DEUTERONOMIOA 22
22
Ondasunak itzuli
1«Herritar baten idia nahiz ardia galduta ikusten baduzue, ez egin ez ikusiarena, itzuli jabeari.#Ondasunak itzuli Ir 23,4-5. 2Auzoan bizi ez bada edo ezezaguna baduzue, eraman aberea zeuen ukuilura eta eduki bertan, herritarra beraren bila etorri arte; orduan, itzuli egingo diozue. 3Beste horrenbeste egingo duzue herritarrak galdu eta zuek aurkitutako asto, soingaineko nahiz beste edozer gauzarekin ere; ez egin ez ikusiarena.
4«Zeuen herritarraren astoa nahiz idia bidean eroria ikustean, ez egin ez ikusiarena, lagundu altxatzen.
Beste zenbait agindu
5«Emakumeak ez du gizonezkoen jantzirik erabiliko, ezta gizonak ere emakumezkoen soinekorik jantziko, higuingarri baitzaio Jaunari zuen Jainkoari horrelakorik egiten duena.#higuingarri Jaunari 7,25+.
6«Bidez zoaztela, zuhaitzean nahiz lurrean habia txorikumeekin edo arrautzekin, ama bertan delarik, aurkitzen baduzue, ez hartu ama kumeekin;#ama kumeekin Ik. Lb 22,28. 7utzi joaten amari eta hartu kumeak. Horrela, zoriontsu izango zarete eta luzaro biziko.#zoriontsu izan 4,40+. luzaro bizi 4,26+.
8«Etxe berria eraikitzen baduzue, babesa jarriko diozue etxe gainari inguruan; bestela, handik norbait erori eta hilez gero, heriotzaren erantzule egingo zenukete etxea.
9«Ez duzue mahastian beste ezer ereingo; bestela, dena geldituko litzateke Jaunari sagaratua#22,9 9-11 tx.etako legeak antzinako debekuen aztarnak dira (ik. Lb 19,19). Horien zergatia ez dugu ezagutzen; agian Jainkoak kreazioan ezarritako ordena ez nahastea litzateke. Jaunari sagaratua ez zezakeen ugazabak erabil aurrerantzean., bai ereindakoaren emaitza, baita mahastiarena ere.
10«Ez dituzue idia eta astoa uztarri berean lotuko, goldean jarduteko.
11«Ez duzue artilea eta lihoa nahastuz ehunduriko arroparik jantziko.#ehunak nahasi Lb 19,19.
12«Borlatxoak ezarriko dituzue estaltzeko erabiliko duzuen mantuaren lau ertzetan.#Borlatxoak Zen 15,38+.
Emaztegaiaren birjintasunari buruz
13«Eman dezagun norbaitek, emakume batekin ezkondu eta berarekin harremanak izan ondoren, begitan hartzen duela 14eta egite txarrez salatu eta izen txarra jartzen diola, esanez: “Emakume honekin ezkondu eta, bereganatzean, ez dela birjina konturatu naiz”. 15Horiek horrela, neskaren aita-amek alabaren birjintasunaren froga-agiria hartu eta herri-arduradunei aurkeztuko diete auzitegian. 16Aitak esango die: “Alaba gizon horri eman diot emaztetzat; baina begitan hartu du 17eta egite txarrez salatzen du orain, ez dela birjina esanez. Hona, ordea, nire alabaren birjintasunaren froga-agiria”.
«Eta gurasoek herri-arduradunen aurrean zabalduko dute maindirea ezkontza-gaueko odol-aztarnekin. 18Arduradunek senarra atxilotu eta zigorra ezarriko diote, 19zilarrezko ehun txanponeko isuna, israeldar birjina bati izen ona kentzeagatik, eta dirua neskaren aitari emango diote; gainera, emaztetzat onartu beharko du eta ezin izango du bizitza osoan zapuztu.#ezin zapuztu 22,29.
20«Baina salakuntza egia izanik, neska ez zela birjina egiaztatzen bada, 21aitaren etxe-atarira eraman eta hiriko gizonek harrika emango diote hil arte, itsuskeria egin baitu Israelen, aitaren etxean bere burua desohoratuz. Horrela desagerraraziko duzue gaiztakeria zeuen artetik.#harrika emango 13,11+. itsuskeria Israelen Has 34,7; Jos 7,15; Ep 20,10; 2 Sm 13,12; Jr 29,23.
Adulterioa
(Lb 20,10)
22«Norbait emakume ezkondu batekin oheratua harrapatzen badute, biak hilko dituzte, gizona eta emakumea. Horrela desagerraraziko duzue gaiztakeria Israeldik.#Adulterioa Lb 20,10+.
Bortxaketa-kasuak
23«Norbait, ezkontza-hitza emandako neska bat hirian aurkiturik, berarekin oheratzen bada, 24hiri-sarrerara aterako dituzte biak eta harrika emango hil arte: neska, hirian izanda ere, laguntza eske deiadar egin ez duelako, eta gizona lagun hurkoaren emaztegaia bortxatu duelako. Horrela desagerraraziko duzue gaiztakeria zeuen artetik. 25Baina gizonak neska ezkongaia landan aurkitzen badu, heldu eta berarekin etzaten bada, gizona bakarrik hilko dute; 26neskari ez diote ezer egingo, ez baitu heriotza-zigorrik merezi duen bekaturik egin. Norbaitek lagun hurkoari eraso eta hiltzen duenean bezalako kasua da hori: 27landan aurkitu baitu gizonak eta, neskak deiadar eginda ere, ez zen han laguntzeko inor.
28«Norbait, ezkontza-hitza eman gabeko neska bat aurkiturik, heldu eta berarekin oheratzen bada, eta horrela harrapatzen badituzte,#ezkontza-hitza eman gabeko neska bortxatu Has 34; Ir 22,15-16; 2 Sm 13. 29zilarrezko berrogeita hamar txanpon eman beharko dizkio gizonak neskaren aitari eta neska emaztetzat hartu beharko du, bortxatu duelako. Eta ezin izango du bizitza osoan zapuztu.
Currently Selected:
DEUTERONOMIOA 22: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso