1 PEDRO 2
2
1Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan. 2-3Espirituman jina, llimphu lecheta munaychej, ñuñoj wawas jina, chaywan salvaciompaj wiñanaykichejpaj, sichus Señorpa k'acha kayninwan misk'ichikorqankichej chayqa.
Cristoqa kausaj rumi
4Señorman qayllaykuychej, kausaj rumiman jina. Paytaqa runas qhesachanku, Diospajtaj ajllasqa sumaj k'acha rumi kashan. 5Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj. 6Chayrayku Escriturapi nisqa kashan: Noqa Siompi churani aswan sumaj esquina rumita, ajllasqa k'acha rumitataj. Chaypi creejqa mana p'enqakonqachu. 7-8Chaymin qankuna creejkunapaj k'acha; mana creejkunaj chay wasichajkunaj qhesachasqanku rumeqa, sumaj esquina rumiman tukupun, misk'achej rumiman, urmachej qaqamanta. Mana kasukojkunaqa Diospa palabrampi misk'anku, imaraykuchus chaypaj churasqas karqanku.
Diospa wawasnin
9Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman. 10Ñaupa p'unchaykunapeqa manaraj aylluchu karqankichej, kunanrí Diospa ayllunña kankichej. Jinallataj, ñaupa p'unchaykunapeqa Diospa khuyakuyninta manaraj tarerqankichejchu, kunantaj tarinkichejña.
Diospa wawasnin jina kausaychej
11Munasqa hermanos, mañakuykichej, waj llajtayojkunata, chayri purikojkunata jina, ama aychaj munasqasninta qhatinaykichejta, imaraykuchus chaykunaqa almaj contrampi maqanakunku. 12Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.
13-14Señorninchejrayku kasuychej runaspa kamachisqankuta, reyta ima, kurajta jina; ñataj kamachejkunatapis, Señorpa kachamusqasninta jina, sajra ruwajkunata jasut'inankupaj, allinta ruwajkunatataj jatunchanankupaj. 15Kaymin Diospa munaynenqa: Allin imasta ruwaspa, sajra, mana yuyayniyoj runasta ch'inyachinaykichejpaj.
16Kacharisqas jina kankichej; amataj kacharisqasman tukuspa, sajrata ruwajkuna jinachu kaychej, astawanqa, Diospa kamachisnin jina puriychej. 17Tukuyta jatumpaj qhawaychej. Hermanosta munakuychej. Diosta manchachikuychej. Reytataj allimpaj qhawaychej.
Cristoj ñak'arisqan yachachiwanchej
18Uywasqas, tukuy sonqo uywaqesniykichejta kasuychej; mana k'acha llamp'u sonqoyoj kajkunallatachu, sajra kajkunatapis kikillantataj kasuychej. 19Kayqa allin qhawasqa kanan tiyan; sichus pillapis concienciarayku, Diospa ñaupaqempi llakiykunata, qhasi mana kajmanta jap'ikun chayqa. 20Ima allintaj kanman llakikusqaykichej juchallikuspa laq'asqas, llamp'u sonqotaj kawajchej chayri? Allinta ruwaspachus ñak'ariwajchej, llamp'u sonqowantaj chayta apawajchej chayqa, chaymá Diospa ñaupaqempeqa allin. 21Diosqa chaypajmin wajyasorqachej. Cristopis qankunarayku ñak'arerqa. Yachachiyta qankunapaj saqerqa, purisqanta purinaykichejpaj. 22Cristoqa mana jayk'ajpis juchallerqachu, nitaj llulla parlaypis simimpi tarikorqachu. 23Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa. 24Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej. 25Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.
Currently Selected:
1 PEDRO 2: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
1 PEDRO 2
2
1Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan. 2-3Espirituman jina, llimphu lecheta munaychej, ñuñoj wawas jina, chaywan salvaciompaj wiñanaykichejpaj, sichus Señorpa k'acha kayninwan misk'ichikorqankichej chayqa.
Cristoqa kausaj rumi
4Señorman qayllaykuychej, kausaj rumiman jina. Paytaqa runas qhesachanku, Diospajtaj ajllasqa sumaj k'acha rumi kashan. 5Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj. 6Chayrayku Escriturapi nisqa kashan: Noqa Siompi churani aswan sumaj esquina rumita, ajllasqa k'acha rumitataj. Chaypi creejqa mana p'enqakonqachu. 7-8Chaymin qankuna creejkunapaj k'acha; mana creejkunaj chay wasichajkunaj qhesachasqanku rumeqa, sumaj esquina rumiman tukupun, misk'achej rumiman, urmachej qaqamanta. Mana kasukojkunaqa Diospa palabrampi misk'anku, imaraykuchus chaypaj churasqas karqanku.
Diospa wawasnin
9Qankunaqa ajllasqa ayllu kankichej, reypa sacerdotesnin, juchamanta t'aqasqas, Diospa rantisqan ayllu, willanaykichejpaj paypa atiyninta; pichus laqhamanta wajyasorqachej sumaj k'anchayninman. 10Ñaupa p'unchaykunapeqa manaraj aylluchu karqankichej, kunanrí Diospa ayllunña kankichej. Jinallataj, ñaupa p'unchaykunapeqa Diospa khuyakuyninta manaraj tarerqankichejchu, kunantaj tarinkichejña.
Diospa wawasnin jina kausaychej
11Munasqa hermanos, mañakuykichej, waj llajtayojkunata, chayri purikojkunata jina, ama aychaj munasqasninta qhatinaykichejta, imaraykuchus chaykunaqa almaj contrampi maqanakunku. 12Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.
13-14Señorninchejrayku kasuychej runaspa kamachisqankuta, reyta ima, kurajta jina; ñataj kamachejkunatapis, Señorpa kachamusqasninta jina, sajra ruwajkunata jasut'inankupaj, allinta ruwajkunatataj jatunchanankupaj. 15Kaymin Diospa munaynenqa: Allin imasta ruwaspa, sajra, mana yuyayniyoj runasta ch'inyachinaykichejpaj.
16Kacharisqas jina kankichej; amataj kacharisqasman tukuspa, sajrata ruwajkuna jinachu kaychej, astawanqa, Diospa kamachisnin jina puriychej. 17Tukuyta jatumpaj qhawaychej. Hermanosta munakuychej. Diosta manchachikuychej. Reytataj allimpaj qhawaychej.
Cristoj ñak'arisqan yachachiwanchej
18Uywasqas, tukuy sonqo uywaqesniykichejta kasuychej; mana k'acha llamp'u sonqoyoj kajkunallatachu, sajra kajkunatapis kikillantataj kasuychej. 19Kayqa allin qhawasqa kanan tiyan; sichus pillapis concienciarayku, Diospa ñaupaqempi llakiykunata, qhasi mana kajmanta jap'ikun chayqa. 20Ima allintaj kanman llakikusqaykichej juchallikuspa laq'asqas, llamp'u sonqotaj kawajchej chayri? Allinta ruwaspachus ñak'ariwajchej, llamp'u sonqowantaj chayta apawajchej chayqa, chaymá Diospa ñaupaqempeqa allin. 21Diosqa chaypajmin wajyasorqachej. Cristopis qankunarayku ñak'arerqa. Yachachiyta qankunapaj saqerqa, purisqanta purinaykichejpaj. 22Cristoqa mana jayk'ajpis juchallerqachu, nitaj llulla parlaypis simimpi tarikorqachu. 23Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa. 24Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej. 25Ñaupajtaqa chinkasqa ovejas jina karqankichej; kunantaj kutiripunkichejña almaykichejpa michejnin Cristoman.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.