Ɛ̍sɔ̍dɔ̍ɔ̄ 36
36
1“Le̍la̍ŋ Bɛ̄sa̍lɛ̄ɛ̄ ni̍, Ōhōli̍a̍bī ni̍, a̍ wānāā tāŋgūlāa̍ ā pīli̍a̍a̍, ā Mɛ̄lɛ̄ka̍ Ya̍a̍wɛ̄ɛ̄ o̍ ke̍ tāāsi̍o̍o̍, a̍ sīnā pɛ̄ŋgo̍o̍ le̍ wa̍li̍ o̍ wa̍li̍ nda̍ nɔ̄ le̍ tōsāa̍ o̍ tɛ̍ndīi̍ kāsīo̍o̍ tāŋgūllo̍ ni᷄ŋ nda̍, wa̍li̍ o̍ wa̍li̍ nda̍ nɔ̄ le̍ tōsāa̍, ā nɔ̄ mā tōsa̍ ndu̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mi̍ yɛ̍.”
A̍ nyɛ̄m wāŋnda̍ I̍sɔ̄lūɛ̄ī a̍ yɔ̍ŋgu̍ le̍ tɛ̍ndīi̍ Mɛ̄lɛ̄ka̍a̍ tāŋgūllo̍ wo̍ŋ o̍kɔ̄ɔ̄
2O̍ ko̍ŋ kɔ̍ɔ̍lī, mi̍ Mūu̍sē ve̍e̍lū Bɛ̄sa̍lɛ̄ɛ̄, a̍ Ōhōli̍a̍bī, a̍ wānāa̍ cha̍ā nyɛ̍ a̍ lābā wa̍ ā pīli̍a̍a̍, ā Mɛ̄lɛ̄ka̍ Ya̍a̍wɛ̄ɛ̄ ke̍ tāāsi̍o̍o̍ ndu̍yɛ̍ ma̍ chɛ̄l ā kɔ̄ltā ndāla̍ŋ kpo̍u̍ le̍ wa̍llo̍ wa̍. 3Nyɛ̄ o̍ nyɛ̄ wāŋnda̍ I̍sɔ̄lūɛ̄ī a̍ yɔ̍ŋgu̍ le̍ tɛ̍ndīi̍ kāsīo̍o̍ tāŋgūllo̍, mi̍ Mūu̍sē chu̍ā mu̍ŋ kpo̍u̍ mbo̍ kē wānāā tāŋgūlāa̍. Ndu̍yɛ̍, īdīi̍ o̍ īdīi̍ wāŋnda̍ wa̍ hīōūwɔ̄ɔ̍ lāchī a̍ hūnɔ̄ɔ̄ a̍ chūūŋgīāā kɔ̄l chɛ̄lāa̍ kɛ᷅, nāa̍ Mūu̍sē chu̍a̍. 4O̍ ko̍ŋ, mi̍ wānāa̍ cha̍ā nyɛ᷅ a̍ lābā, ma̍ wa̍ tāŋgūllo̍ wa̍, ā māl wa̍llo̍ ma̍ kūā nāa̍ Mūu̍sē chu̍a̍. 5Ma̍ kɔ̍ di̍mūl ndu̍ āā, “Māsānɔ̄ɔ̍, wāŋnda̍ chō bɔ̄ɔ̍ hu̍nɔ̄ɔ̍ a̍ nyɔ̄ɔ̍ŋ, ŋ̄ hɔ̄ba̍ ni᷅ŋ. Chūūŋgīāā nda̍ hīŋ ndo̍, ō hīōū ni᷅ŋ wa̍li̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l na̍a̍ le̍ tōsāa̍ wo̍.”
6O̍ ko̍ŋ kɔ̍ɔ̍lī, mi̍ Mūu̍sē di̍mūl wāŋnda̍ ma̍ yōndā o̍ dɔ̍ɔ̍ŋgɔ̍ɔ̍ ni᷄ŋ kpo̍u̍, māā wānā pɔ̍nɔ̍ ni̍, wānā la̍nɔ̍ ni̍, ā hu᷅ŋ ndɛ̄ a̍ chūūŋgīāā le̍ Tɛ̍ndīi̍ Kāsīo̍o̍ tāŋgūllo̍ le̍. O̍ ko̍ŋ, mi̍ wāŋnda̍ pɛ̄ŋgī hūnɔ̄ɔ̍ a̍ chūūŋgīa̍a̍. 7Kāni̍ fo̍ndōle̍, nyɛ̄m nda̍ a̍a̍ chu̍u̍ŋgi̍a̍a̍ ni᷅ŋ ndo̍ŋ, mu̍ŋ hi̍o̍ū nyɛ̄m nda̍ a̍a̍ ye̍e̍ma̍ le̍ tāŋgūllo̍ wo̍ŋ.
A̍ mɛ̄ɛ̍ nda̍ tāŋgu̍l Tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ wāŋnda̍ lātūlu̍ wo̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 26:1-37)
8O̍ wānāā tāŋgūlāa̍ ha̍ā tɛ̍ɛ̄ŋ ki̍nɛ̍i̍, wānāā nda̍ a̍a̍ cha̍ā nyɔ̍ɔ̍ chāā bɛ̄ndōo̍ a̍ lābā ma̍ hīāū ā pīli̍a̍a̍ kpo̍u̍ wa̍, nda̍ ta̍ŋgu̍l tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ ni̍. Ma̍ tāŋgūl ndu̍ a̍ kōlā kɛ̍ndɛ̄ kɛ̍ndɔ̄ɔ̍ pɛ̄ŋgɔ̍ŋ tɔ̍. Kōlāa̍ ho̍ō ō wa᷄ ō tōōsīāā a̍ fūŋi̍i̍ kpe̍e̍ndɛ̄i̍, ma̍ kēēku̍ fūŋi̍i̍ yɛ̍ yɛ̍i̍ o̍ ko̍lāa̍ ho̍ō ni᷄ŋ, fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍. Ndu̍yɛ̍, ma̍ hūāū nyāā lākūmba᷅ŋnda̍ o̍ kōlāa̍ ho̍ō chōo̍ kpo̍u̍. 9Pɛ̄ŋgɛ̍ŋ tɔ̍ wo̍ŋ mu᷅ŋ, ŋ̄ wa᷄ kpɛ̍ŋnji̍, ī kɛ᷅ o̍ kɛ᷅, ī wa᷄ bāndēi̍ le̍ nɛ̄īyo̍ be̍le̍-hi̍ɔ̍ɔ̍lu̍ a̍ lē dīi̍ŋ, bu̍o̍o̍, nɛ̄īyo̍ lē ŋɔ᷄mpu᷅m. 10Ndu̍yɛ̍, kōlāa̍ ho̍ō, ma̍ sūāndū ndu̍ kōlāla̍ŋ lā tīɔ̍ɔ̍ŋ, ho̍ō pɛ̄ŋgɔ̍ŋ ŋ̄ ŋūɛ̍ɛ̍nu̍, ho̍ō pɛ̄ŋgɔ̍ŋ ŋ̄ ŋūɛ̍ɛ̍nu̍. 11-12Kōlāla̍ ti̍ɔ̍ɔ̍ŋnda̍ŋ nda᷅ŋ, ō kɛ᷅ o̍ kɛ᷅, ndu̍ o̍o̍ nɔ̍ kpɛ̍ɛ̍la̍ŋ lā yīyāā be̍le̍-ŋu̍ɛ̍ɛ̍nu̍ o̍ kpēŋgo᷄ŋ, le̍ la̍ŋ bɔ̄ŋāa̍ nāa̍ pi᷅lɛ̍. Ndu̍yɛ̍, kpɛ̍ɛ̍la̍ŋ nda᷅ŋ, a̍ kōlā bu᷅li̍īyo̍ nda̍ tōōsi̍a̍a̍ la̍ŋ ni̍. 13Ndu̍yɛ̍, ma̍ tōōsīāā do̍lu̍ŋu̍ŋ ŋ̄ko̍o̍līi̍yo̍ŋ be̍le̍-ŋu̍ɛ̍ɛ̍nu̍, le̍ wōūwo̍ o̍ kpɛ̍ɛ̍la̍ŋ nda᷅ŋ ni᷄ŋ le̍ kōlāla̍ ti̍ɔ̍ɔ̍ŋnda̍ŋ nda᷅ŋ bɔ̄ŋāa̍ vēllāa̍ vēllē, le̍ mbō sīmnu᷄ŋ nyɛ᷅ pīlɛ̍.
14O̍ ko̍ŋ kɔ̍ɔ̍lī, ma̍ tōōsīāā vɛ̄lɛ̄ kōlā che᷅le̍ŋ pɛ̄ŋgɔ̍ŋ tɔ̍ a̍ ī pīlɛ̍ a̍ yīīŋīī chūīŋnda̍ le̍ kūmbɔ̄ɔ̍ o̍ tɛ̍ndīi̍yo̍ ho̍ō chōo̍. 15Ndu̍yɛ̍ pɛ̄ŋgɛ̍ŋ tɔ̍ a̍ ī pīlɛ̍ wo̍ŋ mu᷅ŋ, ŋ̄ wa᷄ kpɛ̍ŋnji̍, ī kɛ᷅ kɛ᷅, ī wa᷄ bāndēi̍ nɛ̄īyo̍ be̍le̍-hi̍ɔ̍ɔ̍lu̍ a̍ lē ŋu̍ɛ̍ɛ̍nu̍, bu̍o̍o̍, nɛ̄īyo̍ lē ŋɔ᷄mpu᷅m. 16Ndu̍yɛ̍, kōlāa̍ ho̍ō, ma̍ sūāndū ndu̍ kōlāla̍ŋ lā tīɔ̍ɔ̍ŋ, ho̍ō pɛ̄ŋgɔ̍ŋ ŋ̄ ŋūɛ̍ɛ̍nu̍, ho̍ō pɛ̄ŋgɔ̍ŋ ŋ̄ ŋɔ᷄mpu᷅m. 17Kōlāla̍ ti̍ɔ̍ɔ̍ŋnda̍ŋ nda᷅ŋ, ō kɛ᷅ o̍ kɛ̄ ndu̍ o̍o̍ nɔ̍ kpɛ̍ɛ̍la̍ŋ lā yīyāā be̍le̍-ŋu̍ɛ̍ɛ̍nu̍ o̍ kpēŋgo᷄ŋ, le̍ la̍ŋ bɔ̄ŋāa̍ nāa̍ pi᷅lɛ̍. 18Ndu̍yɛ̍, ma̍ tōōsīāā do̍lu̍ŋu̍ŋ ŋ̄būlɔ̍ŋsīi̍yo̍ŋ be̍le̍-ŋu̍ɛ̍ɛ̍nu̍, le̍ wōūwo̍ o̍ kpɛ̍ɛ̍la̍ŋ nda᷅ŋ ni᷄ŋ le̍ kōlāla̍ ti̍ɔ̍ɔ̍ŋnda̍ŋ nda᷅ŋ bɔ̄ŋāa̍ vēllāa̍ vēllē, le̍ mbō sīmnu᷄ŋ ko̍lāa̍ ō pīlɛ̍. 19Ndu̍yɛ̍ ma̍ tōōsīāā vɛ̄lɛ̄ yāu̍la̍ sāā nda̍ bɛ̄ɛ̄ndi̍a̍a̍ nɛ̍ŋgbɛ̄lɛ̍ la̍ŋ, a̍ yāu̍la̍ chūīŋnda̍, le̍ tɛ̍ndīi̍yo̍ ho̍ō chɔ̄ɔ̄lōo̍ kūmbɔ̄ɔ̍.
20O̍ ko̍ŋ kɔ̍ɔ̍lī, ma̍ tōōsīāā da̍kpe̍ŋnda̍ŋ a̍ yɔ̄m āke̍e̍sīāā wo̍ le̍ tɛ̍ndīi̍yo̍ ho̍ō. 21Ndu̍yɛ̍, da̍kpe̍ŋnda̍ŋ nda᷅ŋ, ō kɛ᷅ o̍ kɛ̄ ndu̍ o̍o̍ wa̍ bānde̍i̍ nɛ̄īyo̍ tɔ̍ a̍ lē-ŋu̍ɛ̍ɛ̍nu̍, kūmbi᷄ŋndo̍ ŋ̍chi̍sīi̍la̍ŋ bi̍dīi̍ŋ a̍ lē-ŋu᷄mmɛ̍ū, 22yɔ̄mnde̍ ī wa᷄ ī ŋīi̍ŋ le̍ da̍kpe̍ŋnda̍ŋ nda᷅ŋ bɔ̄ŋāa̍ a̍ chāa̍ŋ ndɔ̄. Da̍kpe̍ŋnda̍ŋ nda᷅ŋ kpo̍u̍, nu̍a̍ā la̍ wa̍ lā tōōsīāā ni̍. 23Da̍kpe̍ŋnda̍ŋ nda᷅ŋ, ma̍ wōū la̍ŋ o̍ tɛ̍ndīi̍yo̍ bā tōūwo̍ bi̍dīi̍ŋ. 24Ndu̍yɛ̍ ma̍ bɛ̄ɛ̄ndīāā nyɛ̄la̍ŋ be̍le̍-hi̍ɔ̍ɔ̍lu̍ a̍ ka̍ni̍i̍ hu̍mbūe̍i̍, le̍ da̍kpe̍ŋnda̍ bi̍dīi̍ŋ nda̍ŋ nda᷅ŋ sīmīo̍o̍ lēni᷄ŋ, da̍kpe̍ŋ o̍ da̍kpe̍ŋ lā tīɔ̍ɔ̍ŋ, ba̍ā ō pīlɛ̍, ba̍ā ō pīlɛ̍. 25Ndu̍yɛ̍ da̍kpe̍ŋnda̍ŋ nda᷅ŋ ma̍ wōū vɛ̄lɛ̄ bi̍dīi̍ŋ o̍ tɛ̍ndīi̍yo̍ bā lūāŋndo̍. 26Ndu̍yɛ̍ la̍ŋ bɛ̍ɛ̍, ma̍ bɛ̄ɛ̄ndīāā nyɛ̄la̍ŋ be̍le̍-hi̍ɔ̍ɔ̍lu̍ a̍ ka̍ni̍i̍ hu̍mbūe̍i̍, le̍ la̍ŋ sīmīo̍o̍ lēni᷄ŋ. Ō kɛ᷅ o̍ kɛ̄, ndu̍ o̍o̍ nɔ̍ nyɛ̄lā sīmīāā lēni᷄ŋ nda̍ŋ nda᷅ŋ lā tīɔ̍ɔ̍ŋ, ba̍ā ō pīlɛ̍, ba̍ā ō pīlɛ̍. 27O̍ ko̍ŋ kɔ̍ɔ̍lī, ō tɛ̍ndīi̍yo̍ ho̍ō a̍ mākɔ̄ɔ̄, bā pāa̍le̍ŋ lē dēllo̍, ma̍ wōū da̍kpe̍ŋnda̍ŋ ndo̍ŋ la̍ ŋɔ̍mpu᷅m. 28Ndu̍yɛ̍, tɛ̍ndīi̍yo̍ ho̍ō o̍ sɔ̍ŋgi̍la̍ ndɔ̄la̍ŋ a̍ mākɔ̄ɔ̄, ma̍ tōōsīāā da̍kpe̍ŋnda̍ŋ ndo̍ŋ la̍ tīɔ̍ɔ̍ŋ. 29Ndu̍yɛ̍ da̍kpe̍ŋnda̍ŋ nda᷅ŋ, lā wa᷄ lā bɔ̄ŋāā lēbɛ̄ŋgu̍ na̍a̍ pi᷅lɛ̍. Lēchōo̍ bɛ̍ɛ̍ le̍nde̍ ko̍ni̍, lā wa᷄ lā bɔ̄ŋāā nāa̍ kēlɛ̄i̍ tāse̍i̍ ī wa᷄ wa̍. Nu̍a̍ā nda̍ tōōsi̍a̍a̍ da̍kpe̍ŋnda̍ŋ nda᷅ŋ ni̍. 30Mɛ̄ɛ̍ fa̍ū fa̍ū, da̍kpe̍ŋnda̍ŋ nda᷅ŋ lā wa᷄ lā wōūwāā o̍ tɛ̍ndīi̍yo̍ ho̍ō a̍ mākɔ̄ɔ̄ lā ŋɔ̄ma̍a̍. Ndu̍yɛ̍ da̍kpe̍ŋnda̍ŋ nda᷅ŋ la̍a̍ nɔ̍ nyɛ̄lā la̍ si᷅m le̍ni᷄ŋ nda̍ŋ tɔ̍ a̍ lā ŋɔ᷄mpu᷅m, ō kɛ᷅ o̍ kɛ̄ nyɛ̄lā sīmāā lēni᷄ŋ nda̍ŋ lā tīɔ̍ɔ̍ŋ, lā tōōsīāā a̍ ka̍ni̍i̍ hu̍mbūe̍i̍.
31Ndu̍yɛ̍ ma̍ tōōsīāā yɔ̄mīī vīlɛ̄īye̍ a̍ yɔ̄m āke̍e̍sīāā wo̍, ī ŋūɛ̍ɛ̍nu̍ le̍ wōūwo̍ o̍ da̍kpe̍ŋnda̍ wa̍ o̍ tɛ̍ndīi̍yo̍ kpēŋgēi̍ pīlɛ̍i̍ la̍ŋ, 32ī ŋūɛ̍ɛ̍nu̍ vɛ̍lɛ̄ le̍ wōūwo̍ o̍ da̍kpe̍ŋnda̍ wa̍ kpēŋgēi̍ pīlɛ̍i̍ la̍ŋ, ī ŋūɛ̍ɛ̍nu̍ vɛ̍lɛ̄, le̍ wōūwo̍ o̍ da̍kpe̍ŋnda̍ŋ o̍ tɛ̍ndīi̍yo̍ a̍ mākɔ̄ɔ̄, bā pāa̍le̍ŋ lē dēl lo̍. 33Yɔ̄mīī ŋūɛ̍ɛ̍nu̍i̍i̍ nda̍ hɛ̄ɛ̄ndūū le̍ da̍kpe̍ŋnda̍ la̍ŋ sāa̍ ve̍, yɔ̄mndo̍ ō pīlɔ̍ɔ̍ ma̍ hōl ndu̍ o̍ da̍kpe̍ŋnda̍ la̍ŋ, chɔ̍ŋ kpe̍ŋgēi̍ ī pīlɛ̍i̍ o̍ tɛ̍ndīi̍yo̍ mbō fūūlu̍u̍ kpēŋgēi̍ ī pīlɛ̍i̍ di̍. 34Da̍kpe̍ŋnda̍ŋ nda᷅ŋ, ma̍ kūmbū la̍ŋ kpo̍u̍ a̍ ko̍o̍līi̍ye̍. Ndu̍yɛ̍ yɔ̄mīī vīlɛ̄i̍ wa̍ ke̍ŋ māā lākpɔ̄lɔ̄ŋnde̍ bɛ̍ɛ̍, ma̍ kūmbū ndi̍ a̍ ko̍o̍līi̍ye̍. O̍ ko̍ŋ kɔ̍ɔ̍lī, ma̍ wōu̍ kēla᷄ŋ ŋ̄ko̍o̍līi̍yo̍ŋ o̍ da̍kpe̍ŋnda̍ la̍ŋ, le̍ yɔ̄mīī vīlɛ̄ī kēŋ wōūwo̍ lēni᷄ŋ.
35O̍ ko̍ŋ kɔ̍ɔ̍lī, ma̍ tōōsīāā kōlā kɛ̍ndɛ̄ kɛ̍ndɔ̄ɔ̍ a̍ fūŋi̍i̍ kpe̍e̍ndɛ̄i̍, ndu̍yɛ̍ ma̍ kēēku̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍ lēni᷄ŋ. O̍ ko̍ŋ kɔ̍ɔ̍lī, ma̍ hūāū nyāā lākūmba᷅ŋnda̍ lēchōo̍ kpo̍u̍. 36O̍ ko̍ŋ kɔ̍ɔ̍lī, ma̍ tōōsīāā yɔ̄mīī vīlɛ̄īye̍ ī hi̍ɔ̍ɔ̍lu̍ a̍ yɔ̄m āke̍e̍sīāā wo̍, ma̍ kūmbū ndi̍ kpo̍u̍ a̍ ko̍o̍līi̍ye̍. Ndu̍yɛ̍ vɛ̍lɛ̄ ma̍ tōōsīāā nyɛ̄la̍ŋ lā hi̍ɔ̍ɔ̍lu̍ a̍ ka̍ni̍i̍ hu̍mbūe̍i̍, le̍ yɔ̄mīī kēŋ sīmīo̍o̍ lēni᷄ŋ. O̍ ko̍ŋ kɔ̍ɔ̍lī, ma̍ tōōsīāā do̍lu̍ŋu̍ŋ ŋ̄ko̍o̍līi̍yo̍ŋ le̍ kōlāa̍ ho̍ō bāa̍. 37Ndu̍yɛ̍, ma̍ tōōsīāā kōlā kɛ̍ndɛ̄ kɛ̍ndɛ̄ che᷅le̍ŋ a̍ fūŋi̍i̍ kpe̍e̍ndɛ̄i̍, ma̍ kēēkū fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍ lēni᷄ŋ. Ndu̍yɛ̍, ma̍ hūāū nyɛ̄lā kɛ̄ndɛ̄ kɛ̍ndɛ̄la̍ŋ lēchōo̍ a̍ fūŋnde̍ kɛ̍ndɛ̄ kɛ̍ndɛ̄le̍ŋ. 38O̍ ko̍ŋ kɔ̍ɔ̍lī, ma̍ tōōsīāā sūŋgbu̍a̍ŋ mā ŋūɛ̍ɛ̍nu̍ ma̍ kūmbū ma̍ŋ bōlle̍ kpo̍u̍ a̍ ko̍o̍līi̍ye̍. Ma̍ tōōsīāā do̍lu̍ŋu̍ŋ ŋ̄ko̍o̍līi̍yo̍ŋ le̍ kōlāa̍ ho̍ō bāa̍ o̍ sūŋgbu̍ma̍ ma̍ŋ. Chīli̍ŋu̍ŋ pɔ̍mbɔ᷄ŋ wa̍ ŋ̄ hōlāā o̍ sūŋgbu̍a̍ŋ ma᷅ŋ bōllo̍ wo̍ŋ bɛ̍ɛ̍, ma̍ kūmbū mu̍ŋ a̍ ko̍o̍līi̍ye̍. Ma̍ tōōsīāā vɛ̄lɛ̄ nyɛ̄la̍ŋ lā ŋu̍ɛ̍ɛ̍nu̍ a̍ būlɔ̍ŋsīi̍ye̍ le̍ sūŋgbu̍a̍ŋ ma᷅ŋ sīmīo̍o̍ lēni᷄ŋ.
Currently Selected:
Ɛ̍sɔ̍dɔ̍ɔ̄ 36: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 36
36
1“Le̍la̍ŋ Bɛ̄sa̍lɛ̄ɛ̄ ni̍, Ōhōli̍a̍bī ni̍, a̍ wānāā tāŋgūlāa̍ ā pīli̍a̍a̍, ā Mɛ̄lɛ̄ka̍ Ya̍a̍wɛ̄ɛ̄ o̍ ke̍ tāāsi̍o̍o̍, a̍ sīnā pɛ̄ŋgo̍o̍ le̍ wa̍li̍ o̍ wa̍li̍ nda̍ nɔ̄ le̍ tōsāa̍ o̍ tɛ̍ndīi̍ kāsīo̍o̍ tāŋgūllo̍ ni᷄ŋ nda̍, wa̍li̍ o̍ wa̍li̍ nda̍ nɔ̄ le̍ tōsāa̍, ā nɔ̄ mā tōsa̍ ndu̍ mɛ̄ɛ̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mi̍ yɛ̍.”
A̍ nyɛ̄m wāŋnda̍ I̍sɔ̄lūɛ̄ī a̍ yɔ̍ŋgu̍ le̍ tɛ̍ndīi̍ Mɛ̄lɛ̄ka̍a̍ tāŋgūllo̍ wo̍ŋ o̍kɔ̄ɔ̄
2O̍ ko̍ŋ kɔ̍ɔ̍lī, mi̍ Mūu̍sē ve̍e̍lū Bɛ̄sa̍lɛ̄ɛ̄, a̍ Ōhōli̍a̍bī, a̍ wānāa̍ cha̍ā nyɛ̍ a̍ lābā wa̍ ā pīli̍a̍a̍, ā Mɛ̄lɛ̄ka̍ Ya̍a̍wɛ̄ɛ̄ ke̍ tāāsi̍o̍o̍ ndu̍yɛ̍ ma̍ chɛ̄l ā kɔ̄ltā ndāla̍ŋ kpo̍u̍ le̍ wa̍llo̍ wa̍. 3Nyɛ̄ o̍ nyɛ̄ wāŋnda̍ I̍sɔ̄lūɛ̄ī a̍ yɔ̍ŋgu̍ le̍ tɛ̍ndīi̍ kāsīo̍o̍ tāŋgūllo̍, mi̍ Mūu̍sē chu̍ā mu̍ŋ kpo̍u̍ mbo̍ kē wānāā tāŋgūlāa̍. Ndu̍yɛ̍, īdīi̍ o̍ īdīi̍ wāŋnda̍ wa̍ hīōūwɔ̄ɔ̍ lāchī a̍ hūnɔ̄ɔ̄ a̍ chūūŋgīāā kɔ̄l chɛ̄lāa̍ kɛ᷅, nāa̍ Mūu̍sē chu̍a̍. 4O̍ ko̍ŋ, mi̍ wānāa̍ cha̍ā nyɛ᷅ a̍ lābā, ma̍ wa̍ tāŋgūllo̍ wa̍, ā māl wa̍llo̍ ma̍ kūā nāa̍ Mūu̍sē chu̍a̍. 5Ma̍ kɔ̍ di̍mūl ndu̍ āā, “Māsānɔ̄ɔ̍, wāŋnda̍ chō bɔ̄ɔ̍ hu̍nɔ̄ɔ̍ a̍ nyɔ̄ɔ̍ŋ, ŋ̄ hɔ̄ba̍ ni᷅ŋ. Chūūŋgīāā nda̍ hīŋ ndo̍, ō hīōū ni᷅ŋ wa̍li̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l na̍a̍ le̍ tōsāa̍ wo̍.”
6O̍ ko̍ŋ kɔ̍ɔ̍lī, mi̍ Mūu̍sē di̍mūl wāŋnda̍ ma̍ yōndā o̍ dɔ̍ɔ̍ŋgɔ̍ɔ̍ ni᷄ŋ kpo̍u̍, māā wānā pɔ̍nɔ̍ ni̍, wānā la̍nɔ̍ ni̍, ā hu᷅ŋ ndɛ̄ a̍ chūūŋgīāā le̍ Tɛ̍ndīi̍ Kāsīo̍o̍ tāŋgūllo̍ le̍. O̍ ko̍ŋ, mi̍ wāŋnda̍ pɛ̄ŋgī hūnɔ̄ɔ̍ a̍ chūūŋgīa̍a̍. 7Kāni̍ fo̍ndōle̍, nyɛ̄m nda̍ a̍a̍ chu̍u̍ŋgi̍a̍a̍ ni᷅ŋ ndo̍ŋ, mu̍ŋ hi̍o̍ū nyɛ̄m nda̍ a̍a̍ ye̍e̍ma̍ le̍ tāŋgūllo̍ wo̍ŋ.
A̍ mɛ̄ɛ̍ nda̍ tāŋgu̍l Tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ wāŋnda̍ lātūlu̍ wo̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 26:1-37)
8O̍ wānāā tāŋgūlāa̍ ha̍ā tɛ̍ɛ̄ŋ ki̍nɛ̍i̍, wānāā nda̍ a̍a̍ cha̍ā nyɔ̍ɔ̍ chāā bɛ̄ndōo̍ a̍ lābā ma̍ hīāū ā pīli̍a̍a̍ kpo̍u̍ wa̍, nda̍ ta̍ŋgu̍l tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ ni̍. Ma̍ tāŋgūl ndu̍ a̍ kōlā kɛ̍ndɛ̄ kɛ̍ndɔ̄ɔ̍ pɛ̄ŋgɔ̍ŋ tɔ̍. Kōlāa̍ ho̍ō ō wa᷄ ō tōōsīāā a̍ fūŋi̍i̍ kpe̍e̍ndɛ̄i̍, ma̍ kēēku̍ fūŋi̍i̍ yɛ̍ yɛ̍i̍ o̍ ko̍lāa̍ ho̍ō ni᷄ŋ, fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍. Ndu̍yɛ̍, ma̍ hūāū nyāā lākūmba᷅ŋnda̍ o̍ kōlāa̍ ho̍ō chōo̍ kpo̍u̍. 9Pɛ̄ŋgɛ̍ŋ tɔ̍ wo̍ŋ mu᷅ŋ, ŋ̄ wa᷄ kpɛ̍ŋnji̍, ī kɛ᷅ o̍ kɛ᷅, ī wa᷄ bāndēi̍ le̍ nɛ̄īyo̍ be̍le̍-hi̍ɔ̍ɔ̍lu̍ a̍ lē dīi̍ŋ, bu̍o̍o̍, nɛ̄īyo̍ lē ŋɔ᷄mpu᷅m. 10Ndu̍yɛ̍, kōlāa̍ ho̍ō, ma̍ sūāndū ndu̍ kōlāla̍ŋ lā tīɔ̍ɔ̍ŋ, ho̍ō pɛ̄ŋgɔ̍ŋ ŋ̄ ŋūɛ̍ɛ̍nu̍, ho̍ō pɛ̄ŋgɔ̍ŋ ŋ̄ ŋūɛ̍ɛ̍nu̍. 11-12Kōlāla̍ ti̍ɔ̍ɔ̍ŋnda̍ŋ nda᷅ŋ, ō kɛ᷅ o̍ kɛ᷅, ndu̍ o̍o̍ nɔ̍ kpɛ̍ɛ̍la̍ŋ lā yīyāā be̍le̍-ŋu̍ɛ̍ɛ̍nu̍ o̍ kpēŋgo᷄ŋ, le̍ la̍ŋ bɔ̄ŋāa̍ nāa̍ pi᷅lɛ̍. Ndu̍yɛ̍, kpɛ̍ɛ̍la̍ŋ nda᷅ŋ, a̍ kōlā bu᷅li̍īyo̍ nda̍ tōōsi̍a̍a̍ la̍ŋ ni̍. 13Ndu̍yɛ̍, ma̍ tōōsīāā do̍lu̍ŋu̍ŋ ŋ̄ko̍o̍līi̍yo̍ŋ be̍le̍-ŋu̍ɛ̍ɛ̍nu̍, le̍ wōūwo̍ o̍ kpɛ̍ɛ̍la̍ŋ nda᷅ŋ ni᷄ŋ le̍ kōlāla̍ ti̍ɔ̍ɔ̍ŋnda̍ŋ nda᷅ŋ bɔ̄ŋāa̍ vēllāa̍ vēllē, le̍ mbō sīmnu᷄ŋ nyɛ᷅ pīlɛ̍.
14O̍ ko̍ŋ kɔ̍ɔ̍lī, ma̍ tōōsīāā vɛ̄lɛ̄ kōlā che᷅le̍ŋ pɛ̄ŋgɔ̍ŋ tɔ̍ a̍ ī pīlɛ̍ a̍ yīīŋīī chūīŋnda̍ le̍ kūmbɔ̄ɔ̍ o̍ tɛ̍ndīi̍yo̍ ho̍ō chōo̍. 15Ndu̍yɛ̍ pɛ̄ŋgɛ̍ŋ tɔ̍ a̍ ī pīlɛ̍ wo̍ŋ mu᷅ŋ, ŋ̄ wa᷄ kpɛ̍ŋnji̍, ī kɛ᷅ kɛ᷅, ī wa᷄ bāndēi̍ nɛ̄īyo̍ be̍le̍-hi̍ɔ̍ɔ̍lu̍ a̍ lē ŋu̍ɛ̍ɛ̍nu̍, bu̍o̍o̍, nɛ̄īyo̍ lē ŋɔ᷄mpu᷅m. 16Ndu̍yɛ̍, kōlāa̍ ho̍ō, ma̍ sūāndū ndu̍ kōlāla̍ŋ lā tīɔ̍ɔ̍ŋ, ho̍ō pɛ̄ŋgɔ̍ŋ ŋ̄ ŋūɛ̍ɛ̍nu̍, ho̍ō pɛ̄ŋgɔ̍ŋ ŋ̄ ŋɔ᷄mpu᷅m. 17Kōlāla̍ ti̍ɔ̍ɔ̍ŋnda̍ŋ nda᷅ŋ, ō kɛ᷅ o̍ kɛ̄ ndu̍ o̍o̍ nɔ̍ kpɛ̍ɛ̍la̍ŋ lā yīyāā be̍le̍-ŋu̍ɛ̍ɛ̍nu̍ o̍ kpēŋgo᷄ŋ, le̍ la̍ŋ bɔ̄ŋāa̍ nāa̍ pi᷅lɛ̍. 18Ndu̍yɛ̍, ma̍ tōōsīāā do̍lu̍ŋu̍ŋ ŋ̄būlɔ̍ŋsīi̍yo̍ŋ be̍le̍-ŋu̍ɛ̍ɛ̍nu̍, le̍ wōūwo̍ o̍ kpɛ̍ɛ̍la̍ŋ nda᷅ŋ ni᷄ŋ le̍ kōlāla̍ ti̍ɔ̍ɔ̍ŋnda̍ŋ nda᷅ŋ bɔ̄ŋāa̍ vēllāa̍ vēllē, le̍ mbō sīmnu᷄ŋ ko̍lāa̍ ō pīlɛ̍. 19Ndu̍yɛ̍ ma̍ tōōsīāā vɛ̄lɛ̄ yāu̍la̍ sāā nda̍ bɛ̄ɛ̄ndi̍a̍a̍ nɛ̍ŋgbɛ̄lɛ̍ la̍ŋ, a̍ yāu̍la̍ chūīŋnda̍, le̍ tɛ̍ndīi̍yo̍ ho̍ō chɔ̄ɔ̄lōo̍ kūmbɔ̄ɔ̍.
20O̍ ko̍ŋ kɔ̍ɔ̍lī, ma̍ tōōsīāā da̍kpe̍ŋnda̍ŋ a̍ yɔ̄m āke̍e̍sīāā wo̍ le̍ tɛ̍ndīi̍yo̍ ho̍ō. 21Ndu̍yɛ̍, da̍kpe̍ŋnda̍ŋ nda᷅ŋ, ō kɛ᷅ o̍ kɛ̄ ndu̍ o̍o̍ wa̍ bānde̍i̍ nɛ̄īyo̍ tɔ̍ a̍ lē-ŋu̍ɛ̍ɛ̍nu̍, kūmbi᷄ŋndo̍ ŋ̍chi̍sīi̍la̍ŋ bi̍dīi̍ŋ a̍ lē-ŋu᷄mmɛ̍ū, 22yɔ̄mnde̍ ī wa᷄ ī ŋīi̍ŋ le̍ da̍kpe̍ŋnda̍ŋ nda᷅ŋ bɔ̄ŋāa̍ a̍ chāa̍ŋ ndɔ̄. Da̍kpe̍ŋnda̍ŋ nda᷅ŋ kpo̍u̍, nu̍a̍ā la̍ wa̍ lā tōōsīāā ni̍. 23Da̍kpe̍ŋnda̍ŋ nda᷅ŋ, ma̍ wōū la̍ŋ o̍ tɛ̍ndīi̍yo̍ bā tōūwo̍ bi̍dīi̍ŋ. 24Ndu̍yɛ̍ ma̍ bɛ̄ɛ̄ndīāā nyɛ̄la̍ŋ be̍le̍-hi̍ɔ̍ɔ̍lu̍ a̍ ka̍ni̍i̍ hu̍mbūe̍i̍, le̍ da̍kpe̍ŋnda̍ bi̍dīi̍ŋ nda̍ŋ nda᷅ŋ sīmīo̍o̍ lēni᷄ŋ, da̍kpe̍ŋ o̍ da̍kpe̍ŋ lā tīɔ̍ɔ̍ŋ, ba̍ā ō pīlɛ̍, ba̍ā ō pīlɛ̍. 25Ndu̍yɛ̍ da̍kpe̍ŋnda̍ŋ nda᷅ŋ ma̍ wōū vɛ̄lɛ̄ bi̍dīi̍ŋ o̍ tɛ̍ndīi̍yo̍ bā lūāŋndo̍. 26Ndu̍yɛ̍ la̍ŋ bɛ̍ɛ̍, ma̍ bɛ̄ɛ̄ndīāā nyɛ̄la̍ŋ be̍le̍-hi̍ɔ̍ɔ̍lu̍ a̍ ka̍ni̍i̍ hu̍mbūe̍i̍, le̍ la̍ŋ sīmīo̍o̍ lēni᷄ŋ. Ō kɛ᷅ o̍ kɛ̄, ndu̍ o̍o̍ nɔ̍ nyɛ̄lā sīmīāā lēni᷄ŋ nda̍ŋ nda᷅ŋ lā tīɔ̍ɔ̍ŋ, ba̍ā ō pīlɛ̍, ba̍ā ō pīlɛ̍. 27O̍ ko̍ŋ kɔ̍ɔ̍lī, ō tɛ̍ndīi̍yo̍ ho̍ō a̍ mākɔ̄ɔ̄, bā pāa̍le̍ŋ lē dēllo̍, ma̍ wōū da̍kpe̍ŋnda̍ŋ ndo̍ŋ la̍ ŋɔ̍mpu᷅m. 28Ndu̍yɛ̍, tɛ̍ndīi̍yo̍ ho̍ō o̍ sɔ̍ŋgi̍la̍ ndɔ̄la̍ŋ a̍ mākɔ̄ɔ̄, ma̍ tōōsīāā da̍kpe̍ŋnda̍ŋ ndo̍ŋ la̍ tīɔ̍ɔ̍ŋ. 29Ndu̍yɛ̍ da̍kpe̍ŋnda̍ŋ nda᷅ŋ, lā wa᷄ lā bɔ̄ŋāā lēbɛ̄ŋgu̍ na̍a̍ pi᷅lɛ̍. Lēchōo̍ bɛ̍ɛ̍ le̍nde̍ ko̍ni̍, lā wa᷄ lā bɔ̄ŋāā nāa̍ kēlɛ̄i̍ tāse̍i̍ ī wa᷄ wa̍. Nu̍a̍ā nda̍ tōōsi̍a̍a̍ da̍kpe̍ŋnda̍ŋ nda᷅ŋ ni̍. 30Mɛ̄ɛ̍ fa̍ū fa̍ū, da̍kpe̍ŋnda̍ŋ nda᷅ŋ lā wa᷄ lā wōūwāā o̍ tɛ̍ndīi̍yo̍ ho̍ō a̍ mākɔ̄ɔ̄ lā ŋɔ̄ma̍a̍. Ndu̍yɛ̍ da̍kpe̍ŋnda̍ŋ nda᷅ŋ la̍a̍ nɔ̍ nyɛ̄lā la̍ si᷅m le̍ni᷄ŋ nda̍ŋ tɔ̍ a̍ lā ŋɔ᷄mpu᷅m, ō kɛ᷅ o̍ kɛ̄ nyɛ̄lā sīmāā lēni᷄ŋ nda̍ŋ lā tīɔ̍ɔ̍ŋ, lā tōōsīāā a̍ ka̍ni̍i̍ hu̍mbūe̍i̍.
31Ndu̍yɛ̍ ma̍ tōōsīāā yɔ̄mīī vīlɛ̄īye̍ a̍ yɔ̄m āke̍e̍sīāā wo̍, ī ŋūɛ̍ɛ̍nu̍ le̍ wōūwo̍ o̍ da̍kpe̍ŋnda̍ wa̍ o̍ tɛ̍ndīi̍yo̍ kpēŋgēi̍ pīlɛ̍i̍ la̍ŋ, 32ī ŋūɛ̍ɛ̍nu̍ vɛ̍lɛ̄ le̍ wōūwo̍ o̍ da̍kpe̍ŋnda̍ wa̍ kpēŋgēi̍ pīlɛ̍i̍ la̍ŋ, ī ŋūɛ̍ɛ̍nu̍ vɛ̍lɛ̄, le̍ wōūwo̍ o̍ da̍kpe̍ŋnda̍ŋ o̍ tɛ̍ndīi̍yo̍ a̍ mākɔ̄ɔ̄, bā pāa̍le̍ŋ lē dēl lo̍. 33Yɔ̄mīī ŋūɛ̍ɛ̍nu̍i̍i̍ nda̍ hɛ̄ɛ̄ndūū le̍ da̍kpe̍ŋnda̍ la̍ŋ sāa̍ ve̍, yɔ̄mndo̍ ō pīlɔ̍ɔ̍ ma̍ hōl ndu̍ o̍ da̍kpe̍ŋnda̍ la̍ŋ, chɔ̍ŋ kpe̍ŋgēi̍ ī pīlɛ̍i̍ o̍ tɛ̍ndīi̍yo̍ mbō fūūlu̍u̍ kpēŋgēi̍ ī pīlɛ̍i̍ di̍. 34Da̍kpe̍ŋnda̍ŋ nda᷅ŋ, ma̍ kūmbū la̍ŋ kpo̍u̍ a̍ ko̍o̍līi̍ye̍. Ndu̍yɛ̍ yɔ̄mīī vīlɛ̄i̍ wa̍ ke̍ŋ māā lākpɔ̄lɔ̄ŋnde̍ bɛ̍ɛ̍, ma̍ kūmbū ndi̍ a̍ ko̍o̍līi̍ye̍. O̍ ko̍ŋ kɔ̍ɔ̍lī, ma̍ wōu̍ kēla᷄ŋ ŋ̄ko̍o̍līi̍yo̍ŋ o̍ da̍kpe̍ŋnda̍ la̍ŋ, le̍ yɔ̄mīī vīlɛ̄ī kēŋ wōūwo̍ lēni᷄ŋ.
35O̍ ko̍ŋ kɔ̍ɔ̍lī, ma̍ tōōsīāā kōlā kɛ̍ndɛ̄ kɛ̍ndɔ̄ɔ̍ a̍ fūŋi̍i̍ kpe̍e̍ndɛ̄i̍, ndu̍yɛ̍ ma̍ kēēku̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍ lēni᷄ŋ. O̍ ko̍ŋ kɔ̍ɔ̍lī, ma̍ hūāū nyāā lākūmba᷅ŋnda̍ lēchōo̍ kpo̍u̍. 36O̍ ko̍ŋ kɔ̍ɔ̍lī, ma̍ tōōsīāā yɔ̄mīī vīlɛ̄īye̍ ī hi̍ɔ̍ɔ̍lu̍ a̍ yɔ̄m āke̍e̍sīāā wo̍, ma̍ kūmbū ndi̍ kpo̍u̍ a̍ ko̍o̍līi̍ye̍. Ndu̍yɛ̍ vɛ̍lɛ̄ ma̍ tōōsīāā nyɛ̄la̍ŋ lā hi̍ɔ̍ɔ̍lu̍ a̍ ka̍ni̍i̍ hu̍mbūe̍i̍, le̍ yɔ̄mīī kēŋ sīmīo̍o̍ lēni᷄ŋ. O̍ ko̍ŋ kɔ̍ɔ̍lī, ma̍ tōōsīāā do̍lu̍ŋu̍ŋ ŋ̄ko̍o̍līi̍yo̍ŋ le̍ kōlāa̍ ho̍ō bāa̍. 37Ndu̍yɛ̍, ma̍ tōōsīāā kōlā kɛ̍ndɛ̄ kɛ̍ndɛ̄ che᷅le̍ŋ a̍ fūŋi̍i̍ kpe̍e̍ndɛ̄i̍, ma̍ kēēkū fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍ lēni᷄ŋ. Ndu̍yɛ̍, ma̍ hūāū nyɛ̄lā kɛ̄ndɛ̄ kɛ̍ndɛ̄la̍ŋ lēchōo̍ a̍ fūŋnde̍ kɛ̍ndɛ̄ kɛ̍ndɛ̄le̍ŋ. 38O̍ ko̍ŋ kɔ̍ɔ̍lī, ma̍ tōōsīāā sūŋgbu̍a̍ŋ mā ŋūɛ̍ɛ̍nu̍ ma̍ kūmbū ma̍ŋ bōlle̍ kpo̍u̍ a̍ ko̍o̍līi̍ye̍. Ma̍ tōōsīāā do̍lu̍ŋu̍ŋ ŋ̄ko̍o̍līi̍yo̍ŋ le̍ kōlāa̍ ho̍ō bāa̍ o̍ sūŋgbu̍ma̍ ma̍ŋ. Chīli̍ŋu̍ŋ pɔ̍mbɔ᷄ŋ wa̍ ŋ̄ hōlāā o̍ sūŋgbu̍a̍ŋ ma᷅ŋ bōllo̍ wo̍ŋ bɛ̍ɛ̍, ma̍ kūmbū mu̍ŋ a̍ ko̍o̍līi̍ye̍. Ma̍ tōōsīāā vɛ̄lɛ̄ nyɛ̄la̍ŋ lā ŋu̍ɛ̍ɛ̍nu̍ a̍ būlɔ̍ŋsīi̍ye̍ le̍ sūŋgbu̍a̍ŋ ma᷅ŋ sīmīo̍o̍ lēni᷄ŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.