AMOS 1
1
Sarrera: Amos profeta
1Hona hemen Tekoa hiriko Amos artzainaren hitzak, Jaunak Israeli buruz agertu zizkionak, lurrikara baino bi urte lehenago, Judako errege Uzias zela, eta Israelgoa, berriz, Joaxen seme Jeroboam#1,1 Tekoa: Juda erresuman Jerusalemdik hegoaldera, 15 km-ra dagoen herrixka. Uzias: K.a. 781etik 740ra izan zen errege; Jeroboam, berriz, 787tik 747ra. Israel: Hemen iparraldeko erresuma adierazten du, Salomonen heriotza ondoren eratu zena; hiriburua Samaria zuen (ik. Os 1,1 oh.). lurrikara: Seguruenik, K.a. 750ean gertatu zen..#Tekoa 2 Sm 14,2; Jr 6,1; 2 Kro 11,6. artzain 7,14. Uzias 2 Erg 15,1-7. Jeroboam 7,9-11; 2 Erg 14,23-29. lurrikara Za 14,5. Ik. 4,11; 6,8-11; 8,8; 9,1. 2Hau zioen Amosek:
Orro dagi Jaunak Siondik,
deiadar Jerusalemdik;
larreak galduak dira,
Karmel gaina#1,2 Karmel gaina: Mediterraneo hegian Palestina iparraldean. lehortua.#Orro dagi 3,4.8; Jr 25,30; Os 11,10; Jl 4,16.
INGURUKO NAZIOEN ETA JUDA ETA ISRAELEN AURKA MEZUAK (1,3—2,16)
Siria
3Honela dio Jaunak:
«Damasko herriak
gaiztakeriarik asko egin du,
zein baino zein handiago.
Eta beraz, zigortu egingo dut!
Galaad#1,3 zein baino zein handiago: H.h., hiru gaiztakeria eta laurengatik. 1—2 kap.etan zigor-iragarpen bakoitzean errepikatzen den esakunea. Gaiztakeriaren neurriak gainezka egin duela adierazten du. Galaad: Jordanez ekialdean zegoen lurraldea. erabat txikitu baitute,
burdin arez bezala;#Damaskoren aurka Is 17,1-3; Jr 49,23-27. gaiztakeriarik asko… 1,6.9.11.13; 2,1.4.6. Galaad siriarrek hartua 2 Erg 10,32-33; 13,3.
4horregatik, su emango diot
Hazael errege-etxeari,
eta suak irentsiko ditu
Ben-Hadaden#1,4 Hazael, Ben-Hadad: Damaskoko errege ezberdinen izenak; Israelen etsai bakegaitzak izan ziren (ik. 2 Erg 13,22-25). jauregiak.
5Zatitu egingo ditut
Damaskoko hiri-morroiloak,
kendu Bikeat-Abendik
buruzagia,
kendu Bet-Edendik
aginte-makila duena,
eta Siriako herria Kir-era#1,5 Bikeat-Aben (gaiztakeri bailara) eta Bet-Eden (atsegin-etxe) toki ezezagunak dira; beharbada, Siriako hiriburu Damaskoren izen sinbolikoak. Kir: Mesopotamia Behereko hiria; Ur hiria bera, Abrahamen sorterria, izan liteke.
erbesteratua izango da».
Jaunak esan du.#buruzagia kendu 1,8; 2,3. Siriako herria Kir-era 2 Erg 16,9. Ik. 9,7. erbesteratua 5,5.27; 6,7; 7,11.17.
Filistea#1,6 Filistea: Mediterraneo hegian, Palestinako hego-mendebaldean kokatua; 6-8 tx.etan, bertako hiri nagusietako lau aipatzen dira.
6Honela dio Jaunak:
«Gaza herriak
gaiztakeriarik asko egin du,
zein baino zein handiago.
Eta beraz, zigortu egingo dut!
Herri osoak erbesteratu baititu,
edomdarren esku uzteko;#Filistearren aurka Is 14,28-32; Jr 47; Ez 25,15-17; So 2,4-7; Za 9,5-7. herriak esklabo salduak 2 Erg 5,2; 2 Kro 21,16-17.
7horregatik, su emango diet
Gazako harresiei,
eta bertako jauregiak
irentsi egingo ditu.
8Axdod hiritik
kendu egingo dut buruzagia,
Axkelondik aginte-makila duena;
Ekron hiriaren aurka
jasoko dut eskua,
eta gainerako filistear apurrak
galdu egingo dira».
Jainko Jaunak esan du.
Tiro
9Honela dio Jaunak:
«Tiro herriak
gaiztakeriarik asko egin du,
zein baino zein handiago.
Eta beraz, zigortu egingo dut!
Jendetzak eman baitizkie gatibu
edomdarrei,
anaiarteko itun-hitzari#1,9 Tiro: Feniziar itsasaldeko hiri nagusietako bat, Palestinako iparraldean. anaiarteko itun-hitza: Salomonen eta Tiroko erregearen arteko antzinako itunei buruz esana (ik. 1 Erg 5,26; 9,10-14). eutsi gabe;#Tiroren aurka Is 23; Ez 26—28; Jl 4,4-8.
10horregatik, su emango diet
Tiroko harresiei,
eta bertako jauregiak
irentsi egingo ditu».
Edom
11Honela dio Jaunak:
«Edom#1,11 Edom: Itsaso Hilaren hegoaldeko herria; Jakoben anaia Esauren ondorengotzat jotzen da (ik. Has 25,21-26.29-30; 36); beraz, Israel eta Edom anaitasun-lokarriz elkartuak daude. herriak
gaiztakeriarik asko egin du,
zein baino zein handiago.
Eta beraz, zigortu egingo dut!
Ezpataz aurrean erabili baititu
bere anaia israeldarrak,
errukia itoz;
gogor eutsi dio suminari,
eten gabe gorrotoari;#Edomdarren aurka Is 34; Jr 49,7-22; Ez 25,12-14; 35. Edomek Israel gorroto Zen 20,14-21; Ez 25,12; Jl 4,19; Ab 10-14.
12horregatik, su emango diot
Teman hiriari,
eta Botzra#1,12 Teman, Botzra: Edomgo erregeen egonlekuak. hiriko jauregiak
irentsi egingo ditu».#Teman Jr 49,7; Ab 9. Botzra Jr 49,13.22.
Amon#1,13 Amon: Jordanez ekialdera zegoen erresuma txikia; hiriburua Raba zuen (14. tx.), gaurko Amman, Jordaniako hiriburua.
13Honela dio Jaunak:
«Amondarrek
gaiztakeriarik asko egin dute,
zein baino zein handiago.
Eta beraz, zigortu egingo ditut!
Galaadeko emakume haurdunei
sabela urratu baitzieten,
beren lurraldea
zabaldu ahal izateko;#Amondarren aurka Jr 49,1-6; Ez 21,33-37; 25,1-7; So 2,8-11. haurdunei sabela urratu Os 14,1+.
14horregatik, su emango diet
Raba hiriko harresiei,
eta bertako jauregiak
irentsi egingo ditu;
borrokaldikoan,
guda-garrasiak izango dira
eta ekaitz-egunean bezalako
zalaparta.
15Haien erregeak
erbestera joan beharko du
bere buruzagi eta guzti».
Jaunak esan du.
Currently Selected:
AMOS 1: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso