ÉXODO 25
25
Ofrendas Diospa ajllasqa wasimpaj
1-7Señorqa Moisesman nerqa kay jinata: Niy israelitasman noqapaj ofrendasta oqharipunawankuta tukuy qharis maytachá munasqankuman jina, tukuy sonqowantaj. Ajinata oqharipuwachunku ofrendasniyta. Ofrendastaqa oqharipuwankichej kaykunata: Qorita, qolqeta, cobreta, morado tocuyota, puka telata, puka kulli telata, sumaj kaj linota, cabra pelosta, pukaman teñisqa oveja toro qarasta, waj animalespa sumaj kaj qarasninta, acacia, maderasta, k'anchachina aceiteta, sumajta q'apashaj imasta jawina aceitepaj, inciensopaj, ónice rumispaj, sumachaj rumista efodman churanapaj, kuraj kaj sacerdotej pectoralnimpajwan. 8Runasqa ruwapuwachunku uj toldota, noqataj paykuna ukhupi tiyakusaj. 9Chay toldota, chaypi kanay tiyan, chaykunatapis ruwankichej imaynatachus noqa nisqaykichej chayman jina.
Diospa leynimpaj uj cajonta ruwanamanta
10Uj cajonqa acacia maderamanta, sayt'unman kanqa uj metro chunka phishqayoj, centimetrosniyoj, kinrayninmantaj kanqa khuskan metro kuraj, patamantaj kanqa khuskan metro kuraj. 11Chay cajompa ukhunta jawantawan qori puruwan jawerqonki, cantosnintataj qorillawantaj muyuykuchinki awakipasqata jina. 12Chaymantataj tawa ningrista ruwanki ch'uwa qorimanta. Chaykunatataj churaranki tawantin cantosninman, iskayta ñaupajman, iskaytataj qhepaman. 13Chantaqa ruwallankitaj jatuchaj k'aspista, acacia maderamanta, jinaspataj qoriwan jawerqonki. 14Chay k'aspistaj jusk'urachinki chay qori ningrisninta sortejasta jina k'askachisqasniykiman. Ajinamanta chay k'aspismanta oqharispa apaykachanapaj. 15Chay k'aspisqa kikin cajompa ningrisnimpi qhepakonqanku, chaymantaqa ni pipis orqhonqachu. 16Cajón ukhuman churanki qosqayki chay leyniyta.
17Chay cajonta kirpanaykipaj ch'uwa qorimanta ruwanki uj kirpanata, sayt'unman kanqa uj metro chunka centimetrosniyoj, kinrayninmantaj sojta chunka phishqayoj centimetrosniyoj. 18Chaymantaqa ruwanki iskay querubinesta qorimanta martillowan llusk'achaspa, churankitaj cajompa patanman ujninta uj ladoman, ujnintataj uj ladoman. 19Querubenqa cajompa kirpananman sumaj k'askachisqa kanqa ujllapis kanman jina. Chaykunataj ujnin uj lado cantopi kanqa, ujnin kajtaj uj lado cantompi. 20Chaykunaqa kirpana patapi purajmanta qhawarinasqas kanqanku, lijrasninkuwan chay cajonta ujllaykoj jina, uyasninkupis chay qhawarisqas. 21Chaymantaqa chay cajonta kirpaykuy. Chay ukhunmantaj leyta churaykunki, mayqenkunatachus noqa qosqayki chayta. 22Chaypi qanwan tinkukusaj. Cajón patapi kashanku chay iskay querubines chaupinkumanta, noqa qanman willamusqayki israelitaspis imastachus ruwanankuta.
T'anta mesa
23Uj mesata ruway acacia maderamanta, chaytaj sayt'unman kanqa isq'on chunka centimetrosniyoj, kinrayninmantaj tawa chunka phishqayoj centimetrosniyoj, patamantaj kachun sojta phishqayoj centimetrosniyoj. 24Chaymantaqa ch'uwa qoriwan tukuyninta jawerqonki, cantosnintapis qorillawantaj awakipasqata jina muyuykuchinki. 25Chay mesaqa phatunman kanqa qanchis centimetrosniyoj. Chantaqa cantonta muyuykuchillankitaj qoriwan awakipasqata jina. 26Ruwallankitaj tawa ningrista qorimanta, chaytataj maynejpichus mesaj chakisnin kashan chayman k'askarachiy, tawantin cantosninman. 27Chay ningrisqa kanqa mesaj rakhun urapi, chayninta k'aspista jusk'uchinapaj, chay k'aspismanta oqharispa mesata apaykachanapaj. 28Chay k'aspisqa kanqa acacia maderamanta, jinaspataj qoriwan chay k'aspista jawerqonki, chaymanta oqharispa mesata apaykachanapaj. 29Chaymantaqa ruwallankitaj qorillamantapuni kucharasninta, chuwasninta, jarrasninta, vasosninta, k'aspisninta ima, chayman misk'i ofrendasta jap'inapaj. 30Ñaupaqeypi chay mesaman churankipuni, Diospa ñaupaqempi kaj, nisqa t'antata.
Qori k'anchachina
31Chaymantaqa uj k'anchachinata ruwanki qorimanta martillowan. Chay k'anchachinaqa kanqa qorimanta, jap'inan, sayanan, copasnin, mut'usnin, t'ikasnin, chaytaj uj qorillamanta ruwasqa kanqa. 32Chaytaj qanchis palqasniyoj kanqa, uj ladoman kinsa, uj ladomantaj kinsa, chaupipitaj uj. 33Sapa uj palqaj puntampi mechero almendro t'ika jina kanqa mut'uyoj t'ikayojtaj. 34Chaupi kaj palqaqa tawa copasniyoj kanqa almendro t'ikayoj phancharishaj. 35Sapa uj palqaj urampitaj uj mut'u kanqa. Ñaupaj palqaspa urampi, jinallataj iskay kajpa urampipis kanqanku. Ajina kanqa chay sojtantin palqaspa urampi. 36Chay palqasnin, wiñaynin imaqa ujlla kanqanku, martillowan llusk'achasqa qori purumanta. 37Churankitaj sapa uj palqasnimpa puntasnimpi kaj mecherosman pabilosta. Chaymantaj ninata jap'ichinki ñaupajman k'anchamunampaj. 38Pabilosnimpa puntasnimpi ushpha jap'inasnimpis qorimantapuni kanqa. 39Kay k'anchachinataqa ruwanki kinsa chunka kinsayoj kilo qorimanta, jinallataj tukuy imasnintapis. 40Chaykunataqa ruwanki imaynatachus Sinaí orqopi rikuchisorqa ajinata.
Currently Selected:
ÉXODO 25: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ÉXODO 25
25
Ofrendas Diospa ajllasqa wasimpaj
1-7Señorqa Moisesman nerqa kay jinata: Niy israelitasman noqapaj ofrendasta oqharipunawankuta tukuy qharis maytachá munasqankuman jina, tukuy sonqowantaj. Ajinata oqharipuwachunku ofrendasniyta. Ofrendastaqa oqharipuwankichej kaykunata: Qorita, qolqeta, cobreta, morado tocuyota, puka telata, puka kulli telata, sumaj kaj linota, cabra pelosta, pukaman teñisqa oveja toro qarasta, waj animalespa sumaj kaj qarasninta, acacia, maderasta, k'anchachina aceiteta, sumajta q'apashaj imasta jawina aceitepaj, inciensopaj, ónice rumispaj, sumachaj rumista efodman churanapaj, kuraj kaj sacerdotej pectoralnimpajwan. 8Runasqa ruwapuwachunku uj toldota, noqataj paykuna ukhupi tiyakusaj. 9Chay toldota, chaypi kanay tiyan, chaykunatapis ruwankichej imaynatachus noqa nisqaykichej chayman jina.
Diospa leynimpaj uj cajonta ruwanamanta
10Uj cajonqa acacia maderamanta, sayt'unman kanqa uj metro chunka phishqayoj, centimetrosniyoj, kinrayninmantaj kanqa khuskan metro kuraj, patamantaj kanqa khuskan metro kuraj. 11Chay cajompa ukhunta jawantawan qori puruwan jawerqonki, cantosnintataj qorillawantaj muyuykuchinki awakipasqata jina. 12Chaymantataj tawa ningrista ruwanki ch'uwa qorimanta. Chaykunatataj churaranki tawantin cantosninman, iskayta ñaupajman, iskaytataj qhepaman. 13Chantaqa ruwallankitaj jatuchaj k'aspista, acacia maderamanta, jinaspataj qoriwan jawerqonki. 14Chay k'aspistaj jusk'urachinki chay qori ningrisninta sortejasta jina k'askachisqasniykiman. Ajinamanta chay k'aspismanta oqharispa apaykachanapaj. 15Chay k'aspisqa kikin cajompa ningrisnimpi qhepakonqanku, chaymantaqa ni pipis orqhonqachu. 16Cajón ukhuman churanki qosqayki chay leyniyta.
17Chay cajonta kirpanaykipaj ch'uwa qorimanta ruwanki uj kirpanata, sayt'unman kanqa uj metro chunka centimetrosniyoj, kinrayninmantaj sojta chunka phishqayoj centimetrosniyoj. 18Chaymantaqa ruwanki iskay querubinesta qorimanta martillowan llusk'achaspa, churankitaj cajompa patanman ujninta uj ladoman, ujnintataj uj ladoman. 19Querubenqa cajompa kirpananman sumaj k'askachisqa kanqa ujllapis kanman jina. Chaykunataj ujnin uj lado cantopi kanqa, ujnin kajtaj uj lado cantompi. 20Chaykunaqa kirpana patapi purajmanta qhawarinasqas kanqanku, lijrasninkuwan chay cajonta ujllaykoj jina, uyasninkupis chay qhawarisqas. 21Chaymantaqa chay cajonta kirpaykuy. Chay ukhunmantaj leyta churaykunki, mayqenkunatachus noqa qosqayki chayta. 22Chaypi qanwan tinkukusaj. Cajón patapi kashanku chay iskay querubines chaupinkumanta, noqa qanman willamusqayki israelitaspis imastachus ruwanankuta.
T'anta mesa
23Uj mesata ruway acacia maderamanta, chaytaj sayt'unman kanqa isq'on chunka centimetrosniyoj, kinrayninmantaj tawa chunka phishqayoj centimetrosniyoj, patamantaj kachun sojta phishqayoj centimetrosniyoj. 24Chaymantaqa ch'uwa qoriwan tukuyninta jawerqonki, cantosnintapis qorillawantaj awakipasqata jina muyuykuchinki. 25Chay mesaqa phatunman kanqa qanchis centimetrosniyoj. Chantaqa cantonta muyuykuchillankitaj qoriwan awakipasqata jina. 26Ruwallankitaj tawa ningrista qorimanta, chaytataj maynejpichus mesaj chakisnin kashan chayman k'askarachiy, tawantin cantosninman. 27Chay ningrisqa kanqa mesaj rakhun urapi, chayninta k'aspista jusk'uchinapaj, chay k'aspismanta oqharispa mesata apaykachanapaj. 28Chay k'aspisqa kanqa acacia maderamanta, jinaspataj qoriwan chay k'aspista jawerqonki, chaymanta oqharispa mesata apaykachanapaj. 29Chaymantaqa ruwallankitaj qorillamantapuni kucharasninta, chuwasninta, jarrasninta, vasosninta, k'aspisninta ima, chayman misk'i ofrendasta jap'inapaj. 30Ñaupaqeypi chay mesaman churankipuni, Diospa ñaupaqempi kaj, nisqa t'antata.
Qori k'anchachina
31Chaymantaqa uj k'anchachinata ruwanki qorimanta martillowan. Chay k'anchachinaqa kanqa qorimanta, jap'inan, sayanan, copasnin, mut'usnin, t'ikasnin, chaytaj uj qorillamanta ruwasqa kanqa. 32Chaytaj qanchis palqasniyoj kanqa, uj ladoman kinsa, uj ladomantaj kinsa, chaupipitaj uj. 33Sapa uj palqaj puntampi mechero almendro t'ika jina kanqa mut'uyoj t'ikayojtaj. 34Chaupi kaj palqaqa tawa copasniyoj kanqa almendro t'ikayoj phancharishaj. 35Sapa uj palqaj urampitaj uj mut'u kanqa. Ñaupaj palqaspa urampi, jinallataj iskay kajpa urampipis kanqanku. Ajina kanqa chay sojtantin palqaspa urampi. 36Chay palqasnin, wiñaynin imaqa ujlla kanqanku, martillowan llusk'achasqa qori purumanta. 37Churankitaj sapa uj palqasnimpa puntasnimpi kaj mecherosman pabilosta. Chaymantaj ninata jap'ichinki ñaupajman k'anchamunampaj. 38Pabilosnimpa puntasnimpi ushpha jap'inasnimpis qorimantapuni kanqa. 39Kay k'anchachinataqa ruwanki kinsa chunka kinsayoj kilo qorimanta, jinallataj tukuy imasnintapis. 40Chaykunataqa ruwanki imaynatachus Sinaí orqopi rikuchisorqa ajinata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.