Ɛ̍sɔ̍dɔ̍ɔ̄ 10
10
A̍ mɛ̄ɛ̍ so̍o̍nu̍a̍a̍ ā chūa̍ lɛ̄ŋndē I̍chi̍pīle̍ŋ yɛ̍ o̍kɔ̄ɔ̄
1O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Kɔ̍ nāa̍ māsā bɛ̍ndōo̍ chūā. Ya̍ ki̍ndi̍ ndu̍ bōlle̍ŋ ni̍ nda̍ lāŋgba̍ā ndūāā ka᷅lla̍, le̍ mī to̍sa̍ sɔ̄ɔ̍ŋ ka̍a̍ma᷅ŋ bɛ̄ndo᷄ŋ mu᷅ŋ nda̍ tɛ̍ɛ̄ŋ, nda̍ kpo̍u̍ mā chē. 2Ndu̍yɛ̍, vɛ̄lɛ̄ le̍ mī lā hu̍ŋ di̍mūl fɛ̍lɛ̍ŋ chu̍a̍u̍wāā nyāa̍, a̍ chūāūwāā nyāā ma̍māa̍, a̍ mɛ̄ɛ̍ ya̍ I̍ su̍i̍ wāŋnda̍ I̍chi̍pī dīɔ̄mnde̍ a̍ sɔ̄ɔ̍ŋ ka̍a̍ma᷅ŋ bɛ̄ndo᷄ŋ tōsāa̍ nda̍ tɛ̄ɛ̄ŋ yɛ̍. Ndu̍yɛ̍ nya̍ kpo̍u̍ la̍ chō sīnā māā ya̍ cho̍ Mɛ̄lɛ̄ka̍ Ya̍a̍wɛ̄ɛ̄ ni̍.”
3O̍ ko̍ŋ, Mūu̍sē ni̍, E̍lɔ̄ŋ ni̍, ma̍ kūā nāa̍ māsā bɛ̍ndōo̍ I̍chi̍pī chūa̍. Mɛ̄ɛ̍ nda̍ kūɛ̄, ma̍ kɔ̍ di̍mūl ndu̍ āā, “Fāllo̍, Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ Hi̍būlūi̍ya̍, ō vēm na̍a̍ nāa̍ nūm chūā. Ō dīmi̍ āā, ‘Vɛ̄ɛ̍nɛ̍ kpɛ̍ ŋ̄ chō yɛ̄ hīōūwɔ̄ɔ̄ lāchī a̍ bōllē kālāle̍ŋ tōsāa̍ a̍ tu̍sīŋ ya̍ o̍ bā bɛ̄ŋgu̍ le̍? Ma̍l wa̍nāā nīa̍a̍ mā kɔ̍ so̍o̍lūū ya̍. 4Ndu̍yɛ̍ tē a̍ kɛ̄ɛ̍ pɛ̍, I̍ chō so̍o̍nu̍a̍a̍ yɔ̄ŋ sīɔ̄dīi̍ mā ku̍mbū lɛ̄ŋnde̍ŋ kpo̍u̍. 5Ndu̍yɛ̍ so̍o̍nu̍a̍a̍ ā wā ni̍ŋ a̍ bɔ̍ɔ̍. Pɛ̍ɛ̍ŋ bɛ̍ɛ̍ wānā chi᷅ ni̍ŋ lɛ᷅ŋnde̍ŋ te̍, a̍ so̍o̍nu̍a̍a̍. Nyɛ̄ o̍ nyɛ̄ pūīyāa̍ lo̍ o̍ chīɔ̍ɔ̍ŋ ni᷄ŋ mī lōōŋ ŋ̄kpu̍ŋgbāŋ bɛ̄ndo᷄ŋ mɛ̄i̍, so̍o̍nu̍a̍a̍ ha̍ā ā chō ndu̍ hūnɔ̄ɔ̄ tɛ̄ɛ̄mbūū. Yɔ̄mīī pūīyɛ̄i̍ lo̍ o̍ chīɔ̍ɔ̍ŋ ni᷄ŋ nde̍ bɛ̍ɛ̍, ndi̍ kpo̍u̍, ā chō ndi̍ di̍o̍. 6So̍o̍nu̍a̍a̍ ha̍ā, ā wā ni̍ŋ ha̍a̍a̍ o̍ chīɛ̄īlā nyāla̍ŋ ni᷄ŋ bɛ̍ɛ̍ ā chō hūnɔ̄ɔ̄ lūɛ̄īyɔ̄ɔ̄ mā tīu̍ si̍lɔ̍. Chīɛ̄īlā nūmnda̍ŋ ni̍, chīɛ̄īlā lāŋgba̍ā nūm a̍a̍ ka᷅lla̍ ni̍, a̍ chīɛ̄ī o̍ chīɛ̍i̍ cho̍ I̍chi̍pī, la̍ŋ kpo̍u̍, so̍o̍nu̍a̍a̍ ha̍ā ā chō hūnɔ̄ɔ̄ la̍ŋ hīɔ̄lɔ̄ɔ̄ mā tīu̍ si̍lɔ̍. Hūnɔ̄ɔ̄ so̍o̍nu̍a̍a̍ ha̍ā ā hūŋ ni̍ŋ ndo̍, chɔ̍ŋ a̍ bōōndi̍i̍ fi̍nyāā nyāā māmāa̍ ā wa̍ īchāli̍ ve̍, mbo̍ hūŋ a̍ fi̍nyāā nyāa̍, ī wāā le̍nde̍ i̍ yɔ̍nu̍ŋ ndɔ̍ le̍. Kpūndɛ̍ so̍o̍nu̍a̍a̍ ha̍ā ā tūsī ni᷄ŋ lɛ̍ŋndē I̍chi̍pīle̍ŋ chōo̍ wo̍, chɔ̍ŋ bɛ̍ɛ̍ a̍ bōōndi̍i̍ fi̍nyāā nyāā ma̍māa̍ ā wa̍ īchāli̍ ve̍, mbō hūŋ a̍ fi̍nyāā nyāa̍, kpūndɛ̍ wāā le̍nde̍ o̍ ko̍ma̍l lɔ̍ nda̍ le̍.’ ” Mɛ̄ɛ̍ Mūu̍sē chīi̍ māsā bɛ̍ndōo̍ yōōŋgōo̍ ho̍ō dīmūl kpo̍u̍, mi̍ Mūu̍sē mūli᷄ŋ mbo̍ kūānu᷄ŋ.
7Mɛ̄ɛ̍ Mūu̍sē ku̍ɛ̍ŋnu᷄ŋ, mi̍ māsā bɛ̄ndōo̍ lāŋgba̍ā ndūāā ka᷅lla̍ ā nyūnā ndu̍ āā, “Fāllo̍, fi̍nyāa̍ ho̍ō, chō wɔ̄ hīōūwɔ̄ɔ̍ lāchī a̍ na̍a̍ nyɛ̄ pālāa̍ tūsīo̍o̍ chōo̍? Ma̍l ni᷅ŋ wāŋnda̍ ha̍ā mā kūɛ̄ mā kɔ̍ so̍o̍lūū Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ ndāa̍ ho̍ō. Ŋ̄ yēēma̍ lɛ̍ dɛ̍nɛ̍ pa̍lāa̍ o̍ dɛ̍nɛ̍ pa̍lāā chēle̍ŋ te̍. A̍ si̍nā nu̍a̍ā māā lɛ̄ŋndē I̍chi̍pīle̍ŋ kpo̍u̍ lē chūū tāmbu̍ le̍?”
8O̍ ko̍ŋ, ma̍ mīīŋgū a̍ Mūu̍sē nda̍ E̍lɔ̄ŋ, nāa̍ māsā bɛ̍ndōo̍ I̍chi̍pī chūa̍. Mɛ̄ɛ̍ nda̍ hīŋ, mi̍ māsā bɛ̍ndōo̍ di̍mūl nda̍ āā, “I̍ chɛ̍l mī ma̍l nya̍ mī lā kūɛ̄ mī lā kɔ̍ so̍o̍lūū Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍. Kɛ̍, lā chɔ᷄m ndɔ̍ ya̍ wānāā nɔ̍ le̍ kɔ̄la̍ŋ nda̍.”
9Mi̍ Mūu̍sē mu̍lī āā, “Fe̍le̍ŋgu̍nɔ̍ ni̍, bɛ̄ndū yūvɛ̄i̍ ni̍, chūāūwāā nāā bɛ̍ɛ̍, ō lāāndū ni̍, ō pīāāndū ni̍, na̍a̍ kpo̍u̍ ŋ̍ nɔ̍ ni̍ mī ŋ̄ kūɛ̄. Kāni̍ fo̍ndōle̍, ŋ̄ nɔ̄ mī ŋ̄ bīī bɔ̄ŋa᷅ŋndo̍ le̍ Mɛ̄lɛ̄ka̍ Ya̍a̍wɛ̄ɛ̄ bɛ̄ɛ̄le̍ŋ kīo̍o̍. Ndu̍yɛ̍, chɔ̄lūāā na̍a̍ bɛ̍ɛ̍, sāa̍ ni̍, chūīŋ ni̍, nāū ni̍, nda̍ kpo̍u̍, ō pīlɛ̍ bɛ̍ɛ̍ nɔ̍ le̍ lō na̍nu᷄ŋ te̍.”
10O̍ ko̍ŋ, mi̍ māsā bɛ̍ndōo̍ I̍chi̍pī di̍mūl Mūu̍sē āā, “I̍ si̍na̍ ni᷅ŋ kɛ̍sɛ̍ kɛ̍sɛ̍ māā lā nɔ̄ yīya᷄ŋ wɔ̍ɔ̍ŋndo̍ o̍ kɔ̄l le̍ ya̍ kpūndɔ̍ɔ̍ mālɔ̄ɔ̍ chōo̍, nyɛ̄ kōŋ ŋ̄ dīmi̍ ni̍ māā la̍ yēēma̍ mī lā kūɛ̄ a̍ lāāndāā nyāa̍, a̍ chūāūwāā nyāa̍ kpo̍u̍. Kɛ̍, I̍ me̍na̍ŋ o̍ Mɛ̄lɛ̄ka̍ Ya̍a̍wɛ̄ɛ̄ nyā ko̍ŋ ndo̍ po̍, I̍ chɛ᷅l mī lā kūɛ̄ a̍ lāāndāā nyāa̍, a̍ chūāūwāā le̍. 11I̍ chɛ᷅l te̍! Kɛ̍ le̍ mɛ̄ɛ̍ nya̍ nyūna̍ ya̍ yɛ̍, I̍ cho̍ chɛ̄lɔ̄ɔ̄ mī wāŋ pīāāndūa̍a̍ ki̍nɛ̍i̍, mī nda̍ kūɛ̄, mī lā kɔ̍ so̍o̍lūū Mɛ̄lɛ̄ka̍ Ya̍a̍wɛ̄ɛ̄. Kāni̍ ke̍ŋ nya̍ yēēma̍ ni̍.” O̍ ko̍ŋ, Mūu̍sē ni̍, E̍lɔ̄ŋ ni̍, ma̍ tūāū nda̍ o̍ fo̍ndāŋ māsā bɛ̍ndōo̍.
12O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Si̍ɛ̍ndi̍ ba᷅ nūmndo̍ o̍ lɛ̄ŋndē I̍chi̍pīle̍ŋ chōo̍, le̍ mī so̍o̍nu̍a̍a̍ hīŋ mā hu̍ŋ hi̍ɔ̍lū lɛ̄ŋndē I̍chi̍pīle̍ŋ kpo̍u̍, mā dē tɔ̄lɔ̄ɔ̄la̍ŋ a̍ nyɛ̄ o̍ nyɛ̄ pūīyāā lōōŋ kpu̍ŋgbāŋ bɛ̄ndo᷄ŋ ŋ̄ mɛ̄i̍.” 13O̍ ko̍ŋ, mi̍ Mūu̍sē si̍ɛ̍ndī tīnda̍ ndɔ̄ɔ̍ o̍ lɛ̄ŋndē I̍chi̍pīle̍ŋ chōo̍. Mɛ̄ɛ̍ o̍ si̍ɛ̍ndi̍, mi̍ Mɛ̄lɛ̄ka̍ Ya̍a̍wɛ̄ɛ̄ tōsā mi̍ hūēīyīī bɛ̄ndūe̍i̍ cha᷄ŋ bā pāa̍le̍ŋ lē chāŋ ndo̍, mi̍ ī nīīlū hɔ̄ŋndo̍ pāa̍le̍le̍ŋ kpɛ᷅ŋ, mi̍ ī lɔ̄ɔ̄lū vɛ̄lɛ̄ hɔ̄ŋndo̍ īchɔ̄l ko̍ŋ pi̍i̍ pi̍i̍. Mɛ̄ɛ̍ pāa̍le̍ŋ lē sɛ̄ īdīi̍yo̍, mi̍ hūēīyīī kēŋ ī hūŋ ā so̍o̍nu̍a̍a̍. 14Mi̍ so̍o̍nu̍a̍a̍ ha̍ā hūlu᷄ŋ o̍ lɛ̄ŋndē I̍chi̍pīle̍ŋ ni᷄ŋ hɔ᷅. Ma̍ tīū o̍ lɛ̄ŋndē I̍chi̍pīle̍ŋ ni᷄ŋ kpo̍u̍. Kāni̍ bɛ̍ɛ̍ wānā chi̍ wɔ̍ so̍o̍nu̍a̍a̍ ku̍ndā bɛ̄ndū wāā le̍nde̍ le̍. Ndu̍yɛ̍, fɛ̍ɛ̍ŋ a̍ fɛ̍ɛ̍ŋ bɛ̍ɛ̍ so̍o̍nu̍a̍a̍ ku̍ndā bɛ̄ndū wāā le̍nde̍ ā hi᷅ŋ ndɛ̍ le̍. 15Lɛ̄ŋnde̍ŋ kpo̍u̍, mi̍ so̍o̍nu̍a̍a̍ hīālū le̍ŋ. Mi̍ lɛ̄ŋnde̍ŋ lē pīīmīāā kpi̍lo̍ kpi̍lo̍ a̍ so̍o̍nu̍a̍a̍. Nyɛ̄ o̍ nyɛ̄ pūīyāā lōōŋ kpu̍ŋgbāŋ kpūndɛ̍ bɛ̄ndo᷄ŋ mu᷅ŋ ŋ̄ mɛ̄i̍, lātɔ̄lɔ̄ɔ̄ ni̍, īyɔ̄m ni̍, yɔ̄mīī kūāmāā ni̍, kpo̍u̍, mi̍ so̍o̍nu̍a̍a̍ ha̍ā tɛ̄ɛ̄mbūū pa̍ku̍. Bīltē pūīyāāle̍ŋ bɛ̍ɛ̍ wānā a̍a̍ chi᷅ lɛ̍ le̍ŋ o̍ lɛ̄ŋndē I̍chi̍pīle̍ŋ ni᷄ŋ te̍. Yɔ̄mndo̍ bɛ̍ɛ̍, kɛ̄lɛ̄ŋgāā tɔ̄lɔ̄ɔ̍.
16O̍ ko̍ŋ kɔ̍ɔ̍lī, mi̍ māsā bɛ̍ndōo̍ I̍chi̍pī o̍ yo̍o̍ŋgū Mūu̍sē nda̍ E̍lɔ̄ŋ chɔ̍ chɔ̍ le̍ mā hīŋ. Mɛ̄ɛ̍ nda̍ hīŋ, mi̍ māsā bɛ̍ndōo̍ dīmūl nda̍ āā, “Mūu̍sē, I̍ to̍sa̍ yɔ̄ŋ wɔ̄ɔ̍ŋndo̍ a̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍, ndu̍yɛ̍, mi̍ to̍sa̍ yɔ̄ŋ wɔ̄ɔ̍ŋndo̍ a̍ nya̍. 17Le̍la̍ŋ, mɛ̄ɛ̄lu̍la̍ŋ kpɔ̍ŋ la̍ cho̍ la᷅ŋ ni̍. Ma̍l la̍ le̍ yɔ̄ŋ nī wɔ̍ɔ̍ŋndo̍ mā pi̍ɛ̍i̍ Mɛ̄lɛ̄ka̍ Ya̍a̍wɛ̄ɛ̄ nyāa̍, mbō fāŋa̍ ya̍ kpūndɔ̍ɔ̍ ho̍ō chōo̍.” 18O̍ ko̍ŋ, mi̍ Mūu̍sē fa̍ŋa᷄ŋ ma̍sā bɛ̍ndōo̍ o̍ hɔ̄l lo̍ŋ, mbo̍ kɔ̍ pīɛ̄ī Mɛ̄lɛ̄ka̍ Ya̍a̍wɛ̄ɛ̄. 19Ndu̍yɛ̍, mi̍ Mɛ̄lɛ̄ka̍ Ya̍a̍wɛ̄ɛ̄ to̍sā mi̍ hūēīyīī kpāāyā bɛ̄ndūe̍i̍ ī cha᷄ŋ ba᷅ pāa̍le̍ŋ lē dēllo̍, mī ī hu᷄ŋ ba̍sū so̍o̍nu̍a̍a̍ ha̍ā tɛ̍ɛ̍, mi̍ ī kɔ̍ nyi̍ndū nda̍ o̍ Pēē Si̍a̍ŋā Mɛ̄ŋmā Īhɛ᷄llo̍. O̍ lɛ̄ŋndē I̍chi̍pīle̍ŋ ni᷄ŋ kpo̍u̍, so̍o̍nu̍a̍a̍ o̍ pīlɛ̍ bɛ̍ɛ̍ wānā a̍a̍ chi᷅ lɛ̍ le̍. 20Kɛ̍ mi̍ Mɛ̄lɛ̄ka̍ Ya̍a̍wɛ̄ɛ̄ hi̍a̍ū lāchī a̍ māsā bɛ̍ndōo̍ bōlle̍ŋ kīndīo̍o̍. Ō me᷄l wāŋnda̍ I̍sɔ̄lūɛ̄ī mā kūɛ̄ le̍.
A̍ mɛ̄ɛ̍ nyūmmā bɛ̄ndūa̍ŋ mā tōl I̍chi̍pī yɛ̍ o̍kɔ̄ɔ̄
21O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē āā, “Si̍ɛ̍ndi̍ bā nu̍mndo̍ chōo̍ cho̍o̍. Tē ā si̍ɛ̍ndi̍ pɛ̍, I̍ cho̍ tōsā, mī nyūmmā tīŋgīsi̍ma̍ bɛ̍ndūa̍ŋ mā tōl o̍ lɛ̄ŋndē I̍chi̍pīle̍ŋ ni᷄ŋ kpo̍u̍, nyūmmā tīŋgīsi̍ma̍ wānā chi᷅ bɛ̍ɛ̍ pu̍e̍e̍ŋ te̍ wa̍ŋ.” 22O̍ ko̍ŋ, mi̍ Mūu̍sē si̍ɛ̍ndī bā ndɔ̄ɔ̍ chōo̍ cho̍o̍. Mɛ̄ɛ̍ o̍ si̍ɛ̍ndi̍, mi̍ nyūmmā tīŋgīsi̍ma̍ bɛ̍ndūa̍ŋ mā tūāl o̍ lɛ̄ŋndē I̍chi̍pīle̍ŋ ni᷄ŋ kpo̍u̍, le̍ pālɛ̍i̍ ī yāa̍ kpu̍lu̍ku̍u̍. 23O̍ pālɛ̍i̍ ya̍a̍ ke̍ŋ bɛ̄ŋgu̍ ki̍nɛ̍i̍, wāŋnda̍ I̍chi̍pī ki̍nɛ̍i̍, nda̍ a̍a̍ chi᷅na᷅ŋ te̍. Wānā o̍ wānā ndu̍ o̍o̍ ku̍ē o̍ chāa̍ŋ ndɔ̍ lo̍ le̍. Kɛ̄, kūmbū I̍sɔ̄lūɛ̍i̍ya̍ ā wa̍ wo̍ ki̍nɛ̍i̍, nyɛ̄ wa̍wo̍ŋndo̍ wa̍ lo̍ŋ.
24O̍ ko̍ŋ, mi̍ māsā bɛ̍ndōo̍ yōōŋgū le̍ Mūu̍sē mbō dīmūl ndu̍ āā, “Lā kɔ̍ mī lā kɔ̍ so̍o̍lūū Mɛ̄lɛ̄ka̍ Ya̍a̍wɛ̄ɛ̄, chūāūwāā nyāa̍ bɛ̍ɛ̍, lā kɔ̍ a̍ nda̍. Kɛ̍ chɔ̄lūāā nyāa̍ ki̍nɛ̍i̍, sāā ni̍, chūīŋ ni̍, a̍ nāūwa̍, nda̍ lo̍ na̍nu᷄ŋ lā ku̍ā a̍ ka̍ŋ te̍.”
25Mi̍ Mūu̍sē dīmī āā, “Mɛ̄ɛ̍ mā ma̍l na̍a̍ mī ŋ̄ kūɛ̄ a̍ nda̍, kāni̍ fu̍u̍le̍, a̍ nda̍ na̍a̍ ŋ̄ chō lākɔ̄ sa̍lāla̍ŋ sōlī o̍ Mɛ̄lɛ̄ka̍ Ya̍a̍wɛ̄ɛ̄ lo̍ ni̍, Mɛ̄lɛ̄ka̍ nāa̍, sa̍lālā lūāmāā ni̍, a̍ sa̍lālā yɔ̄ŋāālā chēle̍ŋ. 26Ndu̍yɛ̍, ŋ̄ si̍nā wɔ̍ chɔ̍lūāā kpe̍e̍kpe̍i̍ya̍ na̍a̍ ŋ̄ nɔ̄ le̍ hɛ̄līo̍o̍ wa̍ le̍, mɛ̄ɛ̍ mī ŋ̄ fūūlu̍u̍ lo̍ŋ. Chɔ̄lūa̍a̍ ha̍ā tɛ̍ɛ̄ŋ na̍a̍ ŋ̄ chō chɔ̄lūa̍a̍ hɛ̄lī ni̍, le̍ mī ŋ̄ kɔ̍ so̍lī sa̍lāla̍ŋ o̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ na̍a̍ lo̍. Le̍la̍ŋ, a̍ nyɛ̄m na᷄ŋ kpo̍u̍ na̍a̍ ŋ̄ nɔ̄ ni̍ mī ŋ̄ kūɛ̄. Chɔ̄lūa̍a̍ na̍a̍, ō pīlɛ̍ bɛ̍ɛ̍ nɔ̍ le̍ lō na̍nu᷄ŋ te̍.”
27Kɛ̍, mi̍ Mɛ̄lɛ̄ka̍ Ya̍a̍wɛ̄ɛ̄ o̍ ki̍ndī vɛ̄lɛ̄ māsā bɛ̍ndōo̍ I̍chi̍pī bōlle̍ŋ. Mbo̍ kɛ̄ɛ̄ le̍ wāŋnda̍ I̍sɔ̄lūɛ̄ī mālɔ̄ɔ̍ le̍ mā kūɛ̄. 28Mi̍ māsā bɛ̍ndōo̍ dēŋūl Mūu̍sē āā, “Fa̍ŋa̍ŋ ya̍ o̍ hɔ̄l. Ma̍nda̍ŋ a̍ nūm pi̍la̍. Fɛ̍ɛ̍ŋ a̍ fɛ̍ɛ̍ŋ bɛ̍ɛ̍, I̍ cha᷅ lɛ̄ nu̍m na̍nu᷄ŋ te̍. Pāa̍le̍ ya̍ cho̍ nu̍m hɔ̄lte̍ŋ dēlɔ̄ɔ̄ le̍ŋ, pāa̍le̍ le̍ŋ ŋ̄ chō pīɔ̍mndo̍ sɔ̄lā ni̍.”
29Mi̍ Mūu̍sē di̍mūl ndu̍ āā, “I̍ cho̍ tōsā mɛ̄ɛ̍ ŋ̄ dīmi̍ yɛ̍ fāllo̍. Fɛ̍ɛ̍ŋ a̍ fɛ̍ɛ̍ŋ bɛ̍ɛ̍, a̍ chi᷅ lɛ̍ ya̍ mī I̍ fu̍la̍ nu̍m o̍ hɔ̄l te̍.”
Currently Selected:
Ɛ̍sɔ̍dɔ̍ɔ̄ 10: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 10
10
A̍ mɛ̄ɛ̍ so̍o̍nu̍a̍a̍ ā chūa̍ lɛ̄ŋndē I̍chi̍pīle̍ŋ yɛ̍ o̍kɔ̄ɔ̄
1O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Kɔ̍ nāa̍ māsā bɛ̍ndōo̍ chūā. Ya̍ ki̍ndi̍ ndu̍ bōlle̍ŋ ni̍ nda̍ lāŋgba̍ā ndūāā ka᷅lla̍, le̍ mī to̍sa̍ sɔ̄ɔ̍ŋ ka̍a̍ma᷅ŋ bɛ̄ndo᷄ŋ mu᷅ŋ nda̍ tɛ̍ɛ̄ŋ, nda̍ kpo̍u̍ mā chē. 2Ndu̍yɛ̍, vɛ̄lɛ̄ le̍ mī lā hu̍ŋ di̍mūl fɛ̍lɛ̍ŋ chu̍a̍u̍wāā nyāa̍, a̍ chūāūwāā nyāā ma̍māa̍, a̍ mɛ̄ɛ̍ ya̍ I̍ su̍i̍ wāŋnda̍ I̍chi̍pī dīɔ̄mnde̍ a̍ sɔ̄ɔ̍ŋ ka̍a̍ma᷅ŋ bɛ̄ndo᷄ŋ tōsāa̍ nda̍ tɛ̄ɛ̄ŋ yɛ̍. Ndu̍yɛ̍ nya̍ kpo̍u̍ la̍ chō sīnā māā ya̍ cho̍ Mɛ̄lɛ̄ka̍ Ya̍a̍wɛ̄ɛ̄ ni̍.”
3O̍ ko̍ŋ, Mūu̍sē ni̍, E̍lɔ̄ŋ ni̍, ma̍ kūā nāa̍ māsā bɛ̍ndōo̍ I̍chi̍pī chūa̍. Mɛ̄ɛ̍ nda̍ kūɛ̄, ma̍ kɔ̍ di̍mūl ndu̍ āā, “Fāllo̍, Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ Hi̍būlūi̍ya̍, ō vēm na̍a̍ nāa̍ nūm chūā. Ō dīmi̍ āā, ‘Vɛ̄ɛ̍nɛ̍ kpɛ̍ ŋ̄ chō yɛ̄ hīōūwɔ̄ɔ̄ lāchī a̍ bōllē kālāle̍ŋ tōsāa̍ a̍ tu̍sīŋ ya̍ o̍ bā bɛ̄ŋgu̍ le̍? Ma̍l wa̍nāā nīa̍a̍ mā kɔ̍ so̍o̍lūū ya̍. 4Ndu̍yɛ̍ tē a̍ kɛ̄ɛ̍ pɛ̍, I̍ chō so̍o̍nu̍a̍a̍ yɔ̄ŋ sīɔ̄dīi̍ mā ku̍mbū lɛ̄ŋnde̍ŋ kpo̍u̍. 5Ndu̍yɛ̍ so̍o̍nu̍a̍a̍ ā wā ni̍ŋ a̍ bɔ̍ɔ̍. Pɛ̍ɛ̍ŋ bɛ̍ɛ̍ wānā chi᷅ ni̍ŋ lɛ᷅ŋnde̍ŋ te̍, a̍ so̍o̍nu̍a̍a̍. Nyɛ̄ o̍ nyɛ̄ pūīyāa̍ lo̍ o̍ chīɔ̍ɔ̍ŋ ni᷄ŋ mī lōōŋ ŋ̄kpu̍ŋgbāŋ bɛ̄ndo᷄ŋ mɛ̄i̍, so̍o̍nu̍a̍a̍ ha̍ā ā chō ndu̍ hūnɔ̄ɔ̄ tɛ̄ɛ̄mbūū. Yɔ̄mīī pūīyɛ̄i̍ lo̍ o̍ chīɔ̍ɔ̍ŋ ni᷄ŋ nde̍ bɛ̍ɛ̍, ndi̍ kpo̍u̍, ā chō ndi̍ di̍o̍. 6So̍o̍nu̍a̍a̍ ha̍ā, ā wā ni̍ŋ ha̍a̍a̍ o̍ chīɛ̄īlā nyāla̍ŋ ni᷄ŋ bɛ̍ɛ̍ ā chō hūnɔ̄ɔ̄ lūɛ̄īyɔ̄ɔ̄ mā tīu̍ si̍lɔ̍. Chīɛ̄īlā nūmnda̍ŋ ni̍, chīɛ̄īlā lāŋgba̍ā nūm a̍a̍ ka᷅lla̍ ni̍, a̍ chīɛ̄ī o̍ chīɛ̍i̍ cho̍ I̍chi̍pī, la̍ŋ kpo̍u̍, so̍o̍nu̍a̍a̍ ha̍ā ā chō hūnɔ̄ɔ̄ la̍ŋ hīɔ̄lɔ̄ɔ̄ mā tīu̍ si̍lɔ̍. Hūnɔ̄ɔ̄ so̍o̍nu̍a̍a̍ ha̍ā ā hūŋ ni̍ŋ ndo̍, chɔ̍ŋ a̍ bōōndi̍i̍ fi̍nyāā nyāā māmāa̍ ā wa̍ īchāli̍ ve̍, mbo̍ hūŋ a̍ fi̍nyāā nyāa̍, ī wāā le̍nde̍ i̍ yɔ̍nu̍ŋ ndɔ̍ le̍. Kpūndɛ̍ so̍o̍nu̍a̍a̍ ha̍ā ā tūsī ni᷄ŋ lɛ̍ŋndē I̍chi̍pīle̍ŋ chōo̍ wo̍, chɔ̍ŋ bɛ̍ɛ̍ a̍ bōōndi̍i̍ fi̍nyāā nyāā ma̍māa̍ ā wa̍ īchāli̍ ve̍, mbō hūŋ a̍ fi̍nyāā nyāa̍, kpūndɛ̍ wāā le̍nde̍ o̍ ko̍ma̍l lɔ̍ nda̍ le̍.’ ” Mɛ̄ɛ̍ Mūu̍sē chīi̍ māsā bɛ̍ndōo̍ yōōŋgōo̍ ho̍ō dīmūl kpo̍u̍, mi̍ Mūu̍sē mūli᷄ŋ mbo̍ kūānu᷄ŋ.
7Mɛ̄ɛ̍ Mūu̍sē ku̍ɛ̍ŋnu᷄ŋ, mi̍ māsā bɛ̄ndōo̍ lāŋgba̍ā ndūāā ka᷅lla̍ ā nyūnā ndu̍ āā, “Fāllo̍, fi̍nyāa̍ ho̍ō, chō wɔ̄ hīōūwɔ̄ɔ̍ lāchī a̍ na̍a̍ nyɛ̄ pālāa̍ tūsīo̍o̍ chōo̍? Ma̍l ni᷅ŋ wāŋnda̍ ha̍ā mā kūɛ̄ mā kɔ̍ so̍o̍lūū Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ ndāa̍ ho̍ō. Ŋ̄ yēēma̍ lɛ̍ dɛ̍nɛ̍ pa̍lāa̍ o̍ dɛ̍nɛ̍ pa̍lāā chēle̍ŋ te̍. A̍ si̍nā nu̍a̍ā māā lɛ̄ŋndē I̍chi̍pīle̍ŋ kpo̍u̍ lē chūū tāmbu̍ le̍?”
8O̍ ko̍ŋ, ma̍ mīīŋgū a̍ Mūu̍sē nda̍ E̍lɔ̄ŋ, nāa̍ māsā bɛ̍ndōo̍ I̍chi̍pī chūa̍. Mɛ̄ɛ̍ nda̍ hīŋ, mi̍ māsā bɛ̍ndōo̍ di̍mūl nda̍ āā, “I̍ chɛ̍l mī ma̍l nya̍ mī lā kūɛ̄ mī lā kɔ̍ so̍o̍lūū Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍. Kɛ̍, lā chɔ᷄m ndɔ̍ ya̍ wānāā nɔ̍ le̍ kɔ̄la̍ŋ nda̍.”
9Mi̍ Mūu̍sē mu̍lī āā, “Fe̍le̍ŋgu̍nɔ̍ ni̍, bɛ̄ndū yūvɛ̄i̍ ni̍, chūāūwāā nāā bɛ̍ɛ̍, ō lāāndū ni̍, ō pīāāndū ni̍, na̍a̍ kpo̍u̍ ŋ̍ nɔ̍ ni̍ mī ŋ̄ kūɛ̄. Kāni̍ fo̍ndōle̍, ŋ̄ nɔ̄ mī ŋ̄ bīī bɔ̄ŋa᷅ŋndo̍ le̍ Mɛ̄lɛ̄ka̍ Ya̍a̍wɛ̄ɛ̄ bɛ̄ɛ̄le̍ŋ kīo̍o̍. Ndu̍yɛ̍, chɔ̄lūāā na̍a̍ bɛ̍ɛ̍, sāa̍ ni̍, chūīŋ ni̍, nāū ni̍, nda̍ kpo̍u̍, ō pīlɛ̍ bɛ̍ɛ̍ nɔ̍ le̍ lō na̍nu᷄ŋ te̍.”
10O̍ ko̍ŋ, mi̍ māsā bɛ̍ndōo̍ I̍chi̍pī di̍mūl Mūu̍sē āā, “I̍ si̍na̍ ni᷅ŋ kɛ̍sɛ̍ kɛ̍sɛ̍ māā lā nɔ̄ yīya᷄ŋ wɔ̍ɔ̍ŋndo̍ o̍ kɔ̄l le̍ ya̍ kpūndɔ̍ɔ̍ mālɔ̄ɔ̍ chōo̍, nyɛ̄ kōŋ ŋ̄ dīmi̍ ni̍ māā la̍ yēēma̍ mī lā kūɛ̄ a̍ lāāndāā nyāa̍, a̍ chūāūwāā nyāa̍ kpo̍u̍. Kɛ̍, I̍ me̍na̍ŋ o̍ Mɛ̄lɛ̄ka̍ Ya̍a̍wɛ̄ɛ̄ nyā ko̍ŋ ndo̍ po̍, I̍ chɛ᷅l mī lā kūɛ̄ a̍ lāāndāā nyāa̍, a̍ chūāūwāā le̍. 11I̍ chɛ᷅l te̍! Kɛ̍ le̍ mɛ̄ɛ̍ nya̍ nyūna̍ ya̍ yɛ̍, I̍ cho̍ chɛ̄lɔ̄ɔ̄ mī wāŋ pīāāndūa̍a̍ ki̍nɛ̍i̍, mī nda̍ kūɛ̄, mī lā kɔ̍ so̍o̍lūū Mɛ̄lɛ̄ka̍ Ya̍a̍wɛ̄ɛ̄. Kāni̍ ke̍ŋ nya̍ yēēma̍ ni̍.” O̍ ko̍ŋ, Mūu̍sē ni̍, E̍lɔ̄ŋ ni̍, ma̍ tūāū nda̍ o̍ fo̍ndāŋ māsā bɛ̍ndōo̍.
12O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Si̍ɛ̍ndi̍ ba᷅ nūmndo̍ o̍ lɛ̄ŋndē I̍chi̍pīle̍ŋ chōo̍, le̍ mī so̍o̍nu̍a̍a̍ hīŋ mā hu̍ŋ hi̍ɔ̍lū lɛ̄ŋndē I̍chi̍pīle̍ŋ kpo̍u̍, mā dē tɔ̄lɔ̄ɔ̄la̍ŋ a̍ nyɛ̄ o̍ nyɛ̄ pūīyāā lōōŋ kpu̍ŋgbāŋ bɛ̄ndo᷄ŋ ŋ̄ mɛ̄i̍.” 13O̍ ko̍ŋ, mi̍ Mūu̍sē si̍ɛ̍ndī tīnda̍ ndɔ̄ɔ̍ o̍ lɛ̄ŋndē I̍chi̍pīle̍ŋ chōo̍. Mɛ̄ɛ̍ o̍ si̍ɛ̍ndi̍, mi̍ Mɛ̄lɛ̄ka̍ Ya̍a̍wɛ̄ɛ̄ tōsā mi̍ hūēīyīī bɛ̄ndūe̍i̍ cha᷄ŋ bā pāa̍le̍ŋ lē chāŋ ndo̍, mi̍ ī nīīlū hɔ̄ŋndo̍ pāa̍le̍le̍ŋ kpɛ᷅ŋ, mi̍ ī lɔ̄ɔ̄lū vɛ̄lɛ̄ hɔ̄ŋndo̍ īchɔ̄l ko̍ŋ pi̍i̍ pi̍i̍. Mɛ̄ɛ̍ pāa̍le̍ŋ lē sɛ̄ īdīi̍yo̍, mi̍ hūēīyīī kēŋ ī hūŋ ā so̍o̍nu̍a̍a̍. 14Mi̍ so̍o̍nu̍a̍a̍ ha̍ā hūlu᷄ŋ o̍ lɛ̄ŋndē I̍chi̍pīle̍ŋ ni᷄ŋ hɔ᷅. Ma̍ tīū o̍ lɛ̄ŋndē I̍chi̍pīle̍ŋ ni᷄ŋ kpo̍u̍. Kāni̍ bɛ̍ɛ̍ wānā chi̍ wɔ̍ so̍o̍nu̍a̍a̍ ku̍ndā bɛ̄ndū wāā le̍nde̍ le̍. Ndu̍yɛ̍, fɛ̍ɛ̍ŋ a̍ fɛ̍ɛ̍ŋ bɛ̍ɛ̍ so̍o̍nu̍a̍a̍ ku̍ndā bɛ̄ndū wāā le̍nde̍ ā hi᷅ŋ ndɛ̍ le̍. 15Lɛ̄ŋnde̍ŋ kpo̍u̍, mi̍ so̍o̍nu̍a̍a̍ hīālū le̍ŋ. Mi̍ lɛ̄ŋnde̍ŋ lē pīīmīāā kpi̍lo̍ kpi̍lo̍ a̍ so̍o̍nu̍a̍a̍. Nyɛ̄ o̍ nyɛ̄ pūīyāā lōōŋ kpu̍ŋgbāŋ kpūndɛ̍ bɛ̄ndo᷄ŋ mu᷅ŋ ŋ̄ mɛ̄i̍, lātɔ̄lɔ̄ɔ̄ ni̍, īyɔ̄m ni̍, yɔ̄mīī kūāmāā ni̍, kpo̍u̍, mi̍ so̍o̍nu̍a̍a̍ ha̍ā tɛ̄ɛ̄mbūū pa̍ku̍. Bīltē pūīyāāle̍ŋ bɛ̍ɛ̍ wānā a̍a̍ chi᷅ lɛ̍ le̍ŋ o̍ lɛ̄ŋndē I̍chi̍pīle̍ŋ ni᷄ŋ te̍. Yɔ̄mndo̍ bɛ̍ɛ̍, kɛ̄lɛ̄ŋgāā tɔ̄lɔ̄ɔ̍.
16O̍ ko̍ŋ kɔ̍ɔ̍lī, mi̍ māsā bɛ̍ndōo̍ I̍chi̍pī o̍ yo̍o̍ŋgū Mūu̍sē nda̍ E̍lɔ̄ŋ chɔ̍ chɔ̍ le̍ mā hīŋ. Mɛ̄ɛ̍ nda̍ hīŋ, mi̍ māsā bɛ̍ndōo̍ dīmūl nda̍ āā, “Mūu̍sē, I̍ to̍sa̍ yɔ̄ŋ wɔ̄ɔ̍ŋndo̍ a̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍, ndu̍yɛ̍, mi̍ to̍sa̍ yɔ̄ŋ wɔ̄ɔ̍ŋndo̍ a̍ nya̍. 17Le̍la̍ŋ, mɛ̄ɛ̄lu̍la̍ŋ kpɔ̍ŋ la̍ cho̍ la᷅ŋ ni̍. Ma̍l la̍ le̍ yɔ̄ŋ nī wɔ̍ɔ̍ŋndo̍ mā pi̍ɛ̍i̍ Mɛ̄lɛ̄ka̍ Ya̍a̍wɛ̄ɛ̄ nyāa̍, mbō fāŋa̍ ya̍ kpūndɔ̍ɔ̍ ho̍ō chōo̍.” 18O̍ ko̍ŋ, mi̍ Mūu̍sē fa̍ŋa᷄ŋ ma̍sā bɛ̍ndōo̍ o̍ hɔ̄l lo̍ŋ, mbo̍ kɔ̍ pīɛ̄ī Mɛ̄lɛ̄ka̍ Ya̍a̍wɛ̄ɛ̄. 19Ndu̍yɛ̍, mi̍ Mɛ̄lɛ̄ka̍ Ya̍a̍wɛ̄ɛ̄ to̍sā mi̍ hūēīyīī kpāāyā bɛ̄ndūe̍i̍ ī cha᷄ŋ ba᷅ pāa̍le̍ŋ lē dēllo̍, mī ī hu᷄ŋ ba̍sū so̍o̍nu̍a̍a̍ ha̍ā tɛ̍ɛ̍, mi̍ ī kɔ̍ nyi̍ndū nda̍ o̍ Pēē Si̍a̍ŋā Mɛ̄ŋmā Īhɛ᷄llo̍. O̍ lɛ̄ŋndē I̍chi̍pīle̍ŋ ni᷄ŋ kpo̍u̍, so̍o̍nu̍a̍a̍ o̍ pīlɛ̍ bɛ̍ɛ̍ wānā a̍a̍ chi᷅ lɛ̍ le̍. 20Kɛ̍ mi̍ Mɛ̄lɛ̄ka̍ Ya̍a̍wɛ̄ɛ̄ hi̍a̍ū lāchī a̍ māsā bɛ̍ndōo̍ bōlle̍ŋ kīndīo̍o̍. Ō me᷄l wāŋnda̍ I̍sɔ̄lūɛ̄ī mā kūɛ̄ le̍.
A̍ mɛ̄ɛ̍ nyūmmā bɛ̄ndūa̍ŋ mā tōl I̍chi̍pī yɛ̍ o̍kɔ̄ɔ̄
21O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ o̍ di̍mu̍l Mūu̍sē āā, “Si̍ɛ̍ndi̍ bā nu̍mndo̍ chōo̍ cho̍o̍. Tē ā si̍ɛ̍ndi̍ pɛ̍, I̍ cho̍ tōsā, mī nyūmmā tīŋgīsi̍ma̍ bɛ̍ndūa̍ŋ mā tōl o̍ lɛ̄ŋndē I̍chi̍pīle̍ŋ ni᷄ŋ kpo̍u̍, nyūmmā tīŋgīsi̍ma̍ wānā chi᷅ bɛ̍ɛ̍ pu̍e̍e̍ŋ te̍ wa̍ŋ.” 22O̍ ko̍ŋ, mi̍ Mūu̍sē si̍ɛ̍ndī bā ndɔ̄ɔ̍ chōo̍ cho̍o̍. Mɛ̄ɛ̍ o̍ si̍ɛ̍ndi̍, mi̍ nyūmmā tīŋgīsi̍ma̍ bɛ̍ndūa̍ŋ mā tūāl o̍ lɛ̄ŋndē I̍chi̍pīle̍ŋ ni᷄ŋ kpo̍u̍, le̍ pālɛ̍i̍ ī yāa̍ kpu̍lu̍ku̍u̍. 23O̍ pālɛ̍i̍ ya̍a̍ ke̍ŋ bɛ̄ŋgu̍ ki̍nɛ̍i̍, wāŋnda̍ I̍chi̍pī ki̍nɛ̍i̍, nda̍ a̍a̍ chi᷅na᷅ŋ te̍. Wānā o̍ wānā ndu̍ o̍o̍ ku̍ē o̍ chāa̍ŋ ndɔ̍ lo̍ le̍. Kɛ̄, kūmbū I̍sɔ̄lūɛ̍i̍ya̍ ā wa̍ wo̍ ki̍nɛ̍i̍, nyɛ̄ wa̍wo̍ŋndo̍ wa̍ lo̍ŋ.
24O̍ ko̍ŋ, mi̍ māsā bɛ̍ndōo̍ yōōŋgū le̍ Mūu̍sē mbō dīmūl ndu̍ āā, “Lā kɔ̍ mī lā kɔ̍ so̍o̍lūū Mɛ̄lɛ̄ka̍ Ya̍a̍wɛ̄ɛ̄, chūāūwāā nyāa̍ bɛ̍ɛ̍, lā kɔ̍ a̍ nda̍. Kɛ̍ chɔ̄lūāā nyāa̍ ki̍nɛ̍i̍, sāā ni̍, chūīŋ ni̍, a̍ nāūwa̍, nda̍ lo̍ na̍nu᷄ŋ lā ku̍ā a̍ ka̍ŋ te̍.”
25Mi̍ Mūu̍sē dīmī āā, “Mɛ̄ɛ̍ mā ma̍l na̍a̍ mī ŋ̄ kūɛ̄ a̍ nda̍, kāni̍ fu̍u̍le̍, a̍ nda̍ na̍a̍ ŋ̄ chō lākɔ̄ sa̍lāla̍ŋ sōlī o̍ Mɛ̄lɛ̄ka̍ Ya̍a̍wɛ̄ɛ̄ lo̍ ni̍, Mɛ̄lɛ̄ka̍ nāa̍, sa̍lālā lūāmāā ni̍, a̍ sa̍lālā yɔ̄ŋāālā chēle̍ŋ. 26Ndu̍yɛ̍, ŋ̄ si̍nā wɔ̍ chɔ̍lūāā kpe̍e̍kpe̍i̍ya̍ na̍a̍ ŋ̄ nɔ̄ le̍ hɛ̄līo̍o̍ wa̍ le̍, mɛ̄ɛ̍ mī ŋ̄ fūūlu̍u̍ lo̍ŋ. Chɔ̄lūa̍a̍ ha̍ā tɛ̍ɛ̄ŋ na̍a̍ ŋ̄ chō chɔ̄lūa̍a̍ hɛ̄lī ni̍, le̍ mī ŋ̄ kɔ̍ so̍lī sa̍lāla̍ŋ o̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ na̍a̍ lo̍. Le̍la̍ŋ, a̍ nyɛ̄m na᷄ŋ kpo̍u̍ na̍a̍ ŋ̄ nɔ̄ ni̍ mī ŋ̄ kūɛ̄. Chɔ̄lūa̍a̍ na̍a̍, ō pīlɛ̍ bɛ̍ɛ̍ nɔ̍ le̍ lō na̍nu᷄ŋ te̍.”
27Kɛ̍, mi̍ Mɛ̄lɛ̄ka̍ Ya̍a̍wɛ̄ɛ̄ o̍ ki̍ndī vɛ̄lɛ̄ māsā bɛ̍ndōo̍ I̍chi̍pī bōlle̍ŋ. Mbo̍ kɛ̄ɛ̄ le̍ wāŋnda̍ I̍sɔ̄lūɛ̄ī mālɔ̄ɔ̍ le̍ mā kūɛ̄. 28Mi̍ māsā bɛ̍ndōo̍ dēŋūl Mūu̍sē āā, “Fa̍ŋa̍ŋ ya̍ o̍ hɔ̄l. Ma̍nda̍ŋ a̍ nūm pi̍la̍. Fɛ̍ɛ̍ŋ a̍ fɛ̍ɛ̍ŋ bɛ̍ɛ̍, I̍ cha᷅ lɛ̄ nu̍m na̍nu᷄ŋ te̍. Pāa̍le̍ ya̍ cho̍ nu̍m hɔ̄lte̍ŋ dēlɔ̄ɔ̄ le̍ŋ, pāa̍le̍ le̍ŋ ŋ̄ chō pīɔ̍mndo̍ sɔ̄lā ni̍.”
29Mi̍ Mūu̍sē di̍mūl ndu̍ āā, “I̍ cho̍ tōsā mɛ̄ɛ̍ ŋ̄ dīmi̍ yɛ̍ fāllo̍. Fɛ̍ɛ̍ŋ a̍ fɛ̍ɛ̍ŋ bɛ̍ɛ̍, a̍ chi᷅ lɛ̍ ya̍ mī I̍ fu̍la̍ nu̍m o̍ hɔ̄l te̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.