2 PEDRO 1
1
Agurra
1Nik, Simon Pedrok, Jesu Kristoren zerbitzari eta apostolu honek, zuei idazten dizuet, gure Jainko eta Salbatzailea den Jesu Kristoren#1,1 Simon: Eskuizkribu askok Simeon diote (ik. Eg 15,14 oh.). gure Jainko eta Salbatzailea den Jesu Kristoren: Beste irakurketa bat: gure Jainkoaren eta Jesu Kristo salbatzailearen. salbamen-indarrari esker gurea bezain fede baliotsua iritsi duzuenoi. 2Grazia eta bakea oparo izan ditzazuela, Jainkoaren eta Jesus gure Jaunaren ezagutzari esker.#Grazia eta bakea Erm 1,6-7+; 1 P 1,2; Ju 2.
Kristau-bokazioa
3Jainkoak, bere ahalmenaz, erlijio-bizitzarako behar den guztia eman digu, bere aintza eta indarraz deitu gintuen Jesus ezagutaraziz.#erlijio-bizitza 1 Tm 4,7+. deitu gintuen 1 P 2,9. 4Honela, agindutako ondasun baliotsu eta bikainak ere eman dizkigu, grina txarrek munduan eragiten duten ustelkeriatik ihes eginez, jainkozko izaeraren partaide izan zaitezten. 5Horregatik, saia zaitezte gogoz zeuen fedearekin batera bertutea izaten, bertutearekin ezagutza, 6ezagutzarekin neurritasuna, neurritasunarekin eroapena, eroapenarekin jainkozaletasuna, 7jainkozaletasunarekin senide-batasuna eta senide-batasunarekin maitasuna.
8Jarrera hauek guztiak zuengan gero eta gehiago indartzen badituzue, lagungarri izango dituzue eta Jesu Kristo gure Jauna gero eta hobeto ezagutzera eramango. 9Baina jarrera horiek ez dituena itsua eta bista motzekoa da, ahaztu egin baitu garbitu egin duela Jainkoak bere lehenagoko bekatuetatik. 10Senideok, Jainkoak deitu eta aukeratu zaituzte: saia zaitezte egoera hori sendotzen; hori eginez gero, ez duzue sekula huts egingo#saia zaitezte egoera hori sendotzen 2 Ts 1,11. 11eta zabal-zabal irekiko zaizkizue Jesu Kristo gure Jaun eta Salbatzailearen betiko erreinuko ateak.
Apostoluen testigantza eta profeten hitzak
12Horregatik, ez naiz aspertuko zuei gauza hauek gogorarazten, nahiz eta zuek jakin eta irakatsi zaizuen egian sendo egon.#gauza hauek aspertu gabe gogoraraziko 1 Jn 2,21; Ju 5. 13Izan ere, bidezko iruditzen zait, mundu honetan bizi naizen#1,13 mundu honetan bizi naizen: H.h., oihal-etxola honetan naizen; 2 Ko 5,1-5ean gorputzari aplikatzen zaio irudia, giza bizitza basamortuan beduinoek ezartzen duten oihal-etxola bezain hauskorra dela adieraziz. Idazleak irudi bera erabiltzen du 14. tx.ean. bitartean, zuek bizkortzea zenbait gauza gogoratuz,#mundu honetan bizi naizen bitartean 2 Ko 5,1-5. 14badakit-eta laster utzi beharko dudala mundu hau, Jesu Kristo gure Jaunak agertu didanez.#laster utzi beharko mundu hau 2 Ko 5,1. Jesu Kristok agertu didanez Jn 21,18-19. 15Baina ahalegin guztiak egingo ditut, gauzok beti, baita ni hil ondoren ere, gogoan izan ditzazuen.
16Jesu Kristo gure Jaunaren ahalmenezko etorrerari buruz hitz egin genizuenean, ez ginen oinarritu irudipenezko ipuinetan, geure esperientzian baizik, geure begiz ikusi baikenuen haren handitasuna. 17Jesusek Jainko Aitarengandik hartu zituen ohorea eta aintza, honela esan baitzion Jainkoaren ospe bikainetik etorritako mintzoak: «Hauxe dut neure Seme maitea, hauxe dut nik atsegin».#Hauxe dut neure Seme maitea Mt 17,1-8; Mk 9,2-7; Lk 9,28-36. 18Guk geuk entzun genuen zerutik etorritako mintzo hori, mendi santuan Jesusekin geundela.
19Badugu profeten hitza ere, hitz guztiz sendoa, eta zuek ederki egiten duzue hitz horri adi-adi egonez: toki ilunean argi egiten duen kriseilua bezala da zuentzat, eguna zabaldu eta goizeko izarra zuen bihotzetan jaiki arte. 20Baina, aurrez, hau jakin behar duzue: ezin dituela inork Liburu Santuetako profeziak bere kontura adierazi. 21Izan ere, antzinako profetek ez zuten beren kabuz hitz egin, baizik eta, Espiritu Santuak gidaturiko gizonak zirenez, Jainkoaren partetik hitz egin zuten.#Espiritu Santuak gidaturiko gizonak Eg 3,21; 2 Tm 3,16; 1 P 1,10-12.
Currently Selected:
2 PEDRO 1: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso