TITORI 3
3
Sinestedun guztien betebeharrak
1Oroitarazi denei gobernari eta agintarien menpeko izan behar dutela, hauen esanak egin eta egintza on guztirako prest egon.#agintarien menpeko Erm 13,1; 1 Tm 2,2; 1 P 2,13. 2Ez dezatela inor irain eta ez daitezela sesiozale izan, bihozbera baizik, gizaki guztientzat otzantasunez beteak.#Ik. 2 Tm 2,24.
3Gu ere, noizbait, burugabe, errebelde, bide-galdu, edozein grina eta atseginkeriaren menpeko izanak gara, gaiztakerian eta bekaizkerian bizi izanak, gorrotagarri eta elkarren gorrotatzaile.#Gu ere, noizbait, burugabe 1 Ko 6,11; Ef 2,2-3; 5,8; 1 P 4,3. 4Baina orain Jainko gure Salbatzailearen bihotz ona eta gizon-emakumeenganako maitasuna agertu da #Jainko gure Salbatzailea 1 Tm 1,1+. bihotz ona eta maitasuna agertu 2,11. Ik. Ef 2,4. 5eta salbatu egin gaitu, ez gure jokabide zuzenagatik, bere errukiari esker baizik, jaioberritzen gaituen garbikuntzaz#3,5 jaioberritzen gaituen garbikuntzaz: H.h., jaioberritzeko bainuaz. Segur aski, bataioaz esana. eta Espiritu Santuak guregan eragiten duen berrikuntzaz;#bere errukiari esker salbatu gaitu 2 Tm 1,9+. jaioberritzen gaituen garbikuntzaz Ef 5,26. Espiritu Santuak guregan eragiten duen berrikuntzaz Jn 3,3.5; Ef 4,23-24. 6Espiritu hori oparo isuri zigun Jainkoak Jesu Kristo gure Salbatzailearen bitartez;#Espiritu hori isuri zigun Jl 3,1; Eg 2,4; Erm 5,5+. 7horrela, Jainkoak bere onginahiaz onartu gaituelarik, itxaro dugun betiko biziaren oinordeko bilakatu gara.#Jainkoak bere onginahiaz onartu Erm 1,17+. betiko biziaren oinordeko Erm 8,17.24.
Titori burubideak
8Doktrina hau sinesgarria da, eta gauza hauetaz zuk finko irakastea nahi dut, Jainkoarengan sinetsi dutenak egintza onetan lehenengo izaten lehia daitezen. Gauza hauek gizakientzat on eta mesedegarri dira.#Doktrina sinesgarria 1 Tm 1,15+.
9Eztabaida zoroak, ordea, jatorri-zerrendak#3,9 jatorri-zerrendak: Ik. 1 Tm 1,4 oh., sesioak eta legeari buruzko auziak utzi alde batera, hutsalak baitira eta ezertarako on ez.#Eztabaida zoroak, jatorri-zerrendak 1 Tm 1,4+.6+. 10Alderdikeriak sustatzen dituena#3,10 Alderdikeriak sustatzen dituena: H.h., Gizon heretikoa. Kristau-mintzairan, heretikoa hauxe da: egia batzuk hautatu eta beste batzuk baztertzen dituena, horrela batasuna apurtuz eta eliz elkartean alderdikeriak sortuz., behin eta birritan zentzarazi ondoren, bota ezazu elkartetik,#behin eta birritan zentzarazi ondoren Mt 18,15-17. 11halakoa oker dabilela, bekatari dela eta bere burua gaitzesten duela jakinik.#halakoa oker dabil 1 Tm 6,3-5.
12Artemas nahiz Tikiko zuregana bidaliko ditudanean, zatozkit lehenbailehen Nikopolisera#3,12 Tikiko: Ik. Eg 20,4 oh. Nikopolis: Grezia mendebaldeko itsasbazterrean zegoen hiria., negua bertan igarotzeko asmoa baitut. 13Zenas legegizonari eta Apolori#3,13 Apolo: Ik. Eg 18,24 oh. eskura iezaiezu arretaz biderako behar dutena, ezer falta ez dakien. 14Gutarrek ere ikas dezatela egintza onetan lehenengoak izaten, premiazko beharrei aurre eginez, gizaki onuragabe izan ez daitezen.#egintza onetan lehenengoak 2,14; 3,8; 2 Tm 2,21; 3,17. premiazko beharrei aurre egin Ef 4,28.
Azken agurra
15Nirekin dauden guztiek agurtzen zaituzte. Agurtu sinesmenean adiskide ditugun guztiak.
Grazia zuekin guztiokin#3,15 Ohi denez, eskuizkribu askok Amen eransten dute..
Currently Selected:
TITORI 3: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso