ISAIAS 52
52
Jerusalemen askapenaren albiste pozgarria
1Esna zaitez, Sion, esnatu,
jantzi indarrez!
Jantzi soinekorik ederrenak,
Jerusalem, hiri santu horrek!
Atzerritar sinesgaberik#52,1 Atzerritar sinesgaberik: H.h., Erdaingaberik.,
kutsaturiko inor
ez baita berriro zuregan sartuko.#Esnatu 51,9.17. Atzerritarrik ez Ez 44,9.
2Astindu hautsa, Jerusalem,
jaiki esklabotzatik!
Puskatu lepoko kateak,
Sion hiri gatibu horrek!
3Hau dio Jaunak:
«Ordainik hartu gabe
saldu zintuztedan,
ordainik eman gabe
askatuko zaituztet».#Ordainik gabe 45,13+.
4Bai, hau dio Jainko Jaunak:
«Hasieran nire herria
Egiptora joan zen,
atzerritar gisa bertan bizitzera;
gero, Asiriak zapaldu zuen
arrazoirik gabe.
5Orain, berriz, zer ari naiz ikusten?
Nire herria hutsaren truke
eraman dute gatibu,
eta menderatzaileek
ulu dagite harro,
nire izena egun osoan
etengabe gaitzetsiz.#Jaunaren izena gaitzetsi Ez 36,20-22; Erm 2,24.
6Baina laster jakingo du nire herriak
nor naizen;
ekingo diodan egunean jakingo du
neu naizela hitz egin diona.
Hona hemen ni!»#jakingo du herriak 49,23+. Hona hemen ni! 40,9+.
7Bai ederra mendi gainetan
albistaria etortzen ikustea!
Bakea iragartzen du,
zorionaren berri ona ematen,
askapena aldarrikatzen.
Sioni diotso:
«Errege da zure Jainkoa!»#mendi gainetan albistaria 40,9+; Na 2,1; Erm 10,15; Ap 14,6. Errege da Jainkoa Sal 93,1+.
8Zure begiraleak deiadarka!
Poz-oihu dagite denek,
beren begiz ikusten baitute
Jauna Sionera itzultzen.#Jauna Sionera itzuli Ez 43,1-5.
9Ekin denok poz-oihuka,
Jerusalemgo horma eroriok,
Jaunak bere herria kontsolatu baitu,
Jerusalem askatu.#herria kontsolatu 40,1+.
10Bere jainkozko indar paregabea
azaldu du Jaunak
nazio guztien aurrean.
Mundu-bazter guztiek ikusiko dute
gure Jainkoaren garaipena.#indar paregabea 51,9. Mundu-bazter guztiek ikusiko Sal 98,1-4.
Alde Babiloniatik!
11Alde, alde! Irten hortik!
Ez ukitu ezer kutsaturik!
Irten Babiloniatik, zaudete garbi,
Jaunaren kultu-tresnak#52,11 kultu-tresnak: K.a. 587. urtean Jerusalem hartu zutenean, babiloniarrek tenplutik eramandako kultu-tresnak, alegia (ik. 2 Erg 25,13-15; Esd 1,7-11).
daramatzazuenok!#Irten Babiloniatik 48,20+; 2 Ko 6,17.
12Baina ez zarete zalapartaka irtengo,
ezta arrapaladan ihes egingo ere,
Jauna izango baituzue
aurretik gidari
eta bera, Israelen Jainkoa,
ondoren babesgarri.#ez zalapartaka Ik. Ir 12,11.33-34; Dt 16,3. aurretik, ondoren 58,8; Ir 14,19.
Jaunaren zerbitzariaren pasioa eta aintza
(Laugarren kantika)
13Jaunak dio#52,13 Jaunak dio: Zerbitzariaren laugarren kantika Bigarren Isaias liburuaren gailurra da. Ez da argitzen zerbitzaria nor den. I.B.k Jesusen nekaldi-heriotzen zentzua argitu eta azaltzeko erabiliko du kantika hau.:
«Nire zerbitzariak
arrakasta lortuko du,
goratua, gorengo mailan jarria
izango da.#Nire zerbitzaria 42,1+. goratua Jn 12,32; Eg 3,13; Flp 2,9.
14Asko eta asko ikaratu ziren hartaz,
hain baitzegoen itxuragabetua,
giza antzik ere gabe,
gizaki ez zirudiela;#giza antzik gabe Sal 22,7; Mt 27,29-31; Jn 19,5.
15era berean,
nazio asko harrituko dira#52,15 harrituko dira: Grekozko itzulpenaren arabera; hebreerazko hitzaren zentzua zalantzazkoa da.,
erregeak haren aurrean
mutu geldituko,
inoiz esan gabeko zerbait ikustean,
inoiz entzun gabekoa aditzean».#nazioak harrituko Mi 7,16-17. inoiz entzun gabekoa Erm 15,21. Ik. 64,3.
Currently Selected:
ISAIAS 52: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso