yaa-kxpg 1
1
1yia, yaa-kxpg,#matq-Taai 13:55; maa-Ko 6:3; kaa-laa-Tia 1:19 zruj Tinb huvb Eei pru yaag zruj zyruq ye-su ki-tug Eei pru.
yia Javj Tauj meib Bua yem Raanj Eei zyepg Eeig fivj.
syenj fim Zauj Zovb mevb
2yia Eei kxb yrud aag, meib Bua pwavb zu'g Euvb Euvg Kruq naang xij zu'g funj penj Fyenb yrub Eei sig, 3weig zu'g meib Bua hiuq tu'q pwavb naaiq teij sig se seij mavg meib Bua Eei syenj fim, weig pun meib Bua maaib nxig tiaq tu'q. 4xij zu'g lovg nxig tiaq Tauj taaub weig pun meib Bua haib penj tunb yunb Rxib Eei myenb, maiq Zaa yetg Euvg. 5sij kxvq meib Bua haiq taub Zovb mevb maiq kauj, xij zu'g Toq Tinb huvb, Tinb huvb zyrug Zeij pun a'q. weig zu'g Tinb huvb Eei Hruq Javq haig, xij pun zwavj myenb yaag maiq hemj. 6mq paag Toq Eei myenb xij zu'g lovg syenj fim tauj kauj, maiq tuvq Luvb Lwrtq, weig zu'g haiq taub Luvb Lwrtq se Navq Ryaauj pwrng Kxiq Jiad laavg myetq mivb myetq taaib nx. 7uaq taub maiq zu'g Namq taaib zyruq xij pun haiq Euvg ninb, 8weig zu'g uaq Euvg myenb maaib i tiug Hruq. zruj haiq Euvg yaag maiq tivg.
myenb Jomg myenb Zauj myenb maaib myenb
9Jomg uaq taub kxb yrud tu'q Tinb huvb Taaib ninb faauj Lav zyrug xij zu'g a'Neiq. 10putq zxib uaq taub zu'g Tinb huvb pun ninb zruj faij yaag xij zu'g a'Neiq weig zu'g putg zxib myenb xij Navq miaq Eei pyavb nx, ziag mig a'q.#i-saa-yaa 40:6-7 11weig zu'g Ba'Nxi Zwrtq taaib, Eutg to'g Pwi Eauj Gaai, pyavb zyrug pyob mig a'q. Rweig Eei Jaaj Twij Revg. putg zxib myenb zruj Jyenq ninb Eei kov yem, yaag Navq naaiq teij pyavb nx, manb mang paag Revg mig a'q.
seij Hruq Eei sig Zauj Duaq myenb paamd zwid Eei sig
12haiq taub zu'g seij yaag tiaq tu'q Tauj taaub, uaq taub maaib xnb lx'g a'q, weig zu'g tiaq liud, zyrug tu'q Tinb huvb Zeij pun Eei mcvg.#1:12 kikg waag kxvq weig zruj nivq. tovb myenb tiaq Tauj hivb tu'q taaib Eei zivb Eeig. se tovb Tinb huvb lcvd pun Namq ninb uaq teij myenb tu'q Eei mcvg. 13haiq taub pwavb zu'g Duaq ninb paamd zwid Eei sig maiq tuvq kxvq, “Tinb huvb Duaq yia paamd zwid,” weig zu'g Ywav x'q Eei sig maiq haib Duaq maiq zu'g Tinb huvb. Tinb huvb yaag maiq Duaq haiq taub paamd zwid. 14mq paag myenb zu'g Duaq se laaij kanb Eei Hruq hang zyrug yua'g kanb mivb paamd zwid. 15Hruq hang haiq Euvg se peiq maaib Jyenq sin nx. yuvd Zwrtq taaib penj zwid mig a'q. zwid Lo tivg, zyrug pun uaq taub myenb zu'g taig mig a'q.
16yia Namq haig Eei kxb yrud aag, maiq tuvq zu'g Duaq. 17yetg zuvq lovj Eei, tunb yunb Eei zivb Eeig yem Tinb txvb Fiag taaib. se Tinb huvb, tovb zeij Zwrtq luvb Eei Euvb Euvg Fav uaq taub, Zeij pun Bua. ninb yetg liud maiq kxiq yeng,#hipq-lu 13:8 yaag maiq kwinb tovd Txvq zu'g Mwavj. 18Tinb huvb ziuj ninb kanb Eei za'eij lovg zyen leid Eei tod yuvd Bua taaib weig pun Bua yem ninb zeij taaib Eei maang mwrtg zruj ta'yetq.#1:18 zruj ta'yetq kikg waag kxvq taaub Txvj pyruq. naaiq peiq kaub Kuq, kaub lovj uaq Euvg pyruq.
mwavj liud xij zu'g ei Jyenq zruj
19yia Namq haig Eei kxb yrud aag, naaiq meib Bua xij zu'g hiuq. taub taub xij zu'g syepg syepq Eei mwavj, mq paag maiq tuvq zruj Rwib syepq, yaag maiq tuvq Qiaj Jiad syepq.#e-fe-so 4:26 20weig zu'g myenb Qiaj Jiad maiq haib zruj maiq Zwrtq Tinb huvb hxpg haig Eei za'eij. 21weig naaiq meib Bua xij zu'g kwavg Revg yetg zuvq laib Lopq Zauj Ywav x'q Eei sig. xij zu'g swrng Hruq mwavj Tinb huvb zwavj Jyenq meib Bua Eei Hruq Eei tod, tovb haib Fruj meib Bua uaq Euvg tod.
22maiq tuvq Duaq kanb laaig haid liud tod zyrug kauj a'q. taauj Rwrnj xij zu'g ei Jyenq zruj. 23haiq taub haid liud tod yaag maiq ei Jyenq zruj, se Navq taub myenb lovg kivj mavg ninb kanb Eei Myen. 24mavg liud, zyrug mivb mig a'q. yaag lyemb zeib la'Ku'q Revg ninb kanb Eei Myenb mweig Navq haiq nx. 25Tinb huvb tunb yunb Eei leib latg pun myenb tu'q zruj puvj Gxi Eei myenb. haiq taub zaab mavg, yaag zanb zang zaab Jyenq, maiq la'Ku'q ninb haid Eei leid, haid liud zyrug ei Jyenq zruj, uaq Euvg myenb yem ninb zruj Eei sig zyrug tu'q xnb lx'g.
26haiq taub funj ninb kanb syenj tu'q lovj mq paag maiq kunq kanb Eei Rwib nx, se Kuvj Duaq kanb Navq. ninb syenj Eei Jauq maiq lamb lovg a'q. 27ei zavg tiaj Tinb huvb mavg, Bua syenj tu'q hxpg, zruj Zivb Revg se Navq naaiq. pwatg kub hanb txn Zauj aub kwaaq Dxtq naang, xij zu'g kruj. yaag xij zu'g kruj Jyenq kanb, maiq pun paamb ken Eei haiq Euvg Jauq kua'q Bua laib Lopq.
Currently Selected:
yaa-kxpg 1: IuMiNOR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันโบราณ © Thailand Bible Society, 2007.