ESAERA ZAHARRAK 28
28
1Inork pertsegitzen ez badu ere, gaiztoa ihesi;
zintzoa bere buruaz lehoia bezain ziur.#ihesi inork pertsegitzeke Lb 26,17.36.
2Matxinada denean, herriak buruzagi ugari;
gizon burutsu eta adituarekin ordena nagusi.
3Behartsu izan eta, gero, jende xehea zapaltzen duena
uholde suntsigarria da: zer janik ere ez du uzten!
4Jaunaren legea baztertzen dutenek gaiztoa goraipatzen dute;
legea betetzen dutenak, berriz, haren kontra jartzen.#legea bete 28,7.9; 29,18.
5Gaizkileek ez dute zuzenbidea ulertzen,
Jaunaren bila dabiltzanek dena dakite.#dena dakite Jkd 3,9; 1 Ko 2,14-16.
6Hobe behartsu eta prestu izan,
jokabide okerreko aberats baino.#Ik. 19,1.
7Legea betetzen duena seme zentzuduna da,
jende galduarekin dabilena aitaren lotsa.
8Bere ondasunak lukurreriaz gehitzen dituenak
behartsuez errukitzen denarentzat metatzen ditu.#lukurreriaz Ir 22,24+.
9Norbaitek ez badu legea aditu nahi,
haren otoitza bera ere Jaunarentzat higuingarri.
10Zuzenak bide txarretik eramaten dituena,
berak prestatutako tranpan jausiko da;
baina prestuek zoriona izango dute sari.#tranpan jausi 26,27+.
11Aberatsak zuhurtzat du bere burua,
baina behartsu buruargiak ongi ezagutzen du.#bere burua zuhurtzat 3,7+.
12Zintzoen arrakastaz ospakizun handia,
gaiztoak nagusitzean denak ezkutatu.#28,28. zintzoak pozbide 11,10+.
13Bere hutsegiteak ezkutatzen dituenak ondoren txarra izango du,
aitortu eta damutzen denak errukia lortuko.#hutsegiteak aitortu Sal 32,5+; Si 4,26; Lk 18,9-14.
14Zorionekoa beti begirunez jokatzen duena;
bihotz gogorrekoa zoritxarrean jausiko da.#bihotz gogorrekoa Si 3,26.
15Orroka ari den lehoia eta hartz gosetia bezalakoa
gobernari gaiztoa herri xehearentzat.
16Printze zentzugabeak zapalkuntza areagotzen;
bidegabekeriazko irabaziak gorrotatzen dituena luzaroan biziko.
17Hilketa baten zama gainean duen gizakia
hobiraino doa ihesi: ez geldiarazi!
18Portaera prestukoa salbatu egiten da,
jokabide okerrekoa bat-batean erori#28,18 jokabide… erori: Honela ere itzul daiteke: Bi bideetatik okertzen dena, (bietako) batean eroriko da..
19Bere lurra lantzen duenak ogia ugari,
huskerien atzetik dabilenak miseria sarri.#12,11.
20Gizon leialak bedeinkazio ugari bereganatzen;
bizkor aberastu nahi duena ez da zigor gabe gelditzen.
21Ez da bidezko alderdikeriaz jokatzea;
ogi-puska batengatik ere saltzen du gizonak bere burua.#Ik. 24,23.
22Xuhurrak presa izaten du aberasteko;
ez daki premia gorria datorkiola gainera.
23Zentzarazlea estimatuagoa da azkenean
zurikeriaz ari dena baino.
24Gurasoei lapurtu eta «Ez da bekatu» dioena
kriminalen pareko bihurtzen da.
25Gutizia handikoak liskarrak sorrarazten;
konfiantza Jaunarengan duena asebetea izango.#liskarrak 15,18+.
26Bere buruaz fidatzen dena zentzugabea da,
zuhurtziaz jokatzen duena onik aterako.#Bere buruaz fidatu 3,5-7; 1 Ko 3,18-19.
27Behartsuari ematen dionak ez du ezer faltako,
ez ikusiarena egiten dionak madarikazioa ugari.#Behartsuari eman 22,9+.
28Gaiztoak nagusitzean jendea ezkutatu,
haiek desagertzean zintzoak ugaldu.#28,12.
Currently Selected:
ESAERA ZAHARRAK 28: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso