yipv 17:1-7; Saauv Mienh 20:2-13
42weic zuqc ninh jangx ninh caux ninh nyei bou, Apc^laa^ham,
laengz nyei cing-nzengc waac.
43Ninh dorh ninh nyei baeqc fingx njien-youh nyei cuotv,
dorh jienv ninh ginv daaih nyei mienh baaux jienv nzung mingh.
44Ninh zorqv ganh fingx mienh nyei deic-bung jiu bun ninh mbuo.
Ninh mbuo duqv nzipc wuov deix mienh ndortv qaqv zoux nyei buonc#Yo^su^waa 11:16-23
45weic bun ninh mbuo gan ninh nyei leiz-nyeic
yaac ei nzengc ninh nyei leiz-latc.
Oix zuqc ceng Ziouv. #105:45 Hipv^lu waac gorngv Haa^le^lu Yaa.
Currently Selected:
Singx Nzung 105: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
