Lɛ̄vi̍ti̍kɔ̍ɔ̄ Sɔ̄ɔ̍ŋ le̍bo̍llo̍ŋ
Sɔ̄ɔ̍ŋ le̍bo̍llo̍ŋ
Yāu̍ Lɛ̄vi̍ti̍kɔ̍ɔ̄ wo̍ ndu̍ chɔ̍m a̍ sāwāla̍ māsīndɛ̄lā I̍sɔ̄lūɛ̍i̍ya̍ o̍kɔ̄ɔ̄ ni̍, sāwāla̍ wa̍ a̍ Mɛ̄lɛ̄ka̍ sōōlūūwo̍ o̍kɔ̄ɔ̄, ndu̍yɛ̍ mi̍ lā wā a̍ sa̍lālā yɛ̍ yɛ̍la̍ wānāa̍ Mɛ̄lɛ̄ka̍a̍ nda̍ a̍a̍ nɔ̍ le̍ sōlīo̍o̍ la̍ŋ o̍kɔ̄ɔ̄ la̍ŋ. Ndu̍yɛ̍ sāwāla̍ŋ nda᷅ŋ lā wa̍ vɛ̄lɛ̄ le̍ wānāā sōlīāā lāsa̍lāa̍, ā nda̍ a̍a̍ nɔ̍ mā si᷄m sɔ̄ɔ̍ŋ mu᷅ŋ lāchī wa̍.
Sūɛ̍i̍ le̍bo᷅lle̍ o̍ yāu̍wo̍ ho̍ō ni᷄ŋ kpo̍u̍, ndi̍ cho̍ a̍ mɛ̄ɛ̍ Mɛ̄lɛ̄ka̍ chō wānā di̍a̍ndāā yɛ̍ ni̍, ndu̍yɛ̍ a̍ nɛ̄īla̍ wānāā ndūa̍a̍ ā nɔ̄ mā sōōlu̍u̍ ndu̍ chōo̍ la̍ŋ, o̍ ko̍ŋ kɔ̍ɔ̍lī a̍ mɛ̄ɛ̍ yōōmūlā ndāla̍ŋ lā nɔ̄ mī lā wa̍ lā kɛ̄ndɛ̄, le̍ mī chānjɛ̍ī kɛ̄ndɛ̄i̍ ī hīōū lāchī a̍ nda̍ wāa̍ tɛ̄ɛ̄ŋ a̍ ndu̍ Mɛ̍lɛ̄ka̍ yɛ̍.
Dīōmnda̍ cho̍ dīōmndā kpe̍e̍kpe̍i̍la̍ŋ o̍ yāu̍wo̍ ho̍ō ni᷄ŋ mi̍ lā wā dīōmndā wānā o̍ wānā nɔ̍lā mā si̍na̍ la̍ŋ, la̍ŋ la̍ cho̍ dīōmndā Chi̍i̍sū o̍ ve̍e̍lu̍ āā Sāwā di̍i̍ŋ ndɔ̍ hi̍o̍ū kpo̍u̍ wo̍ la̍ŋ ni̍. Dīōmndā la᷄ŋ la̍ cho̍ la᷅ŋ ni̍ āā, “Lā kāāla̍ wa̍nāā nya̍ chīɛ̄ɛ̄li̍āŋ nda̍ mɛ̄ɛ̍ nya̍ kāāla̍ nya̍ pi̍la̍ yɛ̍” (19:18).
Būŋgāŋ lēbōllo̍ŋ
Sāwāla̍ cho̍ a̍ kēla̍ŋ ndu̍yɛ̍ a̍ sa̍lāla̍ŋ o̍kɔ̄ɔ̄ la̍ŋ (1:1–7:38)
A̍ hɛ̄lī nda̍ hɛ̄li̍ E̍lɔ̄ŋ nda̍ pūa̍a̍ ndūa̍a̍ māā wānāā sōlīāā lāsa̍lā wa̍ o̍kɔ̄ɔ̄ (8:1–10:20)
A̍ sāwāla̍ cho̍ a̍ wāa̍ ō dīāndāā ndu̍yɛ̍ a̍ wāa̍ ō nɔ̄ɔ̄lɛ̍i̍ Mɛ̄lɛ̄ka̍ o̍ hɔ̄l la̍ŋ o̍kɔ̄ɔ̄ (11:1–15:33)
A̍ pāa̍le̍ nda̍ māl le̍ yɔ̄ŋ wɔ̍ɔ̍ŋndo̍ le̍ŋ o̍kɔ̄ɔ̄ (16:1-34)
A̍ sāwāla̍ cho̍ a̍ kāsīyɛ̍i̍ ndu̍yɛ̍ a̍ sōōlūūwo̍ o̍kɔ̄ɔ̄ la̍ŋ (17:1–27:34)
Currently Selected:
Lɛ̄vi̍ti̍kɔ̍ɔ̄ Sɔ̄ɔ̍ŋ le̍bo̍llo̍ŋ: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.