2 Kɔrintinima 8
8
Cheechinim’ ni tɔto tɔhibu yɛla
1M mabihi, ti bɔri ni yi baŋ Naawuni daalibarika din be Masidɔnia tiŋgbɔŋ ni cheechinim’ ni yɛla, 2dama bɛ wahala dibu zahimbu pam nyabu puuni mini bɛ ni kul nyɛ faranim’ la zaa yoli, bɛ suhupiɛlli din galisi pam zuɣu chɛ ka bɛ tɔhiri tɔto ni bɛ suhuri zaa. 3N di ba shɛhira ni bɛ suhu yubu puuni bɛ tɔhiri kaman sokam ni o nyaŋbu tariga hal n-gari lala zuɣu gba. 4#Rom 15.26 Bɛ balim ti ni nimmoo ni ti ti ba soli ka bɛ zaŋ bɛ nuu kpɛhi Yisa nyaandoliba sɔŋbu ni. 5Bɛ ni daa niŋ shɛm yaɣi ti ni tɛhi ni bɛ ni niŋ shɛm zuɣu: Bɛ daa zaŋla bɛmaŋa n-ti ti Duuma ka naanyi zaŋ bɛmaŋa n-ti ti gba Naawuni yubu puuni. 6Lala zuɣu ka ti daa kpam Taitus jaande ni o ni daa pun piligi niŋdi shɛm la o kul niŋmi lala n-naai yurilim tuuni ŋɔ yi gba sani. 7Yi ni mali binshɛŋa galisiya pam. Dina n-nyɛ: Yɛda niŋbu mini yɛtɔɣa tɔɣisibu ni baŋsim ni nimmoo niŋbu shɛlikam ni ni yi yurilim zaŋ chaŋ ti sani. Dinzuɣu chɛliya ka yi gba ni niŋdi shɛm galisi yurilim tuuni ŋɔ ni.
8N ni yɛli shɛm ŋɔ bi wuhiri ni n zaani ya la zaligu, amaa n zaŋdila shɛb’ nini ni mooi bɛ tab’ sɔŋbu zuɣu yɛla n-wuhiri ya ni n nya ni yi gba yurilim nyɛla yurilim maŋli. 9Dama yi mi ti Duuma Yisa Masia daalibarika ni nyɛ shɛm: O daa nyɛla bundana, amaa yi zuɣu ka o leei nandana ni yi leei bundaannima o nandaantali maa zuɣu.
10N saɣisigu ni nyɛ shɛm yɛlli ŋɔ puuni m-bɔŋɔ: Yimaŋmaŋ’ zaɣ’ suŋ nyabu zuɣu, di niŋ kamaata ni yi naai yi ni daa piligi niŋdi shɛli yuuni la ha. Di pa ni yi daa daŋmi piligi li kɔŋko, amaa yi daa daŋmi yu ni yi niŋ li. 11Dinzuɣu niŋmiya m-bahi naai li! Chɛliya ka yi suhuri ye di naabu zuɣu kaman yi suhuri ni daa ye di piligibu zuɣu shɛm la; zaŋmiya yi ni mali shɛli niŋ li. 12Dama yi suhuri yi ye di niŋbu zuɣu, Naawuni ni dee’ li kaman yi ni nyaŋ shɛm tariga zuɣu ka mi ku galim ya yi ni ka shɛli zuɣu.
13Di pala m bɔrimi ni n ʒili ya ʒitibisa ka suui shɛb’ dini; 14amaa yi ni mali pam pumpɔŋɔ zuɣu, di niŋ kamaata ni yi sɔŋ bɛn ka. Ka yi gba yi ti ka ka bɛ mi mali pam, bɛ ni sɔŋ ya, ka lala niŋbu ni chɛ ka yi tab’ sɔŋbu saɣ’ taba. 15#Yibu 16.18 Di bemi kaman di ni sab’ shɛm Naawuni Kundi ni la:
“Ninvuɣ’ so ŋun daa laɣisi pam dini daa bi guura;
ka ninvuɣ’ so ŋun daa laɣisi biɛla dini
mi daa bi poor’ o.”
Taitus min’ o dolintaba
16Ti paɣiri Naawuni ŋun chɛ ka Taitus suhu ye yi sɔŋbu zuɣu kaman ti gba la. 17Di pala o ni daa saɣi ti ni daa kpam o jaande shɛm la kɔŋko, amaa omaŋmaŋ’ suhu yubu zuɣu ka o gba suhu daa ye yi sani kandina zuɣu. 18Ka ti zaŋdi ti mabi’ so cheechinim’ zaa ni luri sizuura o lahibal’ suŋ molo molibu zuɣu la n-dolisir’ o na. 19Ka din pahi nyɛla, o lan nyɛla ninvuɣ’ so cheechinim’ ni pii n-zal’ o ni o doli ti ka ti tumdi yurilim tuuni ŋɔ ti Duuma jilima nyabu zuɣu, ka dimbɔŋɔ wuhi ni ti yuya ni ti sɔŋ ti taba.
20Ti loya ni ti ku niŋ din ni chɛ ka so galim ti yurilim pina din galisi ŋɔ taribu ni. 21#Ayu 3.4 Ti lo nia ni ti tumla din tuhi, ka di pala zaŋ chaŋ ti Duuma sani kɔŋko, amaa zaŋ chaŋ ninsalinim’ gba sani.
22Ka ti zaŋdi ti mabi’ so ti ni buɣisi waawaayili n-nya ka o nyɛla ŋun suhu kul ye o tab’ sɔŋbu zuɣu yɛla pam puuni la n-dolisiri ba na. Ka pumpɔŋɔ o nyɛla ŋun suhu na kul ye o tab’ sɔŋbu zuɣu gari lala, o ni niŋ ya naani pam la zuɣu. 23Zaŋ chaŋ Taitus polo, o nyɛla n tumtumdikpee ŋun pahi n zuɣu ka ti tumdi ni ti sɔŋ ya; ka zaŋ chaŋ ti mabihi la mi polo, bɛ nyɛla cheechi tuumba Masia jilima nyabu zuɣu. 24Dinzuɣu kahigimiya yi yurilim maŋli ni nyɛ shɛm wuhi cheechinima, ka lan kahigi wuhi ni ti ni nyuri bara yi zuɣu ti mabihi maa sani shɛm la nyɛla yɛlimaŋli.
Currently Selected:
2 Kɔrintinima 8: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
2 Kɔrintinima 8
8
Cheechinim’ ni tɔto tɔhibu yɛla
1M mabihi, ti bɔri ni yi baŋ Naawuni daalibarika din be Masidɔnia tiŋgbɔŋ ni cheechinim’ ni yɛla, 2dama bɛ wahala dibu zahimbu pam nyabu puuni mini bɛ ni kul nyɛ faranim’ la zaa yoli, bɛ suhupiɛlli din galisi pam zuɣu chɛ ka bɛ tɔhiri tɔto ni bɛ suhuri zaa. 3N di ba shɛhira ni bɛ suhu yubu puuni bɛ tɔhiri kaman sokam ni o nyaŋbu tariga hal n-gari lala zuɣu gba. 4#Rom 15.26 Bɛ balim ti ni nimmoo ni ti ti ba soli ka bɛ zaŋ bɛ nuu kpɛhi Yisa nyaandoliba sɔŋbu ni. 5Bɛ ni daa niŋ shɛm yaɣi ti ni tɛhi ni bɛ ni niŋ shɛm zuɣu: Bɛ daa zaŋla bɛmaŋa n-ti ti Duuma ka naanyi zaŋ bɛmaŋa n-ti ti gba Naawuni yubu puuni. 6Lala zuɣu ka ti daa kpam Taitus jaande ni o ni daa pun piligi niŋdi shɛm la o kul niŋmi lala n-naai yurilim tuuni ŋɔ yi gba sani. 7Yi ni mali binshɛŋa galisiya pam. Dina n-nyɛ: Yɛda niŋbu mini yɛtɔɣa tɔɣisibu ni baŋsim ni nimmoo niŋbu shɛlikam ni ni yi yurilim zaŋ chaŋ ti sani. Dinzuɣu chɛliya ka yi gba ni niŋdi shɛm galisi yurilim tuuni ŋɔ ni.
8N ni yɛli shɛm ŋɔ bi wuhiri ni n zaani ya la zaligu, amaa n zaŋdila shɛb’ nini ni mooi bɛ tab’ sɔŋbu zuɣu yɛla n-wuhiri ya ni n nya ni yi gba yurilim nyɛla yurilim maŋli. 9Dama yi mi ti Duuma Yisa Masia daalibarika ni nyɛ shɛm: O daa nyɛla bundana, amaa yi zuɣu ka o leei nandana ni yi leei bundaannima o nandaantali maa zuɣu.
10N saɣisigu ni nyɛ shɛm yɛlli ŋɔ puuni m-bɔŋɔ: Yimaŋmaŋ’ zaɣ’ suŋ nyabu zuɣu, di niŋ kamaata ni yi naai yi ni daa piligi niŋdi shɛli yuuni la ha. Di pa ni yi daa daŋmi piligi li kɔŋko, amaa yi daa daŋmi yu ni yi niŋ li. 11Dinzuɣu niŋmiya m-bahi naai li! Chɛliya ka yi suhuri ye di naabu zuɣu kaman yi suhuri ni daa ye di piligibu zuɣu shɛm la; zaŋmiya yi ni mali shɛli niŋ li. 12Dama yi suhuri yi ye di niŋbu zuɣu, Naawuni ni dee’ li kaman yi ni nyaŋ shɛm tariga zuɣu ka mi ku galim ya yi ni ka shɛli zuɣu.
13Di pala m bɔrimi ni n ʒili ya ʒitibisa ka suui shɛb’ dini; 14amaa yi ni mali pam pumpɔŋɔ zuɣu, di niŋ kamaata ni yi sɔŋ bɛn ka. Ka yi gba yi ti ka ka bɛ mi mali pam, bɛ ni sɔŋ ya, ka lala niŋbu ni chɛ ka yi tab’ sɔŋbu saɣ’ taba. 15#Yibu 16.18 Di bemi kaman di ni sab’ shɛm Naawuni Kundi ni la:
“Ninvuɣ’ so ŋun daa laɣisi pam dini daa bi guura;
ka ninvuɣ’ so ŋun daa laɣisi biɛla dini
mi daa bi poor’ o.”
Taitus min’ o dolintaba
16Ti paɣiri Naawuni ŋun chɛ ka Taitus suhu ye yi sɔŋbu zuɣu kaman ti gba la. 17Di pala o ni daa saɣi ti ni daa kpam o jaande shɛm la kɔŋko, amaa omaŋmaŋ’ suhu yubu zuɣu ka o gba suhu daa ye yi sani kandina zuɣu. 18Ka ti zaŋdi ti mabi’ so cheechinim’ zaa ni luri sizuura o lahibal’ suŋ molo molibu zuɣu la n-dolisir’ o na. 19Ka din pahi nyɛla, o lan nyɛla ninvuɣ’ so cheechinim’ ni pii n-zal’ o ni o doli ti ka ti tumdi yurilim tuuni ŋɔ ti Duuma jilima nyabu zuɣu, ka dimbɔŋɔ wuhi ni ti yuya ni ti sɔŋ ti taba.
20Ti loya ni ti ku niŋ din ni chɛ ka so galim ti yurilim pina din galisi ŋɔ taribu ni. 21#Ayu 3.4 Ti lo nia ni ti tumla din tuhi, ka di pala zaŋ chaŋ ti Duuma sani kɔŋko, amaa zaŋ chaŋ ninsalinim’ gba sani.
22Ka ti zaŋdi ti mabi’ so ti ni buɣisi waawaayili n-nya ka o nyɛla ŋun suhu kul ye o tab’ sɔŋbu zuɣu yɛla pam puuni la n-dolisiri ba na. Ka pumpɔŋɔ o nyɛla ŋun suhu na kul ye o tab’ sɔŋbu zuɣu gari lala, o ni niŋ ya naani pam la zuɣu. 23Zaŋ chaŋ Taitus polo, o nyɛla n tumtumdikpee ŋun pahi n zuɣu ka ti tumdi ni ti sɔŋ ya; ka zaŋ chaŋ ti mabihi la mi polo, bɛ nyɛla cheechi tuumba Masia jilima nyabu zuɣu. 24Dinzuɣu kahigimiya yi yurilim maŋli ni nyɛ shɛm wuhi cheechinima, ka lan kahigi wuhi ni ti ni nyuri bara yi zuɣu ti mabihi maa sani shɛm la nyɛla yɛlimaŋli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.