NAHUM 1
1
1Hona hemen Niniveri#1,1 Ninive: Asiriako inperioaren hiriburua; hiriak K.a. X. eta VII. mende artean izan zuen bere gorenaldia. buruzko mezua, Jaunak Nahum elkoxtarrari agertu ziona.#Ninive Jon 1,2+.
Jauna Jainko beldurgarri eta on
2Jauna, Jainko espatsu
eta mendekatzailea da.
Bai, mendekatzailea da Jauna,
zorrotza haren haserrea.
Jauna mendekatu egiten da
bere etsaien kontra,
eutsi egiten dio
arerioenganako haserreari.#Jainko espatsu Ir 20,5+; Jl 2,18+. mendekatzaile Dt 7,10; Is 59,17; Jr 4,4; 5,9; Si 12,6.
3Haserregaitza da Jauna,
baina ahalmen handikoa,
eta ez du erruduna
zigorrik gabe uzten.
Ekaitza eta haize-erauntsia
sortzen ditu ibiltzean;
bere oinez harrotzen duen hauts
dira lainoak.#Haserregaitza Mi 7,18+. Ekaitza sortu Jr 23,19; Ez 13,13; Sal 50,3; Jb 38,1. lainoak Ir 13,21-22; 19,19; 33,9-10; Sal 18,10; 97,2.
4Jaunak itsasoari mehatxu egin
eta itsasoa lehortu,
ibai guztiak agortu.
Gorri geratzen dira
Baxango larreak eta Karmel#1,4 Baxan, Karmel: Ik. Am 4,1 eta 1,2 oh.; Bibliak maiz aipatzen ditu lurralde hauek, baita Libano ere, beren emankortasunagatik. gaina,
Libano loratua zimel.#Jaunak mehatxu eta itsasoa lehortu Ir 14,21; Is 50,2; 51,10; Sal 18,16; 106,9. Baxan, Karmel gaina gorri Is 33,9; Am 1,2. Ik. Is 35,2. Libano Is 2,13+.
5Hura agertzean,
dardaraz jartzen dira mendiak,
koloka muinoak;
haren aurrean
ikaratu egiten da lurra,
baita mundua
eta bertan bizi direnak ere.#mendiak dardaraz Hab 3,6+.
6Nork iraun zutik
haren suminaren aurrean?
Nork egin aurre
haren haserre biziari?
Sua bezala isurtzen da
haren sumina,
eta harkaitzak zartatu egiten
haren aurrean.#Nork iraun zutik? Jl 2,11; Ml 3,2; Sal 76,8; 130,3; Ap 6,17. haserre-sumina Is 30,27. mendiak zartatu Ez 38,20; Mi 1,4.
7Ona da Jauna,
gordeleku larrialdi-egunean.
Arretaz hartzen ditu
babes eske doazkionak,#Ona da Jauna Jr 33,11; Si 5,6; Erm 11,22. larrialdi-egunean babes Is 25,4; Sal 46,2; 61,4-5.
8urek gainezka egiten dutenean.
Baina suntsitu egiten ditu
aurka dabilzkionak#1,8 bere aurka dabiltzanak: Grekozko itzulpenaren arabera; hebreerazkoak beren tokia dio.,
ilunpetara botatzen etsaiak.#urek gainezka egitean Sal 124,4-5.
Ninive eta Judarentzat mezuak
Judako buruzagiei
9Zer asmo darabilzue
Jaunaren aurka?
Etsaiak erabat ezerezten ditu hark:
ez dira bi aldiz altxatuko.#Zer asmo Jaunaren aurka? Os 7,15. Ik. Sal 33,10-11. Etsaiak ezereztu 1,12; Jr 30,11.
10Nahaspilaturik dauden
laharren antzeko dira,
mozkortzeraino edanak daude;
belar iharra bezala
erabat erreko dituzte#1,10 Tx.aren esanahia iluna da jatorrizkoan eta itzulpena ez erabat segurua..
Niniveri
11Ninive, zuregandik atera da
Jaunaren aurka
asmo txarrak darabiltzana,
burutazio gaiztoak dituen gizona#1,11 gizona: Pertsonaia hau Asiriako errege Senakerib dateke (ik. 2 Erg 19,4.16)..#burutazio gaiztoko gizona 2,1; Is 37,23-24.
Judari
12Honela diotsa Jaunak Judari:
«Zure etsaiak,
indartsu eta ugari badira ere,
garbitu egingo dituzte,
galdu egingo.
Makurrarazi zaitut, bai,
baina ez zaitut gehiago
nahigabetuko;
13orain hautsiko dut
zapaltzen zaituen uztarria,
orain apurtuko zure kateak».#uztarria, kateak apurtu Lb 26,13; Is 14,25; Jr 30,8; Ez 34,27; Sal 107,14.
Niniveko erregeari
14Zure aurka, ordea,
Niniveko errege,
hauxe erabaki du Jaunak:
«Ez duzu izango
zeure izeneko ondorengorik.
Birrindu egingo ditut
zure jainkoen etxeetan
zurezko eta metalezko idoloak.
Zure hilobia prestatzen ari naiz,
deus ere ez zara-eta
nire aurrean».#Ez zara deus ere Dn 5,27.
Currently Selected:
NAHUM 1: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso