Hiburunima 8
8
Yisa ŋun nyɛ ti maligumaani’ titali
1 #
Yila 110.1
Ti ni yɛri shɛli maa yɛlikpani m-bɔŋɔ: Ti mali maligumaani’ titali ŋɔ tatabo ka o ʒi Naawuni Zallakudura Naa nam ʒiishee nudirigu polo alizanda ni. 2Ŋuna n-nyɛ ŋun tumdi maligumaani’ zuɣulaantali tuma Luɣ’ Kasi Zaa Kasi Shee din be tanti jɛmbu du’ maŋli la ni, ka di nyɛ ti Duuma ni zali shɛli, ka pa ni ninsal’ ni zali shɛl’ la.
3Maligumaaniba zuɣulan’ kam nyɛla Naawuni ni zali so ni o zaŋdi pina mini sara maani maligu ŋun’ Naawuni sani; lala zuɣu di simdi ni ti maligumaana ŋɔ gba mali shɛli din ni zaŋ mali maligu. 4O yi di be dunia ŋɔ ni, o naan ku nyɛla maligumaana hal baabiɛla, maligumaaniba bɛn zaŋdi pina maani maligu kaman Yɛhudianim’ zaligu ni wuhi shɛm ni beni la zuɣu. 5#Yibu 25.40 Bɛ ni tumdi maligumaanitali tuun’ shɛŋa maa nyɛla din be alizanda ni la ŋmahinli mini di shilinshia; dama Anabi Musa ni daa yɛn kpa tanti Naawuni jɛmbu duu la, Naawuni daa yɛl’ o, “Niŋm’ di binshɛlikam dɛde kaman n ni daa wuh’ a di niŋbu soli shɛm zol’ zuɣu la.” 6Amaa Yisa maligumaanitali tuma nyɛla din gari bɛ maligumaanitali tuma kaman o ni mali alikauli shɛli Naawuni mini ninsalinim’ sunsuuni ni so alikauli kurili la shɛm, dama di tam la alikaulinim’ din so zuɣu. 7Alikauli kurili maa yi di daa be dɛde, di di bi lan kpa talahi ni din pah’ ayi kana. 8Amaa Naawuni daa galim alikauli kurili ʒiɛmani maa ni niriba yɛli:
“Yi Duuma yɛliya, ‘Dabisi’ shɛŋa saha kanna,
ka n ni ti lo Izraɛlnim’ mini Judanim’
alikauli palli.
9Di ti ku ŋmani n ni daa pun lo bɛ yaannim’
alikauli shɛli saha shɛli n ni daa zaŋ n nuu yihi ba
Ijipti tiŋgbɔŋ ni la.’ ”
Yi Duuma lan yɛli, “Bɛ daa bi gbibi alikauli shɛli
n ni daa lo ba la,
dinzuɣu ka m mi baɣa daa ka bɛ ni.”
10Yi Duuma lan yɛli yaha, “Dimbɔŋɔ n-nyɛ alikauli shɛli
n ni ti yɛn lo Izraɛlnima dabisi’ shɛŋa din kanna ni:
N ni ti zaŋ n zaligunim’ niŋ bɛ tɛha ni,
ka sab’ li niŋ bɛ suhuri ni;
ka n ni ti nyɛ bɛ Naawuni,
ka bɛ mi ti nyɛ n niriba.
11Ka bɛ ni so ti ku wuhi o kpee bee o mabia yɛra,
‘Baŋmi ti Duuma!’
Sokam zaa ni ti mi ma, hal bɛn nyɛ tarimba
zaŋ tabili wɔɣira.
12 #
Jɛr 31.31-34
Dama n ni ti zo ba nambɔɣu bɛ biriginsim puuni,
ka ti ku lan teei bɛ daalahichi yɛla hal abada.” 13Naawuni ni yɛri alikauli palli yɛla maa, di wuhiya ni o lihi tuuli din’ maa la zaɣ’ kurili. Ka binshɛli din kurigiri ka kpaari mi ku yuui ka leei din ku lan beni yaha.
Currently Selected:
Hiburunima 8: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Hiburunima 8
8
Yisa ŋun nyɛ ti maligumaani’ titali
1 #
Yila 110.1
Ti ni yɛri shɛli maa yɛlikpani m-bɔŋɔ: Ti mali maligumaani’ titali ŋɔ tatabo ka o ʒi Naawuni Zallakudura Naa nam ʒiishee nudirigu polo alizanda ni. 2Ŋuna n-nyɛ ŋun tumdi maligumaani’ zuɣulaantali tuma Luɣ’ Kasi Zaa Kasi Shee din be tanti jɛmbu du’ maŋli la ni, ka di nyɛ ti Duuma ni zali shɛli, ka pa ni ninsal’ ni zali shɛl’ la.
3Maligumaaniba zuɣulan’ kam nyɛla Naawuni ni zali so ni o zaŋdi pina mini sara maani maligu ŋun’ Naawuni sani; lala zuɣu di simdi ni ti maligumaana ŋɔ gba mali shɛli din ni zaŋ mali maligu. 4O yi di be dunia ŋɔ ni, o naan ku nyɛla maligumaana hal baabiɛla, maligumaaniba bɛn zaŋdi pina maani maligu kaman Yɛhudianim’ zaligu ni wuhi shɛm ni beni la zuɣu. 5#Yibu 25.40 Bɛ ni tumdi maligumaanitali tuun’ shɛŋa maa nyɛla din be alizanda ni la ŋmahinli mini di shilinshia; dama Anabi Musa ni daa yɛn kpa tanti Naawuni jɛmbu duu la, Naawuni daa yɛl’ o, “Niŋm’ di binshɛlikam dɛde kaman n ni daa wuh’ a di niŋbu soli shɛm zol’ zuɣu la.” 6Amaa Yisa maligumaanitali tuma nyɛla din gari bɛ maligumaanitali tuma kaman o ni mali alikauli shɛli Naawuni mini ninsalinim’ sunsuuni ni so alikauli kurili la shɛm, dama di tam la alikaulinim’ din so zuɣu. 7Alikauli kurili maa yi di daa be dɛde, di di bi lan kpa talahi ni din pah’ ayi kana. 8Amaa Naawuni daa galim alikauli kurili ʒiɛmani maa ni niriba yɛli:
“Yi Duuma yɛliya, ‘Dabisi’ shɛŋa saha kanna,
ka n ni ti lo Izraɛlnim’ mini Judanim’
alikauli palli.
9Di ti ku ŋmani n ni daa pun lo bɛ yaannim’
alikauli shɛli saha shɛli n ni daa zaŋ n nuu yihi ba
Ijipti tiŋgbɔŋ ni la.’ ”
Yi Duuma lan yɛli, “Bɛ daa bi gbibi alikauli shɛli
n ni daa lo ba la,
dinzuɣu ka m mi baɣa daa ka bɛ ni.”
10Yi Duuma lan yɛli yaha, “Dimbɔŋɔ n-nyɛ alikauli shɛli
n ni ti yɛn lo Izraɛlnima dabisi’ shɛŋa din kanna ni:
N ni ti zaŋ n zaligunim’ niŋ bɛ tɛha ni,
ka sab’ li niŋ bɛ suhuri ni;
ka n ni ti nyɛ bɛ Naawuni,
ka bɛ mi ti nyɛ n niriba.
11Ka bɛ ni so ti ku wuhi o kpee bee o mabia yɛra,
‘Baŋmi ti Duuma!’
Sokam zaa ni ti mi ma, hal bɛn nyɛ tarimba
zaŋ tabili wɔɣira.
12 #
Jɛr 31.31-34
Dama n ni ti zo ba nambɔɣu bɛ biriginsim puuni,
ka ti ku lan teei bɛ daalahichi yɛla hal abada.” 13Naawuni ni yɛri alikauli palli yɛla maa, di wuhiya ni o lihi tuuli din’ maa la zaɣ’ kurili. Ka binshɛli din kurigiri ka kpaari mi ku yuui ka leei din ku lan beni yaha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.