ERROMATARREI 12
12
KRISTAU JOKAERA (12,1—15,13)
Kristauen oparia, bizi eta santua
1Senideok, Jainkoaren maitasunagatik eskatzen dizuet eskain ditzazuela zeuen buruak#12,1 eskain ditzazuela zeuen buruak: H.h., eskain ditzazuela zeuen gorputzak. Gorputzak hemen ez du adierazten gai materiala, gizakia arima eta gorputz dela esaten denean bezala, pertsona osoa baizik, gorputzean eta gorputzez diharduena; ik. 7,24 oh. opari bizi, santu eta Jainkoarentzat atsegingarri. Hori da egiazko zuen kultua.#eskaini zeuen burua opari bizi 6,11.13. opari santu 6,19; 15,16; 1 P 2,5. 2Ez egokitu mundu honen iritzietara, eraberri zaitezte baizik, zeuen pentsaera aldatuz; horrela bereizi ahal izango duzue zer den Jainkoak nahi duena, zer den ona, atsegingarri zaiona eta bikaina.#Ez egokitu mundu honen iritzietara 1 P 1,14. eraberritu 2 Ko 5,17; Ef 4,23. Jainkoaren nahia bereizi Ef 5,10.17.
Bakoitzak bere eginbeharra eliz elkartean
3Jainkoak eman didan dohainaren izenean, hau diotsuet guztioi eta bakoitzari: ez hartu zeuen burua behar den baino handiagotzat; izan zaitezte neurritsu, Jainkoak bakoitzari eman dion sinesmenaren arabera.#izan neurritsu Ef 4,7; Flp 2,3. 4Izan ere, gorputza bat den arren, atal asko ditu, eta ez dute atal guztiek eginkizun bera; 5berdin guk ere: asko garen arren, Kristorekin elkarturik gorputz bat egiten dugu eta guztiok bata bestearen atal gara.#gorputz bat 1 Ko 10,17+. bata bestearen atal 1 Ko 12,12-27; Ef 4,25. 6Dohain ezberdinak ditugu, Jainkoak eman nahi izan dizkigun araberakoak. Beraz, Jainkoaren izenean mintzo denak iragar beza Jainkoaren hitza sinesmenari dagokionez#12,6 sinesmenari dagokionez: Jatorrizkoak sinesmenaren analogiaren arabera dio. Paulok hau esango luke: mintza bedi hartu duen sinesmenak agintzen dionez, edota eliz elkartearen fede-zentzuak eskatzen duenez eta fede-elkartasunaren baitan.;#Dohain ezberdinak 1 Ko 12,4-11; 1 P 4,10-11. 7Jainkoak zerbitzari egin duena saia bedi zerbitzuan; irakaslea irakasten; 8adore-emailea adore ematen. Bere ondasunak banatzen dituenak bana bitza eskuzabaltasunez#12,8 eskuzabaltasunez: Edo xalotasunez, asmo garbiz.; buru egiten duenak egin beza arduraz; erruki-egintzak egiten dituenak, alaitasunez.#buru egiten duena 1 Ts 5,12.
Elkar maitatu
9Zuen maitasuna izan bedi itxurakeriarik gabea; gorrotatu gaizkia eta itsatsi ongiari.#itxurakeriarik gabeko maitasuna 1 Tm 1,5; 1 P 1,22. gorrotatu gaizkia, itsatsi ongiari Am 5,15. 10Maita ezazue elkar bihotzez senide on bezala, elkar nork baino nork maiteago izaten saiatuz.#elkar maitasuna Jn 13,13; 15,12; Flp 2,3; 2 P 1,7; 1 Jn 3,14; 2 Jn 5. 11Izan saiatuak eta ez nagi; izan gogoz kartsu, Jauna zerbitzatzeko beti prest. 12Bizi zaitezte itxaropenean alai; izan eroapen handiko ezbeharrean eta iraupentsu otoitzean.#iraupentsu otoitzean 1 Ts 5,17+. 13Lagundu fededunei beren beharretan; eman gogoz ostatu arrotzari.#arrotzari ostatu eman Heb 13,2; 1 P 4,9. 14Bedeinka itzazue erasotzen dizuetenak, bedeinkatu eta ez madarikatu.#bedeinkatu, ez madarikatu Mt 5,44; Lk 6,28; Eg 7,60; 1 Ko 4,12. 15Poztu pozez daudenekin; egin negar negarrez daudenekin.#pozez, negarrez Si 7,34; 1 Ko 12,26. 16Bizi zaitezte elkar ongi hartuz; ez izan handinahi, apalen mailako baizik; ez jo zeuen buruak jakintsutzat.#elkar ongi hartu 15,5. ez jo jakintsutzat 11,20; Is 5,21; Es 3,7.
17Ez itzuli inori gaitzik gaitz orde. Saia zaitezte gizon-emakume guztiei ongi egiten.#Ez itzuli gaitzik gaitz orde 1 Ts 5,15; 1 P 3,9. saiatu guztiei ongi egiten 2 Ko 8,21. 18Zeuen aldetik eta ahal den neurrian, izan bakean guztiekin.#izan bakean guztiekin Mk 9,50; Heb 12,14. 19Ene maiteok, ez egin mendekurik zeuen kontura; utzi Jainkoari zigorra ematea, Liburu Santuak hau baitio: Neuri dagokit mendekua, neuk emango diot bakoitzari berak merezia. Hau dio Jaunak.#ez egin mendekurik Lb 19,18; Mt 5,39. Neuri… Dt 32,35 (Heb 10,30). 20Beraz, zure etsaia gose bada, emaiozu jaten; egarri bada, emaiozu edaten. Horrela, lotsa gorrian utziko duzu#12,20 lotsa gorrian utziko duzu: H.h., ikatz goriak pilatuko dituzu haren buru gainean; ik. Es 25,22 oh..#zure… Es 25,21-22. 21Ez zaitzala gaitzak mendera, baizik eta menderatu gaitza ongiaz.
Currently Selected:
ERROMATARREI 12: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso