1 SAMUEL 13
13
Filistearren aurka. Saulen akatsa
1…#13,1 Tx. hau ez da agiri grekozko antzinako itzulpenean. Hebreerazko testuan honela dator: Saulek, errege izaten hastean,… urte zituen eta bi urtez izan zen errege Israelen. Ez du esaten zenbat urte zituen errege izaten hastean, eta erregealdia ere laburregia ezartzen dio Sauli. Eg 13,21ean berrogei urteko erregealdia izan zela esaten da.. 2Saulek hiru mila gizon aukeratu zituen israeldarren artetik: bi mila berekin zituen Mikmasen eta Betelgo mendialdean; beste mila, berriz, Jonatanekin ziren Benjamingo Gibean#13,2 Mikmas: Jerusalemdik ipar-ekialdera 12 km ingurura zegoen herria. Betel: Ik. 7,16 oh. Benjamingo Gibea: Ik. 10,5 eta oh.. Gainerako jendea nor bere etxera bidali zuen.
3Filistearrek Geban zuten gudari-taldea hil egin zuen Jonatanek, eta jakin zuten hori filistearrek. Saulek, orduan, adarrak joarazi zituen lurralde osoan, esanez: «Adi, hebrearrak!#13,3 Geba: Ik. 10,5 eta oh. Hemen, ordea, segur aski, beste herriren batez ari da. Grekozko antzinako itzulpenak Gibea dakar. hebrearrak: Ik. 4,6 oh.»#adarrak joarazi 2 Sm 2,28; 18,16. 4Israel osoak aditu zuen berri hau: «Saulek hil egin du filistearren gudari-taldea, eta filistearrak amorraturik daude orain Israelen aurka». Orduan, herria Gilgalera#13,4 Gilgal: Ik. 7,16 oh. bildu zen, Saulen ondora.#Israelen aurka daude 2 Sm 10,6.
5Filistearrak ere bilduak ziren Israel borrokatzeko: hiru mila guda-gurdi, sei mila zaldizko eta itsasertzeko hondarra bezainbat gudari. Igo eta Mikmasen ezarri zituzten guda-etxolak, Bet-Aben-en#13,5 Bet-Aben: Betel hiriari eman ohi zaion beste izen bat da hau; baina badirudi hemen, hegoalderago legokeen beste hiri bati buruz ari dela. ekialdera.#itsasertzeko hondarra bezainbat Has 22,17+.
6Israeldarrak, beren buruak arriskuan ikusirik, larritu eta leize, hartzulo, haitzarte, babesleku eta putzu-zuloetan gorde ziren.#Israeldarrak gorde 14,11.12; Ep 6,2. 7Hebrear batzuk Jordanez beste aldera igaro ziren, Gad eta Galaad lurraldeetara. Saulek, aldiz, Gilgalen jarraitu zuen, berarekin zen jende guztia beldur-ikaraz zegoelarik. 8Samuelek erabaki bezala#13,8 Samuelek erabaki bezala: Ik. 10,8., zazpi egunez itxaron zuen; baina Samuel ez zen Gilgalera agertu eta jende guztia sakabanatzen hasi zitzaion Sauli. 9Orduan, Saulek esan zuen:
—Ekarzkidazue erre- eta elkartasun-oparigaiak.
Eta erre-oparia#13,9 erre-oparia: Gudua hasi aurretik oparia eskaini ohi zioten Jainkoari, laguntza eskatuz (ik. 7,9-10). eskaini zuen Saulek.
10Erre-opariaren eskaintza bukatzen ari zelarik, Samuel azaldu zen. Saul bidera atera zitzaion, agurtzeko asmoz. 11Samuelek, ordea, galdetu zion:
—Zer egin duzu?
Saulek erantzun:
—Jendea sakabanatzen hasi zitzaidala eta erabakitako egunean zu ez zentozela ikusi eta filistearrak Mikmasen bilduak zeudela oharturik, 12esan dut neure baitan: «Filistearrak etorriko zaizkit orain Gilgalen erasotzera, nik Jaunaren onginahia neureganatu baino lehen». Hala, erre-oparia eskaini beharrean gertatu naiz.#Jaunaren onginahia neureganatu Ir 32,11.
13Samuelek ihardetsi zion Sauli:
—Zorakeria ederra egin duzu! Ez duzu bete Jaunaren, zeure Jainkoaren, agindua; bete izan bazenu, betierean sendotuko zizun Jaunak Israel herrian zeure erregetza.#Zorakeria egin 2 Sm 24,10. 14Aurkitu du, ordea, Jaunak bere gogoko beste gizon bat#13,14 beste gizon bat: David aipatzen du hemen, baina ez da honetaz mintzatuko 16. kap. arte.; horixe ezarriko du Jaunak bere herriaren buruzagi, zuk ez baituzu bete Jaunak agindutakoa.#bere gogoko gizona Eg 13,22. buruzagi ezarri 25,30.
15Jaiki zen Samuel eta, Gilgaldik, Benjamingo Gibeara igo zen#13,15 Zenbaitek, hebreerazko testuan tx. hau osorik ez datorrelako, honela itzuli ohi dute, grekozko antzinako itzulpenari jarraituz: Samuel Gilgaldik atera eta bere bidetik joan zen. Gainerako jendeak Sauli jarraitu zion, Benjamingo Gibean zeuden gudariekin elkartzeko. Zenbatu zituen Saulek berekin zituen gizonak: seiehunen bat gizon.. Saulek zenbatu egin zituen berekin zituen gizonak: seiehunen bat gizon.
16Saul, beronen seme Jonatan eta biekin zen jendea Benjamingo Gibean zeuden; filistearrak, berriz, Mikmasen#13,16 Mikmas: Jerusalemdik ipar-ekialdera 12 km ingurura zegoen herri hau 16-18 tx.etan aipatzen diren herrien tartean zegoen: iparraldera Ofra eta Xual (Biblian hementxe bakarrik aipatuak) zituen, hegoaldera Gibea, mendebaldera Bet-Horon eta hego-ekialdera Tzeboim harana., etxolatuak. 17Filistearren kanpalekutik gudari-talde erasotzaile bat atera zen hiru sailetan: sail bat Ofrarako bidetik zihoan, Xual alderantz; 18beste sail batek Bet-Horonerako bidea hartu zuen, eta hirugarrenak Tzeboim haran gainean dagoen mugarantz jo zuen, basamortu aldera.
19Ez zen Israel osoan errementari bakar bat ere, honela esaten baitzuten filistearrek: «Ez da komeni hebrearrek ezpata eta lantzarik egin dezaten».#armak egitea Jl 4,10. Ik. Is 2,4; Mi 4,3. 20Hain zuzen ere, filistearrengana jo behar izaten zuten israeldarrek beren golde-nabar, aitzur, aizkora nahiz igitaiak#13,20 golde-nabar… igitaiak: Tx. honetan eta hurrengoan hebreerazko tresna-izenak itzultzeko erabili ditugun euskarazkoak ez dira, beharbada, oso zehatzak. zorroztera. 21Zilarrezko txanpon erdia balio zuen goldea nahiz aitzurra, sardea nahiz eztena#13,21 Hebreerazko testuak ulergaitz diren beste bi hitz dakartza. Grekozko antzinako itzulpenak ordainketari buruzko xehetasuntzat hartzen ditu. zorrozteak. 22Honela, bada, borroka-eguna heldu zenean, Saul eta Jonatanekin ziren gudariek ez zuten ezpatarik, ez lantzarik eskuetan, Saulek eta honen seme Jonatanek izan ezik.
23Bitartean, filistear gudari-talde bat atera zen Mikmaseko mendiarterantz.
Currently Selected:
1 SAMUEL 13: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso