ÉXODO 26
26
Diospa tiyakunan toldo
1Diospa tiyakunantaqa chunka cortinasniyojta ruwanki; chaytaj kanqa sumaj t'ullkusqa linomanta, colornintaj kanqa azul, puka, puka panti ima. Chayta awaspataj pallaynimpi churanki iskay angelesta. 2Tukuynin cortinasqa uj rejlla kanqanku: Sayt'unmanqa chunka iskayniyoj khuskanniyoj metros kanqa, kinrayninmantaj iskay metros kanqa. 3Phishqa cortinasta ujllaman siraykunki, jinallataj wakin phishqa cortinastapis ujllaman. 4Ñaupaj kaj sirasqayki azul cortinaj puntasninman q'aytumanta ningrista ruwaranki, jinallataj iskay kaj k'askachisqasniykej puntasninmampis. 5Ñaupaj kaj sirasqasniykej puntasnimpeqa phishqa chunka jusk'usta ruwanki, qhepan kajpipis kikillantataj; jinamanta ningrisnin pura tinkunankupaj. 6Chantaqa ruwallankitaj phishqa chunka ganchosta qorimanta chay sirasqasniyki purajmanta t'inkikunankupaj; jinamanta Diospa tiyakunan toldoqa ujlla sayarinampaj.
7Chaymantaqa awallankitaj chunka ujniyoj bayetasta cabra pelosmanta, Diospa tiyakunanta toldowan jina qhataykunapaj. 8Sapa uj bayetaqa uj rejlla kanqa, sayt'unman kinsa metro khuskanniyoj, jinallataj kinrayninmampis. 9Phishqa bayetasta ujllaman t'inkiykuy, sojta bayetastapis ujllaman. Sojta kaj bayetata, Diospa tiyakunan toldompa ñaupaqempi uraman liwiykuy. 10Chay bayetaspa cantosnimpitaj ruwanki phishqa chunka jusk'usta, jinallataj iskay kaj t'inkisqayki bayetaspa cantosnimpipis. 11Chaymantaqa ruwallankitaj phishqa chunka ganchosta broncemanta chay jusk'usninmanta chhitaranaykipaj, ajinamanta ujlla kajtin muyuykuchinaykipaj. 12Chay bayetasmanta kurajyajtataj, khuskan ima kurajyajta Diospa tiyakunampaj wasanman warkhuykunki. 13Chay bayetasmanta sayt'unman kurajyajtin, sapa uj ladonman warkhuykunki. Tawa chunka phishqayoj centimetrosta uj ladomanta, jinallataj uj ladomantapis.
14Chay toldota qhatanaykipaj ruwallankitaj cordero qarasmanta pukaman teñispa. Chay pataman qhatanaykipajtaj ruwallankitaj waj animalespa sumaj kaj qarasninmanta. 15Diospa tiyakunanta sayachinaykipajqa ruwanki acacia maderamanta tablasta, chaytataj sayarichinki. 16Chay maderasqa kanqa tawa metro khuskanniyoj sayt'unman, kinrayninmantaj sojta chunka phishqayoj centimetrosniyoj. 17Sapa uj maderastaj kanqa iskay jawapi tarukiyasqas chaywan purajmanta k'askanakunankupaj. Ajinata ruwanki sapa uj tablasta Diospa tiyakunanta sayarichinapaj. 18Diospa tiyakunampa tablasninta ruwaspaqa, iskay chunka tablasta ruwanki uraynejmanta sayachinaykipaj. 19Chay tablasta sayachinaykipaj uranman churanki tawa chunka chukusta qolqemanta. Chay iskay chukuspa patampi sayanqa sapa uj tablas. Sapa uj tablaj urampi kanqa iskay chukus. Chay iskaynin tarukiyasqas kanqanku chayman sayaykunankupaj. 20Diospa tiyakunan pata ladonmantaj sayachinki iskay chunka tablasta. 21Tawa chukusmanta iskaytakama churanki sapa uj tablaj urasninman. 22Diospa tiyakunan qhepa ladonman sayachinki sojta tablasta. 23Iskay tablastawan sayachinki qhepa ladon esquinasninman. 24Chay tablasqa uramantapacha k'askanasqas kanqanku, jinallataj patamantapis maypichus ganchos kashan chaykama. Ajinata ruwakonqa iskaynin tablas iskaynin esquinasnin. 25Chaypi kanqa pusaj tablas qolqemanta ruwasqas chunka sojtayoj chukus patapi, chayri sapa tablas urapi kanqa iskay chukus.
26Chaymantaqa ruwallankitaj phishqa k'aspista acacia maderamanta Diospa tiyakuna uj lado uyanmanta jap'ichinaykipaj. 27Jinallataj phishqa k'aspista uj ladonmanta tablasta jap'ichinaykipaj qhepa ladonmanta inti llojsimuy uyaman jina. 28Chay k'aspisqa pasanqa tablaspa khuskanninta uj cantonmanta uj cantonkama. 29Tablastaqa tukuyninta qoriwan jawerqonki, chantaqa qorillamantataj ruwaranki ningrisninta sortejasta jina, chayninta chay k'aspista jusk'urachinaykipaj. Jinaspataj chay k'aspistapis qorillawantaj tukuyninta jawerqonki. 30Ajinata Diospa tiyakunanta sayarichinki, imaynatachus Sinaí orqopi rikucherqayki ruwanaykita chayman jina.
31Ruwallaytaj uj velota lila telamanta, puka telamanta, puka panti telamanta, t'ullkusqa linomantawan; pallaynintataj churanki iskay angelesta. 32Chaytataj warkhuykunki tawantin sayasqas kurkusman, acacia maderamanta ruwasqa, qoriwan jawisqa kashan chayman, mayqenchus qolqemanta ruwasqa chukus patapi sayasqa kashan chayman. 33Velotaqa warkhunki ganchos uraman; chay velo ukhumantaj churanki Diospa leyninwan kashan chay cajonta. Jinamanta chay velo t'aqanqa qankunata Diospa leyninwan kashan chay cajonmanta, llimphupuni nisqa cheqamantawan. 34Chaymantataj Diospa cajonninta kirpaykuy Diospaj t'aqasqa cheqapi. 35Mesatataj churanki velomanta karupi, Diospa tiyakunan toldoj pata ladonnejman. K'anchachinataqa mesaj chimpampi churanki, Diospa tiyakunan urannejpi.
36Diospa tiyakunampa punkunta wisq'anaykipajtaj ruwanki uj cortinata moradomanta, pukamanta, puka pantimanta, t'ullkusqa linomantawan sumaj k'achanchasqata. 37Cortinata warkhunaykipajqa ruwanki phishqa k'aspista acacia maderamanta qori ganchosniyojta; chaykunatapis qoriwan jawerqonki. Chaymantataj phishqa chukusta broncemanta ruwanki, chayman chay kurkusta sayachinaykipaj.
Currently Selected:
ÉXODO 26: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ÉXODO 26
26
Diospa tiyakunan toldo
1Diospa tiyakunantaqa chunka cortinasniyojta ruwanki; chaytaj kanqa sumaj t'ullkusqa linomanta, colornintaj kanqa azul, puka, puka panti ima. Chayta awaspataj pallaynimpi churanki iskay angelesta. 2Tukuynin cortinasqa uj rejlla kanqanku: Sayt'unmanqa chunka iskayniyoj khuskanniyoj metros kanqa, kinrayninmantaj iskay metros kanqa. 3Phishqa cortinasta ujllaman siraykunki, jinallataj wakin phishqa cortinastapis ujllaman. 4Ñaupaj kaj sirasqayki azul cortinaj puntasninman q'aytumanta ningrista ruwaranki, jinallataj iskay kaj k'askachisqasniykej puntasninmampis. 5Ñaupaj kaj sirasqasniykej puntasnimpeqa phishqa chunka jusk'usta ruwanki, qhepan kajpipis kikillantataj; jinamanta ningrisnin pura tinkunankupaj. 6Chantaqa ruwallankitaj phishqa chunka ganchosta qorimanta chay sirasqasniyki purajmanta t'inkikunankupaj; jinamanta Diospa tiyakunan toldoqa ujlla sayarinampaj.
7Chaymantaqa awallankitaj chunka ujniyoj bayetasta cabra pelosmanta, Diospa tiyakunanta toldowan jina qhataykunapaj. 8Sapa uj bayetaqa uj rejlla kanqa, sayt'unman kinsa metro khuskanniyoj, jinallataj kinrayninmampis. 9Phishqa bayetasta ujllaman t'inkiykuy, sojta bayetastapis ujllaman. Sojta kaj bayetata, Diospa tiyakunan toldompa ñaupaqempi uraman liwiykuy. 10Chay bayetaspa cantosnimpitaj ruwanki phishqa chunka jusk'usta, jinallataj iskay kaj t'inkisqayki bayetaspa cantosnimpipis. 11Chaymantaqa ruwallankitaj phishqa chunka ganchosta broncemanta chay jusk'usninmanta chhitaranaykipaj, ajinamanta ujlla kajtin muyuykuchinaykipaj. 12Chay bayetasmanta kurajyajtataj, khuskan ima kurajyajta Diospa tiyakunampaj wasanman warkhuykunki. 13Chay bayetasmanta sayt'unman kurajyajtin, sapa uj ladonman warkhuykunki. Tawa chunka phishqayoj centimetrosta uj ladomanta, jinallataj uj ladomantapis.
14Chay toldota qhatanaykipaj ruwallankitaj cordero qarasmanta pukaman teñispa. Chay pataman qhatanaykipajtaj ruwallankitaj waj animalespa sumaj kaj qarasninmanta. 15Diospa tiyakunanta sayachinaykipajqa ruwanki acacia maderamanta tablasta, chaytataj sayarichinki. 16Chay maderasqa kanqa tawa metro khuskanniyoj sayt'unman, kinrayninmantaj sojta chunka phishqayoj centimetrosniyoj. 17Sapa uj maderastaj kanqa iskay jawapi tarukiyasqas chaywan purajmanta k'askanakunankupaj. Ajinata ruwanki sapa uj tablasta Diospa tiyakunanta sayarichinapaj. 18Diospa tiyakunampa tablasninta ruwaspaqa, iskay chunka tablasta ruwanki uraynejmanta sayachinaykipaj. 19Chay tablasta sayachinaykipaj uranman churanki tawa chunka chukusta qolqemanta. Chay iskay chukuspa patampi sayanqa sapa uj tablas. Sapa uj tablaj urampi kanqa iskay chukus. Chay iskaynin tarukiyasqas kanqanku chayman sayaykunankupaj. 20Diospa tiyakunan pata ladonmantaj sayachinki iskay chunka tablasta. 21Tawa chukusmanta iskaytakama churanki sapa uj tablaj urasninman. 22Diospa tiyakunan qhepa ladonman sayachinki sojta tablasta. 23Iskay tablastawan sayachinki qhepa ladon esquinasninman. 24Chay tablasqa uramantapacha k'askanasqas kanqanku, jinallataj patamantapis maypichus ganchos kashan chaykama. Ajinata ruwakonqa iskaynin tablas iskaynin esquinasnin. 25Chaypi kanqa pusaj tablas qolqemanta ruwasqas chunka sojtayoj chukus patapi, chayri sapa tablas urapi kanqa iskay chukus.
26Chaymantaqa ruwallankitaj phishqa k'aspista acacia maderamanta Diospa tiyakuna uj lado uyanmanta jap'ichinaykipaj. 27Jinallataj phishqa k'aspista uj ladonmanta tablasta jap'ichinaykipaj qhepa ladonmanta inti llojsimuy uyaman jina. 28Chay k'aspisqa pasanqa tablaspa khuskanninta uj cantonmanta uj cantonkama. 29Tablastaqa tukuyninta qoriwan jawerqonki, chantaqa qorillamantataj ruwaranki ningrisninta sortejasta jina, chayninta chay k'aspista jusk'urachinaykipaj. Jinaspataj chay k'aspistapis qorillawantaj tukuyninta jawerqonki. 30Ajinata Diospa tiyakunanta sayarichinki, imaynatachus Sinaí orqopi rikucherqayki ruwanaykita chayman jina.
31Ruwallaytaj uj velota lila telamanta, puka telamanta, puka panti telamanta, t'ullkusqa linomantawan; pallaynintataj churanki iskay angelesta. 32Chaytataj warkhuykunki tawantin sayasqas kurkusman, acacia maderamanta ruwasqa, qoriwan jawisqa kashan chayman, mayqenchus qolqemanta ruwasqa chukus patapi sayasqa kashan chayman. 33Velotaqa warkhunki ganchos uraman; chay velo ukhumantaj churanki Diospa leyninwan kashan chay cajonta. Jinamanta chay velo t'aqanqa qankunata Diospa leyninwan kashan chay cajonmanta, llimphupuni nisqa cheqamantawan. 34Chaymantataj Diospa cajonninta kirpaykuy Diospaj t'aqasqa cheqapi. 35Mesatataj churanki velomanta karupi, Diospa tiyakunan toldoj pata ladonnejman. K'anchachinataqa mesaj chimpampi churanki, Diospa tiyakunan urannejpi.
36Diospa tiyakunampa punkunta wisq'anaykipajtaj ruwanki uj cortinata moradomanta, pukamanta, puka pantimanta, t'ullkusqa linomantawan sumaj k'achanchasqata. 37Cortinata warkhunaykipajqa ruwanki phishqa k'aspista acacia maderamanta qori ganchosniyojta; chaykunatapis qoriwan jawerqonki. Chaymantataj phishqa chukusta broncemanta ruwanki, chayman chay kurkusta sayachinaykipaj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.