1 ERREGEAK 2
2
Daviden azken borondatea
1Azken egunak hurbiltzen ari zitzaizkiolarik, agindu hauek eman zizkion Davidek bere seme Salomoni: 2«Banoa ni denak joan ohi diren bidetik. Izan zaitez adoretsu, izan gizon.#Banoa ni Jos 23,14. 3Bete Jaunaren, zeure Jainkoaren nahia, haren bidean ibiliz. Gorde Moisesen arauetan idatziak dauden lege, agindu, erabaki eta burubideak. Horrela, ongi izango zara zeure egintza eta ibilbide guztietan, 4eta Jaunak beteko dizu niri eman didan hitza#2,4 Jaunak beteko dizu… hitza: Ik. 2 Sm 7,12-16. Jaunak Abrahami eginiko promesak Pentateuko osoaren kontaera kutsatzen duen bezala (ik. Has 12,2; Ir 2,24; 33,1; Lb 14,34; Zen 11,12; 15,2; Dt 1,7), Jaunak Davidi eginiko promes honen kutsua dute Erregeak izeneko bi liburuek (ik. 2,24; 8,25; 11,12; 15,4; 2 Erg 8,19; 19,34; 20,6).: “Zure semeok zintzo jokatzen badute, bihotz osoz eta gogo guztiz nire aurrean leial ibiltzen badira, beti izanen da zureetariko norbait Israelgo errege-aulkian”.#Jaunak hitzeman 2 Sm 7,12-16. zureetariko norbait 8,25; 9,5.
5«Bestalde, badakizu zer egin zidan Tzeruiaren seme Joabek: Israelgo bi gudalbururi, Ner-en seme Abnerri eta Jeter-en seme Amasari, egin ziena. Hil egin zituen, guduan isuritako odola bakealdian mendekatuz; horrela, odolez zikindu zituen nire jantziak. Hilketa horien errudun da#2,5 Abner eta Amasa: Ik. 2 Sm 3,26-27; 20,9-10. Hilketa horien errudun da: Hebreerazko esaera iluna da; hau dio: Hil egin zituen, bakealdian guda-odola isuriz eta gerrian zeraman gerrikoa eta oinetan zituen oinetakoak guda-odolaz zikinduz.. 6Joka ezazu, beraz, argi eta ez utzi berari zaharturik eta bakean hiltzen#2,6 ez utzi zaharturik… hiltzen: Hebreerazko testuak dio: ez utzi Herio Leizera ileak zuritu eta gero bakean joaten.. 7Galaadeko Bartzilairen#2,7 Bartzilai: Absalomengandik ihesi zihoan Davidi behar zuen guztia eman zion gizona (ik. 2 Sm 17,27-29). semeak, aldiz, har itzazu ongi eta jar daitezela zure mahaian, ni ere ongi hartu baininduten haiek, zure anaia Absalomengandik ihesi nenbilen garai hartan.#erregearen mahaian jarri 18,19; 2 Sm 9,10-13; 2 Erg 25,29-30. 8Hor duzu Gera-ren seme Ximei ere, Bahurimgo benjamindarra; izugarrizko madarikazioak bota zizkidan Mahanaimera nindoalarik. Alabaina, bera ere etorri zitzaidan gero bila Jordanera, eta nik Jaunarengatik zin egin nion ez nuela ezpataz hilko#2,8 Hemen aipatzen direnak 2 Sm 16,5-13; 19,17-24 pasarteetan kontatuak daude.. 9Orain, ordea, zuk ez utzi bera zigortu gabe; argia zara eta badakizu zer egin behar diozun: hil ezazu indarrez bere zahartzaroan#2,9 hil ezazu indarrez bere zahartzaroan: H.h., jaitsarazi Hildakoen Egoitzara ile zuriak odoldurik.».
David hil
10Hil zen David eta Daviden Hirian hilobiratu zuten. 11Berrogei urtez izan zen David Israelgo errege: zazpi urtez Hebronen eta beste hogeita hamahiru urtez Jerusalemen#2,11 Segur aski, K.a. 1000. urtea baino lehentxeago hasi zen David errege izaten..#Daviden erregealdia 2 Sm 5,4-5; 1 Kro 3,4. 12Ondoren, Salomon jarri zen bere aita Daviden errege-aulkian eta sendotu egin zuen haren erregetza.
Salomonek Adonias hilarazi
13Behinola, Salomonen ama Betsaberengana etorri zen Adonias, Hagiten semea. Betsabek galdetu zion:
—Bake asmotan al zatoz?
Adoniasek erantzun:
—Bai, bake asmotan.
14Eta, gero, esan zion:
—Gauza bat esan nahi nizuke.
Eta Betsabek:
—Esan.
15Adoniasek, orduan:
—Badakizu neurea nuela erregetza, eta Israel osoak begiz jo ninduela, errege izan nendin. Alabaina, erregetza niri kendu eta nire anaiari eman diote, harentzat baitzuen Jaunak erabakia.#nire anaiari Has 4,5; 25,23. 16Mesede bat eskatu nahi dizut, ez ukatu.
Betsabek, orduan:
—Esazu.
17Eta Adoniasek:
—Esaiozu, arren, Salomon erregeari eman diezadala emaztetzat Abixag xunemdarra. Zuri ez dizu ukatuko.
18Betsabek erantzun zion:
—Ederki. Hitz egingo diot, bada, erregeari zure alde.
19Horrela, beraz, joan zen Betsabe Salomon erregeagana Adoniasen alde mintzatzeko. Erregea jaiki egin zen amaren bila irteteko, eta makurtu beraren aurrean. Gero, bere errege-aulkian jarri eta beste aulki bat ezarrarazi zuen amarentzat, eta semearen eskuinaldean eseri zen ama.#erregearen ama 15,13; Jr 13,18. eskuinaldean Sal 45,10; 110,1. 20Orduan, esan zion amak:
—Mesede txiki bat eskatu behar dizut. Ez ahal didazu ukatuko!
Erregeak erantzun:
— Eska ezazu, ama; ez dizut ukatuko.
21Eta Betsabek:
—Emaiozu zeure anaia Adoniasi emaztetzat Abixag xunemdarra.
22Salomon erregeak erantzun zion bere amari:
—Zergatik eskatzen didazu Abixag xunemdarra Adoniasentzat? Nire anaia zaharragoa dela eta, Abiatar apaiza eta Tzeruiaren seme Joab bere alde dituela eta, horrentzat erregetza eskatzea#2,22 erregetza eskatzea: Hildako errege baten emaztearekin ezkontzea legez haren ondorengo izatea bezala zen (ik. 2 Sm 16,21-22). besterik ez zaizu falta.
23Orduan, Salomon erregeak zin hau egin zuen Jaunarengatik: «Zigor nazala gogor Jaunak, baldin eta Adoniasek esan duen hori bere biziaz ordaintzen ez badu! 24Ala Jauna, gure aita Daviden errege-aulkian ezarri eta sendotu nauena eta, hitzeman bezala, errege-etxea eman didana! Gaur bertan hilko da Adonias».
25Orduan, Salomon erregeak Joiadaren seme Benaias bidali, eta honek Adonias hil egin zuen.
Salomonek Abiatar Jerusalemdik bota
26Abiatar apaizari esan zion erregeak: «Alde hemendik Anatotera, zeure lurretara. Heriotza merezi duzu zuk ere, baina ez zaitut hilko, gure aita Daviden aurrean Jainko Jaunaren kutxa eraman#2,26 Anatot: Jerusalemdik 5 kilometro iparraldera zegoen hirixka. Jeremias profetaren jaioterria izango zen (Jr 1,1). kutxa eraman: Ik. 1 Sm 22,20-23; 2 Sm 15,24-29. izan duzulako, eta berak jasan zituen nekeak zuk ere jasan izan dituzulako».
27Beraz, kendu egin zion Salomonek Abiatarri Jaunaren apaiz izatea; honela bete zen Jaunak Xilon Eliren ondorengoen kontra esaniko hitza#2,27 kontra esaniko hitza: Ik. 1 Sm 2,30-36..
Salomonek Joab hilarazi
28Joab ere, Absalomen aldeko ez izan arren, Adoniasen alde jarria zen; horregatik, albiste haien berri izan zuenean, ihesi joan zen eta, Jaunaren oihal-etxolara sarturik, aldare-ertzetako adarrei heldu zien. 29Jakinarazi zioten Salomoni Jaunaren oihal-etxolan babestua zela Joab eta aldarearen ondoan zegoela. Orduan, Joiadaren seme Benaias bidali zuen Salomonek, hura hil zezan. 30Benaiasek, Jaunaren oihal-etxolara sartu eta esan zion Joabi:
—Hortik ateratzeko agintzen dizu erregeak.
Joabek, ordea:
—Ez! Hementxe hil behar dut!
Benaiasek erregeari jakinarazi zion Joaben erantzuna. 31Erregeak, orduan:
—Egiozu esan duena; hil ezazu eta ehortzi. Horrela kenduko duzu niregandik eta nire senitartetik Joabek egin zituen hilketen errua. 32Bota biezaio berari Jaunak hilketa horien errua, bera baino hobeak ziren bi gizon jator eta zuzen hil baitzituen ezpataz, David gure aitak jakin gabe: Ner-en seme Abner, Israelgo gudarosteen buruzagia, eta Jeter-en seme Amasa, Judakoaren buruzagia. 33Eror bekie Joabi eta beronen ondorengoei hilketa haien errua betikotasunean. Davidek, beronen ondorengotzak, senitarteak eta errege-aulkiak, aldiz, izan bezate beti Jaunarengandiko bakea!#Eror bekie… errua gainera 2 Sm 3,29; Sal 7,17; Mt 27,25.
34Joan zen, beraz, Joiadaren seme Benaias eta hil egin zuen Joab. Gero, bere etxe ondoan ehortzi zuten, basamortuan. 35Ondoren, erregeak Joiadaren seme Benaias egin zuen gudarostearen buruzagi Joaben ordez, eta Tzadok apaiza ezarri zuen Abiatarren tokian.
Salomonek Ximei hilarazi
36Gero, Salomonek Ximeiri dei egin eta esan zion:
—Egin zeuretzat etxe bat Jerusalemen eta bizi bertan, inora atera gabe. 37Noizbait irten eta Zedron erreka igarotzen baduzu, egon ziur hilko zarela. Eta zeu izanen zara errudun.
38Ximeik erantzun zion erregeari:
—Ongi da; errege jaunak esan bezala egingo dut.
Luzaro bizi izan zen Ximei Jerusalemen. 39Behin batez, ordea, hiru urteren buruan, Ximeiren bi morroik ihes egin eta Gateko#2,39 Gat: Filistearren hiria zen, Jerusalemdik 50 kilometro hego-mendebaldera. errege Akixengana, Maakaren semearengana, jo zuten. Morroiak Gaten zirela salatu ziotenean,#Gateko errege 1 Sm 21,11; 27,2-3. 40Ximei, astoa txalmatu eta Gatera joan zen Akixengana, bere morroien bila. Gaten morroiak hartu eta itzuli egin zen. 41Ximeik Jerusalemdik Gatera joan-etorria egin zuela jakinarazi ziotenean, Salomonek 42dei egin eta esan zion:
—Ez al nizun Jaunarengatik zin eginarazi eta ez al nizun zorrotz esan norabait ateratzen bazinen, ziur hilko zinela? Ongi zela erantzun zenidan, bazenekiela. 43Zergatik ez dituzu, bada, bete Jaunaren aurrean eginiko zina eta nik emaniko agindua?
44Eta esan zion, gainera:
—Ongi aski dakizu nolako kaltea egin zenion gure aita Davidi. Bota diezazula Jaunak gainera zeure gaiztakeria. 45Salomon erregea, aldiz, bedeinka beza Jaunak eta sendotu Daviden errege-aulkian betiko#2,45 sendotu Daviden errege-aulkian betiko: Ik. 2,4 eta 2,24 oh.ak..
46Erregearen aginduz, Joiadaren seme Benaiasek hil egin zuen Ximei. Horrela, sendotu egin zen erregetza Salomonen eskuetan.
Currently Selected:
1 ERREGEAK 2: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso